2015年7月6日 星期一

二師兄KA2ONE台灣小食店

今個周末食左兩餐生日飯~~夏天真係好多人生日~~~迫於無奈之下~~~又要買番工鞋喇~~~大家都知我試過後爛...前話肚餓要開口食飯.....今次爛側邊我真係無哂野講..而且今次呢對著唔夠1年就爛...山窮水盡下都要迫住買新鞋........不過今次呢對個底超舒服~個底軟林林的~~毛寶真係無介紹錯~



我實在食完都唔知呢間野叫咩名...淨係上網見人話滷肉飯好味咁我就跑左去喇~上網搵番先知呢間台式小食店叫"二師兄"....望門口還以為叫KA2ONE...(我好笨)........地址:澳門賈伯樂提督街47號.....第一次想去既時候係晚上7點(當時試業時間係中午12點至晚上8點).....一入門口第一句:唔好意思....d野賣哂.......於是要擇日重賽~呢日中午一開門黎...唔會無野賣喇卦?!






一入到去...wow..成間酒吧咁既feel.....由於店內都幾多人..唔方便拍店舖照~有個勁勁勁大既電視...唔通之後會做酒吧??然後播波睇?????圖中係水吧位~有張紙仔你揀野食..填好攞去俾錢佢會俾舊裝置你...閃哥時就去攞野食




招牌翡翠檸檬茶(中) $28...唔係我叫既..不過我都飲左啖~不過就係普通檸檬茶一杯囉~$28有d貴




珍珠烏龍奶茶(中) $21......唔知我對烏龍味係咪唔係太熟悉.....呢杯野我飲唔到有烏龍味....正確黎講...我係飲唔到茶味亦飲唔到奶味..............淡淡的~係珍珠幾好味~細個呢隻珠既size已經叫波霸~~可能台灣不分size都叫珍珠吧~




蛋煎 $28......er......我真係.....覺得...好難食.............呢個即係蚵仔煎走蚵仔吧?????但係佢個粉漿真係唔知佢點溝的...唔知係咪地瓜粉落太多?!?!?!?!蛋又很少...只集中在中間.....只吃到很黏很黏的粉漿....實在係好難受~~~(我有在台灣食過蚵仔煎...就算蚵仔煎走蚵仔都唔會咁卦........呢個未免太黏了吧~)....一整pat黏黏的感覺...視覺上應該都睇得出...




原味香腸 $18....一般.....和台灣街邊賣$5一條哥d差遠了




海苔美乃滋鹹酥雞 $28......話實在得個脆未....淨食雞哥部份係無咩味的.......然後即係靠海苔粉同沙律醬啦?海苔粉少得可憐....係少到如果你矇住我雙眼俾我食我係唔會食得出有海苔味的......所以....只剩下沙律醬..................天神巷哥檔好味好多.........我最鐘意食台灣哥d有九層塔既鹽酥雞~哥d先係最正~




排骨便當 $48.......呢個飯既分類係台鐵便當....塊扒係幾大塊既....但你睇到啦...炸架嘛....但係佢層粉衣已經唔脆......如果你話台鐵便當就係咁樣唔熱又唔脆的話......我諗起6年前去台灣7天旅行時...係去十分車站時等轉車的某個車站.....有個姨姨用棉胎吸住佢整既飯盒.....個飯盒個盒仲要係用紙造喎....仲要送一包菜圃俾我送飯....打開...哥盒飯既溫度仲要界乎係溫暖同熱之間...哥個飯盒真係好味過呢個100倍....你就會諗...點解要俾$48食一個咁樣既飯?




滷肉飯 $15......麵豉湯碗的大小......上網睇人講話滷肉飯好食所以好想黎食...亦睇到上網有人話佢算係跟足台灣風味...用某種台灣既米黎整......食後感係....滷肉唔夠多...唔夠一碗飯食.....如果你話$15仲想點??好~呢樣確係我呢日食過既最正常既野食~~~~~~但兩個人食左$186~~~~咁我叫左咁多野食本來好正常~~~但如果係食咁既質素我寧願正正經經去永安兩個人兩杯野飲兩個麵再叫個煎蛋多才$100......呢間我又係唔會再去~拜~







星期六去左睇Ted2呀~~~~

估唔到咁抵睇~~~睇足兩個鐘~~~
好好笑好好笑~~~~~
笑到成個戲院都聽到我既笑聲~~~
好鐘意Ted呢~而且我仲帶埋舊年係日本夾公仔夾到既小Ted..
一齊去睇~~~感覺好似佢陪住我睇~



2015/07/06的開心事:

我真係好開心今日番晏~
訓多一個鐘真係好唔同~



報時:距離冰島格陵蘭自由行之旅2015仲有---83日~

日本blog還在準備中~
我會加油~

23 則留言:

  1. 呢間野d食物賣相.........簡直係核凸............睇到個樣都知唔好食,尤其係個煎蛋><
    下......擺明对返工鞋蝦你喇..........絕对係全方位咁蝦你.........無言............
    努力加油.........等你嘅大板blog^^

    回覆刪除
    回覆
    1. 個蛋煎簡直係唔開胃~~~~~~
      係咪呀!!!你都話係呀le~~~~~~~~~~~~~~又蝦我又要使錢~~~
      我會好努力架喇~~~仲執緊相~~~

      刪除
  2. d野食, 確係睇到都唔多開胃喎

    回覆刪除
  3. 其實你會唔會後悔入錯唔好食的餐廳?

    回覆刪除
    回覆
    1. 如果一次都還好既~~唔試又點知咁衰~

      刪除
  4. 喂小t唔好掛住食喇,勤力啲執相出卜啦,心急死人喇!

    回覆刪除
  5. 去酒吧食嘢中伏是常識吧?

    回覆刪除
    回覆
    1. 係咩?我唔識架~我都唔去酒吧既~

      刪除
  6. D懷舊零食幾得意,依家仲有冇可樂糖?
    好怕食D嘢唔夠熱,特別難食呢
    佢個格局都似係播波酒吧

    回覆刪除
    回覆
    1. 有d超市都可能會有~
      係呀..真係好難食..可能唔夠熱係特色~
      都似呀~

      刪除
  7. 朋友, 好想睇下你既行路姿勢, 可以全方位爛, 咁勁!!!
    好難食呀啲嘢, 嘥錢嘥 quota :-(

    回覆刪除
    回覆
    1. hehe~毛寶話因為我太肥喎~~~~
      係呀..我覺得嘥錢還好...嘥 quota真係好慘的

      刪除
  8. 好友♦・゚☼黃昏&傍晚好喇喂*☁`。・゚゚☀快樂話咁快星期二

    回覆刪除
  9. 呢間台式小食店好似是名大於實喎~~~~~
    好努力等待您的日本遊記!

    回覆刪除
  10. (我又爬文啦XD)
    你有冇試過偉小寶?
    間野係台灣人開嫁~
    之前係係聖心對面,E家搬左去新潮隔離~
    即係聯記(食麵,食蛋茶)個條街呀~
    佢啲炸野全部多粉,有生蒜,有九層塔~~~~
    個種味勁台灣!!!!!!!!我間唔鐘仲要去啪返包炸魷魚先安樂~~~

    回覆刪除