2017年2月9日 星期四

"七公子"帥帥出使東京之旅2016-10-02第二天Part 1(晴天)

星期五...好多野做呀~~~不過下星期d小朋友番學啦~~忍耐~就是勝利~~~~~~放左工去食拉麵~之後去左睇生化危機:終極屍殺(Resident Evil : The Final Chapter).....話實在...我淨係睇左上一集架咋..前幾集都無睇~~我喎~~睇喪屍片喎~~~自己知自己事啦~一早知好早有驚嚇位~我點知3分鐘已俾佢嚇第一次~~之後醒喇~開三份一眼睇~即時無咁驚~黎到最尾一集..我無睇頭淨睇尾..都好似好明咁..而且都幾緊湊..個人認為不錯看~~~~~星期六...中午食左花道..之後去左威尼斯人...行左陣..然後又食左哥間印度餐廳...重點係要黎呢度睇一個叫大河之舞(River Dance)既表演(毛寶開頭以為叫大河之"母"~~哈哈)....雖然有好多種唔同既舞蹈..但我仍然最愛看是"Tap Dogs"~~~仲有唔明點解旁白要係普通話??人地係外國表演者喎...係澳門表演喎....點都應該係廣東話或葡文或表演者母語或英語旁白卦..........星期日...中午食左文哥~~之後約左另外4位公子行山~~~今次行左路環石面盆古道~~我地5個超堅挺..行哂成條...行左7.5km!!行左2小時50分~~~~~依家公子好健康架~愛上行山~~行完山點呀...肚餓囉~~食左新麻蒲韓燒~~佢d牛小排真係好正~~~同埋佢個前菜有個沙律真係好好味!!我每次都添超多次~~(而且佢地添前菜唔會黑你面..好過阿x郎d外藉侍應會西你面~~)....今次試左佢個香辣雞真係好好味~....星期一...唔知點解明明過左新年假仲係咁多野做.....放左工帶住又攰又病到round哂既身軀去影回鄉證既相....驚聞唔可以戴眼鏡影相!!!!成個樣超殘.....我唔想去攞相...未來10年都唔知點算........俾生化危機嚇到堅病左.....blog主說要休息一天~星期二仍然好多野做...我見仲有咁多小朋友黎...我就多口問其中一個家庭:係呢~小朋友係咪係澳門讀書呀~.......點知原來係內地讀書......跟住再多口問:咦~仲未番學既~........家長:呀~佢地放埋元宵呀~...........天真和晴天霹靂的我如夢初醒~原來仲要捱埋今個星期小朋友們先全部正式上學去~~~~~~~~~~~~~~~~~星期三..都係多野做~好彩放工有得同公子去食權昌先頂得住~6個人10個餸...每人$100都唔使!!!!真心又平又靚又正~...星期四都係多野做架喇....不過C小姐回來了~一切都不重要~



2016-10-02
Day 2---Part 1(日本,東京 Japan,Tokyo)

早晨~凌晨4點先訓既公子...10點又企左係條街度...好變態~~~~~~噚晚雨粉粉~呢日超好天呢~~係民宿附近街頭留影先~~~好帥好帥既七公子在池袋街頭留倩影~(我地笑話呢張相好似d組合既cd封面咁~好明顯凱公子就係主音兼最受粉絲歡迎架喇...我就係哥d組合隊長但唔得粉絲愛戴哥類).......一張相我地都可以諗到咁多野..................





行過轉角位呢間Ringo....噚晚經過大排長龍....依家10點左右可能太早無咩人排...八卦下賣咩既先~地址:東京都豊島区南池袋1-28-2 JR池袋駅1F......





