2016年10月20日 星期四

珍榮咖啡美食

星期二...又係好多野做...相信多野做係因為打3號風球d小學幼稚園既小朋友唔使番學....星期三...happy birthday to me~~~~~~語重心長寄語剛出黎做野既同學們....生日是一定要放假的...呢個傳統唔應該打破~~我係番左工12年黎...第一次生日要番工.....真係好唔慣呢~加上超勁多野做...仲要臨尾俾個客發我脾氣....對生日心情真係有影響...出年一於要放假~(好多謝朗公子同埋另一位同事知我呢日要番工就送左兩個生日蛋糕俾我~感動~多謝兩位~)...夜晚毛寶請左我去食金坂極上壽司!!!係金坂呀!!!係金坂呀!!!係金坂呀!!!佢請左我去食本年度我最想食既餐廳!!!!!!!!!!!好多謝你呀~~~~依家諗番起仲係好掛住好想食多次~~~~~星期四....唉....唔好咁啦....唔好話我聽日又打3號風球呀大佬.....最接受唔到係全日打3號然後放工開始打8號...咁就忙足全日然後成個friday night無左....................拿...打埋呢個颱風好喇..唔好再打喇....



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



又黎一個南美旅行小停頓~呢日又出下食評先~係喇~我之前成日係個blog講我食呢間~有blog友就話好想我出呢篇先喎~我咁順得人梗係得啦~~~我地今日講既呢就係珍榮咖啡美食~地址:澳門蓮莖巷9-13號...電話:2821 0489.....我去食之前都會打去睇下有無開同埋仲有無我想食既野~(係聖心對面以前賣金魚條巷直行入去就會見到)...家庭式經營~





餐牌~有時佢會有d係餐牌無既野食出現架~可以問下佢有無隱藏版美食~~~不過佢有時都會自己推介的~




呢杯係酸梅湯~餐牌上無的~夏天哥時飲真係透心涼~~~但價錢忘了記低~




另外一次去佢仲話煲左冬瓜茶添~~~~~又係暑氣全消~~~~價錢又係忘了~




央奶包...$14......不過一般~個包唔好食~醬也不多~




越式雞絲撈油麵...$34.....d雞絲都ok既~但油麵撈得無咩味~




雞湯米...$37.....料勁多~但如果個湯濃少少就好喇~




椰汁雞麵...$27.......一般




馬來西亞叻沙...$38.....呢個堅唔錯呀!!!!!!個湯好好味!!!!而且加上芫茜超級的香!!!!




原來馬來西亞叻沙仲可以配其他唔同既料~可以加上炸魚餅~~~讚!!!!好好味!!!!!




炸魚片麵...$31......魚片好味呀~炸到脆卜卜~有新利的影子~




再另外一次去~一坐低佢就同我講:今日有魚湯粉呀...黎唔黎一碗?......我:好呀~..........然後後過我入既人一坐低就問:今日有無整魚湯粉呀?......就得知呢樣又係隱藏版美食~~~~~~餃子魚湯粉...$38.....真的不錯~~~!!比起上次係某麵店食的好得多~(雖然我唔知正宗的味道是怎樣~但呢個就係岩我胃口~)




餃子的"式"....一口一個~可愛可口~~~順便講一講~係我最鐘意既韮菜餃~




講左咁耐...主角要出場了~~~~~~~~就係我每次來必點的!!!!佢一出場....我淨係望住佢已經覺得好治癒~~~<3



一出場真係超有氣勢!!!!!無錯!!!!重點推介特色瓦鍋牛腩腸粉..$34.........睇住佢一出黎活崩亂跳我就超有食欲~~~~~~




又係睇到Diana有去食我先去食~~~~~真係好正~~~~~等佢靜止左既時候即刻放入口....好!好!吃呀!!!!!!個牛腩整得超好~~~汁也好好味~~~腸粉完全掛到汁一齊食~~~~~佢d牛筋都好正~~~腸粉又滑到飛起!!!!!!一句講哂:每次來必點!!!!!!好好味!!!不過我問過店家~佢地話腸粉唔係佢地自己整既~係人地交過來的~~~腸粉加牛腩汁真的好好吃~~而且瓦鍋上都好有特色~必試!!依家每次黎我一定食特色瓦鍋牛腩腸粉...魚湯粉(如有)...同埋叻沙~仲要飲佢地自己煲既家庭飲料~










2016/10/20的開心事:
呢篇係我32歲第一篇blog~
多謝收看~
***********************************
Ozil bb噚晚仲戴帽賀我牛一呀!!!!
bb真係抵錫~~~(講到真既一樣)



報時:距離冰島環島自駕遊之旅2016仲有---16日~~~~~~
報時:距離合家歡台北聖誕之旅2016仲有---70日~
我好攰呀..我好想快d去旅行....
有成5個幾月未放過自己d假喇..(你仲有假咩)

40 則留言:

  1. 香港1號波咋,個風真喺咁勁...?
    睇咗咁多嘢食中,腸粉牛腩好似幾正,妳話正就好喇!
    其次喺喇沙,汁好濃一定正,
    妳地好多人一齊去食?可以食咁多嘢!

