2015年7月30日 星期四

關西哈利波特之旅2015-06-23第三天Part 1(時晴時陰天)

hey~~~~~~~我上來報平安喇~~~~~~根據上一篇blog友Ivy所講~兩日一夜後既我~~~又係一條好漢喇~~~~~~該從何說起????血淋淋的留在下少少的章節先講~~~~~經過今次的經歷....我除了感恩.....還是感恩!!!!!!好多謝好多謝大家對我既鼓勵!!!多謝blog友們對我的關心!!...好多謝朋友們對我的關愛...不停咁安慰我叫我唔使驚(其中有一個我煩得特別利害~).....好多謝醫院既醫生同護士姐姐工作人員仲有麻醉師....全部人都好好禮貌!!!而且表現得出真係想令病人有輕鬆放心既心情去迎接手術!!!呢間醫院既護士真係溫柔有禮!!!仲有要多謝兩位朋友....兩位驚我係醫院無野食話噚晚要買野食過黎俾我同我媽媽..真係聽到都覺心甜...因為醫院都幾遠!!(其中一個仲要無車)....另一位就驚我今日出院無野食話放工買上黎俾我食.....真係好感激你地對我既關心!!當然仲有毛寶啦~~~放左工咁攰仲走過黎探我....真心要流眼淚了!!仲帶埋佢媽媽煮既飯啦湯啦....攞黎俾我媽媽食....同埋突登去買左個粥俾我食....超級辛苦了!!!感激!!!!!最後就係我媽媽喇!!!勞苦功高既女人!!!!陪我入院陪我渡過難關仲要噚晚訓係醫院哥張好窄既加床位臭埋我出院.....真係世上只有媽媽好!!!!!!!有人話小病是福.......通過今次....我真係知我有好多人對我好好....感激我一路上對我好的人~我會珍惜!



2015-06-23
Day 3---Part 1(日本,大阪 Japan,Osaka)
啦啦啦~呢日起身特別醒晨~~~點解??一來因為之前哥晚終於有得平躺訓之外.......我地要去日本大阪環球片場耶~~~~~地址:大阪市此花區櫻島2-1-33....大阪環球片場網址..........前往環球片場的交通指南......睇左好多本書同上官網睇都知要係大阪環狀線既西九条駅轉另一條線先去到環球片場嘛~但唔知點解呢我地哥日係大阪駅搭環狀線既月台等緊哥時....就發現呢架車係寫住直接去到環球片場~~所以等緊車哥時都不妨要睇睇月台顯示牌d車既狀況~(因為就算佢指你去某月台係大阪環狀線..個月台都未必係淨係得大阪環狀線先停車~~)...搭左廿分鐘左右~~野~~~到左喇~~~~~


開始入戲~~有沒有~~




先經過呢條充滿美國色彩既大街~~




跟住就會見到正門喇~~~~~~好興奮呀~~~~~






影這個check point是常識吧~~~:D:D:D:D:D...華~我好帥氣呀~~~~~~~~~






為大家隆重介紹!!!!!環球片場入場劵~~~~~~~~~~~(說實在.....其實呢d飛唔係我地架~~因為我地係網上買飛~~下少少會交代門劵~~~因為我知我地唔會有現兜兜既入場劵係手....所以....在我出發之前就拜託比我先出發既W小姐幫我儲入場劵....點知佢咁醒~4個人去....幫我儲左4張不同的門劵!!!多謝你~~)...換句話說~~~我係特登帶黎影相架~~~~~~~~~救命呀~~~哈利真係好帥氣呀~~(即係我~~)






好喇~又係時候同大家講講d門劵同埋點買喇~~頭哥項係年劵.....華...都幾貴喎19,800円(稅込)=1,239.5hkd.......(不過其實我覺得佢本身既入場費都係好貴)




(取自環球片場官網圖片)1天既入場門票成人係7,200円(稅込)=450.7hkd......(雖然都唔平...但係我認為都係比香港迪士尼樂園值)




其實除左要討論一天既入場劵之外.....接落黎仲有既就係Fast Pass!!!!!!!!!!!!!!點解一定要買Fast Pass???第一:如果你同我一樣一定要入到哈利波特既魔法世界..唔好諗...一定要買!!你可以話....我可以提早到早d排隊去抽整理劵架(係呀...你如果就咁買左入場劵既話其實你係入唔到哈利個園區架..你要去抽整理劵架...抽唔到就入唔到架喇!!)....第二:就算俾你抽到入場劵...你都要入去玩遊戲卦?其中一個遊戲哈利波特禁忌之旅我地見到門口個等候時間係240分鐘..即係...一個遊戲...要等....4個鐘................你話喇...唔買Fast Pass點得??????我地哥日開園時間係09:00-18:00.....我從來未見過可以咁早收既樂園時間!!(及後先知佢18:00-19:00俾一間公司包左一個鐘)......試問時間咁寶貴...我仲點會唔買Fass Pass?...............我要保證我自己一定要入到哈利個園區!!!!!




