2017年4月20日 星期四

冰島環島自駕遊之旅2016-11-11第七天(陰天微雨)

野~~~~~~點先~有無掛住我先....我就估有啦~~~~~~(你話無我喊架!!)....我地去左4日釜山....去同番都係凌晨到達~番黎哥日星期二既凌晨3點先訓落床....第二朝又話番工~真係好攞命~~~~~~老左真係唔搭得凌晨機....好攞命~一番黎哥日番工已經有人催我出釜山blog~~~但我連冰島都未出完台北又未出~~~~我諗我去非洲之前都未出到~~~~~~~wakakakak~星期三...我唔明....點解呢日仲多野做過星期二剛放完假既第一個工作日既~~~~仲要ot添~~~星期四..今日都要ot..早上做得好地地架....下午俾個律師懶臭串咁串我....車...好巴閉咩~~~~~塊面生左粒水泡...好慘~~好d到星期五放工哥刻啦..好悶呀



2016-11-11
Day 7(冰島,米湖 Iceland,Mývatn->黑城堡 Dimmuborgir->假火山口 Hverfell->地洞溫泉 Grjótagjá->米湖溫泉 Mývatn Naturebath)

早晨~酒店早餐係噚晚間餐廳度食....但..選擇少又難食~煙肉難吃蛋餅也難吃~難得~




華!好彩噚晚睇到極光咋!!又開始番天陰陰呀大佬!!




出發~又落少少雨~煩氣~




好喇~黎到今日第一個景點黑城堡(Dimmuborgir)




由酒店話黎呢度時間不長~參觀前睇睇指示牌...聽聞黑城堡係有精靈架~~





好~開始參觀~雖然今天天氣不太好~但....我覺得呢種天色先適合黑城堡~~





佢有幾條參觀路線揀的~~我地...好似係揀左條難既~~(據說一位叫小t的團友一大早其實就好懶唔想行...0殊~~~~)




黑城堡既形成係因為岩漿遇冷空氣凝固成呢d不規則既黑色石柱喇~望落又真係幾似荒廢左既城堡既~








參觀既時候我就覺得呢度好有添布頓feel~~感覺怪誕~好似佢拍既戲咁有趣~





好有型呀毛寶你~~~




媽~你也很帥呀~~we~read~




我地叫呢個圓咕窿做寶路薄荷糖窿~

穿過呢個寶路薄荷糖窿之後個景就係咁架喇~對面個山就係假火山口(Hverfell).....但再行睇到就應該好難行喇..因為係高高低低碎石路~怕老人家應付唔黎~就此作罷~





好~怪誕黑城堡~拜拜~





睇完黑城堡去左附近個紀念品店借借廁所~~神秘團友突然戴上呢個維京人既假髮.....你...真係好靚~




之後就去假火山口(Hverfell)




我前幾日睇某個blog...佢地係2013年9月去冰島既(我地第一次係同年6月).......佢地當年9月個假火山口已經薄薄的雪....點知我地今次11月咩都無?????????(扭計)




駛到個假火山口既山腳下....突然極大風...d沙吹黎吹去......根本舉步唯艱......算吧啦~(其實我地今次根本無諗過行~~真係行到阿姐我面都青)....叫做到過下~介紹下~阿媽我為你好咋~~好消息係山腳下起緊廁所喇~~~~之前真係荒蕪到咩都無~




下一站地洞溫泉(Grjótagjá).....哈哈~個入口好細~~




媽媽唔俾落~係車度等~~~佢地話唔難爬~但我有驚青症所以又係覺得好難爬~~~




明明有一邊易d又唔去!!又要去d高難度地方!!!!!拿!!大比!!我影俾你睇架!!!!!話極都唔聽架d人!!!!我要舉報你!!好彩你自己都識話落就無問題但唔識上番黎~~算你仲係醒目仔~





呀~地洞溫泉呀~哥日陰無乜光透到入黎~好難影~影完要拉番光張相先睇到~




然後我地3個歎到~~~呢張相好恐佈~~無啦啦好黑咁但有3對腳~~~~第一次黎哥時呢個溫泉封左~~話有倒塌危機~第二次黎終於落到黎~但個洞入面太多人~我地用手摸摸就算~~~~~~第三次成個洞無人呀~~我地就舒舒服服咁浸下~~好舒服呀~~~~~~~~~浸完成個人暖哂~~~~(一路浸毛寶一路話:呢個地洞溫泉會隨時倒塌架~~...........wow...嚇到我同神秘團友即刻著鞋起身走)




