2017年4月3日 星期一

冰島環島自駕遊之旅2016-11-09第五天(陰天及後轉晴)

星期五放工好乖咁又去左食素~然後就去左睇9點半既攻殼機動隊(Ghost in the Shell)..之前我麻麻地Scarlett Johansson...但自從睇過"Her"佢既聲演之後...又好buy佢~~佢依家有戲上我都有興趣~(其實我有興趣既人好多~)....星期六中午又去左食素(呢間餐廳我地一個星期食左3次~真係好好味~)....下午又去左買日用品.....再訓個下午美容覺....夜晚毛寶爸請食飯~去左食長腳蟹~有幸成為座上客~多謝~......星期日中午本身諗住去食路環橋記..點知市中心個迴旋處封路喎..搞到轉唔到過去...直去之下諗住去舊威斯汀飲茶...點知勁爆多人....搞搞下揸番出黎去番羅浮咖啡算喇~(你地到底要去幾多次羅浮~~~).....唉呀...晏左食飽野出發去行山....只好行條短d既龍爪角算喇~~之前幾個禮拜都陰天又濕濕笠笠咁~~呢日超好天梗要去行下~但只係行一個鐘都好攰~~~~行完去左行金沙城~去馬莎買左d野~晚飯食園林魷魚豬扒撈米加咖哩走青~~~~~好野~~好好味~~~星期一....係囉..小朋友放假嘛..超多野做..但多野做無所謂..我今日好嬲呀!!!落少少講!!



2016-11-09
Day 5(冰島,荷芬 Iceland,Hofn->埃伊爾斯塔濟 Egilsstaðir)

早晨~wow...真係好彩..一朝起身又陰哂天...同噚日睇出去個日落咸蛋黃景差超遠....好彩噚晚都叫睇左少少極光~




話實在~唔算太吸引~最吸引係隻煎蛋~~~~好開心~~~終於食到冰島煎蛋喇~~好好味~~~~~~最鐘意食哥d麥餅揸牛油咁食~





好喇~出發喇~原來我地民宿後面個山已積雪~




哎唷~又唔小心停係荷芬個N1油站喎~唔得喇~就算食完早餐都要食下熱狗先喇~~~~~ISK390=27.4hkd...呢間d漢堡同薯條都好好食架~~梗係要飽d啦今日車程超長~




食飽飽今次真係出發喇...又天陰陰..唉....不過都還好啦..唔好落大雨就好啦~~~有時睇冰島係陰天有味道d既~





行到咁上下就會到全冰島唯二既隧道...唔知偷聽邊度....好似今年即將會起第三條隧道~





我其實好鐘意睇公路既山景~






如埋好鐘意去東部呢段呢...轉個彎~又有唔同既景既~




以前佢d山同條公路真係超近..我地哥時仲話好驚如果好大雨怕唔怕山泥傾瀉...以家叫做好少少加左d板擋一擋~(但其實如果真係山泥傾瀉起上黎其實都係無用~)




每次去東部都會經過呢個凹位~我地都會停一停~等司機大佬落車鬆鬆~我都會影一影相~洶湧的海~呢個應該係挪威海卦..應該係..除非唔係~







鬆一鬆筋骨~又再出發~今日車程超長~~今次我地雖然都唔係話多時間....但決定左唔行恐怖的939公路....我地整個行程都係1號公路的......





點知行行下都係發現越行越高...(當初939都係不停碎石路上山....最後上到去係雪山).....心入面有d不妙~~





發現就算行1號公路去東部都係要上山同埋都係碎石路唔係石屎路!!!驚為天人的發現呀!!!而且仲要有雪囉....落車望一望.....極凍!!








揸左一輪最後就同939公路連接~咁恐怖既公路好值得影低塊牌~提提大家...如果公路數字越多就代表條路越難揸同越唔靚~




落番山突然天氣變好~~~~~






終於到左東部城市埃伊爾斯塔濟(Egilsstaðir)...好似揸左成3個鐘頭車!!!辛苦哂喇毛寶~酒店未有得攞房住~行下超市先~呢次行程第一次行粉紅豬Bónus~




呢間都算幾大~大過首都市中心哥間~




一入去就見到呢隻茶...我媽已經雙眼發光...我媽飲開...話澳洲出....平時香港買開.....因為呢度一盒才ISK459=32.2hkd.....我媽話好平好平..(話實在我都唔知香港賣幾錢...淨係知澳門賣60幾mop一盒)




見佢咁多顏色咁多選擇~我又買兩盒先~橫掂都無野買~




準備好未~要去睇凍櫃d野喇~記得睇凍櫃d野食係連個人一齊入雪櫃架~(好凍~)




咦~有新味喎~要飲飲~憑拼音...應該係焦糖味乳酪~ISK132=9.3hkd.....幾抵飲~加上呢隻乳酪咁出名~(試後感:唔錯~不過都係鐘意生果味哥d多d~)




