2015年7月27日 星期一

關西哈利波特之旅2015-06-22第二天Part 4(時晴時陰天)

唉~真係事出突然~........我星期三要入院做手術呀....開頭都諗住唔做架喇.......不過我真係唔想心掛掛去旅行去得唔開心~又唔想哥樣野跟住我過生日~但大家唔使擔心....小手術黎.....星期四準時係呢度同大家報平安啦~~~~~決定左做手術個人反輕鬆過諗住唔做哥時....但係呢兩晚我都發夢自己入手術室做手術



2015-06-22

Day 2---Part 4(日本,大阪 Japan,Osaka)
好喇~玩左成日~到左晚飯時間~~~揀左係大阪駅相連既Lucua 1100呢間商場10樓既其中一間餐廳~~~本身唔係諗住食佢架~~但出發前見到有人係網上面話呢間好好味~~所以就試下啦~~~~~我唔識打日文呀個店名~~~~或者自己上佢地個網址睇下啦~~~~~~




Lucua 1100既10樓真係好多間餐廳~~~間間都排哂長龍!!所以行去搵呢間餐廳時我都有d擔心架~點知呢間係完全唔使排隊............好彩唔使坐榻榻米je~~~




呢間係一間食sukiyaki壽喜燒既餐廳~聽講好出名~係一間老店...創業於1869年....華...成百年歷史




餐牌可以要求要英文餐牌...但無中文~......我地本身想食壽喜燒又食shabu shabu的....點知佢話一張檯只可食其中一樣~失望~~~~咁梗係揀壽喜燒啦~~~~無咩野揀...個個餐都係150g牛肉....所以你淨係揀要咩價位既牛肉就得~(個餐除左壽喜燒仲有其他野食大家望望餐牌啦~)....我地揀左竹Take呢個餐(第二平)..即係5,184円(稅拔)=324.5hkd......另外叫左個Lucua 6月既special menu~個餐入面又係有壽喜燒食既....係另外哥d野食有少少唔同....呢個餐我地就揀左最平既梅Ume....都要6,480円=405.6hkd~




點左餐店員就送上整壽喜燒既醬料啦~~~(這間店的某上年紀既店員很臭臉~)




每人叫左杯梅酒飲....一杯650円(稅拔)=40.7hkd....叫左with梳打水(唉呀~我好鬼仔).....華.......溝到淡過貓尿(利申:我無飲過貓尿).........雖然唔貴je~都唔使淡到好似飲水咁~




首先上前菜~~我地叫左3個餐share.....第一幅圖係壽喜燒竹Take個餐既~第二幅圖就係哥個special menu既~第三幅圖就係牛扒餐既~其實佢d前菜3個餐都係差唔多款...味道ok...但得好少~






special menu既和牛壽司~但其實我覺得生既牛肉係無熟既牛肉咁好味的~(個人喜好~除非係意大利餐哥d生牛肉沙律啦~)




呢舊我真係忘了係邊個餐的~




唔記得講添~~牛扒餐我地揀左最平哥個set...6,480円(稅拔)=405.6hkd.....套餐仲有沙律~而且牛扒生熟度剛好~~很有牛味~好味~不過我覺得幾貴~






主角要出場了~~~~~~我地其中兩個餐都有sukiyaki嘛~~~所以有兩個唔同價位既牛肉~~~~~~好靚呀~~~~




開心既係~有店員幫忙料理呢~~~請看片!!!睇片都覺得好香~




整起左就係咁喇喇喇喇~~~~仲會有雞蛋俾你點黎食.....救命呀!!!好好味呀~~~~~貴d哥個竹Take餐d牛肉真係唔同架~~~~軟綿綿d架~~~~




因為一個餐有兩塊大牛肉~另一塊就係連埋d蔬菜一齊煮黎食~




不過呢~我個人認為咁樣煮.....d牛肉老哂無咁好食囉....好似第一個食法咁一熟就攞上黎食係最好既!!但係蔬菜咁樣就好好味囉~~~~~而且發現日本唐hold(我好字盲..有無人教我點寫)係唔似我地哥d咁大朕味的~平時毛寶唔食架今次都希食d~但都好好食~~~





