2015年7月20日 星期一

關西哈利波特之旅2015-06-22第二天Part 1(時晴時陰天)

今日心情其實唔錯~唔錯既程度係我係公司關上廁所門後我會在廁格中跳舞(我真係有跳~但我唔知點解心情靚~).....周末忙忙碌碌的~~~但係都抽到時間去睇蟻俠(Ant-man)~真開心~幾好睇~開頭有d悶~中段開始好精彩~有幾個鏡頭笑到我痴線~~(唔係佢拍得差而笑..而係個劇情真係好好笑~)...到底Marvel有幾多個hero??可以考慮下將Ant-man加入復仇者聯盟喎!仲有食左餐名家韓國餐~同屋企人食~好開心~飯後媽媽終於請我食哈緊大雪糕~~我終於試左奶茶味喇~~好好味~~~~~~(但我都係鐘意牛奶味多d~)....聽日放工會去做身體檢查~唔知寫唔寫到blog呢~希望寫到啦~



2015-06-22

Day 2---Part 1(日本,大阪 Japan,Osaka)
係張櫈度靠左個幾鐘...上左陣網.....我地就起行去搭第一班JR出市區喇~(有無人知我地當時有幾眼訓???我老喇...實在不能捱一晚通宵....但...其實還是捱過了~)......當時係......係2F跟住鐵道字樣行......最早哥班我地哥日係05:50....可以自己去網站查時間(請按我)...有埋要搭幾耐....揀日期時間查......我地住大阪駅所以有d車可能要係天王寺駅再自己轉大阪環狀線的(JR路線圖請按我)......我揀最早既呢班因為呢班車係可以直接由天王寺駅開始就會進入大阪環狀線...唔使轉車~要留意呀~




出左門口就會見到呢個關西空港駅~此時天已全光~~~~光到反哂光唔係好影到駅名~(仲係05:30咋............)




個駅好大~諗起上年去沖繩個駅好細~~~~




見到個收費表.....我地要搭快速既哥班...係1,190円=74.5hkd.....單程一人價........我見上面哥隻HARUKA係再快d既...但係唔會直出到大阪駅...而且計埋轉車時間...同我搭快速一樣.....而且佢除左要買HARUKA哥隻車飛之外..仲要買一張普通車飛的........唔抵~~~




去過東京沖繩...我以為呢部機點會難到我~點知就真係難到我~~~~見有個職員行過請佢幫一幫我地~佢快快手教完我地之後就跑走左~原來佢要夠鐘要開Counter呢~sorry同唔該你~




買到了~3張飛~出發~~~~~~~~~~




好喇~入閘~唔好入錯呀~因為佢除左有JR之外仲有南海電鐵的~(日本的電車種類真係有好多種~搞到我頭都暈~)...不過呢個寫到JR咁大隻字都好難入錯~~~~~~




落到顯示牌指示既3號月台...好冷清呢~我以為會有好多人搭第一班車出市區既添~




記得睇岩班車先好上車呀~~~本身都唔知關西快速係咪真係可以直到大阪駅....但見到佢寫大阪環狀線就安心哂~即刻衝上車~




d櫈設計幾好架~椅背可以自己拉前拉後都得(即你鐘意坐倒頭車又得~順向車又得~得左~)...呢隻車既唔好處係佢無一個特定地方放行李.......之後會有好多上班族搭車番工....搞到我地件野好阻住人~~




呢程車認真救命....因為....3個一齊hip下hip下.....hip得超舒服........隻眼一反就無面俾...完全訓著.....過左頭哥幾個駅之後就超多人上車....但完全無影響我既睡魔~~~~大約搭左一個鐘度.....就到左我地要去既大阪駅喇~~~~~




今次我地入住既酒店真係超方便~就係大阪駅入面的~(駅都唔使出~)...叫Hotel Granvia Osaka......至於係邊度訂...幾錢...轉頭攞左房先再交代~因為依家先朝早7點...仲未有房~我地放低行李...係咁意係大堂廁所梳洗下....又出發了~




