2017年4月27日 星期四

冰島環島自駕遊之旅2016-11-13第九天(雨天及後轉晴)

星期二....整天落雨..無咩特別~媽媽去左旅行~咩都自己搞~~星期三~放工之後同左Diana去上游打邊爐~d牛肉真係好正~~~星期四......工作量還好~華~~~~要過五一黃金週呀~~~~放三日假..然後番一日又放佛誕節爽爽~咁呢~下星期一放假喎~大家...明架啦~~~~~~~因為黃金周我日日都有節目~~~~



2016-11-13
Day 9(冰島 Iceland,Laugarbakki->金字塔神山 Búlandstindur->博格內斯 Borgarnes)

今日都係早早起身食早餐~因為今日車程長呀~費事好似噚晚咁搵唔到住宿啦~咁早d行行程咪早d去搵住宿囉~呢間d早餐都唔錯喎~個格仔餅幾好食~牛角包也不錯吃~




一早出發又係一個大雨天....難為毛寶揸車....咁大雨真係好傷神.....今朝條路仲要係上山既超碎石路...仲要成3個鐘車!!...辛苦了!!!!!




黎到小鎮Djupivogur....矇到咁喎d景色...唉~




見到神山Búlandstindur喇!!!!激動!!!!!!我地叫佢做扭紋雪糕山(因為個頂有雪哥時真係好似扭紋雪糕~)......但.....d雪糕呢?????????????




說好的扭紋雪糕山呢???依家只有扭紋..沒有雪糕...心傷!!舊年冰島既冬天真係來得晚了很多!!!!!!




就算落雨...都要落車睇下啦!!!揸左成3個鐘車黎喎...沿路又大風大雨喎!!沿住佢個瀑布行個大半圈啦....落雨落到成身都濕哂....






無奈之下還是要走.....臨走係油站食少少野先.......見到油站入面有神山冬天張相掛係度!!心酸!!雖然我地唔係想睇咁多雪...但都希望有少少雪啦~~~




食條熱狗安慰下自己先~~




食飽最多咪半個鐘....點知一出去...下..又出太陽....落左成朝雨.....終於落夠喇???




所以再兜去扭紋雪糕山睇下囉~就算係晴天無雪都係差好遠....嗚嗚...走喇人地!!





沿路走哥時見到其他山都有雪架!!!點解淨係你無??




頭先黎既時間咩都睇唔到...又大風又大雨又大霧...回程終於睇清楚周圍~原來兩旁有地衣架~






一路上仲要有耶穌光~~吹你唔漲~






黎到今晚既住宿喇~~~Icelandair Hotel Hamar...地址:Hamar Golf Course, Borgarnes, 310, Iceland.....每房1422.5hkd....每人每晚711.3hkd....間房幾大~但有少少舊~




一開對落地玻璃窗行出去個景係咁架!!!!好靚!!!!!如果今晚有極光睇真係無敵喇~



安頓好就到博格內斯(Borgarnes)市中心嘆嘆~話哂今日咁早出門口~又黎到Blómasetrið...地址:skúlagata 13, borgarnes, Iceland.....上次都有黎過~




hello~~~Gosi~~~又見你喇~~~~~~你好嗎???




家庭式經營~都幾溫暖丫~~~佢地仲有開guesthouse添~





勁乖~我飲茶~ISK450=31.6hkd~~我幾鐘意套杯~




毛寶唔乖~佢飲Swiss Mokka....ISK590=41.4hkd~但好似無上次咁好飲既?