(取自環球片場官網圖片)咁又要討論下買邊隻Fast Pass喇(其實佢叫Express)....因為佢分3種Express劵...就係Express 3..5..7.......點分3..5..7??簡單黎講就係睇個數字就知有幾多個遊戲你可以用Express入....買3...就有3種...(有d係4選1咁樣...最毒既就係...你揀哥個遊戲你只可以行一次快速通道...識搵錢呀le)....仲有呀...個3..5..7仲要按日子唔同而有加有減......再簡單d話你知...你買最平哥隻3...係入唔到哈利波特個園區...只有買5或7先得......因為哈利波特個園區有兩個遊戲:1.哈利波特禁忌之旅......2.鷹馬的飛行......如果你買5...就只可以入哈利園區+禁忌之旅+另外哈利園區外的4個遊戲.....買7既話就係入哈利園區+禁忌之旅+鷹馬的飛行+另外哈利園區外的5個遊戲....我第一次去...唔諗...梗係買7啦....我要兩隻遊戲玩哂!!......但可以同大家講...我去完今次之後....我下次去只會買5!!!!點解?因為鷹馬的飛行實在太.......(行到去玩再講)....而且我留係哈利個園區耐到係唔會玩到出面太多遊戲...其實買5是最perfect!!.....好喇...講左咁耐...仲要講埋點買....入場劵同埋Express我地都係上官網買.....(其實可以去特約旅行社買既..但係...如果係東x遊買5哥隻Fast Pass既價錢..等於自己上網買7既哥個價錢).....但重點係如果要買門票同Express...就要上日本官網買...但只有日文睇..如果你揀中文會轉去台灣或香港官網...哥度無飛買~好彩!!凱公子上網搵到有一個blogger Albee非常清晰地有圖示教大家點買!!!!!跟住佢既圖示非常容易買!!!!而且因為買既時候要入自己個名既全形片假名既日文名~佢裏面都有教去咩網站可以做到翻譯!!真的超謝謝Albee有寫呢篇咁易懂既文章..如果大家要買我推薦大家去睇呢~~~~~~~




拿~上網買就係咁~唔使去換入場劵係方便既~但印出黎得呢張紙~(無左哈利張靚飛~)..其實你可以唔印張紙出黎就咁save個QR code入電話度等佢bit既~不過我鐘意穩陣d~(我個電話成日無啦啦無電成部機熄左~)




呢張就係對我好重要既Express 7喇~~~~我地哥日係閒日星期二....又未到暑假...但都要6,600円(稅込)=413.2hkd....我張入場劵先450.7hkd......即係張Express非常接近入場劵價錢....加埋都成863.9hkd~~~~(記住我咁樣唔係入哈利園區既最平做法...我只係要保證自己一定要入到~)....其實當你上網買Express既時間就已經要揀定你入哈利園區既時間(裏面有埋規定你咩時間去玩禁忌之旅同埋鷹馬的飛行)...我上網買既時間諗左好耐咩時間入好(有d blogger話揀下午入可以留係哥度影埋夜景既霍格華茲).....但我根本無夜景影呀!我地哥日收6點呀嘛.....依家夏天邊有咁快天黑?....所以還是揀最早入啦~可以慢慢玩嘛~你入左去又唔會趕你走既~如圖所見..我地係11:30入哈利園區...11:45-12:00就係玩鷹馬的飛行...12:15-12:30就係玩禁忌之旅.....其實入園時我唔係完全記得哂另外邊5個遊戲我係有Express....而入到園又無呢d指引攞黎睇~所以就出發前再上網自己睇睇啦~同埋你每用一次Express佢都會睇你張野同埋bit一bit......我諗無機會偷雞玩多次~~~

有一點一定要提大家...如果真係有心買Express....一定要提早買...唔好諗住諗下先或到現場先買...因為我地哥日係閒日...仲要提早左去到....但係佢d Express都已經Sold Out!!



