2016年6月2日 星期四

南美洲4國新奇探險之旅2016-02-18第六天Part 1(晴天及後轉雨)

好熱呀~~~好熱呀~~~岩岩先六月咋~~~就已經咁熱喇~~~7..8..9月點算呀~~~~~真係好似成個澳門一年比一年熱~~~~噚日正式係隔離哥邊正式坐機~~好攞命.....我放工即時爆左粒瘡........噚晚寫寫下blog...發現極度眼訓...10點我就睡了...........睡到今朝起身..........今日又係自己一個坐...不過今日好d~又學左多d野~~終於黎到星期四.....星期五放工開始仲唔玩番夠本~~~~



2016-02-18
Day 6---Part 1(秘魯,庫斯科 Peru,Cuzco->玻利維亞,拉巴斯 Bolivia,La Paz->玻利維亞,烏尤尼 Bolivia,Uyuni)

早晨!!今日我地就會離開秘魯~~食番個靚早餐先~~~~~~呀~想講下~~秘魯d芒果都幾好食架喎~~~又有好味麵包~~




我地check左out~call左的士臭我地出機場~~呢日我地09:00機~我諗我地7點鐘就出到機場~~




我地早到連counter都未開~~~




佢係起飛前個半鐘先開檔~其實我地就早左出黎既...因為我地知我地張機票有少少問題要早d出去搞~~~搞左超耐~~好彩我地排第一咋~~同埋好彩最後都係搞掂左~~~幾驚簽左證都去唔成呀~~~




check完in安樂哂~~~~驚見原來呢度有個小郵局~~即刻衝去問佢有無郵票賣...點知真係有~~~好開心~~~~~買完即刻衝去買多張postcard~~~~~~~




阿Sam問佢有無馬丘比丘既郵票...佢開頭話無....後來同阿Sam講話其實佢有一張..不過佢唔捨得賣喎..........最後阿Sam講服佢賣俾佢....阿Sam知我鐘意寄postcrard同儲郵票...送左俾我~~~~~~~~多謝阿Sam!!!!!!!!!!!!!!!!!!!!!!!!好靚呀~~




你知道最勁既事係咩呀???我係秘魯寄左3張postcard番黎.......只有一張番到黎.......呢一張咁有珍藏價值既....係其中一張仲未番到黎.....................................3個月喇....我應該係咪要同佢講一聲:拜拜??????????????????????????




估唔到秘魯離境都幾嚴喎....出境都要填表...記憶中好似澳洲都要..........過完移民局.....再要過多個海關收表....哥度都會問問題...但問咩堅唔記得~~~~~~~




拜拜喇秘魯~~~~~~~~你地個印好靚呀~~~~




第一次搭Amaszonas~~~隻機細到....好似模型咁......重點係...機票一點也不便宜...............單程機票要成2,000hkd....唉~





delay左一陣.......上機!!我地係搭Z8503號班機09:00由庫斯科經玻利維亞既拉巴斯(La Paz)轉機去烏尤尼(Uyuni)..轉機時間...得半小時.....而且....要過海關..攞行李....寄行李...再重新上機...................................................然後我就想....佢既然出得一班機得半小時轉機...個機場應該大極有限




坐位係2-2坐法~~真係好細隻~~~不過又好似無上次格陵蘭哥隻螺旋槳機咁細~~~~~~




又再填表....我平時去旅行填一張表d字好靚架...但我依家開始學了字.......實在太多表要填




拜拜喇秘魯!!!有機會我會想番黎庫斯科同埋去馬丘比丘的!!我覺得幾唔錯~~~而且秘魯人其實好純~~幾好人~~(除左郵局會尖隊)





你地d山真係好靚!望完會覺得好舒服~





其實呢程機好短....好似1個鐘咋~~~~~~飛得唔高~可以影下窗外景~幾好~









估唔到咁短程都有飲料派~




到左喇!!!!!!全世界海拔最高機場~~~~就係玻利維亞既首都拉巴斯個機場~~聽聞因為海拔太高...所以佢條起跑跑道係特別長的~~~~~~~~~~~~~~~~~~~海拔超過4,000米......仲高過庫斯科幾百...好彩一早出發時飲左支紅景天口服液....落機之後又ok!得少少心跳加速~




落左機自己行去入境大堂~入境~攞行李~




排緊入境既時候其實我有少少緊張....雖然知葡國護照全個南美洲都免簽...但世事既野又點會簡單~~(定係我諗得複雜左~~).....好彩~~~~~無驚無險地過左關~~~(值得一提既係入境呢.....會有入境紙......酒店check in除左影護照仲有你張入境紙喎~)...過完關....胳肋底出哂汗~~~




