2015年7月16日 星期四

關西哈利波特之旅2015-06-21第一天(雨天)

今日真係........少少黑~今日收左份野呀.......唔知收唔收得...所以就問下收唔收得囉...可能因為溝通有d問題.....就以為收得....點知......有個同事同我收同一個case...佢話問左唔收得......................................................最後再問多次..真係唔收得...............不過我認為我今日都係有少少運仔~如果唔係我同事都有收......佢又走去再問多次....又點知真係唔收得呢~如果佢無問老闆.......直接問我...我話頭先問左..可以收...咁我就真係死都唔掂........所以~上天對我真好~~~哈哈~



2015-06-21
Day 1(澳門 Macau->香港 Hong Kong->日本,大阪 Japan,Osaka)
救命呀~~~~終於出到大阪blog喇~~~~~我自己都勁期待的~~~我實在太太太鐘意哈利波特既世界喇~~~~我連番到黎都發夢番去哈利既園區玩~~~所以我都好想睇番自己既大阪blog~~~~~~(變態~.......唔係呀~同我一齊去既人都想睇架~)



今次係澳門出發去香港機場好慘呢~~~因為呀...我地個航空公司呀.....係海天客運碼頭呀(即係平時搭去香港機場船香港哥邊個碼頭)......個禁區入面d check in counter係無我地間航空公司既櫃檯.....所以...就算今次岩時間....都無緣搭機場船.................真係...好可憐..........................不過算啦...去哥程都唔算重~所以..............我地就係澳門搭船去到上環...再轉機鐵去機場了~~~~哥日一起身個天超陰....不過最神奇係:搬行李上車(無雨)->在車上(大雨)->落車搬行李入碼頭及搬行李上船(無雨)->船程中(極大雨)->搬行李落船(無雨).......講真....上天真係對我地好好!!!鳴謝阿sam出發及回程車我同毛寶來回碼頭~




哈哈~我今次係第一次去香港機場既Terminal 2呢~~~~心情有少少興奮~~~~~(其實唔知興奮d咩~~)





介紹下我d團友先~~~~有我啦~毛寶豬啦~仲有貞公子~~~呢個組合第一次出現~~令人期待~~~~~第一次於T2留影~




到左T2未check得in住呀~因為個counter未開~咁我地唯有去食野先啦~~~~揀左呢間~(發現T2禁區外都幾多野食喎~)




叫左個套餐..有個札肉湯檬...仲有杯飲品.....才$50~~~~~實在太平!!!!!!!!!!機場喎!!!!!係一間餐廳黎架喎..仲要唔係美食廣場喎~~~~~~好平好平......味道也不錯~驚喜事實在太多~




另外叫左個札肉蝦片(半份) $30....第一次係食呢樣野~幾得意~




食飽行去P區Jet Star Japan個counter就開左喇~無錯~今次我地搶到佢既平價機票~所以成行~記得Jet Star同Jet Star Japan是不同的唷~因為我地開頭行錯去同是P區的Jet Star Counter話check in....點知個地勤睇到我地係去日本就面無表情手指指話:對面呀................唔通廉航d態度係差d既?(鬼叫你窮要搭廉航咩?!)......不過今次真心抵.....我同毛寶買機票全部稅計哂...再計埋行李先$1254hkd一個人...抵到!!(貞因不知能否如期成行...所以佢自己另買機票)




yoyoyo~yoyoyo~知唔知點解我咁開心~~因為本身廉航係哥d係5xx哥d gate度登機架(哥d係咪要坐shuttle?)....本身check in佢話未出boarding gate係幾號要自己睇.....係禁區外睇都係5xx哥d......點知一入禁區坐完無人駕駛列車再睇....變左33閘口!!!!!!!!(所以記得時時睇住登機閘口...成時改..)...興奮~~~~因為我唔想坐shuttle登機~~~~(會令我覺得好似係澳門上機~)....有登機橋上機就是與別不同~~~bello~~~~迷你兵團同大家一齊登機呢~~~~~~(個眼鏡我特登買去旅行架~~~~)....怎樣看貞也是個正常人~我地係搭Jet Star Japan既GK64班機.....21:25由香港直飛大阪關西國際機場(Kansai International Airport)~~





襯等上機時介紹下我d裝備先~~~拿~~有我手寫既行程紙~~但應該得我一個睇得明~~~用左我好多時間寫架張紙~~~(連車既班次我都寫埋真係有d變態~~)講埋今次個匯率先~~大家都知~依家好抵啦~~~~我地去哥時更抵~~~~匯率試過換6.22(即100円=6.22hkd).....又試過換6.29(即100円=6.29hkd)....咁今次就攞個平均數6.26呢個匯率計俾大家睇啦~~~~~





hehe~今次既參考書籍有兩本~左邊京都哥本我地自己買既...有詳細既京都巴士路線~~~另外哥本係W小姐借我的~其他書無既資料我就上網搵啦~




仲有仲有~~~今次我地影既靚靚合照全部都不求人~~~全靠kapo baby幫我買既無黑角魚眼鏡~~~~影合照~無難度~~~(本篇第二張相就係用呢個無黑角既魚眼鏡影架喇~~~)....多謝kapo~煩左你咁耐~~~~




平時就係咁樣影自拍架喇~~~~~好型仔~~~(但依家俾我跌到花哂.....)




