2017年4月10日 星期一

冰島環島自駕遊之旅2016-11-10第六天Part 2(天晴)

星期五....好多野做...做到人都慌~~~放左工約埋麥公子去食風味居~好味~(風味居真係好多人食..要食請提前訂枱~我地前一日訂入左waiting list~但好好彩有位~)....之後食飽飽當散步行去星期既考場睇睇位置~但....睇完再行番屋企我成個人熱到攰到超辛苦...坐左成個鐘先恢復體力...我係咪熱到中暑?星期六中午訓到晏一晏起身~娘親買園林我吃~之後去拜老豆~再會合公子一齊溫習作最後衝刺~(實情係去試一間新既cafe~)....之後再去食新斗記~好緊張呀聽日考試喇~~~~星期日~到左考430既大日子喇~~早上起身..諗住等毛寶考完頭場同佢一齊食野..食完再到我去考試..點知佢個考室遲左一個鐘先開考..唯有係屋企食完自己去考試~考完試之後就去左毛寶屋企剪頭髮~成個月無剪勁熱~之後再出去食齋~食飽齋再去食關東煮手作坊~~(好變態)....點知趕唔切番屋企睇Supper Moment攞金像獎~~~~~~~~~~星期一...好熱呀~~~好熱呀~~~~天氣好熱呀~~~~~~熱到我一番工就要兜頭吹冷氣呀~~~~然後又吹住個頭太耐~~~跟住又頭痛~~我真係好白痴~~~~~~依家好番少少~希望快d好番啦~



2016-11-10
Day 6---Part 2(冰島,埃伊爾斯塔濟 Iceland,Egilsstaðir->黛蒂瀑布 Dettifoss->火山口湖 Krafla Volcano->地熱區 Námafjall Hverir->米湖 Mývatn)

好~又去另一個景點~今日好積極~踩第三個景點喇~~明明還很早...但個太陽已經只是近黃昏





無錯喇~就係黎到地熱區(Námafjall Hverir)...其實冰島仲有其他大型地熱區的~呢個係其中一個~~勞煩模特~




咦~~個牌真係仲係度喎~~~仲唔係因為你?!?!~~~叫你地唔好腳多多亂踩呀~~




望住呢個畫面好得意~~好似煮緊巫婆湯咁~~~仲要加上地熱區的臭崩崩味~真係好正~




似唔似以前小學學緊水彩畫將深藍色同淺藍色溝緊埋一齊既狀況~




呢個地區有好多巫婆湯煲緊~





來~來和美麗的調色版來一個合照~~








這個地熱衝出來的熱辣辣水蒸氣要黎暖手真係唔錯架~





行左一圈~遊覽完畢~阿媽都話呢度好臭~~~





到米湖既N1油站附設既超市逛逛~a~小姐~咁熟口面既你~




雪櫃乳酪野我最鐘意睇~




今次醒喇~揀番生果味~好飲丫~




臨走見到呢個微型版層層叠~~我其實有少少心動想買~奈何.....諗起自己手指又短又肥玩呢d迷你版實在唔著數~所以...放下~就是擁有!




未食中午飯~(食車上d零食唔算架!!)....我叫左個cheeseburger meal咬咬~價值ISK1,590=111.6hkd...有個包~有時條~有支汽水~個漢堡好正~時條也香脆~~~~~呢間油站超市整既漢堡堅有水準~




巧喇巧喇~~襯仲有日光快d去搵酒店喇~~~今日月亮好光好出位喎~(哥時接近月圓的超級月亮)





我地今晚既住宿係Hótel Laxá...地址:Vid Olnbogaas, Mývatn, 660, Iceland.....每房每晚982.8hkd...每人471.4hkd......我地會係度住兩晚~上網睇哥時覺得呢間酒店唔錯...但住落又覺得麻麻~都關關地個廁所事...得個大字浴廉都無條~又要就住沖....水龍頭又難開.....呢間酒店都有極光喚醒服務....寫低你房號係大堂個極光list度一有極光佢就會拍門叫醒你.....咁梗係寫啦!!!之前哥晚睇哥d唔收貨架!!話哂米湖區天氣穩定d...點都要博下啦!!





