2016年10月24日 星期一

品味坊Temtations@星際酒店

星期五...較哂鬧鐘起身番工mode...好彩一起身先看看whatsapp..同事谷和公子谷都熱烈討論8點半會掛8號風球~好似兩年無放過8號風球颱風假...估唔到今次無咩風又竟然有8號波....星期六中午又食馬慶康~~之後去左Garment Park掃掃秋天衫~~夜晚睇左Thriller Live~都唔錯~睇完先去食海榮~星期日中午食左Fado...之後買左少少旅行野~再會合公子高茶......夜晚就簡單的食超市壽司做晚餐...不捨這3天假期.............星期一梗係多野做啦~星期五打風喎~同埋呢個星期應該好忙~~又要做呢樣又要做哥樣~~~~希望抽到時間打blog~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~又出下野食先~呢日我地黎到星際酒店16樓既品味坊(Temtations).....電話:8290 8688....以前呢度係食自助餐既~我以前超鐘意呢度既自助餐架~~依家變左做食歐陸菜~會黎呢度食係因為有d推廣咪黎試下囉~...雖然閒日黎會少人d~但我都會訂位~(周五周六黎過座無虛席)......要留意既係營業時間係07:00-22:00...咁早收係因為晚上10點後就會變成Bar~




幾有情調呀~






特登打黎訂位係因為我指定要坐呢個鳥籠似的卡座~好靚~要有少女feel就要打電話時訂坐鳥籠咯~~~




只有3個鳥籠位~如果唔係就係呢d普通座~




介紹下今晚既飯腳先~有我~媽媽~毛寶~~我覺得坐圓枱食西餐挺不錯~~~~加上我地3個都係少女嘛~~~~





吸引我地黎既係呢個生蠔優惠餐單~$398有兩打Tasmanian的生蠔呢!!!!如果叫左呢個生蠔優惠...就要每位叫番呢個$198既main course(或者唔叫呢個餐既main course都得~可以單點佢餐牌入面既任何野~總之每人叫$198就好~但之後有朋友話試過每人無叫超過$198都ok喎~依家我唔知喇~)




食生蠔嘛~梗係要叫白酒黎襯襯啦~~我係鐘意飲白酒多過紅酒既~~~橫掂3個人都飲~~~叫一支好了~揀左呢支2014 Michel Lynch Reserve Blanc, Graves, France...$280...係酒單入面我係根據d咩黎揀呢支?....我識屁咩~~~梗係揀支岩價就算啦~~~~~以酒店黎講$280真係算幾平下~




唔~~~~~唔錯~~~超重果味~~~~~我好喜愛飲~~~~~~




麵包...好好味!!!!!攞出黎仲係熱熱的~外皮還脆脆的~~~




生蠔一上我地就請人幫我地影相啦~鳥籠好有氣勢呢~~~不過太野食太遠睇唔到...拉番近少少先~




生蠔係咪都好有氣勢呀~~~~~~~$398有兩打Tasmanian生蠔~~~~~我最鐘食Pacific Oyster架喇~~~~~~成盆出哂幾有氣勢呀~~~~






經理話呢個生蠔既香檳汁係佢地自己打出黎架喎~係唔錯幾好味~~但太搶生蠔d味喇~~~~




我鐘意Pacific Oyster既海水味+肉質爽脆~雖然唔大隻~但我覺得好鮮美~~~~~~





食完兩打之後....經理過黎問我地...好唔好食呀~~夠未呀?要唔要多兩打?本身我地之前話唔好既...話少食多滋味~但我問佢:如果叫多一set兩打$398....係咪每人要再叫多$198?....經理:唔使架!.........so..........why not?????????????????????




阿拉斯加蟹肉.蝦沙律.....$168....比較細既頭盤~但好好味~




煙車厘茄地中海魚湯...$68.......如果想叫湯就唔好錯過呢個湯~~~~清清的但好有鮮味...個煙車厘茄先係精髓!!一咬落去好大朕煙燻味~~~~~~我好鐘意呢種味道~






白酒炒法國藍青口..$198.....貼心到幫我地分埋~





個汁好正~~而且青口肉超級嫩嫩的!!!!!!我好喜歡~~~~~隔住個mon都聞到香味~




下一道菜食肉我就要轉飲紅酒喇~不過頭先已經3個人飲左一支白酒~紅酒唔叫支上喇~淨係叫左兩杯試下算啦~左邊的是2015 Ventisquero, Clasico Merlot, Central Valley, Chile....$75/glass.....右邊的是2013 Michel Lynch Reserve Rouge, Medoc, France....$80/glass.....我純講個人口味架咋因為我唔識飲.....我鐘意智利哥支多d~




美國頂級肉眼扒(12oz)....$448....包埋後個蔬菜既side dish....