又見到羊腿片...好想買黎食...但今次又唔使煮早餐就無買黎食~真蠢~可以買定晚餐試架嘛~




及後發現呢罐野!!之前我咪講過有支對腸胃好既野飲既...呢隻係同一個牌子~呢隻叫Appelsín...好似係佢地既國民飲料...俾錢哥時收銀姐姐問我地:你地知唔知呢罐唔係啤酒黎架?...我地話知....佢又再講:佢地好鐘意飲...有喜慶節日都會飲~~而且最好飲既方法係加可樂一齊飲~~~(試後感:甜甜的像汽水)....一罐大大的才ISK179=12.6hkd




最後大發現:冰島都有魚籽醬出喎~~~~ISK419=29.4hkd.....$30不到一定要買黎試下啦~~~





然後揸架車去後面食少少野先~揀左呢間叫Salt Cafe & Bistro既餐廳~地址:Miðvangi 2, 700 Egilsstöðum, Iceland




來到冰島第一杯Swiss Mocha~~~~~ISK640=44.9hkd.....好鐘意呀~~終於可以再飲~~~~~~




叫左BBQ Baby Back Ribs....ISK3,290=230.9hkd....個醬又幾好味既燒得..但係肉鞋左d~薯條好吃~




Deep Fried Squid...ISK1,600=112.3hkd.....好吃~




Hawaii Pizza(12").....ISK2,250=157.9hkd.....餅底夠薄好好味~~~而且幾抵呀個Pizza咁大個喎~~~




四個人就係食左咁多野喇~呢日好慳丫~得呢餐出去食之嘛~




食飽飽我諗都4點喇~就去酒店攞房啦~呢間酒店叫Hotel Valaskjalf....地址:Skogarlond6, Egilsstadir, 700, Iceland.......依家寫blog上網睇番先知原來我地頭先食哥間Salt Cafe & Bistro係同集團的~~~




一入房~~~唔錯喎~~~個床位好似以前d大學宿舍咁~~~每房€140.4=1,162hkd...每人每晚係581hkd~





呢晚無出去食喇~司機攰喇~我地係酒店入面一齊食杯麵~~仲有食左頭先買既魚籽醬呀~~~~幾唔錯喎~~咸咸香香咁~





酒店對出既景~係幾靚~天氣係幾好~可惜呢晚並無極光出現~可惜~








今日做左個客...
做既期間已經串串貢....
做到最後哥步....每次我地都要問下d客既...
我:你個xx得唔得???(個個都要問)
客:我係澳門xx學會會長黎架..你仲問我得唔得?!
我:xx(稱呼)..其實我點會知你係澳門xx學會會長呢?我問你得唔得係想問你對自己xx滿唔滿意...
之後佢再講.....又無野話我呀嘛..咪話我態度有問題囉..
客:你既態度好有問題
我:麻煩你講出邊一方面?
客:你唔協助我囉!又話我個xx唔得!!(呢d咁無禮貌既人憑咩想人幫佢?擺明嬲佢我問佢得唔得...同埋直頭屈我話佢xx唔得~)
唔緊要我咪搵高級過我既人黎serve你囉你咁巴閉~
高級過我哥個同佢搞掂哂佢死都要叫番我過去...
擺明係想侮辱我一番...
客:你依家好驚我咩?做咩叫其他人過黎呀?
我:我點會驚你呀?(我心諗我又無做錯點解要驚?覺得好笑~)
查實你真係以為你自己係邊位呀......
以你既氣節簡直係侮辱你個xx學會呢個範疇..
你係咪覺得贏左個前線人員好叻?
定近排番風落雨你痴左條筋?
咁你註定做人是失敗的~
祝你去到邊都唔會有人樂意幫你~



話說...本澳最近最熱話題...
梗係4月9日考政府工430哥個職程啦~
為左順應個潮流~我都有報~~~~
應該話我地7公子都有報~
不過睇我個款..可能第一關都過唔到~
我本身上星期五諗住攞d法例係周末溫下既~
點知成疊法例放左係公司無攞~~~~~~我真係好好記性~
咁算啦~係iPhone下載個叫"科舉攻略"既app黎溫下啦~
點知佢要IOS10先down到~~而我仲係IOS9.X.X..
哈哈~~我都話無我份架啦~~~~
(可能咁好彩d選擇題我都撞中哂呢~)
雖然今次430收成百幾個人~
但個重點係有成2萬幾人報考~~~好刺激呀~~~



2017/04/03的開心事:
仲使講既~~梗係聽日放假啦~



報時:距離"七公子"帥帥出使釜山之旅2017仲有---9日~
報時:距離毛里裘斯渡假+馬達加斯加麵包樹之旅2017仲有---46日~
報時:距離與毛寶慶生快閃台北之旅2017仲有---177日~
快d啦~~~~我好想食韓國野呀~~~~~

30 則留言:

  1. 個海灣的感覺很舒服!
    串串貢的客人多的是,也不用放在心中!
    考試加油!一定會得!

    回覆刪除
    回覆
    1. 係呀~~望到入哂神~
      都無咩放心中喇~係唔抵得佢咁招積je~
      多謝~~~

      刪除
  2. 二萬幾人爭百幾個位......真真激烈

    回覆刪除
    回覆
    1. 係呀...無計啦....政府工係咁多人爭~

      刪除
  3. 我去左9日8夜,環島,一晚睇到極光。好好玩,風景好靚,但又唔係咁吸引到我短期內去第二次,可能因為物價太貴了。睇係寫blog比自己去更吸引引, haha.