神秘團友叫左個湯飲~價錢無影低~係好酸好酸既蕃茄湯~




媽媽的Expresso...ISK590=41.4hkd...算貴~




Waffle with Cream...ISK850=59.6hkd.....上次食好好食...佢d cream好好味...個窩夫又皮脆內嫩...但今次明顯地失敗~點解我今次食咩都無上次咁好味?(除左龍蝦)




不過還是很悠悠閒咁嘆啡都幾好~我記得我地一路上網一路出面d風吹到彭彭聲~~




呢間野仲有其他野賣~可以一看~我記得有人有買野~但我唔記得佢地買左咩~(廢up)...呀~好似係我阿媽買左鹽~




拜拜Gosi~下次再見~<3




飲啡後緊接去食晚餐~~~~~(好變態~但都無咩做~咁大風唔想周圍行~)...行去攞車時見到有一戶人家的小可愛~~~做咩咁可憐there隻窗呀~~~~話實在..你幾襯條窗廉~





今晚晚餐係之前食過既The Settlement Center...地址:Brákarbraut 13-15,310 Borgarnes, Iceland....我記得呢個時候勁級大風~~~





好好味既包同埋牛油~~




wow....叫我放係我既Bucket List喎...講到咁....試下啦~~~




有人叫白酒飲...好似係毛寶~唔記得幾錢~




侍應推介的啤酒~分別屬於神秘團友及我娘親..各ISK1,200=84.2hkd......但兩支個味好似一樣咁~但好聖誕feel~





Swiss Mocha...ISK650=45.6hkd....我的~點解?點解又係上次飲好味d?我做唔到上次一路講好好飲一路傻笑個白痴樣喇!




呢碟野名叫The Bucket List Dish......ISK2,900=203.5hkd.....你準備好未???????衝呀~~~~~~~~講真...Rye Bread同牛油點入Bucket List呀?...哥支野係烈酒類....37.5% vol....我上次買都40% vol啦~~加上阿媽教落屎lam一下都唔會死既情況下(*親愛的親~請不要模仿及"嚐"試唷~)......呢種烈酒lam一下點會有事~呃我唔到既~飛過~




好喇~~為大家解構有幾勁要入Bucket List先~殺傷力第三位---Dried Fish.....鯊魚乾....無野呀~碎料~係柴左d~過關~普通超市都有售~




殺傷力第二位---Rotten Shark.....我地俗稱臭鯊魚(冰島文Hákarl)....點整到佢臭?以前做法係切左d肉出黎用石埋係沙灘排水....現代少少就放係有排水功能既塑膠容器入面發酵........諗起都臭啦下嘛?.......之前睇書d人話好似阿摩尼亞味.....聽到都驚.....但...你知啦....其實我上次黎可時試過喇~~~~~~如果喜歡吃臭臭芝士既人都可以一試~~因為其實我同毛寶都幾鐘意食~~~~~~~佢臭得黎幾可口~~~~~~佢發酵d味其實勁到有d火燒喉嚨既感覺~~~~好正呀~~~~~我覺得好好味呀~~~~~過關~~~(但如果你唔食臭芝士就.....自己諗諗喇..佢比臭芝士陣味強10倍~~~)




殺傷力第一位---Sour Ram Testicles....傻痴痴的如我和毛寶會笨笨的問:呀~咩黎架~..........冷不防神秘團友一句:公羊睪丸呀!.........聽後我和毛寶心中的兒童樂園崩潰了........睪丸喎大佬......蛋蛋喎大佬......羊既睪丸喎....食得個磨???????????????聽到都打冷震....有陣怪風吹過~~~~~成塊蒼白既午餐肉咁攤係度....我以為我食過白子(魚的精巢)就已經成材.......................我都諗左一陣先決定入口........食左一啖個腦響起:我的天~~~~~~今天得我一個~~~~~~~~~~像日子也枉過~~~並沒誰做錯~~~~~~為何.........入番題先....一入口........我內心好難過.....羊大哥的睪丸是creamy口感的....味道是......又酸....又騷...又叔的(小丸子的沒了黑眼珠畫面同幫我敲一下鐘唔該).........我真係接受唔到........依家先醒起哥兩塊包同埋牛油應該係俾係查埋羊睪丸一齊食.....(有邊個會想去餐廳講:唔該~請給我來一份羊睪丸多士~).........根據中女寶鑑記載...呢舊野應該係充滿激素既...所以我要同你講一聲拜拜~~