跟餐仲有飯麵豉湯同埋日式鹹菜~d牛肉..d蛋汁同埋甜甜的汁真係好送飯~





飯後甜品係生果~個哈密瓜係極甜!!!!!!!!!!!超好味~


總結:今餐人均消費大約430hkd...最後發現原來special menu係貴過sukiyaki個餐(6,480円和5,184円)...但個牛既等級就sukiyaki個餐就高d(因為special哥個叫左梅餐...壽喜燒哥個叫左竹餐).....special menu個餐就係多左其他既料理..例如多左兩粒和牛壽司...牛扒餐個價位就同special menu一樣貴..但係少野食過佢......講真....除壽喜燒外既其他料理都可以不試~建議真係想食不如叫個貴d既sukiyaki餐食就算~~~(牛肉點蛋汁真的好吃~)



回酒店看看戰利品啦~~~~華~~~你好努力呀~你買左好多件衫呀~~~~~好靚呀~~~~~~睇下船梨精條格仔毛巾幾kawaii~~~




呢3對襪仔係買俾!!!!!!咦....好似未係度講過喎~小公子就黎有個妹妹喇~~~我地有個小公子2號喇~~~~~~~~~8月尾就快出世喇~~~好緊張呀~~~~~~kawaii襪仔就係買俾佢喇~




我還是死唔憤氣一定要買保溫瓶系列之我買左個炆燒小杯....價值....我記得係百幾蚊hkd咋~真係抵~




拿~依家買完d消耗品既退稅貨品就係會咁樣包架喇~請有心理準備~不過其實你可以照入gip架~因為護膚品化妝品都係液體狀都上唔到機架啦~







哈哈~~

過去的周末都有試到新野~
去左星際16樓食飯~
以前係自助餐嘛~
依家無左變左食西餐~
依家做緊$338兩打澳洲生蠔~
好抵~
下次同大家介紹~



2015/07/27的開心事:

其實我今日番工都係不停諗緊做手術d野..
又諗有咩要帶...
好彩工作上都無話我分左少少心而做錯野~
我好想快d上黎呢度寫blog..(因為代表我已經出院~)
好啦~今個星期四見啦~



報時:距離冰島格陵蘭自由行之旅2015仲有---62日~

我要做完手術快快樂樂去冰島~

47 則留言:

  1. 咁大單?祝你手術成功風采依然,個小手術就似便秘幾日一去就雨過天清......如果你係男仔,我會認為你係去割乜乜架.
    真係鄉下仔,壽喜燒聽得多,其實係咩嚟(睇完片都唔多識,段片煮嘢隻手好多筋)?
    第1日就買咗咁多嘢
    恭喜杯公子,三年抱兩^^

    回覆刪除
    回覆
    1. 你對我既誤解真係好深...割乜乜....好啦~都要多謝你對我既祝福~感激~
      其實佢係落糖..用豬油煎熟塊牛...然後又再落糖...加佢地個汁煮....呢味野其實食落甜甜地的...加埋蛋汁真係不得之了~
      今次我真係買得好開心~
      我都好開心~~~

      刪除
    2. 有豬油唔會唔好食囉

      刪除
  2. 吾知你乜樹做手術,需然你話是小事,但始終手術都有小小危險,記得手術後要小心飲食,保重﹗

    回覆刪除
  3. 本來你篇遊記啲嘢食好吸引,但又擔心你嘅小手術。希望一切順順利利,快啲好番,養好健康身體,繼續帶大家遊世界。

    回覆刪除
    回覆
    1. 唔使擔心喇~我出左院喇~~感激你對我既祝福*3*
      呢餐d牛肉好好味~

      刪除
  4. 小t, 睇完第1段都冇心機睇埋其它喇, 即刻祝妳手術成功先, 之後會有健康o既身體慶祝生日同去旅行。妳咁後生, 身體易復原, 早d做都好架!

    回覆刪除
    回覆
    1. 感激你對我既祝福*3*..我無事啦~唔好咁擔心~錫錫~

      刪除
  5. 預祝你的小手術順順利利,一切安好~~

    回覆刪除
  6. 我之前朋友醫生係條頸一邊做一邊同我傾計呀,所以妳d小手術easy job啦,唔使怕有妳媽媽保佑,一定順利完成。
    Don't worry be happy (^_^)

    回覆刪除
  7. 好似係唐蒿菜,

    其實, 你過喼裡, 但上機前要把行理喼 CHECK-IN, 過關後, 才可以去退稅, 咁你點SHOW俾佢地睇, 你有把物品帶離日本?

