2017年5月8日 星期一

冰島環島自駕遊之旅2016-11-15~16第十一~十二天(冰雹及後轉陰)

星期五放左工...陪毛寶去買野....由中區行到去筷子基....買完諗住食宏安....點知最後一致通過食新麻蒲~佢d牛真係好好味~~然後再由筷子基行去新馬路再行番屋企~真係有益身心的活動~係喎係喎~~我唔記得講呀~~我之前哥晚寫完blog無啦啦見有平機票~~即刻同毛寶短商量兩分鐘就買了~~看下面報時~~~星期六...一大早俾屋企個門鐘驚醒...以為媽媽唔記得帶鎖匙...一開門係我約左佢12點半既毛寶..再望下哥時已經1點~~(我其實較左11點半起身的但較錯左夜晚11點半~).....佢話佢以為我屎左所以好驚衝上黎~(鎖你~嚇親你~)...好彩還是順利的食到馬慶康~不然我的罪更大~下午就去左買旅行d野...再番左屋企坐下..夜晚叫外賣食..空氣好差~唔出街為妙~食飽飽又去左探阿拉姨個姨甥仔~今次有個新嘗試..就係試下佢哥隻i字牌既奶粉...毛寶個大姐姐沖左俾我試....勁臭~~~~好似飲緊d好腥既魚湯~~~勁令人反胃~~~星期日...今日知醒喇~自動自覺知醒添呀~中午食左八分目~(又食)....我同毛寶兩個人叫左3個set食搞到呀老闆好驚.....但3個餐我地兩份食才是你們的主旨呀~(八分目=八分飽)....食飽又行下致富買旅行d野.....然後番毛寶家坐坐...坐坐下就講聖誕買機票....講講下大比同毛寶本身係想佢爸媽去台北呀宜蘭呀.....點知俾我搵搵下某國機票仲平過去台灣....一時興起......就買了(咦....呢幾日決定左兩個旅行..好勁)....之後毛寶就幫我剪頭毛~夜晚又叫左關東煮外賣~再上去探阿拉姨個姨甥仔~周末都忙忙的~星期一上班日更忙....真係做到我係counter有d頭暈..............................



2016-11-15~16
Day 11~12(冰島 Iceland->芬蘭, 赫爾辛基 Finland,Helsinki->香港 Hong Kong->澳門 Macau)

早唷~呢日凌晨4點起身~因為今日搭早機走~食早餐時講開....因為噚晚有唔知幾多年一遇既超級月亮...我同毛寶都狂係酒店房望出去個天...由於超多雲..都望唔到...冷不防我媽講一句:下?你地睇唔到咩?我睇到喎~..............又唔話俾人聽!好衰架!......一睇個早餐就知我假食...求其食少少就算~




食飽早餐攞埋行李就行過去機場...其實好近...如果無行李3分鐘就行到去...就係推住行李行緊過去既時候.........無啦啦落好密既冰雹囉!!!!!!!狂打落我塊面同埋對手度!!!勁痛!!!!我地為冰島美人配音:走啦你地!!扯呀!!!!...........係呢...美人...你幾時咁憎我架?????好喇...首先做左self check in先~




咦~黎到self check in時又有得再重新揀位喎~~~有前好多既位揀添~~~~~好開心又揀番我地心水位~~可以兩兩咁坐中間行~~~(睇下d人心急到~~攞左條行李tag要自己痴番落去gip度~)




之前退稅係禁區入面做....依家又轉左係禁區外做~自己留意下~




好啦~又入到黎禁區喇~我都幾鐘意呢個北歐風既機場~




周圍睇下duty free~~~終於發現有臭鯊魚買囉!!!!!!!毛寶之前一直都好想買~~~~但....依家又買唔到..因為我地轉機係芬蘭停好一陣子...又唔知佢會唔會飄d臭味出黎...就要作罷........失望




好咯~~~上機囉上機囉~~~我地搭Iceland Air既AY6816(同Finn Air share code)係07:30由冰島直飛去芬蘭赫爾辛基~華~乜依家Iceland Air都玩d極光燈既野呀~




拜拜喇美人~~下次唔好咁對我喇~~d冰雹打面好痛呀~~




我心入面祈望著!!!會唔會??會唔會??會唔會俾我係機上面見到極光?????????????????????????心入面有一萬個興奮之下......見到前面光光的~~係唔係呀??答案係我地迎來日出了(誤)..................................................




