2017年2月16日 星期四

"七公子"帥帥出使東京之旅2016-10-03第三天Part 1(大雨)

星期二....終於感到人潮減了不少~夜晚去左食宏安~少女的墨魚翼~好味~之後仲食埋糖水~........星期三...約左露仙打邊爐呀~~又食上游~但我覺得佢d肥牛唔夠肥美..但d黑豚又過於肥美....wakakak~.....星期四.....我今日過得好好~工作平安又開心~~好野~~過周末了~~~~星期六仲去麥公子屋企開開年p~~~~期待~~~~~~~~~~~~~~~



2016-10-03
Day 3---Part 1(日本,東京 Japan,Tokyo)

早晨早晨~噚晚凌晨4點先訓....呢日8點又話出門口喇~~~癲架~~~~~好眼訓呀~~咁早出門口因為呢日上網訂左車飛呀~~要按時間進行~~首先由池袋駅搭JR去新宿駅~去邊呀?我地呢日會去富士山呀~~好興奮~~因為我第一次去咋~~係咪好老土呀?去咁多次日本但第一次去睇富士山~




去到新宿駅再去佢個counter度買由新宿駅去大月駅既車飛~有指定席的~不過佢話都幾爆~我地無得連住7個一齊坐~唔緊要囉~同車卡都ok~指定席2,770円=202.1hkd




問左買飛既姐姐去10號月台(好似..無記錯既話)...上到月台記得要企岩自己要搭既車同埋企岩車卡呀~




我地係搭08:30向松本方向哥班車的~(但在大月駅落的)...對準10號車卡上車~車型跟N'EX哥d好似~






分散坐~但都ok~因為都係附近~做咩咁慘呀毛寶~我記得呢程車我訓到頸都就黎斷~好似一個鐘車~




都好多人係大月駅落車~然後大家一窩蜂咁向富士急行線呢個方向跑~~我地都一齊跑~~~




如果見到呢個counter就火速排隊...因為如果你上網約左車飛又好....無預約即場買都好~都係排呢條隊~~因為轉車時間唔係得好多..好似20分鐘度~所以好心急~網上預約富士急行線車飛按此.....由大月駅去富士山既河口湖駅有3班特別列車行駛....(其餘係普通列車~)....我地為左夾岩時間坐呢架特別列車...所以先咁早出發~~~




等緊凱公子佢地去counter度換飛時見到大月駅有印章儲呢~靚~





我地上網訂左車飛~所以話咁快就搞掂~攞左車飛仲有富士山周邊景點既介紹~造型也太可愛了吧~




單程由大月駅去河口湖駅既車飛...因為我地要坐特別列車...加上想坐指定席....加加埋埋就要咁多飛~加埋係1,740円=127hkd...真係多謝凱公子上網搞掂d車飛..因為d車飛我真係覺得好難搞~~




好喇~入閘喇~大月駅所謂既閘口.....也太可愛了吧~~~~成個鳥居~~~~




大月駅附近都幾純樸feel喎~唔係東京哥d城市景~大家都睇到啦~天氣幾咁好................................呢個時候我已經預左睇唔到富士山~~~因為有d霧~~~又好似想落雨咁~~




入到去就見到我地要坐既特別列車喇~~~~華~~~好可愛呀!!!!!!!!我係第一次坐特別列車架!!!!!!好興奮呀~~~多謝凱公子帶我地坐~~~~







超多不同造型既富士山~~~~~好靚~~~~~~





仲有Moai造型呢!!!!!好掛住復活島上面d摩艾像呀~~~~




呢個細細粒富士山都好可愛~~~淨係影個車身都勁興奮~~




影完一輪相見仲有少少時間先開車~~~~~咁呢又未食早餐喎~咁呢~又見到月台隔離有部自助機喎~~又飯團又熱狗咁~~~我雖然之前見過呢d食物自助機~~但都係第一次試咋~~~~橫掂未食早餐~~買咯買咯~~




好喇~上車喇~睇番自己坐邊先~~~睇下幾得意~~都有富士山公仔~~~





車廂內部~呢個車廂係指定席來的~




張櫈可以向前轉又可以向後轉的~我就轉左向後面望住毛寶坐~




張墊頭紙都好可愛~





而車廂既前面就係梳化位喇~~可以自由坐架~可以睇住車長揸車~




坐上富士急列車~出發去~




開車喇~




毛寶仲特地為大家拍左個縮時短片~



好喇~開左車~食下野先~都真係幾熱辣辣架喎~~個盒極度辣手~~呢兩樣野食都合格有突!算唔錯!!各370円=27hkd





食下野望下風景...睇下座山.......嗚嗚....有霧包圍住架...




