2016年10月31日 星期一

Portofino@Venetian

星期五好攰....尤其5點後....簡直攞我命~~~放工同公子食飯~好開心~hehehaha又一晚~食左韓國餐加埋甜品..每人才$198!!抵玩~星期六中午去左食沛記..好耐無食~~下午又去左Garment Park~始終佢d秋冬裝真係好得我歡心~跟住番左毛寶家睇下冰島d野~(其實都係假睇)....夜晚又叫左關東煮手作坊外賣~懶懶的不想出街~星期日中午又食左羅浮咖啡..其實係諗唔到食咩諗起佢有免費泊車3小時所以去食~之後去左venetian買下去旅行既野~好開心~全部要買既野都買到~夜晚又食左海榮外賣~懶懶的~星期一..工作上既野我都懶得理....因為我塊面轉左新既防曬....又敏感....好痕...點解去旅行前先咁樣對我~~~~~~~~好彩放工再去醫務所同佢講番佢話可以退番錢咋~~~仲送左d bb用既防曬俾我去旅行用~仲要俾埋藥水full面~~好彩咋~~~希望快d好番~我星期四會好乖咁出blog架~記得黎探埋我~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



哈哈~去旅行前都會寫寫野食先~因為南美小停頓我想輕鬆少少~加上又要執下野~咁就寫下野食最輕鬆~今次講下6月中時我同毛寶去左食左一次好耐無食既Portofino~我耐有成最少5年以上無食過..新開哥時食過兩次...成日都醒唔起佢~好啦~~~去食下啦~~~地址:澳門威尼斯人娛樂場樓層1樓1039號..即係個小劇場行過少少就係~電話:8118 9950




樓下哥層就飲野或者輕食既~依家逢星期五下午6:00至晚上10:00有法國生蠔$10隻優惠!!我都仲未去試添~




樓上就應該係fine dine啦~(好鬼妹呀我~~)...都坐得幾舒服既~~梳化位都望落唔錯~~






點餐後麵包上來咯~~好吃~~




我又影餐具~食麵包~除左牛油是我的命...還有橄欖油和黑醋這個組合~




豪華海鮮塔..$590....都算略有氣勢~有原隻波士頓龍蝦..8隻生蠔8隻大蝦8隻青口~醬汁在下層




有蒜味沙拉醬..蕃茄辣根醬..雞尾酒醬...當然仲有檸檬~佢d醬汁講真調得幾好食~




食海鮮嘛~梗要飲番杯白酒襯下~唔知揀咩好~叫侍應哥哥推介..佢推介左無記錯好似係紐西蘭既Villa Maria...$80....確係幾好飲~~易入口帶點果香~




生蠔唔錯幾正~幾鮮味~(但都係星際哥d好食d~)




龍蝦我去自助餐好多年無食...認為浪費胃口之作...通常都會食半隻就滯住個胃....但呢隻又唔錯喎!!爽口彈牙~配埋佢d醬食...不錯吃~




蝦也不錯~




最估唔到係青口雖然係大隻的(平時見到咁大隻覺得唔開胃....實又鞋又硬...)......但佢有本事嫩到藍青口咁...好好味~呢個海鮮盤都算係中上價...但起碼肯俾d唔錯既野你吃~




前菜除左海鮮盤之外仲有藍鰭金鎗魚生魚片...$150..好好味呀~其實食完呢兩個前菜之後...我地兩個已經飽飽地~呢兩個前菜既量已經夠4個人食...哈哈~~




侍應哥哥見我地自拍~好心幫我地拍照~咁樣影個環境又係幾靚既~




但我又好鐘意自拍~再一張~




到食主菜喇~侍應哥哥推薦了意大利的Cantina Zaccagnini既紅酒俾我~





我地淨係叫左一個主菜share黎食~(好彩叫左一個咋~~哥兩個前菜都KO我地~)...澳洲既和牛西冷扒..$498....生熟度掌握得幾好~只係舊牛本身差d牛味~~(好掛住阿根廷呀~~)....旁邊d芝士加左黑醋勁好食~~~





甜品叫左個Manuka Honey Panacotta..$80.....咦~估唔到的不錯吃~唔怕好甜~




飯後的小甜點~認真到有埋酒配小甜點~真不錯~不過我唔太鐘意勁甜的macaron~




是晚兩人食左$1802~都算係中上餐廳價~不過起碼有環境有服務食物也對辦~算係唔錯了~








講開沛記....
毛寶叫哥個牛尾湯米有隻好細細既小強...
我地搵湯匙(好文雅)畢開哥啖湯...
然後細細聲叫個女仔換左隻湯匙就算..
其實做飲食真係好難會無...自己屋企都有啦..
(拿..講明呀哥隻係好細好細既細強我地先接受咋)
點知個女仔話:不如幫你換過佢好無呀?
我地都話唔使啦~一來費事浪費~
二來換過可能都係同一個湯煮出黎je~
不過我幾欣賞佢地既態度!!
之後食飽飽俾錢走...收錢哥刻佢話$55~
我仲諗緊..兩個米兩個野飲咁平既..
點知個女仔話:放心~個米無收錢既~
我:下?!ok喎~我地無野喎~你收番錢啦~
點知佢地不停話唔好唔好~
然後老闆仲話唔緊要啦~聽日再黎啦~
雖然沛記唔算係我成日個心掛住既茶餐廳...
但態度決定一切!
我非常欣賞呢種會承擔自己過錯既鋪頭!
我一定會再去~