搞呢搞lu休息左陣~就7點鐘就行去酒店餐廳食晚餐~得一枱客~好驚話~到底係唔好食定你間野真係太少人住?




冰島麵包加牛油就是王道~




我媽叫左紅酒飲~忘了幾錢~




我同神秘團友一人一杯Alcoholic Soft Drinks~前為Volcanic Raspberry...後為Volcanic Mango...各ISK900=63.2hkd.......味道一般般...甜野.....




叫左個Lamb Fillet...ISK5,690=399.3hkd...貴!!!呢碟無賣相既羊味道正常但不出色...而且極貴!!




Risotto....ISK3,190=223.9hkd...一般..而且很漏...




Artic Charr...ISK4,590=322.1hkd......我都幾鐘意食Artic Charr既~呢個都唔錯好味~不過呢間酒店d野食太貴..又一般~一定係睇準d人入左黎費事再去出去....所以先咁貴!




番入房沖完涼...行下又企下....無咩野做....咁就梗係訓覺啦~~~~點知訓訓下~~~~又有人敲門喇~~~毛寶通報~~~極光出來了~~~~~佢係佢個房用相機見到佢出來了~~大約夜晚11點幾~





又同阿媽換好衫即刻會合佢地~~酒店上方確係有極光呢~




再望左手邊停車場對開個吉地都有呀~




抬個腳架去哥邊影先!!不錯呢今晚~~唔使相機用肉眼睇都睇得到係綠色~







不過佢都係時強時弱的~






又轉左形狀~好可愛~~~







好遠哥度有d燈光...唔知係咩光黎既呢??




今次睇到黃色+綠色~很不錯呢~~~(我依家好想睇綠色加藍色)





雖然今晚極光強d...但反而我覺得我影得無之前哥晚咁靚;[....唔知係咪我set錯d快門ISO之類既野呢??不過太凍....我隻手影到凍彊.....








川字型維持了好一陣子呢~







跟住就越黎越弱lu~都影左個幾鐘~夠哂皮喇今次~~~~~~好開心媽媽達成佢此行的心願~就係睇到肉眼可見的極光~睇住佢不停咁話好靚好靚~我都覺得好開心~~~(當然不能同我之前哥次黎見到指數9哥次比啦~但都睇到極光在跳舞~)...達成了媽媽的極光夢~真好~~~好喇~快d衝入大堂刪左我地個房號先啦~~~如果唔係半夜三更叫醒多我地一次就唔好啦~~











唉~哥個430既試~
早上哥批考完已知上個禮拜狂溫既法例..
幾百題入面出得30題~(總共80題)
之後就係d數學同埋閱讀理解~
數學勁爆難~(對我黎講)
因為我數學真係好差...唔爭在話埋你知喇~
我中學讀文組架~就係知自己數理化差先會揀文組~
好彩d閱讀理解兩分題........但都唔知自己岩唔岩架~
4個公子考上午卷...3個考下午~
d題目完全唔同~過唔過到50分....
攞唔攞到430呢張入場劵...
真係各安天命~
不過我對我自己資質好清楚~
攞唔到都唔會太唔開心~
大約1個月就知結果~
(其實攞到呢張入場劵仲有專業試同面試~所以就算攞到今日呢張入場劵都未必一定考得到~~~~~~不過叫做自己試過~)



2017/04/10的開心事:
我今日試左日本哥隻芫茜味薯片喇~~~好野~~



報時:距離"七公子"帥帥出使釜山之旅2017仲有---3日~
報時:距離毛里裘斯渡假+馬達加斯加麵包樹之旅2017仲有---39日~
報時:距離與毛寶慶生快閃台北之旅2017仲有---170日~
上個禮拜好似報時報錯左~更正番依家仲有3日就要出發喇~
星期四一放工就跑番屋企食飯沖涼洗頭執埋d行李之類之類~
跟住就要去機場喇~
所以應該星期四晚唔夠時間出blog喇~
係度預祝大家有個愉快既復活節假期啦~
我今年第一個旅行終於出發喇~~hehe~
等我呀~記得M~記得E~記得ME~
下個星期見~

40 則留言:

  1. 係啦, 唔試又點知自己得唔得, 攞張入場劵係手先!