    你唔洗擔心, 香港澳門醫生的技術好好

    回覆刪除
    回覆
    1. 呀~你好叻呀~識寫~我又長知識了~
      其實我想講呢...佢係唔會睇的.....................因為d稅係退既現場已經攞番
      感激你對我既祝福*3*

      刪除
  8.  ∧_∧・゚。Zzz
    (`・ω・´)つ━★°¨♦好友•`☁°✬早唞☾º°¨✫晚晚甜夢安睡
    ──∪────齊齊.¤窩心錫錫又快樂抱抱幸福渡過每一天

    回覆刪除
  9. 我唔擔心咁小....真係小手術...唔該...星期四準時...同大家報平安啦

    回覆刪除
  10. 生既和牛壽司...我看到也怕吃...囉
    喇喇喇...主角...燒熟...我看到也留口水呢

    回覆刪除
    回覆
    1. 哈哈其實我都覺得麻麻好味~
      主角就真係lam lam脷~

      刪除
  11. 小公子2號會同我生日好接近囉!

    回覆刪除
  12. 無事既. 轉下眼又變返一條好漢

    回覆刪除
    回覆
    1. 感激你對我既祝福*3*
      真的~我又是一條好漢了~

      刪除
  13. 小T要保重呀~~~ 快啲出返黎寫BLOG同去旅行呀~~
    小心身體呀, 你仲有N個旅行未去架!

    回覆刪除
    回覆
    1. 感激你對我既祝福*3*
      我回來了喇~唔使擔心~

      刪除
  14. 咁又係,做咗先去旅行就安心啲,食嘢玩嘢都可以去盡啲丫^^
    祝快啲康復!!!
    喱間啲嘢食幾精緻,但就有少少貴

    回覆刪除
    回覆
    1. 無錯~~~我唔想帶住佢去過生日~
      感激你對我既祝福*3*
      都係呀~所以再有機會去我會識叫咩餐食係最好食同最抵了~

      刪除
  15. 做咩要做手術呀?担心死人囉!

    回覆刪除
  16. 身体始終係自己嘅,快d做咗佢快d好,成個人relax返咪好囉,放鬆d,今晚睡個好覺啦
    戰利品唔多,但樣樣都精緻喎,d襪仔好Q呀!!!!!!!!!!

    回覆刪除
    回覆
    1. 感激你對我既祝福*3*
      做完真係成個人鬆哂~
      已經多過上一次去東京喇~呢日一日買左5件~上次4日先買得一件~~~~
      係呀~~我都好鐘意d襪仔呀~~~

      刪除
  17. D襪仔真係靚,夠晒得意。雖然睇怕佢主人都係著兩野就會甩走佢,但收果下,媽咪開心就得啦。

    回覆刪除
    回覆
    1. 唔緊要啦~d bb仔都預左佢地踢甩佢~~~~而且佢地大得快~~好快唔岩著~見唔貴就買下俾佢地囉~

      刪除
  18. 小 t 好快好返,然後專心去旅行。
    創業於1869年,單這個原因就要去試一次。
    熟牛肉好食好多~~~~~

    回覆刪除
    回覆
    1. 感激你對我既祝福*3*
      係呀~~~點埋蛋汁真的超讚~

      刪除
  19. 希望你快D好番啦,成日睇你個BLOG介紹D野,覺得好詳細同好中肯~

    題外話,另外想問下去日本,澳門邊到換日元較底?另外如果想租WIFI 蛋,去邊到好D?

    回覆刪除
    回覆
    1. 感激你對我既祝福*3*.....咁我自己俾錢試過好唔好~梗係寫乜都得啦~唔好梗係同大家分享千祈唔好試~我有時都係睇其他blogger既blog先無中招~~~~~~
      我以前就係環球通換的(但匯率平既缺點就係:成日無貨)....我近年已經無係澳門換喇.....有一次有人幫我換..佢個fd係銀行做.....個rate都唔錯~如果你有做銀行既朋友不妨問下佢地~員工價幾靚~
      同埋我近呢年都係香港搵人幫我換~還是香港個價好d~
      重點來了~偷偷話個秘密你知~我從來都未租過wifi蛋~~~~~~~~~我係鄉下仔~

      刪除