2016年2月4日 星期四

冰島格陵蘭自由行之旅2015-10-19第二十三天(陰天及後轉晴)

學野真係每人好累.....攰到我噚晚無出現過就知咩事啦~~~~本身今日都想偷懶架~但係話哂都係過年前最後一篇blog~點都要蒲一蒲頭既~番埋聽日~~~~就放5日新年假喇~~~好開心呀~~~~d飯由今日食到年初一...真係...好正~



2015-10-19
Day 23(格陵蘭 Greenland,Ilulissat->格陵蘭 Greenland,Kangerlussuaq->丹麥,哥本哈根 Danmark,Copenhagen)

yeah~生日~不過因為一個誤會.........我地早左好多起身~~我地本身飛早上10點......之前哥晚我地問職員有無車車我地去機場.....佢話有...但只出一班...要清晨5點check out...然後05:30車我地出去........我地呆哂..........又唔覺得有問題喎~~~點知佢誤會我地係飛6點幾哥班機囉................等我地真係check out左....食埋早餐....坐係度等車(但我地團一個團友都無喎)......個司機帥哥同我地講唔係呢班車....係9點20分哥班車........知唔知我地有幾晴天霹靂..............................呢個早餐就係以為唔夠時間食而求其食的....(一睇就知我唔夠飽啦)




咁check out左又無得番轉頭.....所以又行番入去食早餐啦~~~~~~~~~要認真咁慢慢食個早餐先~~好多時間呀因為~然後係大堂直接可以辦理埋登機手續有哂登機證...行李都唔使再自己搬~佢會直接去機場上飛機~(真係極度方便~其實AIr Greenland係咪=Hotel Artic係咪又=Greenland Travel呢?實在太一條龍得方便!)




最後一程格陵蘭既車...都係由Hector車我地..........5分鐘度又到左機場~




Air Greenland個counter根本未開~~~~~~~




好喇~我地係搭Air Greenland既GL573號班機係10:05由Ilulissat飛往Kangerlussuaq.....好隨意咁樣上機~因為哥個時間淨係得我地一班機~~又係坐螺旋槳機走~我諗大機降落唔到呢度~





本身頭先仲係有d陰天嘛...一起飛就有太陽喇~~~好靚呀~~







大約45分鐘又到Kangerlussuaq喇~~今次好好天呢~~影呢個牌都當堂靚哂~




轉機時間得50分鐘~~~~由於我仲未買到手信俾Chlo子~~就快快手係佢機場間紀念品店快買~仲見到張postcard好靚但無時間寫....趕到我淨係貼左郵票寫左地址就寄~~諗左番到屋企先寫~~~~~去埋廁所就諗住上機喇~~~快d啦~~~




等佢地去緊廁所時發現......咦?!明明飛去丹麥係11:40架...點解會變左13:00既????望顯示版又係....點知原來佢Delay.....佢話係15:00先飛....問地勤點解..佢話:Technical Problem喎...無計啦~




出去行下啦~~華~~~同幾日之前唔同哂呀!!!之前仲係泥地~依家鋪哂雪喇~~~好靚~~~~~~~~





好啦~既然咁多時間~上次我地行左過超市哥邊睇~今次就去另外一邊去睇下啦~




藍天既雪景.....堅係靚!





紀念品店個頂d冰好似鐘乳石柱咁~~~~





巧勁話~~咁凍仲可以攞住黎扮劍~~~




有茅人識讀街名~~~~




前後5日既分別幾大~





跟住見到有間屋外面.....華~~好得意呀~~~~~點解可以咁勁砌到咁高既~~~~~~~你地睇係咪最右邊好似溶左既雪人咁呀????




唉呀~~~睇真d~~~~原來左邊哥隻係爸爸黎架~~佢隻手原來係抱住隻bb雪人架~~~~中間係媽媽~~




最右哥隻唔係溶左~~~~原來又有隻雪人bb訓係張雪床度~~~好得意~~~~~




買左少少紀念品就行番去機場~





因為Delay~所以航空公司俾左每人DKK100=119.2hkd既voucher俾我地去餐廳食野~咁我地去餐廳坐下食下野啦~個餐廳係self-service既~自己攞完野食排隊俾錢~但係個餐廳係超級的多人!!!!!!!!!!!!!!!!!!!!!!!!!!