我地叫左5成熟~~~好緊張~~唔知點呢~~~~因為你叫5成...塊扒通常都係7成熟咁行上黎




星際呢間品味坊d服務真係好好~經理有笑容有禮貌~其實侍應哥哥姐姐亦都有禮貌~而且服務是挺貼心的~我影哂靚相佢再問我:幫你地分左d野食好無?....我:梗係好啦~~~我最懶架喇~~~~~~




每人都分得靚靚上碟~個汁佢推介我地叫黑松露汁~餐牌無的~都唔錯~




緊張時刻到了~登櫈~都不錯le~我滿意~而且牛扒也不錯吃~基本上我無咩點汁~因為汁會搶左d牛味~淨係加少少芥末就很好吃了~(其實我好鐘意食Dijon~屋企食斬料燒肉都會點佢...又中又西咁係呼覺得我地好作狀?....但其實真係好好食的..試下啦~我要推廣Dijon+燒肉先得~)




甜品時間來了~我地叫左火餡班戟~因為有(Gueridon Service)即席前服務~~~此時經理就要推車出黎化身小廚師~




一開始就加d糖呀牛油呀橙汁呀之類之類先~






然後再加塊crepe落去煮~





然後我最想睇又最緊張的時刻要來了~就係落酒環節~wow~好野~~~好睇呀~~~~






個甜品用左呢3隻酒整架~




係你面前噴哂火咁先收你$98.....算係咁啦~其實幾好食~之後佢推介我地下次去既話可以試下火餡菠蘿~仲好食~~(其實已經下次左~火餡菠蘿確係仲好食~~~~~~)




食食下無啦啦有一堆人唱:happy birthday to you~happy birth......................圍住我地張枱........我地係有叫Tiramisu....但...我地無人生日喎~~~~~~~~~~(生日哥個仲要叫Allen)笑到我地~原來佢搞錯隔離枱~佢勁唔好意思話攞番入去幫我地整過~點知我地......




我地話:唔緊要啦~橫掂我地都叫左~唔好浪費啦~當你地送左個許願機會俾我地啦~~~~~~~~~~~~你睇下~~~~~我地真係好傻~




華~許完願滿足到~~~~~~~點呀~許哥個願實現左未呀Allen~~~~~~~~wakakaka~呢個Temtations Tiramisu...$68....值得推介!!我平時唔食Tiramisu架~但呢個真係令我一而再...再而三咁叫黎食~~~~~~係佢地餐牌既推薦甜品黎架~




我媽幾鬼仔呀~飯後仲黎一杯expresso..$32




最後送的Petit Four~曲奇唔錯...但朱古力全部偏甜...如果每次黎都唔同款式就好啦...多d驚喜嘛!(我黎過3次都一樣)..不過鳥籠設計幾靚




3人價錢~$2421.4...有銀聯卡有85折(當時)....每人$804.8....其實唔飲酒又唔使咁貴既~不過以酒店入面既西餐廳黎講...呢間算係唔錯!!!!服務一流!!細心~有禮~食物出品有質素~比起新開既永x皇x入面既永x扒房好得很多~(無論係服務..安排...以致食物...價格......純個人意見~)...星際價格我認為係合理之中既好食~~回頭率高~(其實我食多左兩次下次~)




係喎~唔記得講添~~~呢餐係媽媽請我同毛寶架~多謝媽媽~~~至於點解會請呢餐飯.....er................................其實無原因的..........................................wakakakakak~








