2015年7月14日 星期二

下午茶@金沙城喜柏Palms

今日中午個接更位真係接到我眼都突埋.......................隻手快到無影~~~~~~~~~~~~~我知點解要俾咁多野我做喇~~~係因為要突顯我既實力~~一定係咁~~~~



承接番上文...咁我地話出黎傾日本野嘛~去左食拉麵之後...緊接就要去傾野啦...但都要有個地方傾野架嘛係咪?咁我地咪去左金沙城既喜柏Palms借個場地傾野囉~~~~咁又無理由齋坐架嘛~~~咁咪叫左個tea set囉~~~wakakakaka~又有吃的理由~鐘意去佢哥度因為個頂係玻璃有自然光透入~感覺似係室外~但又唔似室外咁熱喎~~~$298兩位....包兩杯咖啡或一壺TWG既茶~




哈哈~教過你幾多次呀衰仔....飲下午茶要真係叫茶飲架嘛~~~我地有另外再叫野飲架放心~唔係一壺茶點樣3個人飲呀~揀左Singapore Breakfast Tea....佢地兩個都話好難飲~我就話都可以呀~




甜品一覽~有:柚子綠茶馬卡龍,牛奶巧克力及伯爵茶,迷你檸檬奶油拌酥皮餅乾,白巧克力紅莓芝士蛋糕,開心果車厘子巧克力蛋糕,龍眼奶油蛋糕,巧克力費南雪配熱情果奶油,紅莓白巧克力杏仁脆甜杯,黑芝麻鬆餅伴英式奶油.......雖然佢外表唔算特別的靚....但講真喎...唔怕過甜~而且幾好味~





鹹點有:三文魚醬鵪鶉蛋焗牛油麵包,雲南烤鴨薄餅,西班牙蠟腸伴軟芝士紅椒醬餡餅,葡國軟羊芝士甜核桃雪梨果凍.........鹹點比甜品更出色~~~~~~






哥日都叫成功傾左個大概既日本行程既~~~~而且食左好多野落肚~~~~酒店下午茶黎講算係幾唔錯~中價又好食~





2015/07/14的開心事:
一放工就獎自己跑番屋企食一粒黑蒜~
我唔係因為覺得佢健康所以想食...
完全因為我真係鐘意食佢朕味~~~當佢口果咁食~
所以我依家一路寫blog...一路:何~~~~~~~~~~~
個口真係好香呀~~~~(生花中)



報時:距離冰島格陵蘭自由行之旅2015仲有---75日~

14 則留言:

  1. 去傾嘢就有好嘢食,我都想日日去傾囉!哈哈哈

    回覆刪除
    回覆
    1. 哈哈~~咁又唔得~傾一次就傾好了~~

      刪除
  2. 剛食完拉麵接住再嚟,你哋係得嘅!!

    回覆刪除
    回覆
    1. 其實本身係約食下午茶既~點知貞臨時無飯食~咁咪同埋一齊食囉~咁岩線je~

      刪除
  3. 哈哈﹗哈哈﹗個陣味...........^_^好遠都聞到^_^

    回覆刪除
  4. 黑蒜食得多成個人都會散發住蒜味,小心的呀,你未嫁架!
    我返yoga班就有個太太係咁,啲同學仔同Miss投訴佢陣除,但老師話無法,人地鍾意食,跟住好多人頂唔順退左課.

    回覆刪除
    回覆
    1. 真係架??
      不過製過既黑蒜其實少味左好多架喇喎~~~~~~
      哥個太太都幾誇張喎~~~~~~咁多人退學~~~~我要叫人留意下我先得~

      刪除
  5. 一路tea一路傾行程就最正
    唔知點解我成日形住黑蒜有點似養陰丸XXXD

    回覆刪除
    回覆
    1. 哈哈~~~又可以食~又可以傾~
      又幾似喎真係~~~~

      刪除
  6. 小t幾時都咁positive, 俾個like妳!
    個tea set好吸引, 我又想搶野食 ^0^

    回覆刪除
    回覆
    1. 無得唔正面啦~每年暑假都係咁多野做的~~~

      刪除
  7. 小t幾時都咁positive, 俾個like妳!
    個tea set好吸引, 我又想搶野食 ^0^

    回覆刪除
    回覆
    1. hehe~我知你都好鐘意酒店tea set~~~~

      刪除