    回覆刪除
    回覆
    1. 睇到極光呀~太好喇~
      因為冰島無咩買~所以我覺得ok~~~哈哈~~~
      唔同人去唔同地方都有唔同感受既~

      刪除
  4. 📣📢瞓醒🌟╠╣aΡpy週二嚟✨
    好友♦・゚☁晚安🌜甜夢安睡🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ✾๑۩۞۩*ღೋஜഐ❉

    回覆刪除
  5. 冰島出魚子醬好吸引呵, 價錢又抵. 呢間bonus係我最鍾意逛既地方, 不過真係唔好飲雪房, 凍到爆.

    回覆刪除
    回覆
    1. 哈哈~~咸咸地啦~~不過都幾好味既送餅乾食~~~
      要拉好衫d拉鏈先可以衝入去~~wakakakaa~

      刪除
  6. 奇奇怪怪的客邊度都有,唔好為佢激親自己
    其實香港同內地的政府工都係好多人爭,不過結果好難預料,試下無妨

    回覆刪除
    回覆
    1. 依家唔嬲啦~放下就是擁有嘛~
      都係試下架咋~無咩所謂~大家柴娃娃一齊參與下~唔得又唔會特別唔開心既~

      刪除
  7. 我好好懷念N1油站呀!
    咦!諗諗吓我都好鍾意有一張冰島嘅公路山景,仲要有太陽架~
    罐Malt係咪麥味飲品呀? 我幾鍾意飲架~
    呢D人使乜同佢勞氣,當佢唱歌啦!
    喂,你今年嘅旅程我都大致相同呀,台灣去左,非洲應該6月去,不過地點未定,仲有韓國去飲,年尾都有兩獲去飲

    回覆刪除
    回覆
    1. n1 d漢堡真係好好味~
      係呀~好好味呀~~~下次有機會再去你試下丫~~~我好鐘意飲架~~
      唔嬲lu~話知佢啦~~
      咦~即係有3次旅行都同你同一樣~~~~正~~~
      係呀~~你真係好鐘意非洲喎~~~~~今年再去~~~

      刪除
  8. 美人嘅天氣真係千變萬化,呢頭天陰陰,轉頭又變臉,不過梗係好天靚喇。
    係呀,又一排無留言呀,但我有睇架,伯母好勁呀,整親隻手仲可以頂咗咁耐!
    所以我都係快啲去冰島喇,年紀再大啲真係驚有心無力呀!

    回覆刪除
    回覆
    1. 簡直係比佢玩屎~~哈哈~~
      佢唔想掃我地興...傻瓜黎架佢~
      都唔係唔得既...但就要用多d時間去會舒服d je~

      刪除
  9. 而家啲人對住前綫人員以為自己係紳士,高人一等,討厭到不得了,無錯祝佢一世失敗兼失落,成世俾人奚落!!!

    回覆刪除
    回覆
    1. 係呀...我坐係度好似淨係望到佢鼻哥窿咁.....
      佢呢d人唔會有人幫佢佢就失敗梗架喇~

      刪除
  10. 長長既山景公路....我覺得好適合拍MV,~~哈哈,有時間停車睇下相就正喇~
    魚子醬個賣相討好~粒粒飽滿

    回覆刪除
    回覆
    1. 都係架~~~~影唔同既路~~~入唔同既歌~~~~
      咸咸香香都幾好食~

      刪除
  11. 我都好想快D去韓國呀 ! ! !
    隔左成5個月先出發的旅行, 心情很激動 ! ! ! 雖然第3次去SEOUL
    辛苦毛寶渣車了 ! !
    仲有時間準備 :) 祝BABY成功~

    回覆刪除
    回覆
    1. 我諗緊韓國d野食已經流哂口水~~
      我都隔左成4個月先去~~~就黎忍不住內心的渴望要去旅行喇~~~
      佢真係好勁呀今次~
      但我仲未溫完~~哈哈~~

      刪除
  12. 好心啦,佢係特首都係咁話啦,咁叻唔好來哎笨。妳講對,冇做錯怕甚麼喎?

    回覆刪除
  13. 遇到無理取鬧的人深感無奈,唯有極速搞掂打發佢走千其唔好再見XXXD
    果個海岸景確係好靚,不過如果大雨就真會有點山泥傾瀉危險@@
    冰島食店都幾高消費,如果住宿有爐自己煮係咪可以慳少少?

    回覆刪除
    回覆
    1. 係呀...最好永世不見~~~~
      如果佢山泥傾瀉我諗哥幾塊板係會無力招駕~

      刪除
  14. 魚子醬我未試過喎....想試下
    Pizza巧大呀.....好想吃.....
    仲有一星期妳又去旅行啦.....小心身體喎.....唔係病住去旅行就唔好啦.....

    回覆刪除
    回覆
    1. 都幾好味呀~咸咸香香的~
      pizza勁正~
      知道~~~~

      刪除