原來正南口一出就係呢個出口喇~平時睇google amp睇得多~依家見到真身喇~你好~七點多的陽光真好(有3條喪屍行黎行去~)....第一樣做既野就係....去搵左機場巴士個站先~





最近Hotel Granvia Osaka既機場巴士車站係Herbis大阪哥度....簡單d講佢就係呢個大阪站南口一出過對面馬路右邊直行再過條馬路就係.....過到去有指示~好喇~有一點好重要既提提大家~就係佢哥d機場巴士飛唔同東京咁樣可以一早預約...只可以係即日購買.....有d巴士首站就係Herbis大阪..有d就係去左其他酒店過黎既~(因為唔知之前d酒店多唔多人上車架~)...所以如果一定要搭到某班車就自己早少少過黎買飛喇~提供俾大家機場巴士時間表...同埋佢既站點示意圖....方便大家預時間~




咁又走完火警喇~~咁就開始我地既行程喇~~~~~yeah~~~~咁我地住既大阪駅係JR黎既......而我地依家要搭既係Metro地下鐵.....所以去要梅田駅...但係大阪駅同梅田駅係直通的!好方便~跟指示就行到去啦~~~~呢部機次次都係貞幫我禁飛出黎....我次次都失憶唔記得點用~~~點解我一去到關西就唔識禁車飛既~~~~~~~都係咁用~一係揀你去既區間幾錢~一係就禁個站名佢話你知要幾錢~呢次大約搭3~4個駅就240円=15hkd





我地搭御堂筋線黎到心齋橋駅...站在心齋橋筋!!睇下我地幾喪屍....我仲要因為搭完飛機太乾燥....搞到塊面又紅紅地~




我有睇google map架嘛~梗係順利行到啦~(又認屎認屁)...第一站~~~磯丸水產~~~~點解揀佢??因為依家8點幾咋~咩都未開呀~~咁咪諗住搵野食囉~~~~佢開24小時嘛~~咪岩哂我地攝時間用囉~~~~~~~~~~~~~~~地址:大阪府大阪市中央區南船場3-7-19....電話:050-5786-0843....關西其實都有好多分店~自己上佢地網址看看~




記得有中文餐牌可以問佢地攞~~~好正呀~~食早餐喇~~~魷魚 399円(稅拔)=25hkd...好平~好好味~....味噌蟹膏 499円(稅拔)=31.2hkd.....




個蟹膏好好好好好好味呀~~~個底d蟹膏都唔捨得~~用魷魚黎抹埋出黎食~~~魷魚加蟹膏~哀c!!!!!!!而且...也太平了吧?




串燒赤蝦(5隻) 699円(稅拔)=43.8hkd......超好食~佢有用鹽曬在蝦殼外燒~~~~~超鮮味~





蟹麵豉湯 399円(稅拔)=25hkd....平~鮮甜~而且勁夠熱~




今次叫唔到佢個大盛~唯有分開叫~(我去食過3次..只有一次叫到~就係我同媽媽去食哥次~).....活北寄貝(隻) 399円(稅拔)=25hkd....超超超新鮮~~~~~好好味~




活白蜆(2隻) 599円(稅拔)=37.5hkd...很抵食了吧~~~~又大隻~




之前講過啦~~佢自己有魚缸係鋪架~所以新鮮是很正常吧~




雖然很眼訓~但團友仍然表示滿意~很懷念這餐(心心眼)....而且呢間d姐姐會為你燒海鮮唔使自己搞~而東京食過兩次都係自己搞~







星期六呀...我幾醒呀

唔使人提~自動自覺轉台睇英超亞洲挑戰盃決賽~
阿仙奴vs愛華頓~
講真上半場差d訓左~
又見ozil bb成場假跑~真係叻仔~
上半場一完即刻跳左出街睇戲~
點知.....下半場佢就背住我入波..................
算啦~~~都好叻仔~~~~~~~~~~~~~
佢地一賽完波就即刻上機番英國~~
唔知點解我個心安心哂~~~
可能佢離我遠d我心理負擔都少d~
(講到尾其實我好驚見到我識既人同佢合照..我會接受不來~)
又係我無...人地都唔可以有既心態:D:D:D
真係好變態...屋企既小朋友千祈唔好學~~



爸爸就黎死忌...

