2016年10月11日 星期二

南美洲4國新奇探險之旅2016-03-04第二十一天Part 1(陰天)

星期五一放工就去左同公子食飯~去預祝我同杯公子既生日呀~~~~食左好多野~最開心食左象拔蚌~~~~星期六過左香港啦~但食左幾樣野都唔好食~失望~夜晚就睇左何韻詩演唱會~星期日訓到成點先識醒(事實上係有人叫醒我的~)...去左拜老豆..重陽嘛~由於正日勁多人拜...我眼水鼻水一齊流..太攻鼻~之後食左園林~~~好開心有開同埋唔係加三~~~我最愛的魷魚豬扒撈米加咖哩真係好好味~~~然後行左陣800伴超市買晚飯料夜晚自己煮飯食~(乖到)...飯後毛寶幫我剪頭毛~~真好~(依家平均每一至兩個禮拜我就會要求佢幫我剪髮去維持我既帥度..佢一定覺得好困擾~)...星期一補假嘛~所以咪無上黎寫blog囉~中午同左媽媽去羅浮咖啡嘆嘆~下午就去左睇深海浩劫(看後感係老闆永遠只著重快同效益..多於一切)...夜晚食左粥麵莊~星期二...開講有話放幾多日假...就做番幾多野~~今日我仲要開ot添~~因為之後想攞鐘~好正呀~~~



2016-03-04
Day 21---Part 1(智利,百內國家公園 Chile,Torres del Paine National Park->納塔列斯港 Puerto Natales)

早晨~~今日join左個團呀~~~食飽早餐先出發~~食早餐時發現成間酒店都係老人家住....無咩野食~炒蛋係最好食~




集合點其實就係噚日我地報名哥間酒店個湖度~幾方便~好似有d陰天~但呢個湖好靚呢~




我地今日報左boat trip~~~(係咪聽落好上左年紀咁呀~~)....每位$95,000CLP=1,074.5hkd~我記得好似係玩6小時~咦~呢隻船原來得我地4個咋喎~呢朝幾凍下~




好咯~出發~~~~一開船....咦!!!唔係船黎架喎......快艇黎架喎!!!!好x恐怖呀.......d風兜口兜面衝埋黎好凍呀~~~~




坐左一陣就叫我地落船行~~諗緊點解之際....




因為呢段路水流太急同埋有一級要落~~快艇過唔到~



好彩唔係行好遠~轉船~





影番轉頭...咁呢個位快艇又真係過唔到既~~過到真係會嚇到我賴屎~




再~出發~~~~~~~頂!唔係流架開得堅快.....成日掟彎掟到條船就黎反咁~~~~~~~~~~~~




呢張相我係想表達....我影到彩虹~




0我!慢慢行近...原來呢呢個國家公園有冰川架!!





然後停低左好似一個島咁既地方~我覺得我都影得唔錯丫~影埋彩虹~~~~但毛寶影得都好好~個構圖靚~





原來黎到呢個小島有個家庭式既餐廳~~




原來係黎小休~嘆下茶食下餅~岩哂~頭先勁凍呀係快艇~仲有我最愛的洋甘菊茶~好好味~呢度仲有個小胖胖男生成日撩阿sam玩~好可愛~




食完茶點除左要我地著救生衣之外~仲要求我地著埋保暖哥件衫~~~成個小矮人咁~




天團已經第3次駕馭呢類型既衫~不陌生!




休息左一陣再出發~~有d瀑布睇睇既~呢條小小的但都幾有氣勢~衝力幾勁~




又再駛過d~~又多一條冰川~~~~又幾靚喎~~~~~~呢條藍好多~~~~~




冰川前留影~~~~我傻傻的開頭以為最左邊哥個係我~~~原來左二哥個先係我~~~~





又再遇到另一條~呢條就溫柔d衝力少d喇~




哈哈~呢個只可以稱為小流水群吧~~~~





然後就叫我地除衫上岸喇~~~一上岸就叫我地企上呢舊野度洗鞋喇~~~~咁洗法又幾方便喎~~




查實上左岸我都唔知要睇咩架~淨係叫我地跟住行~




行左一陣...有個係冰島好熟悉既畫面出現左喇!!!點解會見到咁多冰川浮冰既!!!!!




再望出去......wow!!!!!!!原來叫我地黎睇冰川!!!!!