呢個係Musk OX Burger....DKK108=128.7hkd....又估佢唔到~~幾好味~~~~又唔怕鞋喎~~~正~後面支汽水類似芬達橙汁咁~薯條好好味~個醬好好味~~




Fish and Chips....DKK58=69.1hkd....算幾抵~不過麻麻好食~唔知點解呢個d薯條無漢堡d薯條咁好食~~~魚好薄好似淨係食炸粉咁....蝦仔反而唔錯~




好開心終於買到岩心水既磁石~因為Chlo鐘意儲世界各地磁石~(咁當然絕大部份我有份啦)....中間3塊長方形係Ilulissat機場買~其他都係Kangerlussuaq機場買~北極熊同埋海獅哥兩個係3D架~極度出色~~~右上哥個有飄雪的~




食埋野同香港團友傾到口水花都出埋~就岩岩好夠時間喇~係禁區度影左我地既合照~~~~短tee那位係michelle~好似我香港個表姐~紅衫哥位就係Sally喇~真係有緣我地6個係遙遠的格陵蘭遇上~~~~~~~~~~~~~~~~~~




之後係禁區等緊上機又見到一個好可愛既愛斯基摩小朋友!!!極度可愛!!!!!超肥0都0都!!!!!!!!!!!!




好咯~要上機喇~~~~我地再搭Air Greenland既GL782號班機係15:00由Kangerlussuaq直飛往丹麥的哥本哈根~




好喇...起飛喇~~~




拜拜喇格陵蘭~~~有緣再見~~~~(無冰島咁肯定的講話一定再番去~~)...........飛左上去.....超靚~~~~~~~~~~~~~~~~








同之前既黃咁咁比.....依家落左雪真係極靚~~~~影左好多相~







因為時差問題...越飛越黑lu~




飛機上睇睇下雜誌~發現我地噚日去既伊盧利薩特冰峽灣~~如果係夏天既話就可以好似呢個男人咁樣行前d同個峽灣近d咁樣影啦~仲靚~~~~不過我地實在有太多雪係d石上面喇~行落d怕危險~有機會再去啦~




雜誌仲有介紹Air Greenland仲有飛去咩地方...我所見...外來既淨係得冰島同埋丹麥有得飛過去...但我想問下係咪加拿大都有得飛過黎?




哈哈~又派飲品喇~記得派餐前攞多d~派餐時唔再派~~我仲自己溝紅酒可樂飲~~~~~好味~(又亂黎)...佢個小食極好食~~~~係onion & sour cream哥隻味~~食到個口超臭~~霞~~~~~~~~~我又逼毛寶聞...跟手搶埋佢哥包黎食~~~~




肚餓喇派餐喇~~~~~~~~~~~~都ok~唔算好食唔算難食~




又飛過我冰島美人上空喇~~~~~~~~~~~~仲會飛過我想去既西北面.....但可惜天已黑~~~~咩都睇唔到~




日落好美~




之後其實我地成夜晚12點先到丹麥(因為Delay).....酒店已經無shuttle bus來回(住番之前幾日黎丹麥既酒店)....只好坐的士~~~~咁岩線我地同香港團友訂左同一間酒店!!!!於是我地3個3個咁樣坐的士去酒店~一出機場......條雪褲成為負擔...極度熱!!!!!!!!!!!!一出就係的士站都幾易有的士...如果似澳門就慘喇~~~~~機場去酒店大約6-8分鐘車程.....大約搭左70hkd.......


我既生日...就係咁完左(呆)..整日在搭機





華~~~~~~
新年喇喎~~~~~
我係度祝各位哥哥姐姐弟弟妹妹各位!
新年快樂身體健康恭喜發財!!!!
一家人出入平安團團圓圓順順利利!!!!
恭喜恭喜!!!!!!!!!!!!!
我地一齊送羊迎猴啦~~~~
我呢幾日梗係休息唔寫blog啦~~~大家都知我懶~~~
我會下個星期五出埋最後一篇冰島blog...
同大家講一聲再見~
我先出發南美的~我依家仲未開始執野呀..
我又心虛喇~~~~~~~~~~
下個星期五見!<3



2016/02/04的開心事:
今晚食媽媽個朋友整既盤菜!!!
勁好食~~~勁多料~~~
好正呀~~
有鮑魚花膠海參發菜蘿蔔雞燒鴨蠔豉椰菜丸子魚餅魷魚蓮藕芋頭冬菇豬皮.....
我已盡力記住...但仲係有其他我記唔哂~



報時:距離南美洲4國新奇探險之旅2016仲有---8日~
報時:距離日本大阪之旅2016仲有---99日~
報時:距離"七公子"帥帥出使東京之旅2016仲有---239日~
南美突然單位數....
大阪突然雙位數............................................................