星期日去左廟度拜拜....
燒左好多野俾佢.....再去墳場幫佢抹下幅相...
同佢傾左一陣....咁又一年
我同毛寶講:我其實有一樣係幾遺憾.....
就係我爸爸在生時我都無請過去佢去一次旅行...
佢係度哥時我又出左黎做野唔係好耐....
到我依家有能力既時候佢已經唔係我身邊...
所以依家我會盡力對媽媽好~
以我能力帶佢去玩~帶佢出街食飯睇戲~帶佢去旅行~
如果大家仲可以有機會對爸爸媽媽好要把握呢~
千祈唔好樹欲靜而風不息,子欲養而親不在...
雖然咁講好老土....但我卻有深切的感受



2015/07/20的開心事:

同Chlo子坐情侶位~
同埋今日工作狀態ok~



報時:距離冰島格陵蘭自由行之旅2015仲有---69日~

6字頭!!!!!!!!!!!!!!!!!!!!!!!!!!!!!!!!!!!!!!

52 則留言:

  1. 喺日本係咪是但入一間去食嘢都唔會點中伏?就算唔食得都睇得先吖

    回覆刪除
    回覆
    1. 唔係無~係中伏既機率一定少過澳門~~

      刪除
  2. 單程HK$74.5,都唔平!
    車廂都好鬆動。
    一晚無睡,像多了三隻小熊貓添,哈哈哈
    這個早餐超正~~~~~~
    大家都知道小 t 對您媽媽好好,您爸爸一定無遺憾。

    回覆刪除
    回覆
    1. 都平過東京哥d好多囉~~~
      因為我地係總站上車嘛~所以咪無人囉~~~~~~
      係呀我地係小熊貓~~~
      真係好好味~~~~
      我明白架喇~

      刪除
  3. 上次我住難波swissotel,就係搭南電。如果你哋住難波嗰邊,去心齋橋方便好多,行都到。不過你哋揀得梅田,應該係貪佢近JR大阪站,去京都,神戶都方便啲,唔駛搭多程midosuji line。

    回覆刪除
    回覆
    1. 其實swissotel d酒店都幾唔錯喎~~~
      其實我地好似日日都有去難波~~哈哈~~
      不過你又講對~因為我真係貪佢去京都方便~

      刪除
  4. 今次睇遊記感覺好得意 好熟識的地方咁 嘻嘻
    六字頭 好快呀又
    好開心 我都好想去玩 :(

    回覆刪除
    回覆
    1. 係呀係呀~如果我睇人地遊記係自己去過既地方會倍感親切~
      我好緊張呀~

      刪除
  5. 關上廁所門後我會在廁格中跳舞...............你真係好搞笑,好似d搞笑漫畫少女!!!!!!!!!!!!!
    請問售票机有無中文揀架,其實我就驚搭日本既鉄路,好似好煩咁><
    正呀,海鲜做早餐,仲要咁抵食^^
    你既心意你爸爸一定會知架

    回覆刪除
    回覆
    1. 我就係可以走搞笑路線架咋~~~~~純情哥d我又走唔到~
      我記得係....無既~係英文同日文~其實睇日文會好過睇英文~因為起碼有漢字!!d站名睇英文完全睇唔明~
      係呀~~~~~我真係好鐘意食~~~~
      我明白架喇~

      刪除
  6. 沖繩D車票真係連小朋友都識
    但.......好同意你所講,係大阪買票真係好難睇極都唔明
    上次我經過哩間磯丸水產就諗起你上次和媽媽食過,不過無幫襯,下次一定會試下^^

    回覆刪除
    回覆
    1. 哈哈~~係呀~~~
      好彩你都咁講咋~~~~~~如果唔係我真係覺得我自己好低b~~~
      下次試下啦~兩個人都好岩食架~

