2015年7月22日 星期三

關西哈利波特之旅2015-06-22第二天Part 2(時晴時陰天)

噚日做完身體驗查就好唔開心好唔開心好唔開心.....雖然唔係咩大事....但係就唔係我想聽既結果囉......搞到我噚日都唔想講野............回家後淨係想吸被訓覺.....今朝起身又覺得無咩野~心情又好番d~開心去完旅行再番黎先決定下一步要點啦~(其實真係唔係咩大事~大家唔好擔心我~係我自己噚日小事化大~)



2015-06-22

Day 2---Part 2(日本,大阪 Japan,Osaka)
食飽飽~才09:40~影影心齋橋筋~睇到貞指住哥度嘛?好幾條有蓋的商店街.....開哂咁行真係唔得掂~




發現想行既地方原來仲未開~行過有藥房開左喎~咁勤力咁早開~殺入去啦~~~(呢間算係睇過咁多間大部份d野算平喎係心齋橋....不過缺點係佢無咁多款式囉~但真係幾平~)




華~幾抵呀!HYTHIOL-C美白.....120粒裝....才2,839円(稅拔)=177.7hkd一盒!!!!!!一定要講稅拔價啦!!!!!因為依家連消耗品都有退稅!!!!!!!!藥妝店都有得退稅呀!!!!只要消費過5,001円(稅拔過先得)=313.5hkd...就可以退稅~仲要有專為退稅而設既收銀台~~~~我見藥裝店依家有好多識講普通話既店員!!仲要好方便....只要係買完用你本護照過一過佢地個機就有哂資料可以直接print出黎~唔使好似以前咁逐樣逐樣手寫~快~方便~(多人排隊另計)

但唯一既唔方便既係...因為消耗唔可以係日本國內打開使用...佢會有個專用既袋入住佢....你係出國前都唔可以打開佢~


下~~~有船梨精既面膜賣呀!!!!!但係由於我依家塊面成日敏感....所以我學習放下...就是擁有!.......之前睇雜誌講好似有梨味架~~~而且成塊黃咁咁咁樣full上面一定好kawaii~~~





好喇~我地淨係買左d必買既~其他就唔想拎住喇~諗住遲d再買~~~行去我地想行既Tokyu Hands....地址:大阪市中央區南船場3-4-12....電話:06-6243-3111....網址..旁邊係Adidas~




呢度樓高9層~真係幾好行~我其實最想黎掃香水~~點知........賣哂....呆左...因為我出發前見黎日本....所以我就將我哥支好鐘意係日本買既香水好似唔使錢咁樣.....噴哂...................................算~睇下有d咩新鮮野買先~係呀係呀~出發前就想買~美白牙齒的~~雜誌話好用~一盒1,500円(稅拔)=93.9hkd...好似一盒有10塊.....我買左兩盒~但仲未用~




另外見到有支牙膏會發藍光去美白牙齒呢~~~好勁呀~~~~支牙膏要成1,200円(稅拔)=75.1hkd....wow~好貴~未敢試~唔知得唔得~牙刷都有得照藍光~~好新穎~




呢套姆明既杯好靚呀!!!!不過我唔帶咁重既野番黎~~~貞就忍唔住另外買左個好靚既有茶隔既杯番黎用~




天呀!!!!!船梨精同杯緣子crossover呀~~~~~原來一盒有哂船梨精同埋杯緣子...唔怪得一盒成680円(稅拔)=42.7hkd..我當時無買我依窕有後悔!!!!!因為我想要依家封面哥隻杯緣子呀..好可愛呀佢扮船梨精~




我最後淨係抽左呢個淨船梨精既扭蛋咋.....飲恨!!其實抽一隻都成300円=18.8hkd...點解我唔買上面哥盒呀~~~~




然後行左貞想行的Trans-Lankhe...就係Tokyu Hands條巷行入去就係~地址:中阪市中央區南船場3-5-2....電話:06-6253-3301....網址....賣外國生活雜貨...不過已經無左貞想買既野lu~





睇完呢....又係時候食中午飯喇~~~咁我地沿番頭先條路諗住行去搵一間開左好耐既魚生飯食..點知.....呢日佢夜晚7點先開.....好失望.....於是咪去搵其他野食囉...心齋橋咁大係咪先...好不容易搵到間係想試既..點知佢又話無位.......