好喇好喇~~跟住就會有個靚姐姐揸住一藍既紀念品走過黎兜售~~~公子搶呀搶~搶呀搶~姐姐根本行唔到去後面~




呢個係富士急鐵路同瑞士少女峰鐵路合作出既酒杯呀~特點係:斜既~wakakaak~......凱公子買左一對~




我就買左folder啦~~磁石啦~~仲有把扇~~因為個folder有哂佢地個樣~好過癮~~





杯買左呢架特別版既車仔俾小公子~





咦~~行行下見到富士急遊樂場呀!!!!見唔見到d過山車軌~




希望過到哥邊天氣會好少少啦~




梳化位有呢舊野俾你扮扮野揸揸車~你又扮到真既一樣咁~~~




由於梳化位無劃位的~所以隨便坐同埋欣賞風景啦~帥嘛~





跟住佢會停一個駅的~我地又跟住落車(以為到駅)....仲想去廁所...行緊去既途中......凱公子發現:呢度唔係河口湖駅呀!!!...................於是一行7人又跑番上車~~~~~~~然後隨即開出~~~~~~~好彩咋~~~差d落錯車~~~好彩凱醒目~~~~~



好喇~~其實大約搭大半個鐘度架咋~~就到左河口湖駅喇~~~俾我地發現左.....另外一架特別列車呀!!!!就係Thomas列車呀~~~~~~應該未到開出時間~~~所以車上面無任何人~~~所以我地就影下相啦~好難得呀~~~~~一次過影哂兩架特別列車~









真係幾靚~




另一邊月台就係我地架列車喇~真係影相都影好久~




佢抵死到d雪糕筒都係富士山造型~~~呢個仲得意到富士山加叮噹!!!!!太可愛了~~~~~




唉~到左之後開始落出大粒雨...有見及此...我地決定係駅入面睇定d先~駅入面有d有關富士山既扭蛋~咁呀~抽一陣先啦~呢個係吸印~我地7公子有齊3個~幾出色~各300円=21.9hkd




呢個識著燈架~都幾靚~我地又係抽齊3個~各300円=21.9hkd






仲係落緊雨...唯有係車站餐廳食少少野先啦~早餐頭先都係食得少少....我叫左個咖啡飲...400円(稅拔)=29.2hkd...我叫呢個全因有好大舊cream~~~但飲完舊cream就唔岩我飲~




佢地叫左d烏冬食....應該每個600円(稅拔)=43.8hkd左右~但一般~




熱狗...520円(稅拔)=38hkd...有幾種唔同口味...最好味係芝士味!!!!幾香~~我地翻叫左芝士味熱狗一次~




豚肉便當...830円(稅拔)=60.6hkd.....個便當係凍冰冰的~但以凍冰冰黎講我認為唔錯~





重點推介:富士山型炸魚餅!!!!!!!!!!!!!!!!!!!360円(稅拔)=26.3hkd........超級可愛~個頂真係白色扮有雪架~~~最重要係熱辣辣極度好吃!!!!!!!!!!!!!!!!!!呢個又係翻叫了一次~




見雨越落越大......落到心都寒埋...明明噚日好好天架.....於是...搵定退路...去counter問定幾點有車走....




其實如果黎到呢度可以有好多野做既...有纜車坐...有船河遊....但你望下大雨到.........................大雨到咁近既對面山都望唔到...勁多雲.....見佢好似有排都唔停雨...我地決定忍痛唔去做呢d活動喇...因為去黎都無用!!





行出車站轉左手邊個停車場望過去...凱公子話本身呢度已經可以見到富士山架喇.....但呢日真係咩都望唔到....放住個假既望住先啦....嗚嗚....天氣既野真係好難預既~我同呢座日本神山仲未有緣見到








2017/02/16的開心事:
無架~聽日到星期五囉~仲唔夠開心嗎?



報時:距離"七公子"帥帥出使釜山之旅2017仲有---55日~
報時:距離毛里裘斯渡假+馬達加斯加麵包樹之旅2017仲有---92日~
報時:距離與毛寶慶生快閃台北之旅2017仲有---223日~

40 則留言:

  1. 好得意的富士山列車,車上重有咁多產品買真係正,毛寶真係扮得似無似樣﹗

    回覆刪除
  2. 🌟好友✨乖乖瞓覺豬🌜🌛晚安嚟💤╠╣aΡpy週五

    回覆刪除
    回覆
    1. 好友♦・゚☁晚安呢🌜🌛甜夢安睡嚟💤
      ✨眨吓眼時間過得好快🌟週末╠╣aΡpy
      ╔══╗────╔╗ ╔═╦╦╗─╔╗╔╗・゚⊹
      ║╔═╬═╦═╦╝║ ║║║╠╬═╣╚╣╚╗
      ║╚╗║╬║╬║╬║ ║║║║║╬║║║╔╣✬
      ╚══╩═╩═╩═╝ ╚╩═╩╬╗╠╩╩═╝❉
      ────────── ────╚═╝☆。。゚★
      ╔═╦═╗── ╔══╗╔╗─────╔╗¤
      ║║║║╠╦╗ ║═╦╬╬╬═╦═╦╦╝║✾
      ║║║║║║║ ║╔╣╔╣║╩╣║║║╬║**
      ╚╩═╩╬╗║ ╚╝╚╝╚╩═╩╩═╩═╝◇
      ────╚═╝∵係時候瞓覺喇喂∴