上網睇左好多個blog都話本身開9:00但8:00或8:30就會提早開門.....所以我地哥日開9:00...未夠8:30已經企係度喇...但呢件事係無發生係我地身上....佢真係搭正9:00先開囉....失望........(仲要等入場等左都成10幾分鐘)...真係好勁.....閒日都咁多人...到底暑假或周末...或者暑假既周末會有幾多人??????????????????????




其實一入去你無買Express既話又要入哈利園區就要向右跑(睇人地個blog係真係要用跑的!!)去抽整理劵架......咁我地有哂入場時間嘛~咁又未到時間可以慢慢行下其他地方先~




其實我地有哂目標要做d咩架喇~就係要先去呢個連佢個官網地圖都無顯示既區域......(其實好多人都知有架喇~~)




無錯喇~~~就係黎到Minion既世界~~~~~第一眼就係見到爆谷車~~~~




大家都知我鐘意食焦糖味既爆谷啦~~~~其實真係好吸引(但佢呢個係香蕉味喎...)......
仲要用個minion公仔裝爆谷..真係勁勁勁得意!!!!!!!!minion仲識隨住你既擺動而左望右望...天呀...太得意喇~~~但係....呢個爆谷筒如果攞成日將會係一個負累.............而且入gip都會霸好多位....er...咁都係算啦......



俾人開腦入爆谷中~~~~~




其實我地想食哥樣野仲未開...真係好奇怪喎....樂園開9:00..但小食檔就10:00先開.........咁算啦~行番過隔離玩其他野先啦~~~~~~~~~我地去左玩蜘蛛俠~~~(個魚眼鏡真係好好用~)




點解揀呢樣玩先?因為我地Express有包呢個遊戲嘛~~~~~唔同通道入~行係哥條隊個人個頭都抬得高d..(又係哥d小學雞心態:你睇我幾威水~你要排隊我唔使~)行入去睇左一陣電視.....其實都要排一陣既...咪就係一堆有Express既人排囉~都係有限數~






排左6-7分鐘就到我地喇~~~~~好開心~~~~咁樣先令人玩得爽架嘛~~~~~就係坐住呢架車去玩~要帶眼鏡睇3D...好似跟住蜘蛛俠一齊係大廈之間fing黎fing去~~~好好玩~~~呢個其實算係全個環球片場內第三好玩既野~~~~正~

這篇超長~不論感想定日本文~多日無見大家~比較多野想發表~





哈哈~~以下內容有點重口味~慎入~
好喇~講番我既醫院記先.....
我要同大家心情剖白...其實我最緊張既時刻.......
並唔係臨做手術時刻......
係..........我好驚去醫院時折唔到的士~(誤)
其實係臨做前幾日........
即決定左做但又未到做哥日既時候...
番工都無個人係度既......
反而入到醫院個人都定d....
知道自己即將做直頭覺得興奮!(好變態因為想快d解決件事)
當護士姐姐叫我個名要推我去做手術時...
發現我仲未換做手術既衫...
我緊張到.....又將件衫著反左~(笑..我對著錯呢類型既衫好有經驗)
然後...我跳上床佢推我入手術室時
眼只望到天花上的一盞盞燈....
我只感到場面是多麼熟悉.....
0我~我想到了~原來係無線既劇情~
(其實呢部份有d好笑野~不過唔係度多講~)
最後畫面係我係手術室...
然後麻醉師同我講:呢個係氧氣..帶係你個鼻..你正常呼吸就ok啦~
(天呀~世上的麻醉師都係咁溫柔嗎?)
我吸入d氣體後無5秒.......我諗吸左3下左右
就沉沉入睡咩都唔知~
到我醒番推番我入房哥時唔知我係咪對麻藥產生反應..
典床典蓆咁~
我媽話我個樣衰到要拍片放上網俾人睇(wakakaka)
好喇.....重口味既情節其實係...
我想勸大家一定要定時做身體檢查.....
因為如果早知道既話...可以用藥物幫我解決..
但當發大後.....就一定要做手術
而且醫生話那樣東東...比之前照的大得多....
所以呢個我覺得係我成世人做得最岩...既決定之一
就係唔好緯疾忌醫!!!
我有曾經諗過唔理佢住...去完旅行先諗
亦諗過唔做.........逃避現實(個後果應該可以好嚴重)
但事實上我身體會反映話我知係唔得....
加上我有很多要珍惜的人...仲有我媽媽
要有健康既身體先可以去愛同對身邊既人好架~
依家我咪可以好叻仔咁樣坐係度勸大家驗身囉~
及早發現可以把握時機客易d醫好嘛~
(仲有個報告一星期後等緊我~保佑我~)