    回覆刪除
    回覆
    1. 真係唔知原來佢咁勁~
      係呀~~~又滑~加埋d汁又好食~
      個魚湯粉都唔錯~
      我食左4-5次架呢度~

      刪除
  2. 瓦鍋牛腩腸粉睇落好正咁喎.好想食呀~~~~間舖近邊呀。近唔近紅街市呀?

    回覆刪除
    回覆
    1. 星期五打8風球.妳唔使返工開心啦。

      刪除
    2. 係呀~你咁叻架~都近紅街市架~

      刪除
    3. 我好耐未試過咁想休息一日..呢排真係太忙

      刪除
  3. 下次可以帶貞去食嗎?心心眼。
    但打完一秒醒起XD是牛bei~~XD

    回覆刪除
  4. 下次可以帶貞去食嗎?心心眼。
    但打完一秒醒起XD是牛bei~~XD

    回覆刪除
  5. 個腸粉真係好唔錯 好惹味咁
    我都好鍾意食腸粉架
    我都好想快d去旅行 仲有50日
    等得好辛苦呀 !

    回覆刪除
    回覆
    1. 好正呀~~~熱辣辣又有氣勢~~~
      咁岩既我都鐘意~
      好快好快架喇~~~~乖豬~~~

      刪除
  6. 小 t,生日快樂,越來越後生!哈哈哈
    見到的食物,流哂口水,好肚餓呀~~~~~~

    回覆刪除
    回覆
    1. 多謝多謝~~
      哈哈~~我都好鐘意食呢間~

      刪除
  7. 小T,補祝你生日快樂呀~
    嘩... 流哂口水呀。炸魚片個樣駛唔駛咁靚仔呀。魚湯粉又係好正。
    睇咗咁多款,原來瓦鍋牛腩腸粉先係主角,仲要好搞鬼咁用瓦煲上。
    真係要支持下呢D家庭式小店!

    回覆刪除
    回覆
    1. 多謝多謝~
      係呀魚湯粉真係唔錯~
      係呀~用瓦煲熱辣辣咁上好有氣勢~~我鐘意~
      無錯~我鐘意家庭式小店呀~食得自在~

      刪除
  8. ഐ天天都是開心萬事得*¨`*Ѽ
    ┏┓┏┓。・゚゚ƸӜƷ身體健康* ҈ *
    ┃┗┛ appyღೋBirthday
    ┃┏┓┃¸.•*¨❉•.。ʚïɞ
    ┗┛┗┛*¨・。。゚°•♩¤。♪.♬。。⊹♫*。.₡Ϡ
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

    回覆刪除
  9. ☁¨☆好友★。゚☾晚安嚟♦・゚✬╠╣aΡpy週五喇喂

    回覆刪除
  10. 牛腩+腸粉咁吃...真係未食過,新口味...看到我都想吃呢

    回覆刪除
  11. 恭喜小t生日快樂,你一啲都唔似32歲,係上天父母俾你嘅最佳生日禮物.

    回覆刪除
  12. 生日快樂呀!!!小T, 祝你身體健康,週遊列國, 開心快樂!!!
    恭喜恭喜!!

    話說我除左第一年工作之後, 之後咁多年生日都請哂假HAHHA

    回覆刪除
    回覆
    1. 上面個個係我黎架, 哈哈,我又黎亂喇!!
      講多聲
      生日快樂~青春常駐先

      刪除
    2. 多謝~~~~~岩聽呀~~~~
      野~~~我下年唔敢喇~~~

      刪除
    3. 一睇就知係你啦第一個~

      刪除
  13. happy birthday~~~!!生日放假係開心啲嘅^^
    牛腩腸粉煲好吸引^^

    回覆刪除
    回覆
    1. 下年我會放假架喇~~~
      好正呀真係~

      刪除
  14.  ∧_∧・゚。Zzz*¨
    (。・ω・。)つ━★・*。
    ⊂   ノ  ・゜+.♪`。✾
     しーJ °❉。*♫´¨)
        ¨♬∵ ೋ¸.·ø
      ¸♩.·¤´◇¸.**∴⊹
    •ೋ*¨*╠╣aΡpy週二喇喂•.¸¸。゚ഐ
    好友☁¨☆晚安♦・゚✬乖乖瞓覺嚟★。゚☾

    回覆刪除
  15. 點解唔見左我嘅Happy Belated Birthday comment ??? ahhhhhhhhhhhhhhhhhh!
    Happy Belated Birthday Tiffany, 永遠青春,開心,快樂,靚女已經係當然了!<3 <3

    回覆刪除
    回覆
    1. 有呀~係上面呀~我有睇到喎~不過我都好多謝你<3~~~~~

      刪除
  16. 現在D腸粉好差, 尤其大批做的行貨.

    回港後, 成日胃漲, 無胃口去食好野.

    回覆刪除
    回覆
    1. 我食呢個又唔錯喎~好滑滑~
      咁慘?係咪之前太熱呀~

      刪除
  17. 雖然我已經唔食牛啦,但呢個腸粉認真特別喎!

    回覆刪除
    回覆
    1. 佢有椰汁雞腸粉添架~都係瓦煲上的~

      刪除