2017年4月6日 星期四

冰島環島自駕遊之旅2016-11-10第六天Part 1(天晴)

星期二....噚晚去左睇一念無明...不錯看的題材~睇完有值得反思的地方~朝早起身去左800伴買野~之後去左買阿蘇番毛寶屋企食~(估唔到都有加收20%..不過都係睇自己...覺得岩數咪食囉..唔岩數咪自己番屋企煮~無咩好鬧~)...食飽飽就兩個一齊好努力咁樣溫習考430既法例~~華...難到呀~~溫左成個下午先溫左一半咋~~~~加油~~話唔定真係我考中呢~~~夜晚係毛寶定煮意粉食~~星期三....以為小朋友放完假咩事都無?少年總是太年輕~...勁多野做~~~~~呢度真係好好玩呀~~~~~~~~星期四無咩特別~幾好~好野~~聽日星期五喇~~又可以去吃吃吃喇~~~係喎...星期日考試我仲未溫哂習喎~~你地記得要幫我加油呀~~~~~希望攞到張入場劵啦~~~



2016-11-10
Day 6---Part 1(冰島,埃伊爾斯塔濟 Iceland,Egilsstaðir->黛蒂瀑布 Dettifoss->火山口湖 Krafla Volcano->地熱區 Hverir->米湖 Mývatn)

早晨~我地日日都早早出發~呢日早餐早到餐廳都未開就衝入去~間餐廳裝修都幾新既~




呢間酒店d麵包唔知係咪自己整既呢~~熱辣辣咁好正~~倍樂醇係私伙的~




下!!!原來噚晚凍到結冰!!!架車都要剷剷冰~不過其實一開車個車窗有發熱..所以d冰都好快溶~好彩我地有帶chlo子個雪剷~不過我地架車都有一個係度..但chlo子哥個札實d~





路過油站又去入下油先啦~你知架車幾大食架啦.......到底係因為天冷所以架車食油食得多?定係佢真係本身咁食油?




好~出發~~~~~~~路兩旁都凍到結冰~~好緊張呀~~~





日出中~個天d色好靚~




10點幾先完全日出哂~~今日好曬呀~~好開心呀~~~




到達今日第一個景點~條路結冰架都~~唔知個景點點呢~~




我地今日第一個景點係黛蒂瀑布(Dettifoss)~~~之前都講過呢個瀑布唔係車到一落車就睇到...仲要行一大段路~但還是值得的~~~仲諗緊使唔使著冰爪..因為結冰好跣....但最後諗諗下放棄~因為d冰好淺..著冰爪仲難行~喂~~等等我呀~~~....連我阿媽都行得快過我....毛寶直頭無左影....




一路行..一路左右望...有機喇今次有機喇今次~




黎到分叉路有條柱就會寫住左手邊係去黛蒂瀑布(Dettifoss)...右邊係去Selfoss...好~先走左邊Dettifoss~




我仲記得我第一次黎時雖然係6月...但哥年春天黎遲左...雪都溶唔切~我地就係呢個位要涉"雪"而行~每人懷念~(但到11月仲未落雪囉今年)




行到咁上下~~咦~~見到彩虹喇喎~~~~~~有彩虹代表咩呀~有水囉~~~~~~好野~~到喇~~




hello~~小美人~~~~~黛蒂瀑布(Dettifoss)係歐洲第二大...冰島第一大瀑布~~~有氣勢的呢~~但望望周圍..得少少零星積雪..好失望~~我今次呢個月份黎其實係想睇雪景中的你~大陽剛好背光~好難拍唷~~






暫時紀錄係睇過兩次晴天一次陰天~今次同上次都見到彩虹真開心~





普羅米修斯(Prometheus)一開場就係影緊呢條瀑布!當時睇戲時就覺得呢條瀑布超酷的!我根本已傻傻分不清...到底我係因為鐘意睇普羅米修斯而愛上Dettifoss...定係因為Dettifoss所以之後一直重看普羅米修斯?(如果搭長途機再有呢套戲我還是會再看的~)...說真的...呢條瀑布陰天看會有味道d~(d人真係難服侍~又話想晴天又話想睇呢條瀑布陰天~)




好野~第二次係度睇到雙彩虹喇~~都話你鐘意我架啦~




佢d石係真係幾得意既~華~個模特好有型呀~~個鋪屎邊個教你擺架~~好成功人士feel~





好喇~行去另一條瀑布Selfoss看看~




差唔多望到~




一路行...就望到呢邊結冰情況勁d~有d水氹結冰結得好靚~







有個水氹只係結薄冰....我忍唔住............