等行李~~




行到出黎要再寄行李嘛~~~一出....喂...一d都唔細喎......仲以為個機場會又臭又剩....點知又幾靚喎~~又光猛~~~~~~仲好新派~~~~番黎先.....寄行李呀仲有10鬆分鐘咋~~~~~去到航空公司櫃檯好多人排隊佢知我地係得半個鐘轉機哥班機即刻俾我地寄先~~




再跑住去登機閘口登機~~~~~~~再出發~~~~~~~~~原來係坐番同一隻機~飛到上天發現~~咦~~~佢地起屋有規劃架喎!!你地睇下六角形咁架!!偷偷話你知...我地黎玻利維亞只為天空之鏡.....不為其他~~~所以.............首都拉巴斯我地無留時間去遊覽~~一來驚高反..二來驚驚治安~~




呢程機仲短~~大約40分鐘......加埋先個半小時機...索價2,000hkd~~~~~~~~~~~~~~~~~








拍下片影下相話咁快就到烏尤尼(Uyuni)喇~~~~~~~~~~前面好白呀好白呀~~~~係咪已經係鹽田呀~~~~~




呢個故事應該由8年前講起......當時既我.....好想每個洲都踩下~~~~做左野好幾年黎.....去得唔算多...但亦唔算"太"少既地方(當然比起我d blog友們我仲差好多皮)....總覺得南美洲係最難踏足...一黎遠...二黎唔知點plan...三黎覺得要用好多錢.......對於一個未知既國度....真係想去我都唔知由邊度開始.....雖然有好多人都話買張機票就可以出發....我其實好羨慕呢種想法既~不過係我身上實行唔到~~~~因為一出外地我很需要安全感~~~~~~~雖然其實有時船到橋頭真係會自然直~~~~~自從好幾幾年前係fb第一次見有人post日本節目的在介紹天空之鏡我簡直係天為驚人..呀唔係....係驚為天人!!!!第一次知道玻利維亞這個國家~~然後就立志很想去呢~當然...我都唔係話走就走既.....要儲下假...儲下錢....仲要搵d岩玩既朋友.....還經歷一段好唔開心既日子......真係天時地利人和~終於在這天實現~所以到埗那刻真係有夢想成真的感覺!!



個感覺有少少唔真實!!!!!!!我好似已經睇到遠處的天空之鏡喇!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!





呢灘水仲要大d!!!!!!!!!!!!!!!!!!!!!我心諗.....唉~~~好擔心呀好擔心呀~~~~係咪最近呢個禮拜都無雨落呀?!?!?!無雨落會無鏡面反射架喎.....得白色好似雪地咁..........





唔好擔心住喇~反正大自然既野都唔輪到我擔心~~~~~(雖然講完內心還是繼續擔心~~~)...呢日我地無安排行程呀...因為怕海拔又高左幾百...又要時間適應~~~~~~~




到左喇~~~~~~~~~~唔知係咪海拔高既關係~~~好像跟天空很近呢~~~




歡迎來到烏尤尼呢!!!!!!!一落機已經feel到好熱~




等行李~!無行李輸送帶~~咁細隻機飛黎其實都唔需要XD




等緊行李期間睇到有市內地圖...睇黎d野幾集中~




離開禁區.....我開頭其實以為呢度一日有好幾班機黎好有遊客穿插......睇黎這只是本人的愚見........大家可能都從陸路進入呢~~~~~~~~本身想係呢度換錢.....但都一眼睇哂啦.....有一間紀念品店但個老闆娘給超不好的兌換匯...算吧~出去先算~~~~~~




睇黎會有得包車出......有哂價錢係度..但應該係去比較遠既地方...吧?




哈哈~~我仲影左由秘魯起飛到拉巴斯再飛到烏尤尼既縮時短片~~~~~~







有無覺得好開心好興奮~
有無覺得好想知我地係玻利維亞點樣?
到底有無睇到天空之鏡?
有無呢~有無呢~
blog主叫我同大家講~
南美blog暫停幾周~~~~~~~~~~~~~~~~~~~~
下一篇開始~~~
大阪blog會佔一佔位~~~
搶先登場~~~~~~~~~~~~wakakaakaka~~~~~
我發現呢個blog主最鐘意吊人胃口........