又上又落~又落又上~要睇呢條冰川都唔簡單~毛寶應該覺得行得唔辛苦....佢地又係行到超快囉~~~~~~我就....扯左陣蝦囉~





終於近d見到你喇~(但我另一個blog睇過有一個更靚的冰川在國家公園內...但遺憾我地唔識去亦都無咁多時間)




其後越黎越多人到達....都拍不到好照片了~





唯有行去高少少再影一次啦~呢個位都唔錯丫~





然後再帶我地去另一個觀景台~由一個偏中間少少既角度睇呢個冰川~毛寶...你影的就是要比我漂亮~



好~回程~上番船~




俾大家睇番呢小半日既小影片~









真係要講下何韻詩個演唱會!!!!
上次個Momento真係有d悶...
但今次呢個Dear Friend超好睇!!!!!!!!!
好耐未睇過一個演唱會無派pong pong棒....
但有如此勁既掌聲同歡呼聲!!!!!!!!!
全晚唱左超多首歌....勁靚聲!!!
好享受聽佢唱歌~真係好聽~
同埋我唔係忠粉....都好投入到其中~
(利申:唔係忠粉..但超越一般哥種鐘意)
同埋真係好少見有香港歌星係演唱會場外賣既紀念品有咁多人買!!!!
多人排到恐怖!!!!!!!!我地7點去到....已經截龍無得賣
勁大打擊~~~~~~~~咩都買唔到~~~~
毛寶話佢自己唔係忠粉...但買唔到成晚都口up up...
最後忍唔住最後一首encore未唱哂就衝出去買~
好彩幫我搶到條毛巾(hocc的毛巾樣靚質地也佳:P)
encore都唱左5首!!!當中包括我等左成晚既"出走太平洋"!!
勁開心!!!!!!!多謝doo manager叫佢唱!!
你真係估佢唔到今次encore以外既時間一首普通話歌都無~
我真係好佩服佢既勇氣!!!不論佢做既野係咪同你立場相同..
但佢為左發聲....
而行左一條對自己演藝事業比較難行既一條路...
雖然每個人行既路都係自己既選擇...
但佢就係"有種"咁樣行!!
佩服你既勇氣!!!!!!!!!!
當講完話希望大家都莫忘初衷之後唱出既"滿地可"
我同毛寶都流左馬尿....實在太感動!!!
打左成篇野除左多謝hocc俾左個咁好既show我地之外..
我仲好想多謝一個人...(可以稱佢為人嗎?)
佢就係我隻右食指....當日買飛禁左超多次F5
禁到我都灰心之時.......突然禁到相連4張飛!!!!!!
開心到彈起!!!!!!!!!多謝你!我的右食指~
令我睇到一場咁齊心咁好氣氛既演唱會~



2016/10/的開心事:
我今日見到毛寶呀~開心~



報時:距離冰島環島自駕遊之旅2016仲有---25日~~~~~~
報時:距離合家歡台北聖誕之旅2016仲有---79日~
離冰島有點近了!
由於今個星期有點點忙~
我個blog可能會維持有限度服務:D
我感到我去冰島之前都唔會出完南美~
但我又好想出日本~~~
好忙呀好忙呀~

37 則留言:

  1. 我都有睇何CC呀, 今次個SHOW真係好正, 不過我繼續黑仔呀, 比舊木遮住, 好多都睇唔到呀!!
    你坐係邊呀, 我坐480, 最初啲喇叭麻麻地, 搞到HOCC把聲怪怪地, 但去到後尾就超正喇!!

    我都係好鐘意滿地可呢首歌, 又係超正,是有種人又好好聽, 好希望佢仲可以有下次紅館呀!!

    我見你冰川要行得咁辛苦......如果比著我實放棄HAHA, 你地真係堅勁呀!

    回覆刪除
    回覆
    1. 係呀係呀~~~~~我其實都係舊木哥邊呀~~~不過仍然覺得好正~~~因為佢都有成日行過黎~~你睇第幾場呀??我第二場坐680呀...你知唔知佢第三場同第四場encore位有送野???好羨慕呀~~
      係呀之前聽已經好好聽!!!!聽現場真係更正!!!佢今次把聲好正呀~~~~
      都還好既其實又~~~但要食飽先行到囉~

      刪除
  2. 呢個local tour 當我只看價錢會話,乜貢貴架,但睇埋原來要六粒鐘,睇埋d靚相靚景,抵晒,未睇之前仲以為六個鈡坐船,好彩行吓坐吓,正!
    其實呢個國家公園有幾多款local tour呢?而家你去嘅應該只係冰山一角,如果要行晒睇晒你估要幾多日呢?
    講到尾,我覺得呢度好正,我好鍾意有山有水嘅地方!好舒服!!

    回覆刪除
    回覆
    1. 都還好呀可~坐快艇都幾好丫~又唔使行咁多~我真係好懶~
      我都唔知呀~我地報名時佢因我地既時間推介左呢個俾我地~我諗4..5日都未玩哂...勁大...真係要慢慢玩
      呢個國家公園我自己就麻麻喇~因為d酒店又貴又唔靚~

      刪除
  3. 哈哈 呢個團因為架快艇 感覺好刺激呀 !
    好叻呀真係 搶到飛
    我覺得依家係香港睇演唱會真係好難搶飛呀 :(

    回覆刪除
    回覆
    1. 無錯~亮點係架快艇度~~wakakaka~
      好開心呀搶到哥時真係~
      係囉...成日都有黃牛黨...

