2016年10月6日 星期四

南美洲4國新奇探險之旅2016-03-03第二十天(晴天)

我回來喇~~~~~~~~~~~~~~點先~有無想我先~(無都要話有啦...咁耐無見...俾下面都要話掛啦...)....星期二晚就番左澳門.....呢4日旅行真心攰到攞我命~~~~~~公子就是與別不同~~~~~~~~~~~真係要好好出番篇blog黎紀念下~~~(但唔知幾時出~不過我已努力排相中~).....雖然好攰~但我真係好開心~~~~~我星期二晚番到黎直頭攰到野都執唔到突然就要熄燈訓覺~~真恐怖!!!訓番9個幾鐘個人先精神番d~~~~~咦~今日又到星期四喇~過咁快聽日又係星期五喇~~~yeah~~~~開心呀~~~~~~又連放3日喇~~~~~星期六我又過香港睇何韻詩演唱會喇~~~~好野~~~~~



2016-03-03
Day 20(智利,納塔列斯港 Chile,Puerto Natales->百內國家公園 Torres del Paine National Park)

早晨~清晨6點就貢出黎食早餐~睇下~大堂一個人都無就知幾早~望出窗外天只是微微光~




但都有職員為左我地咁早check out而早d為我地準備早餐~感謝~雖然係咁....但我真係想講...呢餐係我係南美食過最難吃的早餐.....麵包好難吃.....連火腿芝士都好難吃~~~~不過算啦~諗住食少少野先搭巴士je~~~




7點半開車~要求7點15分到達~我地梗唔會遲到啦~我地之前一晚請酒店幫忙幫我地叫的士去巴士站~




佢地d巴士好準時出發~




日出中~d雲好靚~呢程車我訓到short左~





2個幾鐘之後就到左百內國家公園(Torres del Paine National Park)個入口~




全車人要一齊落車係入口個售票處排隊買飛先~




入到去好似有幾part野做...分哂1..2..3咁




第一步就係要填資料先...因為呢個公園實在太大...會問你留幾多日......會行咩路線之類...可能驚你有咩事..或者走失之類....




第2步就係俾錢買飛~幾種貨幣都收....$15,000CLP=169.7hkd....$28=217.8hkd...€24=211.2hkd.......記得計下先決定用咩貨幣俾喇~因為好似復活島國家公園門票咁~都係智利貨幣抵d~




然後會入一間房...俾電視你睇....哥d咩咩需知呢....即係你唔可以係國家公園入面做咩之類~而且遇到野獸哥時要點做...(咦...我無諗過會遇到野獸~~~好驚話~)




仲有一張國家公園既地圖你睇~(不過對我地黎講好似無咩用~)...呢張地圖上面既呢座山應該係全國家公園最出名既景點.....百內塔~~~(呢座山好似仲係某戶外用品品牌既標誌~)....但聽講要見到呢個景....要行國家公園入面最攞命既W trek.....如果無行山用品跟身就勸你都係唔好..........




上哂車去我地要去哥個站~~~呢個國家公園堅大...仲有好多露營位俾大家露營.....er....我真係唔係一個愛露營既人黎架.....但如果Ozil bb邀請我露營既話..咁我就...唉呀....好啦好啦~~~~將將就就咁去啦~~~~~(少女粉紅色的夢)....圖中兩個人應該堅係入去露營喎~~~要留意係百內國家公園入面既天氣係可以俾你一日感受哂四季...即係可以又好天又落雨又落雪又陰天然後又好天囉~溫差也大~




行車中經過一個湖~




估唔到搭左成個鐘車...先去到國家公園第3站....Administracion~類似d諮詢中心咁~有d職員解答下野同協助你咁~




可以係國家公園入面見到既動物~




成個地圖都係國家公園.....大到..................(所以當初都唔知點plan)




仲有個關於國家公園既小展覽~







咁我地請職員幫我地call酒店黎車我地~如果唔係都唔知點樣係呢個荒地去酒店.....................(我地仲要拖住個gip)..等緊車黎既時候就周圍行下~今日幾好天喎~




轉個頭一望嚇一嚇我以為係墳墓......................原來係介紹國家公園入面有咩類型既石.........嚇暈~




對開仲有個好大既湖~




等到司機黎~呢程路全碎石路.......仲要坐左15分鐘車....如果係行去酒店...我真係唔知點行.....................




好似去左另外一區咁...