      刪除
    2. 🌈好友☁・゚☀早晨🌞午安好⛅
      💚*¨💜大家💙週末╠╣aΡpy💛
      ╔═════╗💕。・゚゚
      ║░═══░║・。。゚💞
      ╚═════╝╔═╩═╗
      ░══╬══░⊹╬╬
      ░░░║░░░⊹╚╬═🏡🏠🌲💒
      🌼❉°¨°ഐ🌻*ღೋ✾🌺

      刪除
    3. ✨好友♦・゚☁晚安呢🌛💤甜夢安睡喇喂
      ★ O
         o
       .∧_∧・。🌟
       ( ・ω・ )
       |⊃/(___✬
      /└-(____/
       ̄ ̄ ̄ ̄ ̄ ̄☆•*¤

      刪除
    4. 周五去左睇戲~好開心~

      刪除
    5. 係呀周末時間真係過得好快~

      刪除
  3. 嘩! 今日好有主題呀! 火車好Q,富士山指南好得意,所有野都好正呀! 日本人真係好有心機,呢D就係所講嘅軟實力吧。

    回覆刪除
    回覆
    1. 仲有,我都見你整左個地圖啦~

      刪除
    2. 哈哈~~架富士山列車真係幾得意~~~
      無錯~

      刪除
    3. 係呀~~人地上兩篇多謝左你教我啦~~~

      刪除
    4. 多謝你公開讚我呀~ 我係呢度多謝你,等你個大忙人唔使再去果篇度覆我,哈哈~

      刪除
  4. 聽說那裡常常下雨, 所以, 你唔好灰心, 下次再去過.

    回覆刪除
    回覆
    1. 真既~~原來係咁~~咁我都無咁唔開心~~

      刪除
  5. 4:00am瞓8:00am出發===>supergirl!!!!
    斜杯好盞鬼,同埋個富士燈好靚啊
    Thomas火車入面好似幼稚園啲課室XXXD

    回覆刪除
    回覆
    1. 其實你都望到我d相個樣係灰色架啦~
      斜杯係真係幾搞笑既~
      你講得岩~~勁似~~

      刪除
  6. 這個星期好開心喎!
    大家的黑眼圈出齊囉~~~~~~

    回覆刪除
  7. 特別列車同日本人一貫設計...好cute好靚,仲有玩具扮揸車..正,車上紀念品都幾特別,我like列車仔,而車站雪糕筒一樣同一系列咁靚,富士山形魚餅食物好有心思,有山形燈好盞鬼,日本人真喺得,有樣嘢..我留意到妳無化粧喎..素顏,哈...喺咁太早起身呀!

    回覆刪除
    回覆
    1. 係呀試搭呢個列車真係幾得意~~~我都忍唔住買左少少紀念品~~
      魚餅真的很好吃~~~
      其實我無化妝好耐~加上無戴眼鏡~~加上訓得3粒鐘~~係咁上下~~

      刪除
    2. 無化粧好耐...點解呀??

      刪除
  8. 特別列車好CUTE, 又有紀念品買, 太開心啦!! 富士山係神山,唔係成日都被人見到架, 所以可以去完再去.

    回覆刪除
    回覆
    1. 真架...咁可能我真係要去多次喇嗚嗚~~

      刪除
  9. 日本啲旅遊業真係做得好好架,週边配套各樣都做得太好喇,真係令人一去再去!
    好可惜呀,晨早起身坐咁耐車去到又落雨真係好慘架,我都試過咁情況,好似你咁一早訂咗車飛唔去唔得!!

    回覆刪除
    回覆
    1. 無錯無錯~我仲有好多日本既地方未去過~應該有排玩~
      唉..係啦...不過又係同公子既另一番體驗黎既~

      刪除
  10. 嘩,好令人興奮嘅國家名呀,馬達加斯加,仲有三個月就出發喇,諗起都開心,話晒都係非洲地方記住做好準備呀,健健康康去,開開心心玩!!

    回覆刪除
    回覆
    1. 我都好興奮~~仲要自由行~~好開心~~~
      知道~~~

      刪除
  11. 架火車車身幾特別.
    富士山型魚餅~~~睇落應該好好食咁喎.....好想出日本呀....

    回覆刪除
  12. 落雨真係唔好釆喇,下次揀夏天去囉,我朋友揀夏天去,係好好天,仲行上山頂添。
    紀念品好正呀。

    回覆刪除
  13. 有籍口下次再去,我都未去過富士山~~哈

    回覆刪除
  14. 富士山型炸魚餅好得意呀 !
    我都好想去睇富士山呀 !

    回覆刪除