今次無青口有d失望~又叫左Icelandic Lobster Tails Poached in Garlic Butter Served on Fresh Salad....ISK4,400=308.8hkd.....沙律清新~但個蝦梗係Hofn食既新解好多啦~




Fish of the Day....ISK3,900=273.7hkd.....忘了是什麼魚~我都無咩點食~當時有d唔舒服~




Lasagne Made from Beef from the Farm Leirulaekur, Served with Salad....ISK2,600=182.5hkd....我又係了左兩下無食...佢地話唔錯~




依飽飽記得落樓下睇下~仲有紀念品賣架~好似仲有展覽~




有人忍唔住買左呢個~




Borgarnes好似好興整石頭人~周圍都有~所以手信都有石頭人仔~好可愛~我應承過自己~如果間屋變靚~就會買一set番去擺擺~








點算呀~~~
Sunny 5月1日黎澳門呀點算好呀~~~~
我好想去接佢船呀~~~~~
但又唔知佢幾時黎又唔知佢邊個碼頭?
接條毛咩~~~~~~~~~~
最近我日日都臨訓前聽Sunny bb既Goodnight City.....
勁舒服~~~有一晚我直頭聽到佢一唱:Goodnight City~~
呢句.....我已經訓著左~
有時番工唔開心臨訓前聽完....
覺得又可以為明天好好打拼~
也推介給難以入睡同失眠既朋友聽~聽完個人勁放鬆~
Sunny bb你把聲好好聽呀~人也帥氣~*3*
今天要快樂還要記得活在當下

好好吸一口氣
慢慢呼出轉機
為明日爭一口氣*3*



2017/04/27的開心事:
今日Chlo子問我:你到底仲愛唔愛Ozil bb?
我:愛呀
Chlo子:有幾愛?
我:在我心中大約有30%~70%去左Sunny度~
咁樣證明d咩?
證明我個人真係好大愛~
其實Chlo子最後哥句對白我未寫出黎....
Chlo子:咁布志綸呢?
我:.....................................................................



報時:距離毛里裘斯渡假+馬達加斯加麵包樹之旅2017仲有---22日~
報時:距離與毛寶慶生快閃台北之旅2017仲有---153日~
仲有3個禮拜度就要出發呢!!

34 則留言:

  1. 30%~70%XDXD
    即係70%飛走啦 【奸笑奸笑】
    到我發問:如果5月1日早上10點,ozil bb同sunny bb分別係港澳碼頭同北安碼頭抵澳,你會去邊?

    回覆刪除
    回覆
    1. 經過勞動節..正式成個人飛走左~
      我會去sunny bb度~因為我知ozil bb哥邊一定迫唔到入去~

      刪除
  2. 其實扭紋雪糕山加個瀑布都幾靚架,食公羊睪丸我接受吾到>_<

    回覆刪除
    回覆
    1. 都靚~但有雪會更靚~~~
      查實真係好臭~

      刪除
  3. ✨好友🌜瞓覺囉🌛💤晚安♦・゚☁
     O
       o
     .∧_∧・。◇
     ( ・ω・ )
     |⊃/(___🌟°¨*★
    /└-(____/✬・゚☆
    ✾๑۩۞۩*ღೋஜഐ❉

    回覆刪除
  4. 😱公羊睪丸, 聽到都唔想試, 而且仲要咁臭

    回覆刪除
  5. 一諗到就開心囉, Happy Long Weekend !!!

    回覆刪除
  6. 嘩...41蚊杯Espresso超貴,
    同價我會揀妳朋友嗰杯Swiss Mohca...,抵啲。

    回覆刪除
    回覆
    1. 都幾貴~係澳門d酒店飲$30都唔使.....