到了~唔知點解司機對人地咁好既~淨係幫我拉gip~太謝謝你了~~~(實際上呢條路好難拉gip...條路太爛~)




我地今晚就係入住Hotel Lago Tyndall.....草地勁多馬屎....出面個景都算幾靚既有雪山









但你都好難估到...呢間房係要成$1,500hkd一晚(兩人房)....勁貴!!!!即係每人750hkd一晚....重點係唔靚...好舊....而且我一打開我張床塊墊....有成7隻死左既"乜仔"(小昆蟲)陳屍係我張床....我真係流哂汗.....1500hkd得到一間咁既房.........唔好以為我地伏左....其實國家公園入面d酒店全部都好貴...我見過有間成4,000hkd一晚二人房.....(哥d就真係靚..但個價好恐怖)





無眼睇放低野行出大堂問下佢有咩團可以join..點知佢話無....一係過隔離酒店join.............................行過隔離...搵左好耐先搵到佢地個reception~




大堂好似一個人都無....終於搵到報團個counter~





一問之下...原來今日d團已經出哂發.....另外聽日我地只得半日留係度......下午已經坐車走.....所以係唔夠時間報團行去呢個最出名既百內塔.......因為呢個行去來回要行10個鐘............................10個鐘喎大佬..............................就算我有時間我諗我都可能體力行唔到...................算啦...咁就........報第二d輕鬆d架啦....呢座山睇唔到都無辦法喇....有緣再會啦....(其實聽講阿根廷既El Chalten哥邊都睇到百內塔....而且更容易睇到.....下次或者試下係哥邊睇啦...姐姐我無體力喇)....影張海報當去左啦好無~




我地報左個團聽日9點先出發~依家真係無哂野做...四圍太荒蕪都唔知做得d咩....順便係報團既呢間酒店食埋野啦~




點都要影下~智利可樂~幾好飲~~~~(一定好飲過瑞士哥支~)




叫左個雞肉漢堡包~本身唔抱太大期望...因為佢地廚房收左....廚師特地幫我地整...以為佢會求求其...點知雞肉多汁勁好味.....成個包都熱辣辣的~而且勁大個~兩個包兩支可樂總共$36,600CLP=414hkd.....係幾貴...但無野食..同埋好彩係好味~





仲係人地間酒店留言~~~有無人知我地寫咩??如果你估中..你真係好叻!





行番自己酒店時行過見到影的~幾靚~



番入酒店房百無聊賴.....訓下下午覺....醒左就去食晚飯~今晚係自己酒店食....d蕃茄同包一齊食幾好食~




呢度得套餐食...我地叫左兩個4個人食.....下午個飽實在太飽......每個set大約200hkd~前菜無得揀...係Salmon Ceviche...一般啦~唔怕腥已經好開心~




主菜其一係Hake Orly Served with Rustic Puree and Margarita Sauce




其二係Turkey Chopsuey Served with Battered Spaghetti....兩個都唔錯~~~~已經係驚喜~




甜品係Parfait de Whisky......威士忌雪糕好好味!!!!今日真係無野做過....番房訓喇....聽日早起身!








2016/10/06的開心事:
今日去左睇番之前驗身哥份報告~~
一切正常~~~~無三高~冠心病風險低~
唯一係以我身高黎講應該要減番1kg...
可以接受丫~~~~~~~我又可以繼續開開心心了~
仲有呀~~~我家附近終於開左新的starbucks了!!!!!!
好開心呀~~~~~~~~~~~~~~~~~~



報時:距離冰島環島自駕遊之旅2016仲有---30日~~~~~~
報時:距離合家歡台北聖誕之旅2016仲有---84日~
得番兩個報時器...有點心酸.......................
但睇見冰島就黎出發~真係好開心~

34 則留言:

  1. 恭喜你身體健康,可以繼續開心去旅行.
    我有黎睇架,不過因為搵到份兼職好忙所以探吓你就走.

    回覆刪除
    回覆
    1. 多謝多謝~真係好感動~
      你有黎睇我已經好開心呢~兼職加油唷~~!!

      刪除
  2. 話咁快你又去完旅行返到,但好快又出發去冰島喇~~ (灑花)
    個國家公園D景好正wor~
    無聊人想試下自己叻唔叻呀: 我哋唔係住喺度,但我哋洗咗成皮嘢,希望明天出去順順行行。hahahaha

    回覆刪除
    回覆
    1. 係呀~~~超想快D放假~~~~5月之後都無放自己假喇~~~~
      OK啦~~~我覺得一般般~~~
      其實真係算係好叻架喇..我地d鄉音你咁都譯到~~~~~~最尾哥句係希望明天出海順順利利~~~

      刪除
  3. 睇到明一明喎,"唔吞he銅响?"