行過佢有d商廈...每層都有好多野食既~咁我地係樓下睇佢d招牌~最後揀左呢間~~~專食仙台牛舌既~~~~




大約下午點幾兩點...不過無咩人喎~仲好~唔使等位~




挺貼心呀~以為要睇公仔點餐~原來有中文餐牌喎~




除左牛舌套餐外仲有魚既套餐喎~~~~吸引~~~




頭先抽到既哥兩隻船梨精~後面哥隻好抵死~~~知唔知點解我會鐘意佢??講左十九幾萬次~因為我鐘意佢d肉好泡~成個身型同我一樣~




我地真係忍唔住叫左竹莢魚定食~~~1,069円(稅込)=66.9hkd....天呀~~~太便宜了吧~~~~而且魚燒得超香~~不怕乾~~~剛好的~~~實在太好吃~~~~~我覺得係超值!




薑汁豬肩肉定食...918円(稅込)=57.5hkd...係幾平...但係呢....個薑汁味好作狀........唔討好~而且豬鞋鞋的~不喜歡~




咁我地就咁單點一碟燒牛舌啦~因為怕太多飯食唔哂...呢個係1.5人前6枚.....1,998円(稅込)=125.1hkd......wow~算係貴野喎~~~~~不過...真係值得~~~~一咬落去....牛舌既油香飄入我口中~~~有一定厚度~但唔怕鞋~那種香味到依家都記得~~~上次去東京既晴空塔都有食過另一間仙台牛舌~~都係好正好好味~想睇番之前哥間篇blog...請按我....真係好想有一次好好地去一去仙台....品嚐下佢地既特產---牛舌.....的不同食法~~~~







2015/07/22的開心事:

今日朝早上堂~~~~好輕鬆的工作日~



報時:距離冰島格陵蘭自由行之旅2015仲有---67日~

38 則留言:

  1. 好攪笑雪梨味面膜,重黃黃地,吾知膚左上面會點呢^_^牛舌我未食過呀﹗

    回覆刪除
    回覆
    1. 哈哈~我依家真係唔敢full囉~~~~因為敏感~但真係好可愛~

      刪除
  2. ⊹┌─┐.. ─┐
     │▒│ /▒/
     │▒│/▒/
     │▒ /▒/─┬─┐
     │▒│▒|▒│▒│
    ┌┴─┴─┐-┘─┘
    │▒┌──┘▒▒▒│
    └┐▒▒▒▒▒▒┌┘ ♥
    ♡└┐▒▒▒▒┌\ /
    ❥•ೋ♦ღ。*❤.°❣。*
    好友♦・゚黃昏好&傍晚好喇喂*☁`・✱
    超快又是快樂星期三*¨*落雨天好收衫呢

    回覆刪除
    回覆
    1. 今日都有無啦啦曬陣雨~有無出街行下呀~

      刪除
  3. 身體健康就好了!
    去藥房買?哈哈哈
    這個午餐好正~~~~~~

    回覆刪除
    回覆
    1. 係呀~好正~~~~
      唔諗住喇~開心左先~

      刪除
  4. 講到咁又好難唔令人擔心喎......祝身體健康,恭喜發財.
    鍾意樹梨精因為身型似你,咁你應該都好鍾意街邊啲垃圾桶
    呢篇好似完得咁突然,幻想緊仙台牛舌(仙台我剩係識隊波維家泰),完咗

    回覆刪除
    回覆
    1. 承你貴言啦~
      雖然你係窒緊我....但今次窒哥個位窒得幾靚!!高度讚賞!!
      係咩係咩~無計啦~d相岩岩好黎到呢度呀嘛~

      刪除
  5. 去日本就係行到癲, 買到癲同食到癲 ^^
    咦........我又係鐘意人d肉泡架喎, 好怕實的的o個d, 我諗妳會鍾意我, 我都係泡架, 呵呵呵呵~~~~~至弊我係鍾意人地d泡, 但唔鍾意自己咁樣呢 >.<

    回覆刪除
    回覆
    1. 真係好鐘意去日本~次次去都覺得好開心~
      我好鐘意你呀~~~~~咁我同你一樣呀~我都唔鐘意自己泡~~但事實係我真係泡~~哈哈~~

      刪除
  6. 身体無事就好喇,如真係有嘢就盡快處理喇!!
    好,非常好,連薬房都可即退税,真係方便好多,旅客多開心!!