係醫院仲要上演左一幕猜猜我幾歲的戲碼...
我個醫院同房同佢妹妹估我幾歲(唔係我主動叫估的)
姐姐估我22歲...妹妹估我10幾歲.....
女生聽到這些還是會很激動而且想認叻喇~



2015/07/30的開心事:
絕對係出左院!!!!
係醫院哥種無助感我體會一次就夠!!!
我會努力的維持自己身體健康!!



報時:距離冰島格陵蘭自由行之旅2015仲有---59日~
出院後變5字頭喇~~~~
仲有個幾月咋~~~~~~~應該仲有好多野要買去~~~~
依家可以身體健康咁去玩喇~~~~~
野~~~~~~~~~~~~~~~~~~~~~~~~~~~~~~~

62 則留言:

  1. 回覆
    1. 睇晒喇, 妳連做手術都可以講到咁搞笑同咁positive, 真係好難唔愛妳呀 ^0^
      好喇, 又一條好漢喇, 恭喜恭喜

      刪除
    2. 係呀~~~我番黎喇~~~~

      刪除
    3. 因為其實哥日我都覺得太搞笑~我都想自己輕鬆d所以狂同醫護人員講笑~
      多謝~從此大家身體健康~

      刪除
  2. 加油呀, 雖然你唔識我, 不過我時時都看你的遊記, 感覺也似朋友一樣
    願你身體健康, 早日康復!

    回覆刪除
    回覆
    1. 好多謝你咁支持我既遊記呀~感激~
      也多謝你的祝福~

      刪除
  3. 首先恭喜你出院先,继續keep住健康呀!!!!!!!!!!!!
    睇完你呢篇blog,绝对感受到你是何其relax及開心,你可以寫咁大段嘢就知你心情偷快^^
    終於寫到你嘅主打啦^^ 嘩,原來家吓去樂園貴咗咁多...................

    回覆刪除
    回覆
    1. 多謝多謝~從此大家都身體健康~~~
      無錯~~~~我真係開心到不得了~~~~~~~超輕鬆~~~
      貴都無計~我自己自願要去的~~~因為太夢幻~

      刪除
  4. Baby :)
    叻叻~~~~可以健健康康去旅行<3
    我果時都好想買minions爆谷 最後都放棄左
    我最鍾意睇好長好長既文 ~~~好好睇
    你要休息多d 唔好勉強自己呀

    回覆刪除
    回覆
    1. 最緊要就係身體健康~~~~~
      係啦...實在太難攞番黎喇~~~但真係幾得意既~~~
      多謝你呀~我成日覺得我自己太長氣~~~
      知道喇~~~~*3*

      刪除
  5. 邊間醫院䕶士咁溫柔呀~~~
    妳日後要做下運動唔好掛住食。
    健康無take 2呀

    回覆刪除
    回覆
    1. 你都唔得閒過黎望架啦~~~
      知道~
      多謝多謝~從此大家都身體健康~~~

      刪除
    2. 睬~~無啦啦做咩入去醫院睇護士呀~~

      刪除
  6. 哈哈.... 我一早已經捐左入來看你手術後的UPDATE了, 知道你無事, 我就去做其他野, 現在才覆你.

    日本人很會做生意, 如果唔係, 點會咁多人記住佢地的侵略歷史, 但他們的貨品咁受歡迎.

    我這裡的環球片場, 無日本咁多野睇, 可能舊一點, 地方又細一點.

    香港狄士尼地方細, 所以來來去去, 都輸蝕給外國,

    看看上海狄士尼會怎樣吧!

    回覆刪除
    回覆
    1. 0我~好多謝你呀JJ~~~~大家都對我好好呢~~~
      又真係...見到佢D野好難唔買~
      我真係孤陋寡聞,,,,我唔知加拿大有環球片場呢~
      係呀...佢哥度真係又細又貴!!