    回覆刪除
  4. Welcome back, 我有想你架!!(無都要咁寫喇)
    吓,芝士同火腿好難唔好食過喎!
    呢d地方酒店一定貴,無計,但唔住响入面又唔得,我上立山玩都住咗响入面,好貴又唔靚!
    慘囉,咁咪晒咗一日時間,边度都去唔到,可惜呀!
    身體健康咁就安心去冰島玩喇!

    回覆刪除
    回覆
    1. 野~~~咁真既即係有無je~~~~
      但真係唔好食~~~~~塊包又超乾~~~
      原來立山都係咁既...我真係一次都未去過立山黑部~~好老土呀我~
      係呀...我地哥日番左去酒店訓覺...哈哈~~
      無錯無錯~~又可以去冰島飲可樂喇~~

      刪除
  5. 身體健康最重要,個報告咁好,要比個叻你呀﹗

    回覆刪除
  6. 哈哈...小t╠╣aΡpy番左黎喇,還可放3日假喇
    好友★。゚☾安靜進甜夢♦・゚✬晚安☁*¨*☆╠╣aΡpy週五

    回覆刪除
    回覆
    1. っˆヮˆ)っ齊齊享受╠╣aΡpy週未
      ☁*¨*☆好友★。゚☾甜夢安睡♦・゚✬晚安

      刪除
    2. 好友⛅・゚☼早晨♦午安好☁*`☀眨吓眼又╠╣aΡpy星期一喇

      刪除
    3. 哈哈~話咁快又放左3日假~今日番工~

      刪除
    4. 希望快d到今個周末啦~我知我好貪心~

      刪除
    5. 好友★。゚☾眨吓眼時間過得好快嚟
      又瞓覺豬喇喂☁¨*☆好夢♦・゚✬晚安

      刪除
    6. 下個月,小t又可以去玩了,番工都OK了

      刪除
  7. 你好啊小t, 睇左你個blog好耐,第一次留言支持下你~
    你去左大阪幾日我日日都有來望下你返左未ga~

    回覆刪除
    回覆
    1. 野~~~~好衰架~~~~睇左人地咁耐既~~~~~~得閒黎多d啦咁~~~~

      刪除
  8. 歡迎歸來。。。愛,回家吧!!!當然掛著妳啦,好鍾意看妳啲posts㗎 <3

    回覆刪除
  9. 最緊要身體健康,有足夠體力繼續去食玩遊^^
    去旅行一定要盡興,玩累了回來返工當休息wakakakaka....
    個國家公園大成咁,係咪一定要join團先去到四圍遊?有冇得在園內自己租車蕩吓呢?

    回覆刪除
    回覆
    1. 無錯無錯~做人真係要小心身體先可以繼續玩玩玩~~~
      其實番工真係好難當做休息~~~~~~~~~~~~~
      都有既...d人可以坐公園d付費去行山...卦.....其實我都唔係好清楚~~~

      刪除
  10. 這是早餐來的嗎?
    可以去那裡露營就好了。
    唔識睇澳門話添~~~(哈哈哈)
    成日講小 t 好肥,原來是兩磅,呵呵呵

    回覆刪除
    回覆
    1. 係呀~早餐呀~~~wakakaak~
      我不喜歡露營~~~~
      鄉下話黎架~~~wakakaka~~
      咪囉咪囉~成日話人肥~~

      刪除
  11. 仲有一個月就又去旅行, 正正子呀 ! ! !
    我都執下相再試下寫BLOG先 :)
    好期待你地報左果個團 ^^

    回覆刪除
    回覆
    1. 極期待~~~~
      快d啦~~人地好心急呀~~~~寫左記得通知我喎~~~
      叫做搵d做咁囉~~

      刪除
  12. 恭喜、恭喜無三高、只係肥少少......繼續食食

    回覆刪除
  13. 出門去玩, 我一定係早出晚歸, 尤其要比人早, 就唔洗同人迫

    回覆刪除
    回覆
    1. 其實我都會~~~不過有時有d地方第一次去就唔太知路~~

      刪除
  14. 智利o既酒店咁貴o架!風景靚就收得貴。

    回覆刪除
    回覆
    1. 係哥個國家公園入面既貴..其他都還好~

      刪除