2016年11月28日 星期一

南美洲4國新奇探險之旅2016-03-06第二十三天Part 2(晴天)

星期五又係超多野做!!!!好攰好攰...攰到膊好痛加頭痛!放左工食左麥記(試左黑松露色色時條...聞就聞到味..食就食似媽咪麵).....之後去左做牙齒美白!!!做左一次牙齒已經白左好多~我好開心~~~~~~~佢就建議連做兩次~之後兩三個月度先再做一次保養~見佢係日本技術...話不傷琺瑯質我先去做...之前d漂牙都感動唔到我~見到自己d牙仔白左我個人好開心~星期六中午去左食C4FE on 4...下午就去左小青蛙個妹妹既pizza hut生日會....之後晚餐食左上游呀!!!打邊爐我地係冰島哥時都好想食~~仲要呢日突然變冬天既氣溫~真係好岩打邊爐~佢個手切牛肉真係好正~~~星期日中午又去左美白牙齒~做埋今次就一個月之後先再做喇~中午食左馬慶康~再去埋Garment Park掃掃貨~~然後再衝去800伴買晚餐既料~夜晚自己煎扒食~~多謝大比同阿Sam的M9~~好好味~~~~星期一超級超級的多野做~我盡力了~



2016-03-06
Day 23---Part 2(阿根廷,埃爾卡拉法特 Argentina,El Calafate->佩里托莫雷諾冰川 Glaciar Perito Moreno->埃爾卡拉法特 Argentina,El Calafate)

坐完船仔又再起程行番頭先已行過既路~~但我地要再行遠d~~想睇下有無機會再接近d呢個美人~~~~~拿~d路算係幾好行架~又唔使係行山路爛路....入場費抵俾啦~




不過上上落落樓梯都好攞命......到達第二個觀景台~好像跟小美人又近了點~





本身無諗過再行~但又想知再行會係咩光景?




又去到另外一個觀景台~




呀~~~岩岩有冰崩塌~~~~不過梗係影唔到佢跌落黎哥剎那啦~~~淨係影下個案發現場俾你地睇睇咋~~睇唔睇得出邊度~~





呢個位望又唔錯喎~~~~~




zoom埋去影又影得唔錯~iPhone都算係交到功課架喇~




本身諗住行回程路啦...點知見到路牌寫行前少少有個"First Balcony"....叫得"First Balcony".....應該有d料到既~~又抵唔住頸行過去看看~~




華!!!好近呀!!!好高呀!!!!好彩有行過黎咋!!!!好震撼呀~~~




點都要係度同我地南美呢個旅程最後一個check point影番張靚相啦~我地d膚色經過南美旅行既洗禮..都變得黑卒卒~





企係呢個"First Balcony"點影都壯觀!!!






又再zoom埋去影見到佢d冰一粒粒咁好得意!!!估唔到係陽光下都咁藍~~(通常陰天睇冰川先藍d架嘛~).....佢已經成為我心中最愛冰川第一位~~~~~~~(負心漢)








旅程去到呢個時候~~我個頭又長又醜....曬到好黑.....有人搶鏡呀~~睇唔睇到~~~~




係喇~你最靚仔喇~~~邊有一個小朋友好似你咁去過咁多地方丫!!羨慕你呀!!





望多一眼咁有氣勢既冰川!!!




拜拜~~走喇...我勁唔捨得.....好想望多一陣個冰川..




又去番入口哥度~搵野食喇~~~依家成下午3點左右喇~隔離仲有紀念品賣...不過d紀念品出奇地唔靚..一件都無買~




對住呢個景食野有無犯規左少少???????????????




不過我地呢個時間黎已經無咩好野食.....得番呢d.........




個包係難食到一個點.......唯有果汁同埋薯片最穩妥~




送上冰川小短片~



又坐番個幾鐘車出番去埃爾卡拉法特(El Calafate)~首先又去左噚日去過哥間Casblanca嘆番杯Viennese...$80ARS=40.9hkd....好正~




嘆完一陣啡又去行下~發現呢個地方好多間紀念品店~又行下先~





無咩特別收獲~就係見到呢幾隻假得離譜既minions~~~




好喇~係時候要揀揀今晚餐廳地點~我地左行右行~揀左Casimiro Bigua....地址:Av. Del Libertador 963, El Calafate Z9405AHH, Argentina~今餐揀扒房~上網見有我訂位~不過我地哥晚就咁行入去都有位~





麵包配上類似酸酸地醃左既菇~




今晚黎到扒房食扒呀嘛~梗要叫番杯阿根廷紅酒襯一襯啦~紅酒$60ARS=30.6hkd~好平~




Vegetable Soup...$69ARS=35.2hkd....幾抵..咁大碗...不過我麻麻西湯...因為成日覺得係打到d料變蓉再變湯..不喜歡~我喜歡中湯~




Garlic King Prawns...$186ARS=95hkd....好味呀~個汁好正~




Mussels with Olive Oil, Garlic, Parsley and White Wine....$119ARS=60.8hkd.....好味呀~~青口嫩嫩的~




Breaded Patagonian Shrimps with Guacamole Sauce...$149ARS=76.1hkd.....本身係叫炸魷魚圈..點知黎左炸蝦...但都好好味~~~~炸蝦好新鮮~配貌似牛油果醬~正~




T-Bone Steak....$395ARS=201.7hkd......勁抵!!!咁大塊喎~~~~很有牛味~~~




Rib Eye(300gr)...$319ARS=162.9hkd.....肉眼是我的菜~~~我喜歡肉眼的肉質~~~而且阿根廷的牛...真~的~太~出~色~!!....$160係澳門我唔知食到d咩....