星期五知道左8點半會掛8號風球...
起身睇左陣電視睇下風暴消息..
再睇埋澳門真係掛8號先再入睡..
訓到10點半起左身...
睇下電視....食埋颱風餐(台式肉燥麵)
之後再關心下下午使唔使番工....
知道唔使番之後就係屋企攞支Q7出黎開演唱會~
我唱唱下我媽話又真係幾好聽..因為我唱緊鄧麗君既我只在乎你~~~~
之後佢點唱小城故事...點知佢行埋入房搶咪自己唱....
再唱多首月亮代表我的心...
我依家自知我阿媽既飲歌係鳳飛飛既楓葉情~~~~~
夜晚都在家吃....難得的連3日假期



2016/10/24的開心事:
今日番晏番多一個鐘真係好爽~



報時:距離冰島環島自駕遊之旅2016仲有---11日~~~~~~
報時:距離合家歡台北聖誕之旅2016仲有---66日~
我距離冰島美人懷抱不足11日!!!!!!!!!!!!!!!!!!!!!!!!!!!!!!!!!!

22 則留言:

  1. 哈哈 鳥籠設計真係好靚好少女呢
    火燄班戟好似真係不錯吃呢 但會很重酒味嘛
    咁之後係咪再唱多次生日歌比allen呀 hahaha
    好開心 又可以再見冰島美人

    回覆刪除
    回覆
    1. 係呀~~如果第一次一定會拍超多相~
      其實煮完有酒香味但無酒精喇~~~幾好味呀~~
      有呀!!!!係我地隔離枱咋佢~~wakakaak
      好緊張呀~~~

      刪除
  2. 裝修幾靚喎、仲有雀籠添、似葡京賭場~~~~
    蠔呀.我至愛.....仲食兩打再加兩打......吸死我啦

    回覆刪除
    回覆
    1. 哈哈~~吸我地d錢呀~~
      蠔真係好好食!!

      刪除
  3. 杯白酒充滿果香味~有無你嘅笑容咁甜先~~~?
    嘔嘔XD好低層次嘅撩女仔招數

    回覆刪除
  4. 佢連封面都係鳥籠設計,強迫症患者覺得好一致。
    全部食物個樣都好對胃口呀.. 細細隻青口先係正呀。
    個生日蛋糕(?)搞錯咗好好笑呀~

    回覆刪除
    回覆
    1. wakakaka~~~~~咁你係咪強迫症患者先~~~
      無錯無錯~~呢間我真係大推~合理價之內的優質餐廳~
      哈哈~當佢送左個生日願望俾我地囉~佢地都好尷尬~~

      刪除
  5. 真係幾正喎, 咁樣服務, 咁樣價, 真係不錯.

    回覆刪除
  6. 一齊食飯開心已經係最好嘅原因啦,我明㗎,明㗎,哈哈哈。
    Happy Birthday Allen, haahhaaha

    回覆刪除
    回覆
    1. wakaakakak~~~~無錯~能夠同家人一齊食飯已經好開心~已經值得慶祝~

      刪除
    2. wakakaka~~媽咪自己買啦~~~

      刪除
  7. 個鳥籠座位真係幾靚^^
    4打生蠔每人都食十幾隻喎,一定大滿足,食得開心最緊要......
    去到冰島要請小t媽食返多啲好嘢啦haha

    回覆刪除
    回覆
    1. 係呀~~~好少女呢~~
      因為我地3個都好鐘意食生蠔~~~~wakkka~
      幾時請佢食都得啦~

      刪除
  8. 哈哈....點都好呀,錯有錯著,
    再祝妳、伯母& 朋友仔..生日快樂,身體健康!!一定啱!!
    生蠔好正,但我食唔得咁多,哩餐好豐富好滿足,伯母真喺好呀
    甜品之中至like,橙酒班戟至傳統法國。仲有靚姐姐現場煮下...

    回覆刪除
    回覆
    1. 哈哈~幾開心既又~~同埋佢地都好尷尬~~~
      我地3個都好鐘意食生蠔~所以食得好開心~
      係呀!!有得睇又有得食!!所以我覺得好抵~~

      刪除
  9. 呢餐飯本已不俗,加上送錯蛋糕唱錯歌簡直有畫龍點睛之妙,一定食得巧開針笑住走.

    回覆刪除
    回覆
    1. 哈哈~哥日真係幾開心既~~~~~野食又好食~

      刪除
  10. 咁既排場,咁豐盛既美食,抵!

    回覆刪除