浸完一個唔使錢既溫泉之後~我地就黎到米湖溫泉(Mývatn Naturebath)~但唔好誤會喎~~我地係黎俾團友望下參觀下架咋~~~~同埋會係度食中午飯~~





我地係無安排要浸既環節既~~哈哈~但俾團友望下嘛~可以話俾人知有去過米湖溫泉嘛~米湖水溫係比藍湖好dd既~但都係屬於唔太熱哥種~不過好彩無期望有得浸咋~因為呢日大風到.....關閉了一陣子~池邊既水係吹到有浪~~勁大風~好少可~成個池一個人都無~





好喇~好飯喇~諗住睇下個自助形式既餐廳有咩食~都係得湯係熱食~算啦~飲個湯啦~




有好多種唔同既啤酒~~其實我都幾想試~但呢度又無咩食~得湯~我唔想飲到成肚水~




白色哥碗係露筍湯...ISK1,300=91.2hkd......正常味~紅紅地色哥碗類似d肉湯....ISK1,700=119.3hkd......華...真係....好濃...好似食緊唔知咩肉既料理...連d汁一齊飲埋咁..好重口味~~~每個湯可以跟兩個麵包~




好難得咁~因為d景點好集中~我地呢日既行程就行完喇~~諗住休閒下~去飲個啡~~~搵到呢間~




點知呢間野咩都無...係真係叫咩野食都無...唯有求其叫杯急不煎勞飲就算....(其實我一d都唔鐘意急不煎勞...我的心上人是焦湯媽ki丫圖~~不過佢咩都無我求其叫~)




飲完出黎又竟然見到少少太陽~奇~




又去左N1個油站超市Shopping~~~~~~~好喇~我又要買呢支Malt~好好味~ISK249=17.8hkd~超市價買真係抵~




今晚既晚餐~~我地決定唔再食哥間又貴又唔算好好食既酒店餐廳~食帶黎既杯麵算喇~加埋頭先超市買既立立雜雜罐頭~




報告報告~~~頭先油站超市d急凍雞鎚~~我地買左一盒~~~超市職員幫我地叮熱佢~~我地攞番酒店當餸食~~勁好味囉~~~簡直驚為天人~~~~肉嫩又入味~~~正~~好好記低下次再食~








最唔鐘意叫到既客就係律師...
永遠覺得自己高高在上...
覺得自己講既野一定係岩哂法例...
(但俾埋法例佢睇真係要咁做佢又賴皮)
點解我細個唔讀好書考到入澳大讀法律系!
想當年考法律系第一志願考不上...考中第二志願工商管理..
輸哂..........................................
諗起今日個律師d咀臉就覺得冤崩爛臭~
好叻咩!哼!



2017/04/20的開心事:
毛寶呢幾日放工都有黎探班呀~好開心~



報時:距離毛里裘斯渡假+馬達加斯加麵包樹之旅2017仲有---29日~
報時:距離與毛寶慶生快閃台北之旅2017仲有---160日~
下~~~~~~番到黎之後咁突然咁樣唔夠1個月...
我就出發去非洲喇~~~~~~
好緊張好心跳呀~~~~~~~~

28 則留言:

  1. 咁你讀唔到法律都有好處既~
    你都唔想同啲冤崩爛臭既律師做同事架~~~ 😂

    回覆刪除
    回覆
    1. 唔想~~~~~~~~~~~~
      其實可能考上我都讚唔掂~~~我都係嬲得滯講下架咋~~

      刪除
  2. 岩岩返黎又準備去旅行 好爽呀
    我就仲有26日 Yeah

    回覆刪除
    回覆
    1. 我都好緊張~~~但鄧你緊張d~~~~
      話哂你都係做人生大事~~~~~

      刪除
  3. 哈哈哈...小t番左黎喇
    隻雞脾...真的好味道呢
    哈哈哈...小t番左黎喇
    好友♦・゚☁🌜甜夢瞓覺呢🌛💤
    ╔══╗────╔╗╔═╦╦╗─╔╗╔╗✨
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝晚安🌟
    眨吓眼時間過得好快╠╣aΡpy週五👀
    💕齊齊時刻笑笑💖享受天天美好💞