好啦~我地下周五見啦~約定你~

46 則留言:

  1. 唔覺唔覺又搞掂篇遊記,唔覺唔覺你又就快飛一個月......
    恭喜發財,奧燒奧燒奧燒奧燒........

    回覆刪除
    回覆
    1. 終於可以出發前寫完~開心~
      新年快樂~~~~~~~~~奧燒bb與我常在~

      刪除
  2. 先講句新年快樂﹗旅行繼續去、繼續去﹗

    回覆刪除
    回覆
    1. 南美去幾多日?你份工真好有咁多假期﹗

      刪除
    2. 多謝多謝~~我都祝你身體健康~

      刪除
    3. 其實我已經一次過用哂今年d假喇~

      刪除
  3. D磁石真係好靚好出色呀 藍天的雪景真係靚好多呀 !我都祝你 身體健康 步步高昇 心想事成呀baby

    回覆刪除
    回覆
    1. 係呀真係好靚呢~
      多謝多謝~~我都祝你身體健康~

      刪除
  4. ☁¨☾好友♦*¨☆又係時間瞓覺豬嚟✬。゚★
    新年.我唔會去邊度玩噃•*¨養好身體最緊要嚟
    大家迎接2Ѽ16❦四季喜樂❦心想事成❦招財進寶❦
      ✿✿  ✿✿✿✿✿✿✿
      ✿✿  ✿✿   ✿✿
    ✿✿✿✿✿✿✿✿   ✿✿
       ✿✿ ✿✿   ✿✿
       ✿✿ ✿✿✿✿✿✿✿
      ✿✿  ✿✿✿✿✿✿✿
      ✿✿✿  ✿✿✿✿
     .✿✿✿✿✿ ✿✿✿✿∧∧
    .✿✿✿✿✿✿ ✿✿✿✿・ω・)
      ✿✿  ✿✿ ✿✿⊂ノ。・゚゚・福你。。゚❤♥
      ✿✿  ✿✿ ✿✿ ✿✿
      ✿✿ ✿✿  ✿✿  ✿✿

    回覆刪除
  5. 有無發現? GL 的主要城市, 全都是在西部, 東部一個都無, 而丹麥來的航班, 也只飛西部. 內裡的原因, 是因為那裡中心區域在 GL 西部和加拿大東北邊的 INNU 特區, 現在卻分國而治. 就好像天龍八部裡的大理國一樣, 現在分別為中國雲貴和越南寮國泰國北部.

    這個是十分政治敏感的事情, 就好像..... 不會有定期航機由泰國清邁飛雲南大理一樣, 兩國都害怕著兩地裡的同宗同族往來頻密後, 就會聯手起來, 由中國和泰國獨立出來.

    現在GL和CANADA裡 INNU族, 經濟實力太弱了, 沒有定期航班, 而加國和丹麥都不想資助這條航線.

    回覆刪除
    回覆
    1. 哥時聽紀念品店老闆娘話Kangerlussuaq係最穩定最適合降落既地點~所以好多機都係飛呢度然後轉飛其他地方~
      其實我諗格陵蘭想獨立好耐..不過經濟可能支持唔到自己...而且應該好多野都係靠丹麥入口
      原來係咁....

      刪除
  6. 我每次由我這裡搭機回港, 都會飛過北極, 在上空望落來, 跟你上邊的想一樣, 不過, 我卻感到一種孤獨死寂, 甚至令人窒息的感覺. 或許你們見到這些, 會想到金庸小說裡的, 元顏阿骨打或耶律齊, 又或喬峰的塞外牧羊. 但現在實裡, 這些地方是貧窮落後原始野蠻的同義詞.

    街名上是丹麥文, 用英文發音來讀, 就一定不會讀岩, 所以都係要問當地人了.

    回覆刪除
    回覆
    1. 我唔見慣雪哥d~就覺得好靚囉~~~~
      係喎我都唔記得問下當地人睇下點讀添~

      刪除
  7. 正宗FISH & CHIP 是用 COD魚來炸, 看來那塊不是COD, COD魚肉不能切成一薄塊, 只能一舊舊咁炸. 不過, 俾左咁多蝦, 就係想叫你地唔好 COMPLAIN了. 哈哈哈....

    最後, 祝你新春大吉, 一年好過一年, 年年開心又健康呀.