    回覆刪除
    回覆
    1. 其實又唔算好緊急既...可以等去埋旅行番黎先諗~
      真係好方便架~~~令人買得好開心~~~

      刪除
  7. 係喎,真係第一日就行難波唔行梅田。我都好鍾意行tokyu hands,不過上次經過,冇入去。你哋是但揀間食店,好似都幾好食喎。

    回覆刪除
    回覆
    1. 最緊要身體健康!!!

      刪除
    2. 醫生肯定話妳食得太多好嘢,有少少痴肥同血壓高啦
      妳仲乜講粗口呢~~~
      呢餐好似唔錯喎

      刪除
    3. 哈哈~~你睇埋之後哥篇先~~~~我地係亂咁行架~~~~~我都好鐘意~好多種類既野買~~~
      都有衰過既~但個機率唔高就得啦~

      刪除
    4. 梗唔係啦...原來我係你心目中係咁架...............嗚嗚嗚
      我邊有講粗口呀~
      好味呀~

      刪除
    5. 唔係呀~~我只係講下,妳邊會有問題呢~~~~~妳係我心目中係~~~

      刪除
  8. 好掛住d牛舌丫!!!!!!

    回覆刪除
  9. 船梨精掛杯個樣好抵屎呀~~超Q^^
    其實藥店退稅包住不能開..........我之前好乖沒有打開
    但連續2次到雞場CHECK IN 都沒有人要求打開CHECK退稅品
    而且行李一早已經寄倉,過海關想查都查唔到啦~
    下次會開嚟用~

    回覆刪除
    回覆
    1. 係呀~~~佢真係好抵死個樣~
      哈哈...其實.................唔打開又點入gip呢~~哈哈~~

      刪除
  10. 船梨精抽果兩隻真係用黎掛杯架?
    好靚好靚呀
    我係日本都有杯緣子後悔冇買 最後返黎香港買 haha

    回覆刪除
    回覆
    1. 係呀好似杯緣子咁架~~~好得意~
      下~~~邊隻呀???
      你有無買到唐老鴨杯緣子呀?

      刪除
    2. 我搵唔到呀 :(
      溫泉系列果個呀

      刪除
    3. 我都見唔到呀本身我都想買的

      刪除
  11. 有很多美白用品, 都加了莹光劑, 連潔齒牙膏都有.

    就好像現在杞子風乾時, 會加硫磺來煄

    回覆刪除
  12. 個船梨精好過癮呀, 個兩隻超得意, 我都好想要呢~~
    睇到你啲口舌我就好想食喇, 我下次去日本一定要試下~~

    身體無乜大事呀?? 洗唔洗做下運動/食補品呀?? 我仲要繼續追你個BLOG架~

    回覆刪除
    回覆
    1. 係呀係呀~~下次等我帶佢去旅行先~
      真係好好味架~~~一咬d油花味噴出黎~

      我會乖架喇~大家會繼續睇到我個blog架放心~~~

      刪除
  13. Take care, buddy. 要身體健康, 開心快樂!
    好想去關西呀, 好多嘢買, 好多嘢食 ~~
    我地呢, 好犯規架, 2月去日本時, 嘢食呀, 化妝品都有退稅, 但我地無乖乖咁原封不動呢 :-p

    回覆刪除
    回覆
    1. 知道知道~~~多謝你~
      我覺得去關西好似開心過去東京~~~
      er...其實...唔打開佢...又點樣砌gip喎~

      刪除
  14. 身體健康最緊要,沒大礙就好了
    姆明果套茶具幾靚
    依家藥妝店都有退稅所以都幾多人掃貨
    藥店和食肆都請中國留學生,方便到幾乎不太覺得在日本:P

    回覆刪除
    回覆
    1. 多謝你關心呢~
      係呀!!!超得意~不過我好怕攞重野~就此算了~
      係呀...係癲哂咁樣掃~~~~
      但真係方便左好多~~

      刪除
  15. 我最想去Tokyu Hands,買DIY用的工具及材料。

    回覆刪除
    回覆
    1. 咁真係好岩你去~~~有好多材料~~可以慢慢睇又舒服~

      刪除