原來係賣蘋果批既~我上網見得兩間店...一間在池袋..另一間在川崎......由於佢開10點...所以呢批一定係新鮮出架啦~~~




一個399円(稅込)=29.1hkd....每人限買4個...我地只買了兩個share黎試~外皮幾酥脆既~內餡係吉士醬加蘋果~唔錯~(咦..我話過唔食甜野做早餐架喎)




好喇...食飽飽諗住搭Metro出發~~~點知諗入池袋駅時有人說:唉呀~呢度有Muji喎~要買d野先~就係咁...就俾muji吸左入去喇~~~~~係喇...出發之前又睇左d標題為十大好用muji旅行用品之類既文...話有d香港無日本先有..咁咪去望下囉~(唔知依家香港有無呢?因為我唔係成日過香港~)....就係呢個紙型牙膏...500円(稅込)=36.5hkd....同埋紙型洗衣...600円(稅込)=43.8hkd......紙牙膏方便帶上飛機擦嘛~不過買左我都係未用過~





仲有呢個當時又話係日本新出...又係唔知依家香港有無呢?之前食開係外面係白朱古力包住士多啤梨乾...新出品係外面係綠茶朱古力~~~~300円(稅込)=21.9hkd....買左兩包番黎請左我兩位好友食~(睇下...包野既賞味期限都過埋我先寫緊呢個blog~~~~~)





同埋懶係發現新大陸(呢個香港一定有..因為我媽覺得好好味後尾係香港再買番黎)....用黎煮飯食....變成松茸飯!!超香超好味~唔同口味有唔同價錢...最貴係松葉蟹.....其他都好似係450円(稅込)=32.9hkd.....好羨慕香港有得賣~





好喇d女仔買完一輪就諗住去搭車喇...點知搭扶手電梯時又見到....喂!Loft呀!!唔係唔行下呀嘛?.....有時車站上蓋係商場都令人幾受不了了誘惑~~~~




即刻衝去搵我最心愛既香水先~~噚晚Tokyu Hands得3支買得唔夠喉呀~~~點知發現佢出左好多周邊既產品!!!!好開心~~有呢隻小支裝既點點棒香水啦~800円(稅拔)=58.4hkd....買喇買喇~~~




平時買開哥隻係1,200(稅拔)=87.6hkd...但香味不太持久~依家新出左呢隻香味持久d既~~1,800円(稅拔)=131.4hkd...我又買左兩支~~放假先可以噴架~~(明明同一隻味~)




仲有仲有!!!呢隻香味既body lotion~~~同埋含防曬成份既粉餅~~~~各1,000円(稅拔)=73hkd......我整個氛圍都有呢種香味好幸福呀~~~~(心心眼中)




我對呢隻味既產品係全無抵抗力的~~~~~~~




出發時個個都話買既水素水....樽+濾心盛惠2,500円(稅拔)=182.5hkd.....個心可用一個月..





淨濾心就1,500円(稅拔)=109.5hkd....個個出發前都話買...俾完錢之後我發現得我一個人買左...........你班人丫.......出賣我!!!!!!!到依家我都仲未開黎用~~~




呢度都有好多唔同既墨水買~而且價錢幾相宜~任揀3色才2,100円(稅拔)=153.3hkd....每個即係51.1hkd~毛寶都有入貨~記得Loft都有得退稅架~不過佢地退稅過程退得有點慢~




買完Muji買完Loft...又到食中午時間....說好了10點出發離開池袋駅去第二個區既???嚴重Delay到下午1點都仲未走到仲係池袋區食中午飯~~~~~~~離哂大譜~~~~~呢間係凱公子推介的牛かつ いろは......地址:東京都豊島区東池袋1-9-7友光ビル地下1階......wow....長龍店呢~




呢間係食吉列牛扒呢~餐牌就係得一版~唔使驚唔識日文~因為有英文版~係你掛緊隧時店員已經會先幫你落單先~其實你需要揀既就係第一:你要食幾多重量既牛(分130g和260g).....第二:就係要唔要山藥泥(同樣重量既牛如果要山藥泥多加100円=7.3hkd).....英文餐牌中既Yam就係解山藥泥~





雖然好多人排隊...但又唔算等得太耐~終於轉到落去B1見到曙光喇~~~~~





有位公子不吃牛~所以自己去左行街食拉麵~凱公子說呢間餐廳入面好細....所以我地決定採取2個人一張枱黎分開食唔6個人一齊食喇~(如果唔係好難等到6人枱呢~).....