哈哈~~俾毛寶睇呢條片時俾佢發現左我跣腳~~但踩完之後心情好暢快~~有dum爛d玻璃碟既效果~~但呢個係環保版~




呢邊無Dettifoss哥邊咁好行...呢邊d石又高又低咁~




點知好似行極都行唔到去咁~~算啦~~行到黎呢度算喇~~





其實佢兩旁d石柱都幾得意架~一級級咁~係呢度再流落去就係Dettifoss哥邊~




好喇~走喇~我地係行完Dettifoss係車上面亂咬一輪我地帶黎d零食呀能量棒之類~就再出發~~




再來就是火山口湖(Krafla Volcano)...一上呢條小路就會見到佢架喇~睇落好大風喎~吹到個湖都無鏡面~





好~行上去~堅斜~我阿媽真係好堅挺~




上到黎喇~氣來氣喘的~(我講我~)...就咩今日影咩方位都係背光架~~~





上到黎之後行前少少就會見到呢個小小的地熱~~順便參觀參觀丫嘛~






跟住跟呢條路仔行就會見到呢個迷你版既火山口湖喇~




其實就係佢後面架咋~~行多兩步啦~~幾得意架~




咦~~個湖面結左冰喎又~~(見唔見湖面有石仔呀~)




無聊的成年人~~~~



個迷你版火山口湖有幾迷你?放毛寶落去俾你比較下~




結左冰但入面仲有好多昆蟲既物體游黎游去...成隻水曱甴咁架!!




拿!!d人話唔聽架!!我話左佢叫佢唔好踎係冰上面架!!你姐姐叫我睇住你架!!姐姐你睇!!!我要告狀!!!點知佢d冰結得有幾厚先得架!!




走lu~




影多張走啦~今次個太陽咁樣我連個湖水係咩色都睇唔到~~~(係唔知點解iPhone6向住太陽影就會有一點野係度!!iPhone5哥時都唔怕既!)




第一次6月時黎望出呢度有雪未溶哂~~~點解呀~~~點解今年咁遲都無雪呀~~~




哈哈~8字腳行~小企鵝們~




揸車走lu~穿過馬利奧水管離開~




picture of the day~我好鐘意毛寶呢張相~相入面係我同我媽~勁似d外星人就快登場既樣~~唔知呢兩隻外星人咩樣既呢~(誤)








2017/04/06的開心事:
今日做團體..唔使做出面街客~



報時:距離"七公子"帥帥出使釜山之旅2017仲有---6日~
報時:距離毛里裘斯渡假+馬達加斯加麵包樹之旅2017仲有---43日~
報時:距離與毛寶慶生快閃台北之旅2017仲有---174日~
仲有6日咋~公子~
你地開始執野未呀~~~

32 則留言:

  1. 回覆
    1. 終於放下心頭大石~開開心心去旅行~

      刪除
  2. 見到雙彩虹好幸運呀,我無睇你兩星期BLOG,究竟神秘團友是邊位?>_<

    回覆刪除
    回覆
    1. 對上一次去冰島都有見到~
      我有好多個神秘團友架~~~~~

      刪除
  3. 向藍天出發,好正!
    和媽媽的彩虹印記~~~~~
    加油出發,加油考試!

    回覆刪除
    回覆
    1. 終於都好天~
      華~~好好聽呀彩虹印記~~
      多謝多謝~

      刪除
  4. 好靚呀~~~~普羅米修斯我都覺得好好睇~~~
    黎緊又有套異型前傳啦~~~~~
    你㨂親啲酒店都咁靚既,又唔貴和~
    一路睇你個遊記一路就掛住之前既美國之旅嗚嗚

    話說一念無明我係睇到差啲喊既,好多幕都搞到我眼濕濕...
    (其實係喊嫁啦,但廢事比同行既人笑要吞返落肚XD)
    曾志偉同費沙文洛今次確係做得好好好好好(佢地有提名係值既)
    最尾個幕大家都睇得好肉緊好擔心阿東~~~~

    p.s:黎緊去泡菜要狂擦醬油蟹哦~~~XD
    唉我都好耐冇食了~~~~

    回覆刪除
    回覆
    1. 係呀係呀~~我一定會去睇異型前傳~~~
      都ok呀~我地唔想住民宿係費事要煮野食~
      我都勁耐無去過美國~

      套戲噚晚金像獎攞左好多獎啦~
      其實金燕玲我都覺得做得好好!

