2016年2月1日 星期一

冰島格陵蘭自由行之旅2015-10-17第二十一天Part 2(陰天下雪)

今日突然被叫左過隔離學野...學左15分鐘已經叫我坐機試下....我依家又好心虛..............星期五放工跑去慶祝貞公子生日~~難為了貞~為左就我同毛寶去旅行提早好多搞生日會~錫鍚~~~星期六中午食完野之後就去左買旅行d野~~~再回家研究下南美行程之後就出去同屋企人食團年飯~~~食MGM~~~好味~~~~~星期日中午食左好耐無食既Time After Time~d包真係好好味~~跟住又去左Garment Park~回家休息左一陣後又出發去買旅行野~跟住食左個唔太好食既泰式豬腳飯....不過算啦...叫做食飽個肚先~



2015-10-17
Day 21---Part 2(格陵蘭 Greenland,Ilulissat)

成到呢個位就停左喇~之後會番轉頭~




呢邊好似好多冰咁~~~





好鐘意呢隻起哂花又藍藍地既冰~





平靜時的倒影極度美~






可能大家都係覺得都係差唔多~但我好享受呢個船河遊~










不如睇下破冰啦~~d脆片聲真係好好聽~~~~~~~




仲有導遊講解~~唉呀~其實我無聽架~我掛住望向遠方發呆~




都係靠阿Sam同大比~~~佢話呢兩種冰唔同色...係因為....左邊哥個係淨水既冰...右邊哥隻係有空氣係入面~所以就唔同色喇~好似係咁喇如果我無記錯~~~~~~~~~~~~(定係還是調轉呢..)




查實企係甲板睇冰真係堅凍~~~~~~後尾頂唔順番入船倉坐~




入下又出下~見多冰又出黎自拍~









你d漣漪影得好有味道!!!!





無喇無喇~最後幾張喇~差唔多番到碼頭喇~





呢兩個片我都覺得好靚~以美麗影片做總結~聽香港團友講話佢係芬蘭坐過一次破冰船要$3,000hkd.....仲要個景無格陵蘭個景大咁宏偉!!唔知芬蘭個景係點既呢?



每次番酒店都會用呢個裝置~~因為對鞋上面超多雪但又整唔走~~~擦下佢就乾淨哂~(我對鞋其實去完冰島超污糟~去完格陵蘭踩咁多雪地就乾淨哂~)




好凍~番房坐一陣~頭先坐破冰船前行紀念品店買左呢個~格陂蘭既蜂蜜~~~~~個店主叫我沖少少好喇..因為個味好strong喎~~~不過我送左俾媽媽~佢應該未試~我記得好似大約70hkd......chlo子同我最鐘意既磁石我到呢刻仲未買到岩心水的..........我開始驚~




坐一陣又去食晚飯喇~呢晚我地揀左地下哥間貴少少既餐廳~又轉下新鮮感~




今日下午開始落雪...都落得幾大下~~出面成個景唔同哂咁..




又變番有自製牛油食~




咁呢間餐廳係貴少少既~~~~~不過選擇原來幾少下喎~就得呢張紙.....1 Course就DKK245=292.1hkd...2 Courses就DKK375=447hkd..3 Courses就DKK435=518.6hkd...5 Courses就DKK585=697.4hkd....我地問佢.....5個courses可唔可以重覆揀..佢話得喎...咁平分每樣都係139.48hkd......跟住問佢可唔可以share黎食...又得je!!!真靈活~




仲要送前菜...我記得個前菜係鯨魚.....反對捕鯨!!!!!




佢寫住Snow Crab我地又唔望細字叫左兩個course...點知原來係湯~正傻仔~不過都幾好飲~






Arctic Ray.....唔知係咩魚黎既呢???d魚肉一梳梳一條條咁架喎...幾好味!連唔食魚既阿Sam都食!