好野~~~好彩排左半個鐘度就入到去喇~~~~間鋪真係好細~而且抽氣很差~食既時候覺得隻眼好澀~~~~(因為好煙)




Yeah~~先上小火爐~~~~(基本上你坐低哥時小火爐已在)




我同毛寶每人都叫左260g既牛扒套餐(我地有要山藥泥)...2,200円(稅拔)=160.6hkd.....一上既時候...我同毛寶都叫左聲:華!........因為我地都估唔到原來260g原來係咁_大份.....................所以130g就係一塊牛扒...260g就是兩塊牛扒咯~(白飯可refill)





佢只係輕炸塊牛扒....外皮炸粉好薄的....內裏還呈現這種粉紅粉紅趣緻的臉的狀態~




然後點呀...俾個小火爐你就係俾你隨你既喜好將佢燒得幾熟呀~




幾招積呀可~又炸又燒咁~知喇知喇~香港依家都有得食丫嘛~但我10月去哥時香港仲未有嘛~



食後感....係好味既!!因為舊牛本身牛味好好味~而且我鐘意燒幾熟就幾熟~一定會岩自己心水~不過勸勉大家...唔好好似我同毛寶咁咁貪心叫260g呀...因為真係太多...食到第二塊牛扒哥時已經覺得勁漏同埋唔係享受咁食~全靠佢旁邊既椰菜絲來解漏~所以130g是剛好的喇~無諗過160hkd可以咁抵咁大份嘛~




好喇~食飽飽會合番唔食牛既公子番民宿擺低一袋二袋既戰利品先~經過便利店又衝入去買少少飲品今晚飲先~~(好變態)....明治牛奶真係好好飲~~最左邊哥罐酒都好正~(喂..又出現乳酸類飲品既?)




出發前就很想試的滑蛋豬扒飯飯團~~7仔有售~~但最神奇係...我最後買完唔知佢去向係邊.....................




好喇~~~4點~~~我地終於離開池袋駅去我地今日第一個景點喇~~~~~~~~次次去東京都會down呢個app"東京地鐵"用....因為我去既大多地方都係搭Metro多過JR...所以呢個app好好用~只要輸入出發同到達既駅名佢就會教你點搭係邊度轉車~~好方便~~重點是離線狀態下都可用~~(多謝殷師奶係佢自己個blog度推薦咁好用既app~~)....係喇~我地依家就係出發去淺草喇~~~




好喇~第一個景點就係唔好理雷門個景點~~首先衝去某公子話要去既蒟蒻しゃぼん......呢個蒟蒻呢~就唔係食既~係洗面用的~~~~~~~點解要衝去先??因為佢就黎關門喇~~~~地址:東京都台東区淺草1-18-12.....佢就係正雷門既商店街側街





呢個蒟蒻呢~就唔係食既~係洗面用的~~~~~~~




有好多款唔同既顏色~唔同既功用~質感軟軟的~幾過癮~




聽講之前杜小姐有介紹過好好用的~好啦~咁我都買黎送俾媽媽同兩位表妹先~呢個係肥皂+肥皂盒套裝....1,800円(稅込)=131.4hkd.....提提大家呢度有退稅....雖然售貨員姐姐不太友善....但公子仍然買瘋了~








星期五睇完戲之後收到個好好好好好既消息~
熱血沸騰中~



多謝銀仔哥~
我終於整到我去過國家既地圖係我個blog喇~
謝謝教導~
望望下...我真係仲有好多地方未去.....



