2015年7月7日 星期二

御和味赤板居酒屋

呢幾日都係好攰.....好攰.........好彩番晏.......可以訓晏少少....個頭唔知係咪個天作打風呀.......痛左幾日都未好番.....慘慘~~~(好老呀我)...毛寶同我講:好快到星期六架喇~~我:我淨係想快d放工番屋企貼退熱貼等個頭無咁痛咋.....嗚嗚~~



2月尾臨去日本之前~同朋友仔仲有媽媽一齊去試左呢間御和味赤板居酒屋....地址:澳門黑沙環新街647號御景灣第二座B鋪地下....電話:2876 8199....黎試既原因係:因為之前有人俾左張折扣卡我...仲有d $50coupon...咁咪去試下囉~佢有得免費泊車...係訂位時問我需唔需要~幾細心~




當時我去哥去係開左幾個月....裝修幾靚....但食左成晚...又唔見爆滿喎(我去哥日星期六來的)...如果係六人內..訂位時要求佢訂樓上卡位啦~好坐d架~自成一角~







好喇~講下野食先~東瀛十二小碟 $138....叫做咩都有d~但裏面d料唔算特別~除左幾樣唔係成日見之外...哥d八爪魚呀...中華沙律都係好普通既野~每一樣既量都好少..唔知散叫係咪都係咁樣size?如果係就呢個價錢其實都ok~多人時可叫黎試試~




日本迷你蕃薯 $20.....真係好細粒~好得意~甜甜的幾好味~




縞參魚薄切 $288.....唔知即係咩魚呢~~平時有無其他叫法架呢種魚??不過其中一人話:話...呢碟野切得好差...有幾塊切到爛哂既.............我就覺得味道唔錯既~因為佢配一個酸酸地既汁點~幾好食~




加州卷 $78......哈哈~朗公子話好想食加州卷喎~咁加州卷又好難整得鞋食既~~~




火灸吞拿魚腩海膽卷 $98.....好味!!略燒過既吞拿魚腩同海膽好夾呢~~~




芝士和牛他他卷 $118....其實生既牛肉如果無咩調味我覺得係無咩味~(可能我未食過好野~)....不過佢個芝士好好味~不過如果同上面哥個火灸吞拿魚腩海膽卷揀..我會揀吞拿魚~




鹽燒三文魚皮卷 $58....幾得意呀~~脆脆地好香口~~~我覺得呢個又抵又好味喎~




炸軟骨餃子 $25...一般...勝在夠平




原味關東煮 $58....都係一般~不過呢個價錢有咁多...算係咁~




銀鱈魚西京燒 $138....好味~但唔係好味到出色~不過算大塊~有兩塊~




蕃薯天婦羅 $42...我無試呀~不過我媽話唔錯~




雜錦鍋燒烏冬 $88.....湯咸...料求其....隻蝦d炸麵衣已全索咸湯汁.....難食




銀鱈魚鮑魚石頭鍋湯飯 $128......腥亨亨....難食

呢間野有d野食好似攞過藍帶..不過之前有人食過...話把鬼....所以無叫過黎食浪費金錢同胃口喇.........有一半伏.....卷物比較出色...因為有新意....唔算貴......勝在裝修靚.....但價錢又唔算太貴...不過我諗要我再去食就...難d....(我無話唔再去呀)...如果無啦啦爆出有一樣好好味既野....有可能再去試既....但如果同今次哥d一樣就...........................





2015/07/07的開心事:
收到兩個人既手信~多哂~



報時:距離冰島格陵蘭自由行之旅2015仲有---82日~

19 則留言:

  1. 去日本仲食日本嘢~~~儍儍地

    回覆刪除
  2. 嘩, D和牛如果火灸, 同上邊的魚肚和海膽咁, 應該會好食好多

    回覆刪除
    回覆
    1. 我其實都覺得牛如果生既無調味....倒不如食燒的更好!

      刪除
  3. 好友¤´*♦瞓覺先喇喂✬。゚*◇好夢★・゚✫晚安☁ º☾
    我忙栽培毬蘭- ҈ -*´¨還要準備今晚零晨2:00餐餸菜呢

    回覆刪除
  4. 食日本嘢...我都喜歡吃...蕃薯天婦羅&鹽燒三文魚皮卷
    &日本迷你蕃薯&東瀛十二小碟...好滋味呢

    回覆刪除
  5. 日本嘢食唔計味道,齋睇都係一種享受.

    回覆刪除
  6. 好似真係D壽司卷出色少少喎,其他就平平無奇
    btw,裝修真係幾靚幾有日本味道

    回覆刪除
    回覆
    1. 無錯~卷物味道都真係唔錯~但其他就...一般般啦
      係幾靚既~新開~

      刪除
  7. 間野真係幾靚喎~~我見啲壽司好似幾正, 下次去淨係食壽司啦~~
    個前菜擺得好靚, 不過款式又真係普通左少少。

    回覆刪除
    回覆
    1. 唯有食卷物食飽~~~
      係呀le~我都覺得幾雷..但款式真係普通~

      刪除
  8. 日本迷你蕃薯、火灸吞拿魚腩海膽卷、鹽燒三文魚皮卷都好吸引!
    甚麼手信令您開心呢!

    回覆刪除
    回覆
    1. 其實係咩手信唔緊要~最緊要係朋友有記得你既心~

      刪除
  9. 係真心覺得呢間野好呃錢, 上次四大一小埋單九千蚊, 痴線!! 我地叫話要個刺身拼盤, 跟住咪叫入要個拼盤要D咩, 點知佢黎完個拼盤再將我地頭先叫既全部單點黎多次!!! 生意唔好都唔係咁"湯"客呀!!! 永久Bad list!

    回覆刪除