2016/06/02的開心事:
正面d諗...雖然學新野真係好攰....
但今日既我勝過昨日既我~~



報時:距離"七公子"帥帥出使東京之旅2016仲有---120日~
報時:距離冰島環島自駕遊之旅2016仲有---155日~~~~~~
報時:距離合家歡台北聖誕之旅2016仲有---209日~

47 則留言:

  1. Baby吊人胃口 好彩我有一手資訊 hahaa
    不過都想睇大阪blog ah
    寄左postcard但收唔到真係好傷心 會日日記掛住 搞到我都有寄postcard恐懼症呀 !

    回覆刪除
    回覆
    1. 你最叻叻~~~~
      我自己隻手前幾日不期然地打起大阪blog來~~wakakaka~
      唉~我今次都唔知講咩好~~~~~~

      刪除
  2. 3個月, 我南極封信都到咗喇......咁張靚靚馬丘比丘咪嘥咗囉 >.< 好在妳有影低咋!
    好明妳個有少少唔真實嘅感覺, 我覺得寫blog可以讓夢幻真實番 ^^
    烏尤尼啲雲好靚靚
    好嘢係要期待嘅, 我會等妳篇玻利維亞

    回覆刪除
    回覆
    1. 唉....等收唔到都有d唔開心~~
      係呀同埋再俾我重溫番一次當時既感動~~~~
      d雲同我地好接近~~~
      多謝~~~~

      刪除
  3. 吓?!吓!?吓??!!就去到高潮位你居然暫停???話雖如此,無可否認你喺呢個位嗌停係最吊癮,最啱"欲知後事如何,請看下回分解"......南美blog最恨睇天空之鏡......
    你記得早幾日講插播公子乜乜先好......

    回覆刪除
    回覆
    1. 係咪好正呢~~~~其實成個南美行程我最期待呢個天空之鏡~~~~簡直係夢想~~~
      寫埋大阪先啦~先生唔好咁心急~~

      刪除
  4. 妳咁快有喝睡症啦......阿彈
    妳其它二張postcard係咪寫錯地址呀?
    妳鐘意出咩就出咩啦.........

    回覆刪除
    回覆
    1. 係阿嬋唔係阿彈呀~~~~~不過我係少女~
      點會呀~~我自己屋企地址喎~~~~~
      當然~~我真係好自我的~

      刪除
  5. 😂雖然我好想睇你同寶嘅哈波之旅,但剛落機抵達玻利維亞。。。。先至嗌咳!XDXDXDXDXDXD
    至壞係你啦~~~~耶~~~~~~~~~~~~~~

    回覆刪除
    回覆
    1. 仲有呢~~~個天空!!!真係好似近咁多咁多咁多嘅~~~~~~~~~~~~~~心心眼!

      刪除
    2. 係咪個心仔七上八落呢~~~我鐘意搞到d少女心情咁樣~~~XD

      刪除
    3. 係呀個天好似超近咁~~~~~

      刪除
  6. 香港都一年比一年熱,好彩我唔怕熱
    好友☆・゚✬快樂話咁快又一天☁¨*♦甜夢安睡☾。゚★

    回覆刪除
  7. 啲郵票好靚,三個月都未收到,真係可能寄失啦,你吾講是鹽湖,我還以為是一大片雲呀﹗

    回覆刪除
    回覆
    1. 嗚嗚嗚....我好想收到呀....
      好驚喜呀係機上都見到反射~~~

      刪除
  8. 南美芒和香港的呂宋芒味道相差很不同, 我這裡大多都是南美芒

    回覆刪除
    回覆
    1. 係囉!!我都覺得個味好唔同..但又好好味喎!!!

      刪除
  9. 呢位blog主隨性而為啫,總之開心就得!

    回覆刪除
    回覆
    1. 哈哈~~~人生好多事都唔可以自己話事~~~~唯有係呢個blog要作下主~~~~

      刪除
  10. 如果係我可能會唔捨得寄咗果張郵票:P
    果段縮時飛機短片好正....
    得半個鐘轉機仲要又攞行李再寄行李,正常都有心跳加速感覺,何況係高海拔XXD
    我都想睇大阪,但又想睇天空之鏡,同時又想睇黃鴨和血拼,咁點算好呢@@

    回覆刪除
    回覆
    1. 估到基爾你見到咁靚嘅郵票流晒口水啦~
      $2000好貴呀!

      刪除
    2. 同埋係朋友幫忙才買到,都好有紀念價值,希望唔會寄失咗啦^^

      刪除
    3. 其實我覺得自己蠢左架...我應該收埋..番到黎先貼上postcard度...喊呀
      咦~~~~~~真係好喇~~~原來會有人睇架~~~~~~~
      係呀....真係好趕好趕~~~
      咁我唯有快手d啦~~~~好開心有人想睇~~~~

      刪除
    4. 銀仔你真了解基爾兄~~
      其實係因為買遲左先咁貴...之前無咁貴架...大約好似1400左右

      刪除
    5. 大家快d幫我祈禱唔好寄失啦..我真係好鐘意張郵票~~~

      刪除
    6. 好彩係張郵票有影到相我地先有得睇下^^
      希望遲來也要寄到!!!