2017/02/09的開心事:
無得講~一定是C小姐帶給我的安慰與快樂~
仲有聽日就係星期五喇~~~Shalalala~



報時:距離"七公子"帥帥出使釜山之旅2017仲有---62日~
報時:距離與毛寶慶生快閃台北之旅2017仲有---230日~

48 則留言:

  1. 嘩,第一次聽到啲小孩回大陸讀書,咁咪好早醒來去上學。

    回覆刪除
    回覆
    1. 唔係~係d小孩本身住大陸襯放假先黎我地度玩~

      刪除
  2. 很想吃那個牛 知道香港有但提不起勁去吃 哈哈
    很想知道你喜歡的那個香味有幾香呀 而且粉紅色包裝真係好靚呀
    你地係瘋狂購物團呀 XD

    回覆刪除
    回覆
    1. 好似係元朗..個牛.....唔知係咪~~
      唉呀~應該香港都有得賣既~~~你買黎噴下啦~~
      我無~~我唔係~~~我買得好少野咋~~

      刪除
  3. 蒟蒻洗面皂,我在北海道函館都有買,個包裝好靚﹗個吉列牛我在上野見過,我見佢影出來好生吓,以為無得燒熟,無試到﹗

    回覆刪除
    回覆
    1. 係呀~~唔知你哥舊同我哥舊係咪一樣~
      有得燒架好過癮~~幾好味~

      刪除
  4. 嘩,七公子出碟嗎?呵呵呵
    您們掃貨掃得很High!

    回覆刪除
  5. 正呀...牛扒我自己喜歡燒熟D食呢

    回覆刪除
    回覆
    1. ✨超快到年十四喇喂🌟
      好友♦・゚☁晚安呢🌛💤甜夢安睡
      ★ O
         o
       .∧_∧・。☆
       ( ・ω・ )
       |⊃/(___✬
      /└-(____/
       ̄ ̄ ̄ ̄ ̄ ̄•*¤

      刪除
    2. 🌟好友♦・゚☁甜夢安睡✨晚安🌜🌛💤
      💞齊齊💕╠╣aΡpy🐓年十五喇喂🐤

      刪除
    3. 齊齊╠╣aΡpy2Ѽ17元宵節👫
      ┏┓┏┓*。・゚゚ഐ
      ┃┗┛ appyღೋ❉年十五
      ┃┏┓┃¸.₡•*¨Ϡ🐣🐓
      ┗┛┗┛*¨・✾。。゚°•♩¤。♪.♬。♫
      ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

      刪除
    4. 氣溫慢慢升返喇.我又活躍返了
      好友♦・゚☁瞓覺呢🌛💤╠╣aΡpy星期一
      ╔══╗────╔╗╔═╦╦╗─╔╗╔╗🌟
      ║╔═╬═╦═╦╝║║║║╠╬═╣╚╣╚╗✬
      ║╚╗║╬║╬║╬║║║║║║╬║║║╔╣★
      ╚══╩═╩═╩═╝╚╩═╩╬╗╠╩╩═╝☆
      ──────────────╚═╝✨。。゚

      刪除
    5. 係呀~~雞年過得超快~

      刪除
    6. 年十五去左邊度玩呀~

      刪除
    7. 我年十五去左食大餐~

      刪除
    8. 今日真係暖番好多~

      刪除
  6. 我見到蘋果批好靚一定好味,
    而且又有朱古力包新鮮士多啤梨,
    但食用期好短,
    吉列牛柳...好正咁喎。
    日本食嘢真喺無敵...

    回覆刪除
    回覆
    1. 以我唔食蘋果批黎講都覺得佢唔錯既~
      哈哈~朱古力我都無食過~買黎送俾朋友了~
      個牛真係一絕~

      刪除
  7. 係日本有目的地既時候.....永遠都不能順利去,總有吸引既商店在附近
    哩個牛好正呀~~吞口水中~~~

    回覆刪除
    回覆
    1. 無錯~但我係估唔到delay得咁嚴重~
      真係好好味~~~你有無食過香港哥間呀~

      刪除
  8. 我都好怕睇喪屍片,怕核突...
    我回鄉證張相都係超核突,唔係好敢拎出來XXXD
    無印果個松茸飯都想試下,留意下先^^
    果份吉列牛扒都真係好大份,兩人食都夠!不過都驚煙多空氣差和太焗

