2015年7月23日 星期四

關西哈利波特之旅2015-06-22第二天Part 3(時晴時陰天)

今朝無啦啦曬左陣雨~唔知係咪因為咁而嚇一嚇d客無黎呢~我曾經噚晚坐係張床度諗:到底今日係星期二定星期三?!..............原來呢個星期已經急急腳咁黎到星期四喇~~~聽晚又可以約會去~好開心~~



2015-06-22
Day 2---Part 3(日本,大阪 Japan,Osaka)
好喇~食飽飽又再向前行~~~條商店街真的好長~




行過見到有間宇治園.....又有雪糕模型擺係門口....梗係急急腳埋去試啦~~~




宇治最出發咩呀??梗係綠茶啦~~~即刻買個抹茶口味的軟雪糕咬咬...350円(稅拔)=21.9hkd....遊客區唔算貴~味道都唔錯~不太甜~很有抹茶味~




出發前kapo baby話俾我知架~話原來呢~我去哥段時間呀...心齋橋間大丸百貨北館既B1層有船梨精的pop up store!!!!!我真幸運~~~~~謝謝kapo話我知呀~~~~~好開心~~~




好可愛~~~~~有一剎那衝動好想買~~~最後選擇放下就是擁有~~~~~~~~~裏面有野食既~其實我係想要個罐咋~不過個罐又唔知要黎做咩好喎~




東逛逛西逛逛~揀左d毛巾仔之類(還是毛巾最實用~)......我其實見到有船梨精頭套都想買....因為我想扮船梨精(誤).....兩位團友禁熄左我把火...依家諗諗下...又在後悔了~~~野~~連廁紙都有售...有人會買黎敏x嗎????????????傻的嗎??




其實我好有衝動要買這個....船梨精滑屎...因為我家滑屎壞壞地.....所以想買番個...咁岩有個咁可愛的~~想買~~~(曾幻想一路寫blog一路用住佢係幾咁美好)....但叫佢攞出黎俾我睇時睇到...wow....差唔多成300hkd.......嚇死我...買個滑屎成$300?!?!!?但價錢未令我卻步....令我卻步是:它是一隻有線的滑屎......................................仲要條線好短....咁...我點用呀...............................又係哥句:放下...就是擁有~




之後見到有部機...有細細粒船梨精夾呀!!!!好得意~~~~100円=6.3hkd一次~~~梗係試啦~~~~~~我地夾左兩次...都唔得...之後隨即有個日本姨姨夾....用100円就一連夾到兩隻....太羨慕了~~~~~~~~~~~~~




我地唔憤氣....再黎...夾左好幾次...最後一次!!!!!!!!!!!!!!一次過出左3隻!!!!唔多唔少!!!一人一隻!!!!真係超開心~~每人都有隻細細粒船梨精~~~~hehehe~~由我操刀~一夾有3隻~(認屎認屁到無講其實連埋日本姨姨之前其實夾埋用左700円=43.8hkd先夾到)....你咪理~姐就是高興~




頂~~~原來仲要有唔同樣架喎~~~估下我要左邊隻??咪同我一樣成日流口水哥隻囉~~~~~~~

姐就是高興~姐就是開心~



好喇好喇~番左酒店攞房同埋放低哥少少戰利品先喇~之前哥篇講過啦~我地係Hotels.com哥度訂呢間Hotel Granvia Osaka既~點解我會係Hotels.com度訂?因為我首先係去左Trivago搵左我想要既酒店先既....咁佢會幫你比較各網站邊個最平架嘛~咁就hotels.com最平咁我咪去哥度訂囉~(我真係抵死到唔信trivago走去自己逐個網站再confirm一次...點知又無呃我喎...仲要唔係平少少...有d平幾百!!)......咁講下幾錢先......因為我地係連住3晚....有1晚係京都...然後再番去住兩晚....咁有星期六日同閒日日唔同嘛....所以計個平均數俾大家睇睇~5晚6547hkd...每日即係1309.4hkd...咁每人每日即係436.5hkd........講真佢就唔係最平架喇...但係堅方便!係大阪駅內!!