    回覆刪除
    回覆
    1. 真係勁薄而且一d都唔好食~不過算平~無話可說了~
      多謝多謝~~我都祝你身體健康~

      刪除
  8. 小t 南美旅途愉快 玩得開開心心 平平安安 :)
    祝猴年事事順利 多多美食 多多旅行 多多開心事^^

    回覆刪除
    回覆
    1. 好多謝你呀~~~鍚鍚~~~~
      多謝多謝~~我都祝你身體健康~

      刪除
  9. 30多年前本來去計畫去南美委內瑞拉,先停多明尼加訪友然後再去,點知在多明尼加一個星期變住了一個多月,旅費都洗哂,焗住返回香港,到我有旅費時冇時間,到我有時間時又冇銀両,一等就等了30多年都冇去南美。
    我還記得幾句西班牙話,你去購物或其它要討價還價時可以用到。祝旅途愉快
    Favor no me enganes , Somo Paisano.
    請唔好搵我笨我呀,我地係鄉里。

    回覆刪除
    回覆
    1. 好多謝你既提醒呀~~~好勁呀~~仲記得呢句~~~~~~~

      刪除
  10. 我都祝小t同各方親朋好友生活愉快,身體健康,長搵長有,去多啲旅行!

    回覆刪除
    回覆
    1. 多謝多謝~~我都祝你身體健康~*3*

      刪除
  11. 回覆
    1. 祝妳猴年心想事成,健康美麗,生活快樂,笑口常開,媽媽龍馬精神!<3 <3

      刪除
    2. 多謝多謝~~我都祝你身體健康~

      刪除
  12. 眨下眼原來已經係Day23真係睇blog不知時日過:P
    其實可以咁樣過生日都好開心啦^^
    有雪真係靚好多喎
    個愛斯基摩B真係好可愛,一定好墜手kakakaka...
    下次坐cruise去囉^^

    回覆刪除
    回覆
    1. 哈哈~~我努力了兩個多月呢~~~
      好開心呀~難得的機會~~哈哈~之前都未試過~
      超得意~~~佢可能奇怪我地做咩見到佢會咁開心~
      我好驚坐遊輪...感覺好唔踏實~

      刪除
  13. 這個誤會真慘!(早上是最好睡的時間)
    Delay可以有voucher,都算好!
    祝您來年新旅程愉快!

    回覆刪除
    回覆
    1. 哈哈~算啦~自己又大意~
      係呀食番餐先~
      多謝多謝~~我都祝你身體健康~

      刪除
  14. 愛斯基摩小朋友......好似有D呆,有班好熱情黑髮既姐姐狂影我~
    係機上睇雪景好正,一定好難忘
    去南美帶多D防蚊用品

    回覆刪除
    回覆
    1. 無錯~佢可能就係奇怪點解有人咁樣影佢~
      如果可以機上影埋極光會仲開心~
      係~知道~

      刪除
  15. 齊齊❥ഐ開心萬事得♡ღೋ❣
    ❤。・゚゚心想事成迎接2Ѽ16・。。゚♥
    ╔══╗╔════╗❀•*¨✱
    ║╔╗║╚═╗╔═╝¸.•*¨✿
    ║╚╝║╔═╝╚═╗❀•*¨✾
    ║╔╗║╚═╗╔═╝¸.•*¨✿
    ║╚╝║╔═╝╚═╗❀•*¨❉
    ╚══╝╚════╝¸.•*¨✿
    っˆヮˆ)っ*¨・。╠╣aΡpy。゚°•♩¤。♪.♬。。⊹♫*。.₡Ϡ
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

    回覆刪除
  16. 恭喜發財!如意吉祥!靈猴獻瑞!
    祝...小t
    新的一年闔家
    一切順利!
    身體健康!

    回覆刪除
  17. 祝你新春大吉!身體健康!萬事如意!環遊世界!

    回覆刪除
  18. 2Ѽ16 大家❤・。。゚♥新年快樂❀•*¨✿開心萬事得

    回覆刪除
  19. 年初五啦~~~~祝妳猴年快樂、身體健康、心想事成、食得肥肥白白

    回覆刪除
    回覆
    1. 哈哈~~~我真係新年之後食左超多野~一定可以肥肥白白~~

      刪除
    2. 多謝~我都祝你情人節快樂呢~

      刪除
  20. 恭喜發財!身體健康!龍馬精神!事事順利!
    你真係話咁快就去南美洲喇~~~好期待到時睇你寫既BLOG呀~~~

    又真係估唔到個漢堡貴過啲炸魚咁多, 不過好味就得啦~~你地早左咁多起身..真係好慘~~

    回覆刪除
    回覆
    1. 多謝多謝~~我都祝你身體健康~
      哈哈~~未出發我自己都先興奮~
      算啦~自己無問清楚都有錯既~

      刪除