天色漸漸光漸漸光..我係呢程機睇左套黑天鵝







穿過雲層到達芬蘭了~大約13:00到達赫爾辛基~





降落時影的縮時攝影~



落左機之後重裝著番d衫~因為呢轉既轉機時間要等成11個鐘~~~唔係機場等喇~~悶屎人喇~~~~我地決定左出市區走走~~~~~~~~原來呢個時候個機場都係無咩人喎~~~




好喇~我地係Terminal 2度落機既~其實一出座建築物就有巴士站~哥時上網睇話係21號月台~點知已經又轉左~所以自己搭哥時望清楚啦~呀~係喎~唔記得講~我地係搭"615"巴士出市區~




比起舊年黎又加左價~依家要€5.5=45.7hkd....買飛可以係巴士站個自助機買又得~或者上到車直接同司機叔叔買又得~~~大約搭40分鐘多少少~去到市區哥個站係赫爾辛基中央火車站落車~唔使驚唔識落車~因為機場Terminal 2同埋市區火車站都係總站~




上次出市區快d~因為係清晨仲未有人搭~佢又唔使停站俾人上落~華~其實我好開心終於見到雪~點解~~~點解~~~~~冰島仲未有雪~~~~~~不過街d雪好污糟~~~




好啦~40多分鐘就會黎到赫爾辛基中央火車站~





相同的景物...有雪景時望的...跟沒有雪景時望的...感覺很不一樣






赫爾辛基市區第三次走過~第一次跟團~第二同第三次都係因為轉機為攝時間求其走走~商店街周圍都有聖誕樹呢~




雪景的商店街~<3






我有無眼花?有支冰島國旗既?




又行到黎海邊個碼頭市集~







行過見到隻雀...隻雀勁搞笑~~~好似係卡通入面走出黎哥d咁~~~~而且勁大隻~淨係望佢你感受唔到有幾大隻~同毛寶企埋一齊就知~





要來的是老農貿市場(Vanha Kauppahalli)....今次終於入到去~~上次星期日黎到~~佢無開~記著淨係開星期一至六咋~~






入面有餐廳~~有賣新鮮蔬果~~立立雜雜咩都有d咁~





好鐘意睇佢地凍櫃有咩賣~因為砌得好靚~最多就係賣三文魚~各式各樣的~









最鐘意呢盤三文魚~因為隻色好有聖誕氣氛~




好驚話~有熊既罐頭...€30=249hkd




仲有賣醬既~




也有賣芝士的~




仲有一間係賣麵包既~~佢地仲有隻蛋白曲奇係做到雪人咁既造型既~~~~~好可愛~~~~(但亦有可能唔係蛋白曲奇~~)





哈哈~好開心咁行左一大輪~~其實我地係想食野的~本身想食某間餐廳的~~~但點知無我地想食既青口~又轉另一間~本身想揀呢間樣靚靚既cafe~但後尾...發現有更適合我地既...




最後~我地揀左一間最岩我地食既~~~(唔代表最好食呀~只係我地一見就好想食~)...哈哈~~係食越南河架~~~




整條蝦卷食下先~€4.9=40.67hkd....又唔係真係話好好食既~就係想叫d小食囉~平時食越南野我都好少叫呢種食~




炸蔬菜春卷...€4.9=40.67hkd....都不錯~~我最鐘意食炸野~




上圖牛肉Pho...下圖雜錦Pho(牛肉+雞絲)....各€9.9=82.2hkd......牛肉同雞肉都好鞋.....但牛肉都算幾有牛味~但重點係出面凍冰冰有一口極熱既湯+粉食下~已經好正覺得~食咁多日西餐真係好~難~頂~~~~~





再行番出黎出面d市集收得七七八八~但頭先經過既呢隻船就哂燈咁有哂橋可以上去咁...唔通餐廳黎既?