      刪除
  7. 知你長命百歲啦,早d做D好~~既然發現了就唔好拖
    呢個係氧氣.....吸左3口就ZZZZZzzzz......還是迷魂麻醉藥^^
    入場卷之外,express仲有分3....5....7.....真係睇到我頭都暈埋@@''

    回覆刪除
    回覆
    1. 無錯~我都係咁諗..早做早好番~
      茅錯~~~~真係超快.....一吸就訓左~
      其實真係好煩~好彩有人有寫BLOG教買~

      刪除
  8. 眼只望到天花上的一盞盞燈....
    我只感到場面是多麼熟悉.....
    0我~我想到了~原來係無線既劇情~ 好搞笑呀﹗報個平安,太好啦,知到你無乜事,身體健康最重要,以後有大把時間你去玩呀﹗

    回覆刪除
    回覆
    1. 多謝多謝~從此大家都身體健康~~~
      哥個畫面真係令我諗起TVB d劇

      刪除
  9. 真係希望你日後都可以keep住身體健康~~~~~
    之後個份報告都冇事既放心!!!!!!!!!!!!!
    btw,不過好彩睇完你呢篇遊記...
    第一個感覺係。。。。。
    去日本環球影城真係好X貴呀呀呀呀呀~~
    話說我上兩個星期去東京連機票酒店洗費...
    都洗左成兩萬幾三萬蚊T^T
    (對一個收入唔多既中學雞我自己都覺得好誇)
    如果去咁樣去大阪去埋呢個環球影城的話...
    我相信我會破產冇錢返澳門都似..............................

    回覆刪除
    回覆
    1. 多謝多謝~從此大家都身體健康~~~
      應該就快有~~~~~多謝你既關心呢~~~~~~
      唉~去日本係咁上下啦~~~~~~唔食都要買啦~唔買都要食啦~
      一場去到...梗係又食又買啦~~~~~~
      如果唔係真係鐘意入面既哈波...其實呢個價真係唔抵去~
      因為哈波園區外既遊戲舊到爆

      刪除
  10. 仲未完仲要等報告架?繼續祝福你!
    睇呢篇心情係沉重~歡愉~沉重......
    無知一問,哈仔唔係華納出品咩?點解關環球事?
    好彩資料搜集同事前準備得咁充足先唔使煩,可以真係去玩而唔係趕頭趕命咋......多遊客其實唔太緊要,至重要係多唔多專掃興搞破壞嘅某國遊客先?
    貞公子今日件衫露膊都係咁得,冇佢乎!!

    回覆刪除
    回覆
    1. 多謝~多謝你既祝福~
      我上網睇係兩間電影公司合作起的...真係好好賺~
      唔多喎~就算有都係ok哥種~
      係囉~無佢乎~

      刪除
  11. Hi...小T 你好!
    我已睇你的blog多年, 笫一次留言.
    知你剛做完手術, 祝您早日康復! 永遠健健康康!

    回覆刪除
    回覆
    1. 好多謝你既支持呀~~~~
      多謝多謝~從此大家都身體健康~~~

      刪除
  12. wai..wai..wai...long time no no see.....可能你已經唔記得我係邊個lu! 但其實我日日都有追住你個blog 架.wuwuuwuwuw..貢貢貢....
    太好啦,出左院..要好好休息ar!!! then開開心心去冰島!!!!!!!!!

    回覆刪除
    回覆
    1. 我點會唔記得你呀~~~~你係kennis?(我唔知有無串錯你個名呀sorry~)
      有黎看看我已經好好喇~~~~
      好多謝你對我既關心~

      刪除
  13. 放心啦, 跟住就健健康康架喇~~
    個報告都會乜事都無架~~平平安安架~~

    我都好期待睇你去哈利波特呀~~ 你地真係超早出發呀~~
    個MINIONS真係好趣緻~~~ 點解唔諗下走個時買呀??

    回覆刪除
    回覆
    1. 係既係既~~~大家咁話~
      好呀好呀~~~~~希望係咁~~~咁就我以為會留意身體唔敢亂食野啦~

      都唔算早喇~~我地去到哥時已經超多人等緊開門~~~~
      因為每日有限架€~~~~

      刪除
  14. 希望小t 身體快d 康復, 健健康康出發去旅行~

    HEHE... 我問題解決了, 唔好意思, 好似嚇親你添.!!!