Greenlandic OX.....好好味~~個汁又好味牛又淋淋的~~~而且跟埋一齊既薯仔好好吃~




第5個course我地揀左甜品Pear....賣相好靚~而且好味~好滿足呀呢餐~~~而且唔知點解又真係夠飽喎~呢餐每人百幾蚊hkd咋~~~好抵~~~~









我星期六夜晚食完團年飯..
仲同左表妹們去唱k~
事實上我真係好鐘意唱k~
歡迎各位公子約我去唱k~
真係唔使驚表姐同表妹我就會唱老餅歌俾表妹笑..
因為我表妹係會點學友既餓狼傳說唱的(仲唱得好有勁)
佢仲話上次個職員入黎擺但飲品時佢就係唱緊呢首歌...
另一個表妹話個職員個樣勁尷尬~~~~笑到我~~~~~
我好嬲我自己太耐無唱竟然唔夠氣..真無用
同埋有時去唱k聽人聽歌又會聽到d自己未聽過又好聽既歌~
我有時覺得作詞人實在太勁...
點會作到d詞咁到位?
"難道沒練習太耐 感覺都追不回來
試圖再努力愛 也顯得不自在
耿耿於懷從前的愛 從沒有振作過 痛了再痛也應該
難道是寂寞太耐 生鏽的鎖不能開
往事卻似斷箭 還剩下在體內
若懷內 放滿對你的愛 害怕一直也 再沒法戀愛"
好詩好詩!



2016/02/01的開心事:
下.....原來已悄悄的來到了2月........
我依家要學野....所以我個心唯有寄望去旅行....
我想快d去旅行..........................



報時:距離南美洲4國新奇探險之旅2016仲有---11日~
報時:距離日本大阪之旅2016仲有---102日~
報時:距離"七公子"帥帥出使東京之旅2016仲有---242日~
下...仲有11日...
我心虛..............................................
好彩大慨諗到自己會著咩衫~~(其實毛寶幫我諗好哂~)
咁都無咁苦惱執d咩~

20 則留言:

  1. 妳塊面好番未呢?.....還是.....!
    雪呀.....巧凍呢?

    回覆刪除
    回覆
    1. 好番d~多謝關愛~
      長期係船外好凍囉~船內飲熱野無樹~

      刪除
  2. 破冰船好厲害,
    寨卡病毒喺南美好勁呀,
    要小心防蚊呀

    回覆刪除
    回覆
    1. 我第一次坐~好開心~
      係!知道!我買左好多蚊貼~

      刪除
  3. 破冰船好震撼,我上次在北海道無浮冰,破冰船變左普通客輪>_<

    回覆刪除
  4. 我住係西人地方太耐, 通常都會以為D餐裡的 COURSE 只會俾一個人, 唔會想到可以叫 5 個COURSE 幾個人分. 我想, 對方見你地係遊客, 知道有文化差異, 所以容許你地咁叫, 如果唔係遊客區, 又或係歐洲內陸, 可能會唔俾咁叫法呀.

    隻破冰船D聲好靜喎, 通常係好嘈咖.

    回覆刪除
    回覆
    1. 我地都係咁諗呀~所以先問佢嘛~點知佢又話得~咁味叫囉~
      第一次坐~所有野對我黎講都係新鮮事~

      刪除
  5. 頭幾幅空鏡相好東邪西毒,縱然一個沙一個冰,感覺都係天地孤影任我行
    你哋啲帽同頭頂舖滿雪我覺得好靚,羨慕

    回覆刪除
    回覆
    1. 我覺得我都影得絃靚丫~以用手提影黎講~
      真架?我都係第一次體驗咋其實~

      刪除
  6. 個個變晒幪面飛虎隊員,好型XXD
    望見那一望無際冰海,會唔會想起titanic?
    仲有兩個禮拜唔夠喎~~~~記得帶定強力蚊怕水+防蚊膏

    回覆刪除
    回覆
    1. 因為開船d風吹埋黎太凍~~
      哈哈~~又無喎~~~~~~titanic無咁多下嘛~~~
      知道~我有買左架喇~

      刪除
  7. 我突然看到覺得非常凍添,哈哈哈!

    回覆刪除
    回覆
    1. 唔怕~~你哥度唔怕凍架~~睇下啦~

      刪除
  8. 現在出現「寨卡」,真掃興!小心D啦!
    原來「冰水」都好多學問。
    格陵蘭的雪可以洗鞋,哈哈哈
    這一餐除了前菜的鯨魚,都好吸引!

    回覆刪除
    回覆
    1. 知道我買左好多蚊貼~
      係呀~~對鞋好乾淨呀依家~~~~
      都唔錯幾好味~

      刪除