      刪除
    7. 當然~ 我地識左好耐啦,係個卜度,哈哈~
      有時雖然大家未見過,但可能了解多過自己身邊D朋友架~

      刪除
  11. 我想睇埋天空之鏡先呀, 點解要吊住我呀, 不過今次旅程真係好貴呀....
    你今篇個兩程飛機, 係加埋2000 ? 定4000?
    你張POSTCARD睇黎... 跌左落海喇, 你唯有悼念住佢啦

    回覆刪除
    回覆
    1. wakaakaka~我又成功吊左一個人既胃口喇~~~~
      兩程加埋2000
      唔制呀!!!快d幫我祈禱!!!

      刪除
  12. 嘩~睇完呢篇blog真係好想唱返首「藍天與白雲」呀!😆☁

    回覆刪除
  13. 由秘魯坐機去波利維亞,坐二程機要粒幾鐘,始終都叫做國際航班,單程2000港元不算貴啦,我今年三月去馬爾代夫只坐水上飛機,單程飛20分鐘就要160美元來回320,嫌貴唔鍾意都冇得揀焗住坐,一係住附近有船可到的島,不過都唔會平,除了住民宿的島。

    回覆刪除
    回覆
    1. 下~~~~~~咁都唔貴呀~~~~不過睇番你哥程係貴得離譜~~~~~~~~
      咁其實我都會俾既..但都係覺得貴囉~

      刪除
  14. 其實我去嘅地方比妳少好多,生活咗咁多年,
    明白行事一向都喺隨緣而安,無得勉強,由其旅行,妳控制道行程,但估唔到天氣,
    南美咗好多次機,真喺頭暈...。
    大阪好多年無去過,好想睇下妳點行,
    最近咪睇咗杜如風關西行,佢買食都有一手

    回覆刪除
    回覆
    1. 唔好咁講...你鐘意去歐洲嘛~我覺得各人喜好不同je~又無話去多d一定好d同叻d~~~自己開心就ok~~~
      係呀...所以我都係諗住去到但如果睇唔到我都要做好心理準備...免得自己太失望~
      係呀...坐機坐到嘔
      其實我都係亂行咋~因為太少日數~都係行下街食下野~

      刪除
  15. 好友♦・゚☼早晨&午安喇喂☁*`☀周末╠╣aΡpy
    ❥*¨❣我又係時候出門去玩貓❤ღ行街市買餸菜♥。゚♡

    回覆刪除
  16. 馬丘比丘既郵票超正!
    這樣的旅程,一定要與一班好友去。

    回覆刪除
    回覆
    1. 可惜..佢到依家仲未番到黎....
      無錯!!

      刪除
  17. YEAH,終於又可以入黎追遊記LA!!! 好靚..好靚..好靚AR--馬丘比丘AR!!!!!!!!!!當然你都影得好正AR,真係巧有FEEL..都有同感D 雪褸/風褸BRAND真係應該搵下你做"模特"..WAKAKAKAK
    雖然我都好想好想睇天空之鏡...但見到你話出大阪之旅我又超開心....因為我6月尾先出發..KEKE..有得參考LU!!!

    回覆刪除
    回覆
    1. wakakakaka~~~~你推薦下我做模特啦~~~~~~個景靚真係唔使咩靚相機影都一樣靚~
      wakakaka~但係我都係無無聊聊咁行下咋~~~驚令你失望~

      刪除
  18. 唔好意思又係我,我晌Amazonas 網頁買機票,但信用咭過唔到數,不過佢有電郵我話個booking confirm左,到時兩個鐘頭前去俾錢就得,但咁樣個感覺好唔安全啊。因為我見好似已經無乜位咁。

    回覆刪除
    回覆
    1. 不用擔心唷,話說我地當時買機票如果4張一齊買會每人貴2000hkd,於是我地分開兩張兩次買,買完第一次哥兩張無問,但第二張就張張信用卡都過唔到數,佢又係叫我地起飛前兩小時到機場,結果係順利的,但你最好排到第一去check in啦,因為呢樣野搞超耐
      同埋你有一樣要留意,就係如果你要係秘魯既玻利維亞大使館搞簽證既話,你要出發前先上網upload哂啲資料俾佢先,其中一樣係機票,因為我地剛好買唔到哥兩張都係葡同護照唔使簽證的,所以如果你要簽證就要留意呢點
      我地哥時又係懶係就黎班機爆哂咁,上機發現仲有好多位

      刪除
    2. 哎呀,我係特區護照呀,唔知upload定張confirmation letter俾佢得唔得呢?不過我暫時只係試左一張MasterCard ,或者試多幾張先。謝謝你!

      刪除
    3. 咁就真係唔知喇~你試下啦~好過咩都無嘛~(可能領使都知佢呢間航空係咁呢~)
      我將我所有信用卡試過都唔得...係得佢一間航空公司係咁..好特別

      刪除