      刪除
  4. 妳個團都幾貴下喎、只係搭船去睇冰川、不過都幾靚。
    妳想出咪出啦~~~

    回覆刪除
    回覆
    1. 祝妳19號生日快樂、身體健康、食極都唔肥。

      刪除
    2. 如果連呢個團都唔參加既話...我地真係係呢度咩都無做過架喇~~~~
      想架~但咩都未執過~

      刪除
    3. 華!!好叻呀!!!咁都記得我生日~~~~~~~
      最尾哥句真係好岩聽呀~多謝~

      刪除
    4. 妳同我生日都係隔7日之麻

      刪除
  5. 冰川都幾靚,不過無左陽光囉﹗

    回覆刪除
    回覆
    1. 冰川陰天睇其實更藍~所以都無咩所謂囉~又係兩睇囉~

      刪除
  6. 相比美加冰川. 這裡交通隔一些, 但自然景觀好很多.

    何C姑佢呢, 仍可以開到演唱會, 證明到佢有實力, 不是靠關係做明星, 這個令到一眾加燦都有面子. 只是佢佔中裡, 令佢人生多了麻煩.

    回覆刪除
    回覆
    1. 都ok靚既~但同我地之後睇哥個簡直無得比~
      真係好勁啦...睇佢fb好似話都要蝕2至300萬架.....不過佢仲開到紅館演唱會真係超勁!!如果佢再開..我一定會再睇!

      刪除
  7. 佔中時, 有人在加國華人網站上貼文評擊佢, 我當時回那人說, 這裡長大的人, 全都是這樣的德性, 任何人帶著子女來加移民, 子女長大後都會有可能跟C姑一樣, 若果不喜, 快快回流回中國, 免得這人將來跟子女衝突

    回覆刪除
    回覆
    1. 可能係加拿大長大...言論比較自由....造就左佢長大後敢言既性格

      刪除
  8. 好靚呀D冰川~~
    洗咗鞋先上岸呢樣野好好呀,欣賞到靚靚嘅風景仲會盡量保護環境~

    回覆刪除
  9. 我都想去睇hocc,是有種人值得支持!!不過真係唔知可以捱到幾耐

    回覆刪除
    回覆
    1. 真係好勁啦...睇佢fb好似話都要蝕2至300萬架.....不過佢仲開到紅館演唱會真係超勁!!如果佢再開..我一定會再睇!
      真心佩服佢既有種

      刪除
  10. 真係有連假係好開心嘅事,冇特別野做都覺得爽㗎

    回覆刪除
    回覆
    1. 哈哈~~但係放完番去特別多野做~

      刪除
  11. 不久前預祝您生日,現在再預祝 ...... 然後又再 ......(哈哈哈)
    冰川都好靚囉!

    回覆刪除
    回覆
    1. 今日又可再預祝喇~wakakaka~
      之後睇哥個仲靚~

      刪除
  12. 近距離看到冰川浮冰瀑布和彩虹很有點驚喜
    小胖胖男生係咪怕醜唔敢同女生玩?
    喱隻神之食指咁要用多啲先得XXXD

    回覆刪除
    回覆
    1. 係唔錯既~但之後睇哥個仲正~
      我覺得佢係鐘意同男仔玩先岩~
      但遊戲d寶箱無次抽到好野~

      刪除
  13. 真乖女...去拜下爸爸,
    我都喺提早去佛堂拜下老爸,
    無咁多人,由於老爸個牌位喺黃家驅下面,
    春秋二祭好多歌迷...
    多謝妳地經常來港消費,
    智利好多冰川,
    據聞因地理和氣侯冰川只有增無減,
    唔似兩極會縮水,
    哩次急流之旅幾有趣,又有冰川又有瀑布,
    兩者同一地域出現,十分少見。

    回覆刪除
    回覆
    1. sorry... 手文之誤,哩個駒字先啱,Beyond迷唔好見怪。

      刪除
    2. 小t:我剛剛的長留言又被失踪,
      應該又被咗去妳垃圾留言箱,
      麻煩妳檢視一下😊😊

      刪除
    3. 一年先得幾次...一定要去拜下爸爸啦~順便同佢傾兩句
      咁你真係要避開d正日去拜喇...我平時都會避開既..但因為今次前後都有野做就正日去拜啦
      哈哈..今年真係黎左香港好多次
      係囉佢d冰川不停增多..真係好勁

      刪除
    4. 你講左唔好意思佢地唔會介意既

      刪除
  14. 個條冰川好似縮細左喎,睇以前blog友的相大條好多,地球越來越暖囉。

    回覆刪除
    回覆
    1. 係咩?!?!?我以為增生左添..我都去搵下d相睇下先!

      刪除