    我曾經見過一次粉紅色的極光, 大約10秒就無左, 其餘的都是綠色....

    你身體散熱慢, 所以你有中暑的感覺, 現在的衣服質料大多散汗散熱不好.

    回覆刪除
    回覆
    1. 哈哈~~我都係咁諗咋~~
      華!!你就好啦~~我都想睇到粉紅色的~我以為南半球先會睇到~~
      係呀...我都覺得...我一熱開好難涼番....好難頂

      刪除
  2. 好友☁。゚🌙瞓覺豬囉🌜晚晚甜夢安睡🌛💤
    時刻開心萬事得📣📢天天都過得歡樂精彩
    🌴🏡🌵🏠🌳話咁快╠╣aΡpy週二🎄💒🌲

    回覆刪除
    回覆
    1. 📢我吃喝玩樂完回家嚟📣
      仲有三天你都去吃喝玩樂了...哈哈哈

      刪除
    2. 哈哈~~話咁快又過左一個禮拜~

      刪除
    3. 呢幾日真係玩得好開心~

      刪除
  3. 極光我還未見過>_<話咁快你又出發啦,七公子之旅一定好玩好開心,yeah﹗

    回覆刪除
    回覆
    1. 一定有機會既~
      話咁快我就番左黎喇~

      刪除
  4. 試左盡力就好啦 :)
    好叻呀呢晚 有不同形態的極光 !

    回覆刪除
    回覆
    1. 無錯~試下無妨既~
      係呀~~佢地兩個睇得好興奮~

      刪除
  5. 你講小學雞小彩,咁我都起碼成30年前嘅事了。。。
    我數學都屎都爆,呵呵~
    旅途愉快

    回覆刪除
    回覆
    1. 唉~我數學真係唔叻...以前中學都係背番黎~~~哈哈~~
      多謝~

      刪除
  6. 搭夜機出發玩得好盡喎XXXD
    返來又要準備去非洲了....
    考試要考幾多個鐘?
    間酒店食嘢都幾貴,好彩可以睇到極光,感覺似抵返wakakaka

    回覆刪除
    回覆
    1. 簡直係玩命.......
      係呀係呀~~年度大旅行呀~~~好緊張~
      好似係兩個半鐘~但我做左個幾鐘就交卷~
      無錯~~~真係好彩~

      刪除
  7. 太熱要休息未至於中暑,少曬太陽,飲多D水,休息多D可預防中暑
    地熱區D泥漿會起泡,發出卜卜聲同硫磺臭味,係幾似巫婆煲湯,我之前係紐西蘭見過,不過冇你咁好聯像力
    兩次見到極光,今次仲可以睇咁耐,都算好幸運
    人人天賦唔同,錢鍾書、瓊瑤、韓寒都係數學好渣,咪做晒大作家(但你計匯率好似計得好準個喎.....)
    祝旅途愉快!等聽你的趣事同好消息

    回覆刪除
    回覆
    1. 好彩我都唔鐘意曬太陽~~~~我會飲多d水架喇~~~
      哈哈~~~我成日都亂up~~~~~
      其實今次我睇唔到無咩所謂~最緊要係想媽媽睇到~
      哈哈去旅行d數先計到~~~其他難哥d唔好搵我~~~~
      多謝多謝~呢幾日都玩得好開心~

      刪除
  8. 好好補養身體,準備去旅行!
    有地熱,為甚麼不帶煲開餐?
    哈哈哈,你個嘴突然大很多,不太習慣。
    完成媽媽的夢想的極光之女
    試過就是夢想,夢想就是試過。