呀~~~回程時行內街經過赫爾辛基主教座堂(Helsingin Tuomiokirkko)~~~同上次睇好唔同呢~有雪真係變成另一個景~突然覺得靚左好多~





有電車的城市都很有特色~(香港既叮叮我都覺得好正~)...不過落雪真係要小心d行~因為行山鞋已收入gip中~依家著緊普通波鞋~有d跣腳~





由於食飽飽仲有時間~所以跳左入某商場入面間starbucks飲杯野先~~叫左我最鐘意既Caramel Macchiato~~但點知最後變左Toffee Nut Latte.........但勁好飲~~~~~但澳門淨係得聖誕哥期出過一陣咋.....唯一一杯熱既咖啡飲料我係覺得好飲~(平時飲親都要飲凍的~)




好啦~借埋廁所就走lu~出番黎天都黑哂~聖誕樹既燈都著哂~




又番到黎赫爾辛基中央火車站喇~




7號月台~望住615巴士個牌見到有飛機標誌就安心真係去機場的~回程價錢一樣~





華..呢張相好動感~大約又係40分鐘又番到黎我地要搭飛機既Terminal 2喇~




hi~又見喇熊仔~凍嘛?我走喇~




呀~臨入禁區前~燈飾很美~





好喇~入左閘d團友又去睇睇有咩買~(其實行黎行去都係哥間duty free~)...目不暇給的芝士櫃~我媽忍唔住買左兩大舊番澳門~




姆明糖好靚呀~




之後我地換好衫(因為除番條雪褲~)..過埋海關...又衝入去程時入過既Almost@Home Lounge~~係Gate32之前(係過左國際線海關...係個duty free隔離~)..我覺得呢個正過另外一個~




毛寶又去左沖涼~我又去左8下有咩飲啦~上次晨早流流唔飲酒~依家飲岩哂啦~~~~~飲少少上機又可以訓喇~~~白酒~~我揀左飲左邊哥支~幾好~係我鐘意既偏甜款~




Sparkling Wine都有兩款~兩款都試哂~




紅酒仲多選擇~不過我都唔識飲~其實試左其中一種阿根廷來的紅酒~




食物就唔係好多~飲左個熱湯再攞d送酒小食~狂飲野~以唔使錢黎講~好多酒試~仲有一種有汽既水蜜桃味既水...神秘團友欣賞到不得了~




坐到夠哂皮就去等上機~(今次又無話俾我地聽3小時要走喎~話可以坐到上機前~)好喇~我地回程坐Finn Air既AY0069號班機係23:55由芬蘭赫爾辛基直飛回香港~之前咪話好嬲佢網上Check in自動幫我地改坐全機最後既?...我地自己係機場self check in時再揀過...揀哥時都有d怪怪的感覺...一改可以改到咁前既?d行數一睇就知好前....點知....佢俾我地揀左特選經濟倉喎!!!!!!!!!!!!!!!!!!!!!!!!前面就係商務喇~~~~睇下坐得幾前~~~




華!!!!!!!!!!!仲要有過夜包呀!!!!!!!!!!!!!!!!!!!!好開心呀!!!!!!因為我好鐘意Finn Air呢隻花架~~~~我覺得呢個圖案好靚~~~~內容物無咩特別~但個袋完勝一切!!!!!!!對上一次坐經濟倉有過夜包好似係坐維珍航空去澳洲~





特選經濟倉就是特選經濟倉~好~~~~闊呀~~~前面個網袋放滿野都仲可以伸直對腳~~咁好康既野未到最好康~就係特選經濟倉無坐滿人~~毛寶隔離位去左搵佢個fd子坐另外一行~所以我地兩個人坐3個特選經濟倉位~~~~~~~~~~(灑花~~)..咁既事都俾我地4個遇到~~~~~.......雖然唔使俾多錢而坐到特選經濟倉係好開心......但....發生左一件好痛既事...就係呢條Finn Air既機票入唔到Asia Miles!!!!!!!!!!!!!話我地個買呢個倉等無得入!!!!!!!!!!!!!!!!!!!!我哥9000里無喇!!!!!!!!!大拿拿9000里呀!!!!!!!!!!!!!!!!!!!!