      刪除
  7. 好友✫☾.•*☁good night 甜夢✬*¨★
    ╓────╖・゚。Zzz
    ║─╓╖─║
    ║╙──╜║
    ╙─╖╓─╜
    ╓─╜╙─╖
    ╙─╖╓─╜
    ──╙╜。・゚゚唞喇喂

    回覆刪除
  8. 燒燒燒...好滋味呢...又其食材新鮮...正呀

    回覆刪除
  9. 小t 好乖女了...爸爸媽媽也開心呢

    回覆刪除
  10. 妳做乜咁開心係廁所跳舞呀~~~
    燒大蜆,魷魚~~~好想食呀
    過去咗便算,妳爸爸會明白呀,現在對媽媽好就得啦

    回覆刪除
    回覆
    1. 妳驗身記得驗埋個頭喎~~妳成日頭痛
      想問下~~~澳門邊度食水蟹粥,葡國菜好食呀~~~thx

      刪除
    2. 查實我真係唔知點解~~
      好好味架~好岩你食~因為我知你都好鐘意食海鮮~
      唔..我明白架喇

      刪除
    3. 哈哈~唔同範疇呢~無得係哥度驗
      er........又真係無咩研究過水蟹粥喎~~
      葡餐我鐘意食呢間http://tiffanylei.blogspot.hk/2014/11/o-porto.html但你地可能會難搵...
      呢間係噴水池的都唔錯...不過我鐘意上面哥間多d
      http://tiffanylei.blogspot.com/2014/12/cafe-ou-mun.html

      刪除
  11. 嘩, 乜事咁開心, 腦海浮現小t o係厠格跳舞o既身影, 搞到我都開心埋, 些些小t ^0^
    我都係最鍾意食哈根大師o既牛奶味, 次次食完一杯都心思思, 其它味係唔會架!
    早幾年去大阪架機晨早到, 成晚冇瞓, 攰到行緊都差d瞓著, 有幾野意識弱左, 差d跪落地, 以後都唔敢買呢d時間o既機票, 留番俾後生仔女好喇

    回覆刪除
    回覆
    1. 哈哈~我真係傻傻地呀可~
      下~~~你又係呀~~~~我真係好鐘意食呀~~~~~~~
      我都覺得真係好難頂............................我下次都考慮買番d好d既航空公司..哈哈~

      刪除
  12. 小t, 妳咁孝順, 妳爸爸會知道妳o既心意架
    明天body check要健健康康, 咁先可以同妳媽咪/好友一齊去睇呢個咁靚o既世界

    回覆刪除
    回覆
    1. 我明架喇...不過爸爸死忌特別諗得多野
      多謝你既祝福~~~~

      刪除
  13. 嘩﹗一早就食啲豐盛早餐,食完重眼瞓啦﹗

    回覆刪除
    回覆
    1. 其實都係~d團友隻眼都hip下hip下~

      刪除
  14. 貞會用部機. 真懷疑佢學過日文咖喎. 哈哈哈....

    其實, 父母並不在意我們有否請他們, 只需要知道我們對他們有心, 那就得了.

    所以, 你不用遺憾, 你爸爸知道你對佢地有心.

    回覆刪除
    回覆
    1. 哈哈~佢無學過呀~~其實係佢記性好d~我次次都唔記得要禁邊度~
      我依家明架喇~

      刪除
  15. 哈....開心唔使原因,開心咪開心囉,
    我地啲老嘢通頂唔掂架@@
    試過成日遊魂咁,無心情玩,
    自由行亦如此,見妳搭車又轉車,我一定好易迷失,
    妳孝順,妳爸爸在天會知道,不要太介懷。旅行亦亚非老人家所喜,我老父去日本,只喺喜歡每朝酒店有早飯食,乜嘢靚風景對佢都無乜所為。
    我老父死忌同家駒死忌同日,亦喺同一佛堂安放靈位,所以我去拜老父時,佛堂超爆人,有百多名廣州歌迷到來。

    回覆刪除
    回覆
    1. 哈哈~所以我咪傻傻地囉~
      我其實都頂唔順~~~~
      hehe~我還好啦~我幾鐘意自遊行的~
      我爸媽都喜旅遊~~~
      華...咁拜爸爸哥時一定好唔方便喇

      刪除
  16. 你一朝早食海鮮真係好堅, 睇到我流哂口水, 好想食呀!!