    回覆刪除
    回覆
    1. 今次哥個最終章又真係幾好睇既~
      相鋪又幫我執到個樣幾和諧喎~我收貨~hehe~
      香港就好啦~可以隨時買黎食~
      我都覺兩個人食都一定夠...但抽氣真的不好~

      刪除
  9. 有事請教小t
    想問怎樣 set 不能 copy 文章
    thanks

    回覆刪除
    回覆
    1. 如果你唔介意你俾你個e mail我丫~我send俾你~

      刪除
  10. 我都係日本買左綠茶士多啤梨食, 細細包又好味!! 我返到香港MUJI睇過係冇架.

    回覆刪除
  11. 第一張相堅型爆!
    兩個蘋果批七個人分,係咪當早餐先,夠飽咩,小 t喎,食咁少?
    紙牙膏紙洗衣,請問點用架?
    正呀,吉列牛,啱晒我地啲牛精!

    回覆刪除
    回覆
    1. 係呀le係呀le~
      還好啦~我無諗過食早餐~~(平時早餐係兩個飯團或者一份三文治~)
      毛寶用過紙牙膏..佢話無咩泡起到~好似平時咁囉~~
      我都好鐘意食牛~

      刪除
  12. 妳現在感冒好番未呀?希望已經好晒啦.......
    豬排好大件....睇落好好食咁喎
    妳都叫去得少地方.......咁我咪井底之蛙.....嗚嗚嗚

    回覆刪除
    回覆
    1. 祝妳元宵節&情人節快樂。

      刪除
    2. 我好番好多喇~~~
      牛扒黎架~
      唔好咁講~起碼你係加拿大讀書我都未去過~

      刪除
    3. 多謝~~希望你日日都快快樂樂~

      刪除
    4. 我唔係去加拿大讀書、而係家庭團聚移民呀。

      刪除
    5. 0我~~~~~咁咪係囉~~~~~你都去過加拿大呀~

      刪除
  13. 現在澳門是否無分路環氹仔, 你那裡都有山行, 對健康是好事, 我還以為只有松山才可以行山,.

    回覆刪除
    回覆
    1. 都有架~
      我去路環行架~
      你都幾叻喎~識松山~

      刪除
  14. 第1幅相形容得真係貼切,凱公子堅肉主音大佬,六星拱照凱公子.
    愛行山?!......而家真係多後生細女鍾意行山嘅啫,真係健康,題外話,如果有某公子參加咗馬拉松你都可以報導吓架.
    排隊食牛相點解遮住貞公子的俏臉(容我用較骨痺的字眼)?

    回覆刪除
    回覆
    1. 係呀~佢真係主音格~
      佢之前有參加呀~幾叻叻~.....係囉..依家好多公子都行山~包括你最愛哥位
      因為張相佢好x樣衰...唔遮出街會俾人話

      刪除
    2. 好x樣衰?會唔會呀?唯一可能係佢撩緊鼻屎......

      刪除
    3. 唔係~但不經意既樣衰樣

      刪除
  15. 你個張Footprint放唔到大張來睇o既!我睇唔清楚喎!
    松茸飯我未試過添,第日去搵下先。

    回覆刪除
    回覆
    1. 哈哈~~我都唔知點整可以放大~~哈哈~~~
      你地就好啦~可以隨時買到~

      刪除
  16. 小t, 我要努力visit番啲blog友仔, 驚遲啲會冇人理我, 呵呵!
    張相真係似組合嘅CD封面呀, 各位明星們, 唔該簽個名 ^.*
    MUJI個松茸有興趣試呀, 多謝介紹 :)
    究竟個香味係點架呢? 咁吸引小t, 但香味又好難形容添

    回覆刪除
    回覆
    1. 點會呀~你次次出blog我都有黎探你架~
      野~~~好衰架~~
      係呀幾好食架好方便~就咁倒落去正常煲飯就ok~
      hehe~少女香~

      刪除