第一餐....勁似西式牛肉餅....未致於難食..但咸左d囉~特選經濟倉個飛機餐係同經濟倉一樣..但食先快好多...我發現我差唔多食完佢地先剛派完全部經濟倉~呢餐都係飲藍莓汁~芝士好食~





食飽飽訓左覺~呢兩程長途機我算訓得多...睇得唔多戲(另一原因可能係佢藏戲量少..無咩睇).....我都係睇左哈里波特第二集同第三集~



降落前的早餐~蛋類料理仍然難吃~我仍然飲藍莓汁~




大約15:30就到達香港國際機場~華...第二日又要番工喎~機場船又要等到唔知幾點...唔係唔搭尊豪下嘛~$502hkd/人




你知啦~有人幫你攞行李~搬行李~車你出碼頭~睇下兩手fing fing幾開心~




出到碼頭又有專屬地方等上船~




又少人搭喎~個位又舒服d喎~




又有野食喎~我下次決定唔食公仔麵~因為我見佢個叉燒飯幾唔錯~佢個甜品Tiramisu勁好食囉!!!!堅想食多個~~~(其實佢有問我要唔要多個..但我扮少女話唔要~)...落左船又有人幫手搬行李...再車埋你番屋企~我阿媽都對呢個服務表示極大的滿意~係香港機場坐尊豪係最抵的~




係冰島太多雲睇唔到超級月亮~隔兩日番黎澳門補番~





總結:
1.使費:8,148hkd(來回冰島至香港機票)+4930.4hkd(10晚酒店)+2,361.4hkd(9天租車)+4,914hkd(食+買)+632hkd(機場來回船飛)+278mop(12天旅遊保險)+285mop(雪褲+冰爪)=20985.8hkd+563mop!!!!真係同去4日日本差唔多~~~玩左10鬆日~所以話...你去少次日本未必買到樓...但係可以去到一次冰島~~~~~~~我地d住宿9晚酒店1晚guesthouse!!仲要特登住d好少少既~~除左幾晚食杯麵...餐餐都係出去食~呢個價錢真係算係咁~
2.唔...第三次去冰島~我最開心係去到冰洞..但媽媽跌親又令我好心痛...
3.點解今次又係因為車既問題差d屎!!!!!好驚呀!!!
4.今次本身超期待睇各大景點既雪景......之前我見d朋友去10月尾已經超多雪...但....去年就係一個遲來的冬天....去到11月中仲未有雪...但又無上次秋天咁紅紅黃黃......我真係有點失望.......
5.依家越黎越多人去~跟我第一次去冰島時既感覺完全唔同.......真係超多人...無左荒蕪既感覺..有點失望...
6.但你問我會唔會再去第4次...我又可以肯定答你:會!!因為仲未去西北面同埋未睇過雪景~
7.多謝出發時阿Sam車埋我同媽媽去碼頭呢~多謝毛寶豬策劃成個行程~~仲要辛苦佢揸埋車~~~成個冰島之旅都係佢揸~~~我都知你辛苦架喇~*3*....但同時間你又進階左喎~獨自一人都可以揸車環冰島一圈~好有型~
8.美人~離開~是為了回來唷~
~The End~
~多謝收看~







天呀~~~~
我好掛住sunny bb呀~~~~~~~
我哥日同毛寶講:我無話俾你知我仲好鐘意sunny一樣野..
毛寶:咩呀?
我:我好鐘意佢有暗瘡呀~
毛寶:................係點解??等佢可以唔使俾人搶走?
我:因為我覺得好似佢咁樣一個咁有才華又靚仔既人....有暗瘡係好貼地既一件事~自己偶像同自己一樣有暗瘡...我覺得好幸福~<3
毛寶:................................................(我知佢心入面一定諗緊都唔知你講緊乜x~~~~~~~~~)
佢地噚晚飛左去倫敦喇~~~~~~~~~
唔知點解好唔捨得~~拜拜~
(好似真係佢個fd咁...又唔係去左唔番~~)
仲要噚晚即刻發夢夢見係候機室見到Sunny bb等上機...(呆)
好喇.....關閉花痴mode...我要做一個能收能放的女孩~