      刪除
  7. 而家世界各地的天氣都有點反常,冬季、花期都好難預計,唔使太在意,可能下次旅行會有意外收獲
    Bucket List菜式都幾驚嚇...唔通就因為咁...所以個餐要配烈酒,等人冇咁清醒?
    最後條數有D問題,兩個BB佔左30%同70%,咁你D親人、朋友呢?
    好快又會再飛,好好保重身體啦~

    回覆刪除
    回覆
    1. 係呀...去釜山又以為有機會睇櫻花...點知又係遲左~
      哈哈~~但我地無飲~所以感到非常驚嚇~~~~
      偶像還偶像~家人朋友還家人朋友~~~~~~唔同既~
      知道~~~

      刪除
  8. 果間cafe 嘅感覺真係好舒服呀!
    唔。。。咁你食唔食雞子架,我食到但唔鍾意個囗感,羊睪丸。。我接受唔到,而且仲要酸蘇叔齊晒,頂唔順,整體呢個bucket 我唔啱食!!
    去玩最慘係唔舒服,搞到無胃囗,好陰公呀!

    回覆刪除
    回覆
    1. 係呀....坐係佢d梳化就唔願再郁~
      我未食過呀~~~~~~~無人叫我試喎~~~~一拋野咁架個口感??好好奇~.....呢個羊睪丸真係我暫時飲食生涯最唔想翻食既野.....
      係呀...哥晚無咩心機食野呀

      刪除
  9. 雖然扭紋雪糕山沒有雪糕,但都好靚好有氣勢呀。
    Gosi好高貴~

    回覆刪除
    回覆
    1. 都靚既~但無雪又覺得差咁d~
      希望過幾年再去會再見到佢~

      刪除
  10. 落雨+碎石好易冼軑架!
    我頂隆食魚乾,另兩樣聽到都想嘔。。。
    你咁愛sunny,叫港女單聽比佢鼓佬聽啦~

    回覆刪除
    回覆
    1. 係呀...所以去扭紋雪糕哥條路
      臭鯊魚無野既~試下啦~~~~
      好呀~~~~我好愛sunny bb~~~也很喜歡supper moment~~~~

      刪除
  11. 哈哈, 小T你夏天時去,遊客多, 當地人請外地好的廚師來做, 但一到天冷遊客少左, 當地人就不再請外地人, 老闆自己落廚煮, 所以你現在覺得差左咁多.

    回覆刪除
    回覆
    1. 原來係咁......唔怪得啦...我覺得間間d野食都差好遠咁

      刪除
  12. 哈哈, 你又移情別戀, 不過SUPPER MOMENT又真係幾正喎!
    MR. 有新歌出呀,有冇聽呀?

    點解唔試埋個個羊睪丸呀? 試一細啖都好嘛

    回覆刪除
    回覆
    1. 哈哈~~hehe~~~你咁講人地會好怕醜架~~咩又喎~~
      我有買新碟呀..但買完放埋左一邊....大拿拿兩隻新碟咁多新歌.....都唔知邊度聽起.....還是開supper moment聽好了~
      我有試呀~~唔係點會知佢又酸又騷又叔喎~~~~

      刪除
  13. 咁最後尾有冇人負責食咗舊丸丸,唔食掉咗佢又好嘥喎二百幾蚊咁貴....
    結果有冇收到風去邊度接船?

    回覆刪除
    回覆
    1. er...無人搞得掂喎~~~早知攞番黎請你食~~~~~~
      無收到風呀~但照去~

      刪除
  14. 估唔到你居然夠薑放入口......乜羊蛋蛋咁大嘅?
    布志......係人夫你先離棄啫

    回覆刪除
    回覆
    1. 唔知呢~你問下哥隻羊哥哥~....試少少啦~試左唔會死都可以試下既....
      係囉.....其實係佢離棄我在先~

      刪除
  15. 格仔餅係我至愛....yummy
    幻想既情人....永遠唔會受痛....除時換心中情人....哈哈哈

    回覆刪除
    回覆
    1. 我都好鐘意食~
      哈哈~~~~所以我咁愛sunny bb~~~~

      刪除
  16. Wow真係好佩服你勇於嘗試既性格呀baby
    我應該好多野都唔岩食 hahaa

    回覆刪除