    回覆刪除
    回覆
    1. 知道知道~
      wakakak~咁臭點食野~~~
      哥個係毛寶黎架~~~~
      無錯~所以我係因為呢樣野而開心~
      試下無妨~

      刪除
  9. 又睇到北極光妳真幸運呀.........
    妳囉到或囉唔到.順其自然啦......但妳咁聰明伶俐一定可以既....take a easy be happy!!
    再再祝多一次妳旅遊愉快、買野暢快.食野爽快、整番個靚靚.....hehehe.....安全回來。

    回覆刪除
    回覆
    1. 最緊要我媽睇到就真~我好想佢睇到~好開心~
      哈哈~其實又無咩所謂既~都叫做試過je~
      多謝多謝~但我變超醜番黎~

      刪除
    2. 整容失敗呀.唔緊要啦~~~妳醜但妳心地好嗎........

      刪除
    3. 你又知我心地好~~~
      同埋我不醜~~不知得幾好~

      刪除
  10. 芫茜味薯片好唔好食?見到我都想試
    川字北極光好特別
    去釜山睇櫻花嗎?

    回覆刪除
    回覆
    1. 我覺得一般~唔夠芫茜味je~都係熱浪好味d~
      係呀好得意~
      去到無哂喇~早一個禮拜先有~

      刪除
  11. 出發喇,祝旅途愉快,多啲趣事!!
    另外祝你考試成功!!不过我想問吓呢類考試係咪年年有架,又想問吓呢個試係入公務員的定係特定職位的試!我好想知其他地方的民生事,所以先咁多嘢問!

    回覆刪除
    回覆
    1. 多謝多謝~果然每次既旅行都係一個新既體會~又係發生好多事~
      唔係架...自從轉左做中央開考之後係第一次開咁高職位既430...所以先有咁多澳門人考~同埋成績保留兩年....兩年內各大政府部門開考...如果我地考哥個試合格而哥個部門開既位又同自己大學讀既範疇符合就會有機會去考(係去考咋..唔係直接收...)都可謂困難重重....但...成績可留兩年嘛~所以...who knows~~或者真係咁好彩呢~

      刪除
  12. 講返個遊記先,好開心呀,睇到極光,雖然無你上次去咁靚,但總叫還咗心願,睇極光絶對係去冰島的主要目標!
    地熱谷咁臭臭,行到半粒鐘都好叻架啦!!

    回覆刪除
    回覆
    1. 其實我係想我媽媽睇到咋~佢睇到我就開心喇~
      哈哈~~佢地未黎過~陪佢地行下~

      刪除
  13. 430係咩試嚟架?又會7公子一齊出動嘅?

    回覆刪除
    回覆
    1. 政府工既開考試...自從轉左做中央開考之後係第一次開咁高職位既430...所以先有咁多澳門人考~同埋成績保留兩年....兩年內各大政府部門開考...如果我地考哥個試合格而哥個部門開既位又同自己大學讀既範疇符合就會有機會去考(係去考咋..唔係直接收...)

      刪除
    2. 咁等你1個月後報喜訊,7公子100%高中狀元!!

      刪除
    3. 到依家仲未公佈~
      之前又話一個月內~家陣過左一個月都仲未有~

      刪除
  14. 真好又睇到極光!! 係咪BACKGROUND太多光, 所以影唔到上次咁靚? 我都好想再去睇過.

    回覆刪除
    回覆
    1. 我都唔知呢~其實我都唔係好識影~~~以為咩都推到最高就掂~同埋太凍..我唔想慢慢整..就求其影~

      刪除
  15. 真係好可以睇到極光,完成到伯母嘅心願,呢個trip一定好難忘。
    我補祝你同公子們玩得開心,食得滿足呀。

    回覆刪除
    回覆
    1. 係呀~~~我最緊要都係想佢睇到咋~唔想佢失望~
      多謝多謝~今次又發生左好多搞笑野~

      刪除