一入去~咦~幾唔錯喎~我們的三人房~而且廁所都算大喎~一定大過東京哥d先~同上次係那霸哥間差唔多大~而且我咁偽潔癖都認為房間超級光猛乾淨!!!每晚都訓到無哂知覺(呢點好重要)




我地住22樓~都以為算幾高~點知1~20樓都唔係客房黎架~係宴會廳餐廳之類~所以22樓算住得矮~~哈哈~0我~原來望大阪駅南口對住既風景~




攞左房放低幾両又再輕鬆出動~第一站係阪急百貨~地址:大阪府大阪市北區角田町8番7....網址(我地係睇住皮皮個百貨公司清單去掃貨~多得佢咋~我地知道哂邊度有我地想買既野~又唔使搵黎搵去~)




仲有行到離遠都會見到佢個紅色摩天輪既Hep Five~地址:大阪市北區角田町5-15....網址




大阪駅內除左連結其他駅外...仲有連接好多間百貨公司同商場...大到好恐怖...其實我住左咁多晚...我都未行勻成個大阪駅d野~~~~~其實我覺得呢度咁影幾靚~




另外一間連結既商場係Lucua 1100(依家上網睇番先知係由大阪伊勢丹改建而成)...地址:大阪府大阪市北區梅田3-1-3.....網址.....毛寶話要呢搵間賣鞋既鋪頭...行過....wow~~~有間Samantha Thavasa crossover船梨精既cafe!!!!!!好可愛~~~一邊賣袋一邊飲咖啡~~~~~而且裝飾得也太可愛了~~~~~~~不過趕時間~無飲到~可惜~

好想坐下張櫈~~~(少女心心眼<3)





今朝Chlo子同我講:我岩岩臨醒前哥個夢夢見你
我:下?!我都係喎~~~你夢見我地做緊咩呀??
Chlo子:我發夢人地話要我地做d好戇居既野..我以為你會話唔應承架嘛...點知你又舉腳話好喎..我咪好歧視你囉
我:我發夢我又同你鬥氣................
好癲~同佢鬥氣已成今個星期重點節目~



2015/07/23的開心事:
華~有人今日請我食台灣溫泉蛋呀~
哀c~



報時:距離冰島格陵蘭自由行之旅2015仲有---66日~

48 則留言:

  1. 抹茶軟雪糕、台灣溫泉蛋,正呀~~~~~~
    船梨精又真係幾可愛。

    回覆刪除
    回覆
    1. 好好味呀溫泉蛋真係~
      無錯~似我~

      刪除
  2. 好叻呀 最後一次夾到三隻 果下應該會極想尖叫 hehee
    好多船梨精呀 ^^ 原來你有去 好開心呀

    回覆刪除
    回覆
    1. 其實我地係有尖叫~~~(因為d店員見到我地夾左好多次都夾唔到已經笑緊我地~)
      梗係~你咁乖推介我去架喎~

      刪除
  3. 我有fd剛去完,佢地5個人去,book咗1間双人房1間3人房,佢話3人房大好多,3個一齊開喼都有位淨,双人房就細到嘔
    叻,一次夾3隻,條氣即刻顺返晒^^

    回覆刪除
    回覆
    1. 又係住呢間呀?我地呢間都係岩岩好夠開3個gip~不過地方算唔細~我覺得住得幾舒服的~
      係呀佢地d雙人房唔知點解可以做到咁細~~~~
      係呀~~~~哥下真係好開心~

      刪除
  4. 應該就黎出哈波篇~~~~巧緊張丫!!!

    回覆刪除
    回覆
    1. 唸起夾船梨貞真係好好笑XDXD
      好彩你咁叻後尾一夾就夾到三隻,如果唔係。。賭仔心態。。我唸我係傾家盪產XDXD

      刪除
    2. 就黎喇~星期四出院出俾你睇~:]