    COCO

    回覆刪除
    回覆
    1. 多謝多謝~~~~~~~大家都要身體健康~~~
      點會呀~~~無嚇親呀~不過之前煩緊手術d野我無問團友所以無回你咋~
      我都係咁幫我同事買左既~

      刪除
  15. 身體健康最緊要,要好好愛護自己就係對所有錫你嘅人嘅回報喇!
    2013年我去都未有哈利波特既魔法世界,果次我剩係玩左Spiderman跟住就無得玩其他喇,
    因W俾團友發覺我塊面好紅,心跳得好快,舟血壓高唔可以再玩,所以唯有自己周圍行,飲吓咖啡.

    回覆刪除
    回覆
    1. 無錯~我知架喇~~~~~~~~~我會保持自己身體健康的~~~~~
      下!!??!?!?咁恐怖!!!!咁你唔好亂玩d咁刺激既野喇!!!!!
      大家都要保重身體呀*3*

      刪除
  16. 好心地的宇文公子,自然多朋友多人關心。
    您們去大阪環球片場,好投入囉!

    回覆刪除
    回覆
    1. 朋友們都對我好好~好多謝大家~
      hehehe~去得玩梗係要投入下啦~

      刪除
  17. 好友☁。゚✬晚安☾´⊹。゚♦甜夢✫º°¨★
    ೋ°❤大家都週末and週日愉快❉´。◇

    回覆刪除
  18. 今天我又忙樂完呢❉´。・゚゚◇約會左班好友
    在我家見面•*開心吃喝玩樂・。囉 ೋ°❤

    回覆刪除
    回覆
    1. 咁正~咁你肯煮好多好野俾佢地食啦~

      刪除
  19. 無事就好喇,
    今日康復,
    唔使媽媽再擔心,
    可以順利出發,♡♡♡

    回覆刪除
    回覆
    1. 係呀~唔好再要媽媽同愛我的人擔心~~~

      刪除
  20. 身體健康最緊要呀~~~!!Good luck~~~~~
    做了手術安心啲,依家暫時駛唔駛戒口?盡量食清D先啦.....
    對呀身邊有咁多好朋友和auntie,一定要keep好身體,仲要慢慢去環遊世界架嘛^^

    回覆刪除
    回覆
    1. btw,有個快pass真係方便好多,畀多400幾蚊都值嘅,如果排慢隊個人會好忟憎:P

      刪除
    2. 多謝關心!!!!謝謝你!!!
      西醫就無咩要戒既..不過我依定睇緊中醫就好多野要戒~
      知道知道~~~我會好好的保重~~~~

      刪除
    3. 你講得岩呀...我寧願俾多少少錢~~好過要排到個人超忟~~~

      刪除
  21. 真係身體健康最緊要,可能好多人都覺得自己好後生,身體應該唔會有咩事,所以成日忽略唔做身體檢查,手術順利完成就好,都希望你報告無事啦

    好期待你寫埋哈利波特之旅,因為我年尾都打算去玩,特別係禁忌之旅4D遊戲,但唔知會唔會太刺激,有D驚~~

    回覆刪除
    回覆
    1. 無錯呀.......我以前都無咩呢個意識要體檢...點知一check就要做手術了....所以定時check住係最好的~
      其實都幾刺激..但係真係好正....其實我好想玩多次.....奈何express只可入一次

      刪除
  22. 真心恭喜你平安無事出院,以後小心身體喇。
    哈哈,比佢見到minion container,肯定會買,根本唔會考慮點扲番香港,最多咪手提,不過要解決啲popcorn係一個問題。

    回覆刪除
    回覆
    1. 多謝多謝~大家都身體健康~~~~~~
      哈哈~~~咁又係呀如果真係好鐘意係唔會理點攞番去~只係我唔夠愛minion呀~~~~~

      刪除
  23. 知道平安就安樂哂!
    睇你地玩得開心,我都開心埋一份。

    回覆刪除
    回覆
    1. 多謝大家對我既關心~~~~
      環球片場又真係幾好玩既~

      刪除
  24. 身體健康真的很重要..

    回覆刪除
  25. 姐姐。。會典床典席架。。好奇怪呵!
    身體健康誠可貴,全身檢查無閉翳!

    回覆刪除
    回覆
    1. 係呀因為一起身就感覺火燒的痛
      華~作哂詩咁喎~

      刪除