    我見到你通宵就覺得好辛苦, 你地個時有冇眼訓到癲左? 仲行唔行到路架??

    你爸爸點會介意你無請佢去旅行吖, 佢知道你咁錫佢, 佢實好開心!

    回覆刪除
    回覆
    1. 因為搵唔到咩餐廳咁早開嘛~
      我真係好眼訓....不過我好鎮作~~~~所以還好~
      我希望佢現在係另一世界快樂

      刪除
  17. 3 位真係唔夠瞓,唔緊要,瞓番夠本就得喇!
    好好愛錫媽媽呀!

    回覆刪除
    回覆
    1. 哈哈~~其實第二日都唔係訓得好多~不過叫做平躺咁訓過下~~~~
      知道~

      刪除
  18. 小t, 我已經從冰島旅行回來了... 我們玩得好開心...多謝你的遊記比咁多資料作參考. ^3^

    但,,,,,>,< 冒昧想問你 9 月去冰島旅行會渣車自駕遊嗎? 謝謝, coco

    回覆刪除
    回覆
    1. 華~你就好啦~~~~~~~唔好咁講~寫出黎大家分享下嘛~~~~你玩得開心就好了~~~
      會呀~~~做咩咁問既??

      刪除
    2. 因為我用淨左1.5 張 N1 油卡 (value isk14500) , >,< 唔好意思地想出讓, 想問你會唔會有興趣幫我買?

      p.s. 附送 siminn SIM CARD 一張 (還可以打電話) , 你可以TOP UP ISK2290 - 有5GB data plan.
      https://thjonustuvefur.siminn.is/MittFrelsi/kaupa/siminn.is?locale=en


      thanks
      coco >,<

      刪除
    3. 你係澳門架????
      咁一張即係幾錢??我唔記得點計

      刪除
    4. 我係HK 架...

      (value isk14500) = HKD870 , 如果真係買....好多謝你. 咁我就唔駛煩了. : P

      因為我問過油站話無得退款 :<

      刪除
  19. 捱完一晚眼訓,都仲幾精神丫!
    第一餐即來個海鮮大餐,正喎!!
    69日即係仲有兩個月多少少咋喎^^
    去完冰島回來,都要set返個親子團倒數時計啦

    回覆刪除
    回覆
    1. 其實眼訓到暈~~~
      好好味~~~好鮮~~~
      係呀好緊張呀~~~~番黎可能係第二個倒數先到親子倒數~

      刪除
  20. 姐姐~~我永遠都會咁愛你!你係我永遠嘅好姐姐!
    貞有好多出場機會~~~嘩哈哈哈哈哈哈~~~

    回覆刪除
    回覆
    1. 乖喇乖喇貞貞~~~~我也永遠愛你~

      刪除
  21. 姐姐~~我永遠都會咁愛你!你係我永遠嘅好姐姐!
    貞有好多出場機會~~~嘩哈哈哈哈哈哈~~~

    回覆刪除
  22. 咁早以為你會去黑門市場添, 超掛住啲卜口壽司, 幾時會到我去呢?
    乖乖, 抵你媽媽咁錫你

    回覆刪除
    回覆
    1. 無呀~因為都太早...黑門開9點半後....我地食野哥時9點都未到~~~~~~好快啦~~加油~~~~
      希望爸爸在另一世界快樂

      刪除
  23. 我上次去東京又係搭凌晨機, 成日個人遊魂到呢......

    你爸爸睇到你而家咁孝順你媽媽, 佢一定會好安慰架~~ 佢會與你地常在呢~~

    回覆刪除
    回覆
    1. 凌晨機真係好攞命~~一落機就玩~

      知道~

      刪除