2017/05/08的開心事:
我今日見到毛寶..仲有佢姨甥仔~
整天最美好的事~



報時:距離毛里裘斯渡假+馬達加斯加麵包樹之旅2017仲有---11日~
報時:距離與毛寶慶生快閃台北之旅2017仲有---142日~
報時:距離日本四國自駕遊之旅2017仲有---158日~
哈哈~~呢個係今年同媽媽既旅行黎既~
舒服d同你去日本啦~唔使你去行山咁辛苦喇~~~
我同毛寶終於都走出去日本既舒適區域喇~
(即係唔去東京同埋大阪~)
仲有仲有一個報時~~~~~就係....
報時:距離新加坡熱辣辣聖誕節之旅2017仲有---227日~
去新加坡比去台灣機票還要平$300多...
還是去吃胡椒蟹吧~(興奮!!!!)

40 則留言:

  1. 一次旅行完結,就有另一次旅程開始^_^旅行真是開心,同媽媽去更加開心,小T真是一位孝順女,去咁多日以這個價算係平啦,突然又了兩個旅行報時器,真羡慕你呀,星加坡的胡椒蟹想起我都想食,流口水中﹗

    回覆刪除
    回覆
    1. 無錯~又或者離開..是為了回來嘛~
      都係呀可以令佢睇到極光我都好開心呀~希望媽媽都開心~
      係呀呢個價真係好抵~
      哈哈~~~~我都好開心有得去新加坡~~~~我都流口水了~

      刪除
  2. 我真係無毛寶咁叻,可安排好行程的本事

    回覆刪除
    回覆
    1. 好友☁。゚🌙瞓覺囉🌜甜夢安睡🌛💤
      ╔╗╔╗╔╗╔╣🌟╠╣aΡpy週二✨
      ╚╣╚╝╚╝╚╝◇*¨°¨*¤。。゚º⊹
      ╚╝.___☆╔╗─╦─╔╗─╦╦─╔╦╗*
      ____★__║║─║─║╗─╠╣──║
      __✬____╩╚─╩─╚╝─╩╩──╩❉

      刪除
    2. 仲有11日...又可吃喝玩樂

      刪除
  3. 一個接一個開心旅程, 好羡慕你呀。
    絕對同意由香港機場搭Premier是最抵既, 亦因為有左佢, 我不再惶恐在香港機場等船回澳門了, 簡直有點期待, 哈哈

    回覆刪除
    回覆
    1. 多謝多謝~去旅行真係最開心的~不過次次有d蝦碌野~
      真係不能同意更多....同埋加上依家機場船班次少左咁多.....
      都驚既...如果班機超過10點到香港咪驚囉....因為賣船飛個counter都close左就無尊豪~~~~~~~~~~~

      刪除
  4. 看妳的日誌與旅遊事總令人心情愉快
    毛寶幫妳剪的是新髮型嗎
    看到充滿聖誕感覺的三文魚飛也想咬一口

    回覆刪除
    回覆
    1. 多謝~
      梗唔係~都係冬菇仔咋~
      我都想試~唔知好無食呢~

      刪除
  5. 嘩嘩嘩,聖誕節來新加坡,應該會係熱少少,但係又可以食雪糕麵包同蟹啦!!

    回覆刪除
    回覆
    1. 應該...無4月咁熱架可~~~~~~~~上次4月黎真係頂唔順~~~
      我超鐘意雪糕麵包同埋胡椒蟹~~~~~~~

      刪除
  6. 嘩~~~~年底好忙喎你wakakaka...四國自駕正呀,等睇@@
    十幾日二萬鬆啲抵玩(仲要坐到Premium Econ),下次係咪一二月去會多啲雪睇?

    回覆刪除
    回覆
    1. 係~~~~~~有兩個月特別忙~~~好開心~~~
      一二月又驚佢大風雪@@真係好煩~~~
      Premium Econ是一個意外~~~

      刪除
  7. 落雹可能叫你地快D走,咁先有機會揀到靚位
    轉機要等十一個鐘都幾悶,好彩芬蘭都有地方行
    有時旅行就係要有特別事發生先會變得難忘,可以安全渡過,冇重大損失就好了,你媽媽隻手係咪差唔多完全康復?