薯條....$76ARS=38.8hkd....唔貴..但唔算好食~




飲杯~~~~~~為左我地達成左4個check point真係要好好飲杯!!!!想睇既都睇到!!!!而且係我心中我睇到既係最好的~!




呢餐飯食左$1,637ARS=836hkd.....每人才209hkd!!!!!又扒又酒......抵到.................................仍然哥句...係澳門我唔知食到d咩~~~~~~~~俾錢時不妨問下餐廳收唔收美金...如果佢收不妨問佢地匯率係咩....因為我地計計下....俾美金仲平過俾阿根廷錢~所以呢餐我地俾左美金~~呢間餐廳野食好食~但服務麻麻~好喇~番去執野喇~聽日搭飛機去第二個城市玩喇~








2016/11/28的開心事:
得個攰字~不過好開心今日可以同朗公子一齊收工~



報時:距離合家歡台北聖誕之旅2016仲有---25日~
我好想食台灣既野呀~~~~~

26 則留言:

  1. 我錯了,我要收返上一個留言,個冰川好壯觀好靚呀!
    D minions 對眼好腫咁... haha

    回覆刪除
    回覆
    1. 我睇過既冰川之中...我覺得最靚係阿根廷!!勁宏偉~~
      哈哈~~佢地個樣真係假得黎好搞笑~

      刪除
  2. 牛排真係好味道咁呢...果碗汁仲正呀

    回覆刪除
  3. ★・゚✬好友🌙。゚✨晚安🌟甜夢安睡囉☁*¨*🌛☆
    瞓醒💞齊齊💛⊹¨*💜╠╣aΡpy💚。゚💕週二💙

    回覆刪除
  4. 近距離睇冰川真係吾同啲,好震撼﹗

    回覆刪除
  5. ⛅*`☀好友♦・゚☼早晨☕午安好☁
    💟・゚。¸¸週二╠╣aΡpy。゚💖
    ╔═════╗*¨`*•💘
    ║░═══░║¸.•*¨`*•💗
    ╚═════╝╔═╩═╗*¨*💝
    ░══╬══░⊹╬╬⊹💞
    ░░░║░░░⊹╚╬═⊹。゚💕
    💙齊齊💜天天向快樂前進💛。゚。💚

    回覆刪除
  6. 貞想問。。。點解冰川係藍色嘅?😮關唔關個天事?定係唔知d咩萬年礦物質結晶?

    回覆刪除
    回覆
    1. 我上網睇係話當冰川越來越增長...氣泡越黎越小..無氣泡既散射效應..光可以更深入冰...呢個時間...因為吸收左紅同黃色..人眼睇冰川就係藍色...好似係咁解

      刪除
  7. 🌟・゚✨好友★。゚✬晚晚甜夢安睡囉☁*¨*🌙☆
     .∧__∧・。。゚🌛💤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄•*¤💤
    ╔══╗────╔╗╔═╦╦╗─╔╗╔╗💞
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝💜•*💕
    💙*¨*💓大家週三╠╣aΡpy💚°¨°💛

    回覆刪除
  8. 你地無落到最低果度呀?

    要牙齒潔白, 平時少D飲深色飲品, 如茶, 尤其檸檬茶, 一來檸檬酸性, 二來茶會染黑D牙, 我每次在家中飲完潽里, 都會去擦牙, 用SENSODYNE 的 PRONAMEL, 可以補補D法朗質.

    回覆刪除
    回覆
    1. 無呀~~~~唔夠時間喇我地要回程~
      我知呀~其實我好少飲咖啡茶哥d~
      咁乖既飲完即刻刷牙~

      刪除
  9. 啲食物真係好吸引呀,當然都係啲冰 chun 更壯觀 <3

    回覆刪除
  10. 牙齒美白幾銀一次?
    冰川個崖邊原來係咁直筆甩,好齊喎,同埋個首席露台個view好近好正,唔舍得走係正常^^
    可以畀美金仲要平啲,真好,唔駛換咁多阿根廷錢蝕匯價.....

    回覆刪除
    回覆
    1. 依家做緊promote~500多~
      係呀係呀~~好得意~~~無計啦~佢個車定左4點...所以都係要走~
      係呀~所以我地果斷俾美金~

      刪除
  11. 其實當時凍不凍的呢?
    最想試D牛扒~~~~~
    好快又出動!

    回覆刪除
    回覆
    1. 坐船哥時凍囉~之後行緊哥時超熱~
      真係好好味~~~
      再快d啦~~

      刪除