    回覆刪除
    回覆
    1. 係唷係唷~~~番左黎喇~~~
      話咁快又到星期一~~~

      刪除
  4. 溫泉洞咁暗,就算唔難爬都係小心D好
    律師唔係覺得自己啱晒,佢要虛張聲勢,等人地唔敢駁佢啫
    不過你考唔到法律系未必係壞事,做左律師要經常違背自己意願做事,以你性格應該會好難受

    回覆刪除
    回覆
    1. 其實現場睇環境係ok的~係部電話唔係專業相機~~所以就咁暗~~~
      絕對係囉..但咁樣真係好乞人憎~

      其實可能考上我都讚唔掂~~~我都係嬲得滯講下架咋~~

      刪除
  5. 陰公,唔好咁勞碌,休息多啲才寫啦。。。。咁當然我都好想快啲睇,哈哈哈。

    回覆刪除
  6. 又有得舉報,三個大過未?
    地洞溫泉氣氛好詭異......你哋剩係浸腳?

    回覆刪除
    回覆
    1. 應該未~~~哈哈~~
      係呀淨係腳~~~~d石好岩蠶..同埋唔知有幾深...唔好搏~~
      浸腳對本人來說已是極限運動~

      刪除
  7. 黑城堡配上天陰陰真係好有感覺,正。
    個洞咁黑好鬼驚,仲要曾經有倒塌危機(驚驚)。
    嘩,好突然咁你又就快飛。

    回覆刪除
    回覆
    1. 係啦~~陰天好睇d啦~~(自我安慰的方式~~)
      我地第一次黎哥時係無得入架~~
      都仲有廿幾日~~~~~不過我依家已經唔知自己執d咩衫好..

      刪除
  8. 黑城堡有沒有出現黑馬王子呢?
    浸完腳,死過翻生的感覺如何?
    人生求開心,您做到律師就未必開心。

    回覆刪除
    回覆
    1. 無架無架~有既就好喇~
      哈哈~~搞下笑je~如果有危險佢地會封洞既...我估~~

      刪除
  9. 都係果句:麻煩人千其咪再見...XXD
    嘩,又準備出發非洲之旅,so happy!!!
    釜山有冇啲搞笑嘢可以預先講少少來分享下先
    山窿入面黑鼆鼆果3對腳真係有點恐怖片feel!!XXXD

    回覆刪除
    回覆
    1. 有時好難既~命運既野..要你叫中佢就會叫中佢~
      依家都唔知點執野好~
      透露左我無戲可以做架喇喎~~~但同公子一齊就是好玩~
      係3個靚女黎架~~唔使驚~

      刪除
  10. 妳怕食雞....但妳都食一定巧巧味......
    咁快又去旅行.真開心呀.......記得打多D針喎

    回覆刪除
    回覆
    1. 咦~你又知我唔食雞既~~我有唔食得咁明顯嗎~~~係幾好食既~~~~
      無呀..我唔打針喇~

      刪除
  11. 哈哈,回來了又有blog 睇,好開心!
    早餐都難食真係好難架喎!!阿美人啲心情真係好難估,但呢個天氣又好襯黑城堡喎,有晒feel
    毛宝果張相好有廣告feel 呀!

    回覆刪除
    回覆
    1. 懶左成個幾禮拜係時候郁下d手指~~
      係呀真係好難估佢可以難食~~~~~~
      美人今次有扭我計囉~唔乖~
      呀~我影架我影架~

      刪除
  12. 三对腳,好搞笑!有時超市同便利店都好多好嘢食!
    果d自視過高嘅物體,我地一笑置之喇,臭虫一條,畜牲一隻,唔好放在心上!!

    回覆刪除
    回覆
    1. 哈哈~~我地上番黎之後有成大團旅行團黎~超好彩~
      超市簡直係寶藏添啦~~~
      其實可能考上我都讀唔掂~~~我都係嬲得滯講下架咋~~

      刪除
  13. 我同你一樣積存了好多遊記⋯😩
    嘩! 個地洞溫泉好有探險feel喎!
    米湖,令到我好懷念

    回覆刪除
    回覆
    1. 你更加多添啦~仲有美國呀伊朗呀哥d都未出~~
      係呀!!!可以一去~
      唔知你係夏天去定冬天去呢~
      夏天既米湖令我一去難忘~

      刪除
  14. 我當時秋天去,都一試難忘架,最難忘係佢嘅清幽~
    係,現在趕工中,希望下次出發前能寫到美國旅程的一半。仲有,我唔去非洲啦改去第二度

    回覆刪除
  15. 家陣好多律師都好霉咖咋.

    回覆刪除