    有關偶像、追星會令我諗起一句動畫對白 ... 不過你未必想聽,有機會再講

    回覆刪除
    回覆
    1. 可能係呀哈哈~~~~
      好彩佢個機場都幾近市中心~來回都係個幾鐘~咁就可放心出去行下~
      好番喇佢~~~~我好開心~
      黎啦講啦~~~~點會呀~~~~唔會打擊到我既~

      刪除
  8. 好多個報時器丫!!!!!!

    回覆刪除
  9. 突然多左兩個報時好興奮呀真係 爽爽呀
    雪人曲奇好可愛呀 好想食呀
    日本四國近來好多人去呀 期待你的遊記
    寫出冰島 星期四要寫sunny lah hahhaa

    回覆刪除
    回覆
    1. hehe~~~~希望最尾一個快d出埋~~~~~
      唔知咩味~~可能勁甜~~
      好多人去呀~日本咩地方都多人去咁滯~~
      你又吹我唔脤~~我又忍得住唔出~~~~~XDXDXD

      刪除
  10. 依家去全世界機票都好平,真係去唔晒咁多,哈哈~
    極光燈同冰島航空好襯呀!
    有報導講,歐洲取消左以百計的冰島團,因為當地物價急升而取消

    回覆刪除
    回覆
    1. 盡自力能囉~~~~呵呵~~~~~
      係丫~~~~連finn air都有~~~
      華.......又蝕一筆喎...不過依家真係太多人去...係勁多~

      刪除
  11. 我啱啱都有同乾去完冰島返嚟,買咗包魚乾定婆魚乾,我試咗一塊個口馬上變臭。
    芬蘭D相勾起哂幾年前去嘅情況呀,好想再去多次。
    Marimekko個過夜包好正,好想要個袋。我唔明咁你算唔算upgraded? 但又唔可以草積分,好奇怪。
    嘩... 好突然咁你又多咗2個報時器。正。

    回覆刪除
    回覆
    1. 魚乾應該蟹姣吧~~~~~~
      芬蘭我麻麻~~~~都係鐘意挪威或瑞典多d~~~不過之前都係跟團去~可能未發掘到好野玩~
      係呀係呀!!!!!!個袋好靚~~~~~雖然質感一般~但係我根本無俾多既錢坐到Premium Econ...無咩好怨~~
      我都唔知呀~佢無啦啦self check in可以俾我揀前d既位...可能econ佢超賣左卦....之後佢起飛前有叫咪同後面d econ講話可即場俾唔記得幾多歐羅轉Premium Econ.....好似得一個人理佢~~~~我send mail去Asia miles問佢話我買哥個class無得儲喎...嬲到我呀
      好開心呀~~有得食胡椒蟹~

      刪除
  12. 現在D新出廠飛機大部份都用上LED 光燈.... 所以好幻彩.

    毛寶一個揸哂, 一定有種萬里獨行的豪氣.

    回覆刪除
  13. 回覆
    1. 差呀..毛寶呢幾日都話個鼻好痕~

      刪除
  14. 妳典解對自已冇信心呀.....怕人搶走妳個Sunny BB.....
    是否以前被人搶過呢....哈哈哈

    回覆刪除
    回覆
    1. 哈哈~sunny bb係佢女朋友既~
      茅d咁既樹~

      刪除
  15. 越南河個碗真係好思鄉~~哈
    果個芝士櫃多到呢.....真係舊舊都想買

    回覆刪除
    回覆
    1. 簡直係解鄉愁~~~~
      無錯~仲幾好食添我地買哥兩舊~

      刪除
  16. 毛寶好好喎!您有個好朋友!
    Viands~~~~~~
    和媽媽又留下一個印記!活在當下!加油!

    回覆刪除
    回覆
    1. 佢簡直係勁添呀~~~
      好開心呀~正~

      刪除
  17. 使唔使咁多報時呀?去完台北幾日又日本,辛苦哂你

    回覆刪除
    回覆
    1. a~~唔好咁講~唔好咁講~都隔左成10鬆日架~

      刪除
  18. 雪人蛋白曲奇好得意!! FINN AIR咁好比大家係Check in時可以揀到坐premium economy, 起碼坐得舒服好多.

    回覆刪除
    回覆
    1. 係呀~~不過我無買黎食怕好甜~~
      係幾舒服既~但儲不到AM是可惜的...

      刪除