      刪除
    3. 係呀~~~尤其我地夾哥時個氣氛好凝重~~~~~以為做緊咩大事~
      我好理智架~因為我好多時夾3-400円唔得就算~

      刪除
  5. 綠茶雪糕模型好似屎咁~~~而妳又買嚟食!
    幾勁喎,一次夾到三個,妳為澳門爭光。

    回覆刪除
  6. 哈哈...傻呵呵...又到星期五...明天我又唔使煮飯呢

    回覆刪除
  7. 哈哈...發夢也同人鬥氣...現實就唔多好喎

    回覆刪除
  8. 好友✫☾.•*✬☁good night 甜夢喇喂♦*¨★

    回覆刪除
  9. 回覆
    1. 哈哈~但話咁快依家又係星期一喇~

      刪除
  10. 身為麻甩佬都覺最尾間cafe實在太可愛,我都想去hea吓,反而你忍到唔去……貞公子紮起頭髮一樣咁好睇,冇佢乎

    回覆刪除
    回覆
    1. 因為趕住去食飯嘛~~~我又費事飲完食唔落跟住安排既呢餐好野~所以就.....放棄了~
      放下...就是擁有嘛~
      係呀~貞真係又靚又叻又乖又好人~

      刪除
    2. 點只又靚又叻又乖又好人呢?

      刪除
    3. 仲有咩呀~你可以繼續讚架~

      刪除
  11. 大阪喺我為食人至like,超方便,又多嘢食,
    日本酒店可以擺到三張床都真喺好大下,
    香港最近開咗間京都宇治茶房店,
    妳下次過嚟,可以一試。

    回覆刪除
    回覆
    1. 係呀~~~周街都有野食~~~
      我覺得都ok呀~而且間酒仲要幾舒服下~

      刪除
  12. 大阪喺我為食人至like,超方便,又多嘢食,
    日本酒店可以擺到三張床都真喺好大下,
    香港最近開咗間京都宇治茶房店,
    妳下次過嚟,可以一試。

    回覆刪除
    回覆
    1. 我知呀~~~同埋我知間野超多人去呢~~~~~

      刪除
  13. 我印象覺得, 大阪D物價平D.

    回覆刪除
    回覆
    1. 我依家淨係覺得..成個日本d野都好平...
      不論係食物定係衣物~~~~

      刪除
    2. 應該係全世界d野都好平呀~係港澳貴~

      刪除
  14. 船梨精真係好得意,我仲估你一定忍唔到手,點知張張都:放下叫擁有~~叻呀你
    夾到仲開心啦~~
    大阪地下街真係好恐怖,大到想像唔到

    回覆刪除
    回覆
    1. 我呢幾年學識呢句放下就是擁有...真係好好用~~~因為以前買得太多垃圾~
      係呀係呀~一次夾3隻哥種開心真係~好正~
      絕對唔明點解佢地可以有咁多野買....

      刪除
  15. 400幾蚊一日抵到爛.....
    好彩最後夾到,否則條氣一定chok住XXD
    「放下...就是擁有~」第時shopping我都要學識念喱個口訣先得kakakakakakakaka.......

    回覆刪除
    回覆
    1. 我都覺得好抵~好彩有睇traavigo~
      夾到700円都夾唔到其實我會放棄!!但個心真係會好唔舒服~~~~~
      係呀!!呢句好好用架!!!記得學!!!

      刪除
  16. 綠茶雪糕,睇到就想食!但我又諗起lQ博士。哈哈哈!

    回覆刪除
  17. 叻叻呀, 咁多得意野都忍到, 等我順便讚埋自己先, 我都係好忍得手架! 嘻嘻! 以前旅行會買好多無謂野, 阻住地方又唔捨得掉, 所以宜家勁忍得, 只買實用野, 無謂野都戒晒喇, 我會影低當擁有, yeah ^^

    回覆刪除
    回覆
    1. 係呀~我又係呀~之前成日見到咩都買......護膚品化妝品又係...但買完根本就唔用既...浪費左之餘又浪費錢...所以我地咁樣係岩架~
      我又係影低當擁有~

      刪除
  18. 一次過就夾到3隻船梨精,好叻呀?用左700円都係叻呀!

    回覆刪除
  19. 船梨精罐罐既眼神真係沒法抗距喎,如果佢唔大件,我諗我都會買。

    回覆刪除
    回覆
    1. 又唔算大個既~~~不過就諗到買左番黎又好似無咩用咁~

      刪除