2016/10/31的開心事:
你黎探我嘛~我好開心~



報時:距離冰島環島自駕遊之旅2016仲有---4日~~~~~~
報時:距離合家歡台北聖誕之旅2016仲有---59日~
加油埋呢幾日呀!!!
好彩~~星期三係公眾假期~
又可以抖下~

38 則留言:

  1. 我都好鍾意食呢D餐廳嘅餐前麵包呀。
    個豪華海鮮塔都幾大份下.... 我估我食完即刻食飽哂。
    嘩~~ 你又就嚟出發喇!! 興𡚒~~

    回覆刪除
    回覆
    1. 係呀~~~~配牛油簡直無得輸~~~配橄欖油同杰杰黑醋亦深得我心~
      都係呀...我覺得4個人食會好d~兩個人都食得哂~但食唔到其他野~
      好緊張呀~~~~~我聽日要出發喇~~~~

      刪除
  2. 我以為妳今次去旅行前唔會有問題添~~~但都逃避唔都.....妳快D好番take care
    又食蠔......又引死我.........嗚嗚

    回覆刪除
    回覆
    1. 又再祝妳冰島旅遊愉快、小心駕車.欣賞靚靚北極光......安全回來

      刪除
    2. 原來冰島政府已經開始在首都雷克雅未克的街燈關掉一小時(由晚上十點至十一點)
      冰島政府也呼籲市民家中也關燈~~~~~妳今次一定睇到最強北極光。

      刪除
    3. 查左藥膏好好多喇~~~多謝關愛~
      蠔無論係生既定係打邊爐灼既...一樣好吃~~

      刪除
    4. 多謝多謝~~依家好興奮~~

      刪除
    5. 好~等我去到睇下係咪真係會熄街燈既先~番黎話你知~

      刪除
  3. 非常欣賞!淨係態度都值米芝蓮3星!

    回覆刪除
    回覆
    1. 都係呀~一間出名既茶餐廳有時都不竊做你生意啦~

      刪除
  4. 非常欣賞!淨係態度都值米芝蓮3星!

    回覆刪除
  5. 我重趕得及留言給你,話咁快又只得4日就出發,旅途愉快﹗

    回覆刪除
  6. っˆヮˆ)っ好友★。゚☾甜夢♦・゚✬╠╣aΡpy週二☁*¨*☆

    回覆刪除
  7. 嘩喇喇...超快就出發去吃喝玩樂了

    回覆刪除
  8. 又有一輪無留言喇,都算忙忙地,因要調post ,所以搏命清手尾,費事留返俾人!
    呢間餐廳正喎,由装修到食物賣相都好,麵包樣靚醬又正!係呀,芝士上面果款醋,我好鍾意架,少少杰身,唔知边度有得賣呢,撈菜都好好味!
    有人就黎去旅行,真係鄧佢開心同興奮!

    回覆刪除
    回覆
    1. 好耐無見你喇~~~~真係乖呀!!!咁希望你遲d得閒d有時間黎探我啦~(哭哭)
      係呀係幾好味既~不過窮呀~唔可以成日去~我係澳門有買過支係杰杰的~係無花果味的黑醋~極正~~~~撈沙律菜食真的一流~
      野野野~~~好多謝你呀~~~

      刪除
  9. 喱種服務態度加返分,留住食客

    回覆刪除
  10. 哇~沛記好好~但做客人的你地都好好 嘿嘿
    仲有四日就出發, 好快呀 ! !
    玩得開心D

    回覆刪除
    回覆
    1. 咁我地又真係有食人地碗野嘛~俾錢係應該既~
      好緊張呀好興奮呀我~~~

      刪除
  11. 真係呀,服務態度最緊要,有啲餐廳覺得自己幾出名,啲服務差到C,我令願唔去。

    回覆刪除
    回覆
    1. 係呀!!!我真係好鬼憎呢d!!會選擇唔去食!!

      刪除
  12. 講真,您很久未有再表演廚藝了。
    餐廳環境不錯,但價錢貴了些。
    自己做錯事願意改,值得再去。(宇文公子和毛寶真的好心底,讚讚讚)
    旅途愉快~~~

    回覆刪除
    回覆
    1. wakakaka~又會俾你發現左呢件事既~~
      係呀所以唔可以成日食~~
      我都覺得咁樣既好餐廳真係要推~又唔係好心地~不過真係有食到人地碗野..俾錢係應該既~
      多謝~~~

      刪除
  13. 沛記,我要記住你,雖然你好似成日唔開

    回覆刪除
    回覆
    1. 佢好似好多閒日唔開架...真係星期五六日哥d先開的

      刪除