      我第一次食醬油蟹咋~~好緊張~~

      刪除
  5. 由下而上的彩虹好特別,睇到雙彩虹就好難得
    你媽媽真係好壯健,唔遺傳畀你有點可惜
    七公子一齊考試,然後一齊去旅行,個安排都幾好喎,加油啦~

    回覆刪除
    回覆
    1. 我上次黎冰島都有睇到呀~~~
      哈哈~~都唔係既~除左我成日上山扯蝦同埋頭痛之外~我都好壯健架~
      依家已經開開心心咁期待去旅行~

      刪除
  6. ╔══╗────╔╗ ╔═╦╦╗─╔╗╔╗🌟
    ║╔═╬═╦═╦╝║ ║║║╠╬═╣╚╣╚╗
    ║╚╗║╬║╬║╬║ ║║║║║╬║║║╔╣✬
    ╚══╩═╩═╩═╝ ╚╩═╩╬╗╠╩╩═╝
    ────────── ────╚═╝✨☆。。゚★
    ╔═╦═╗── ╔══╗╔╗─────╔╗¨*
    ║║║║╠╦╗ ║═╦╬╬╬═╦═╦╦╝║
    ║║║║║║║ ║╔╣╔╣║╩╣║║║╬║・゚⊹
    ╚╩═╩╬╗║ ╚╝╚╝╚╩═╩╩═╩═╝
    ────╚═╝好友🌜係時候瞓覺喇🌛💤

    回覆刪除
  7. 星期五啦星期五啦,週末真係好開心。

    回覆刪除
    回覆
    1. 今個周末都係考試氛圍中渡過~

      刪除
  8. 考公務員...?妳唔喺咩?
    之前睇咗個無聊學會主席單嘢,真喺人都癲,
    乜人都有,妳都好認真做嘢都被人抦。
    唉...

    回覆刪除
    回覆
    1. 自從澳門政府改左請人制度用中央開考方式之後..第一次開考430呢個職位~大家都湊湊熱鬧~~~
      d人真係傻架~都係要唔好咁上心先會贏~

      刪除
  9. 我無睇嗰套戲...但個瀑布都幾靚,
    仲有彩虹喎...
    好斜山路...妳&怕母都好健力,行到上頂...叻

    回覆刪除
    回覆
    1. 靚呀~我最鐘意呢條瀑布~
      上次黎都有彩虹~好開心~
      我媽勁d~成60幾歲人~行得仲快過我~

      刪除
  10. 加油呀!! 見到雙彩虹= LUCKY

    回覆刪除
  11. 結冰水氹真係好盞鬼.....好靚
    Auntie體能唔錯,同你地一齊行咁多路上山落湖睇瀑布
    幾時知考唔考到?
    下周就出發了,心情係咪好興奮?

    回覆刪除
    回覆
    1. 哈哈~~我地係咪好無聊呢~~
      佢係超勁添啦~成60幾歲人都咁堅挺~吹佢唔脹~
      應該1個月之內~今日報紙係咁講~
      梗係~~~~~我依家興奮到要跳舞了~

      刪除
  12. 瀑布加雙彩虹壯觀呀
    妳媽媽叻過妳喎...上斜冇氣來氣喘
    提早祝妳旅遊愉快.買野暢快、食野食過痛快....整番個靚靚...哈哈哈.....平安回來

    回覆刪除
    回覆
    1. 係唷好靚~~~~
      哈哈~~佢簡直係勁勁~~
      多謝多謝~~~
      咩呀整邊方面既靚靚呀~~~~

      刪除
  13. 伯有啲甫屎咁豪邁嘅?你指導架?
    見啲公路嘅空鏡已經起哂雞皮......

    回覆刪除
    回覆
    1. 哥個佢自己做架~~~係咪好正呀~~~
      佢公路景超好睇~我好鐘意~

      刪除
  14. 最後一張真的很有氣勢~~
    我最近睇釜山旅遊資訊, 令我都好想下年去釜下睇櫻花呀 !
    希望可以成行啦~haha

    回覆刪除
    回覆
    1. 我好鐘意哥張~~
      等我今次幫你探下路先~~
      i子前幾日去左釜山睇櫻花呀~~好靚~

      刪除
  15. 好怕路彎而有路面結冰, 超危險呀. 好勁呀, 個水氹一圈圈的.

    回覆刪除
  16. 2條彩虹都出嚟見你,真係好運
    好多張背影都好靚,又係毛寶之作

    回覆刪除