上機就見到原來落幾大雨下~好彩有登機橋上機~不過呢日排左好耐隊先起到飛~差唔多22:00先飛到~但神奇的是~仍早左到大阪~~~~~




WOW~貞話:知你鐘意填入境表...我俾埋你填~~~.....你真係好~我好感動~~~~~~今次阿美有一齊出發.....不過........唔好問喇~呢程機好辛苦...佢d位好迫.......完全訓唔著......坐得唔舒服.........唯有打開窗....好多星星呢!!!!




大約02:10就到左大阪既關西國際機場~~係降落係Terminal 1既~過關超快~攞埋行李過埋海關就可以出禁區了~~~~~凌晨時份....很靜蠅蠅呢~~~~




本身我地呢晚有租酒店架....但係最後發現....除左的士之外......我地到哥個時間係無任何交通工具可以出市區(機場出市區的士收費).....成個呆左.....機場巴士最早哥班要4點幾(機場出市區巴士乘車點及時間表).......地鐵最早就要5點50分先有(機場出市區地鐵路線圖及時間表)....咁樣出到酒店都訓唔到幾個鐘.......租一晚酒店好唔抵架嘛.....好彩係Hotels.com度訂既哥間酒店係某個日期前可以免費取消~咁...我地就唯有....取消第一晚既酒店啦......................




咁我地上網睇人地d blog呢...就有講機場有兩個lounge既....其中一個係呢個KIX Airport Lounge(二樓麥當勞旁邊).....我地諗住係呢度俾幾個鐘錢....就入去休息下同埋沖個涼...點知...佢沖涼房滿哂......咁我無理由就咁俾錢入去休息架嘛............題外話:其實佢好似網吧咁架...可以一個個鐘俾錢...有電腦用有浴室有包廂等等之類(除入場費外浴室要另計)...但無床訓的....佢另外可以申請一張KIX Card卡...入呢個lounge可以半價收費....欲知詳情....推介你去睇野蠻王妃的blog~有很詳細的介紹....至於我地..因為無涼沖....決定去霸出面d長櫈靠一靠等天光算.............................




但係....原來...你係凌晨3點...係唔容易有張長櫈俾你靠下架........................我地搵左好耐.......張張都有人訓緊....(聽講話T1已經算多櫈...T2更少)........好辛苦搵到Lawson旁邊有好幾排長櫈仲未有人訓....睇人個blog話原來Lawson旁原來係警察局~係呢度訓應該幾安全~而且Lawson旁邊既長櫈再隔離有個案內所...可以入去問佢借被~..........搵到張櫈靠下.....兩位團友同我講:你成程機都無訓過你依家訓下啦.........我:我唔想訓一陣又起身..咁樣仲辛苦....未曾擁有就唔會失去.........寶和貞:痴線!!.............我哥日就係用呢個早餐黎麻醉我自己...........飯團很好吃~~~~~

其實我又諗......其實佢既然有凌晨機到機場....點解....佢又無交通配套呢????但係佢有既Lounge又爆哂...令人哥晚好難受呀!!!





2015/07/16的開心事:
阿媽出街玩~~我配給今晚食燒肉飯~~~~~
仲有今日出到日本blog喇~~~~~~



報時:距離冰島格陵蘭自由行之旅2015仲有---73日~

42 則留言:

  1. 終於有很看啦!
    T2好多平嘢食架~~~~~~
    去旅行都好勤力囉!
    第一晚要睡長櫈,好慘喎~~~~~

    回覆刪除
    回覆
    1. 哈哈~我好乖守承諾嘛~
      我覺得真係好平喎~
      hehhehe~~
      都真係幾眼訓~好攞命~

      刪除
  2. 再計埋行李先$1254hkd一個人====>又真係好鬼抵,雖然係要瞓一晚機場~~~~~

    回覆刪除
    回覆
    1. 係呀~~你話喇~~~唔去點得~~~~~(其要倒轉講..因為係一定會去大阪..但好好彩佢咁岩出平機票~~)
      係呀...襯後生試下訓機場~~~老左都係俾多少少錢搭d好d既時間~

      刪除
  3. 好想快d睇part2丫( ̄∇ ̄)( ̄∇ ̄)( ̄∇ ̄)

    回覆刪除
    回覆
    1. 第一天無part 2呢~~~~你永遠等不到~~~~

      刪除
  4. 好想快d睇part2丫( ̄∇ ̄)( ̄∇ ̄)( ̄∇ ̄)

    回覆刪除
  5. 嘩, 我發癲喇, 鍾意睇遊記呀 \(^0^)/
    請容許我低能一問, selfie cam成舊黑色, 個鏡頭係咪o係圓型o個度? 俾我一定唔知望邊~~
    我同妳一樣, 鍾意填form, 因為機程太悶, 填下野好似好有建樹咁, 呵呵

    回覆刪除
    回覆
    1. 我都好鐘意睇你d遊記架~~~所以成日想你放假去旅行的~~我又就黎等到啦~~~
      係呀望圓型哥度就ok呀~幾好用的~~
      係呀係呀~~~因為有時機程長填form真係一個幾好既節目~

      刪除
  6. 唔煩唔煩呀
    好開心 好期待呀 好想繼續睇 ^_^
    機票真係好抵呀
    我依家都好掛住大阪 好想再去

    回覆刪除
    回覆
    1. 多謝baby你~~~~~~~~~~~~*3*
      最衰你依家無寫blog啦~唔係既話我都想睇下你地去左邊度玩~
      咁岩線..我地有少少好彩~
      係呀係呀~~~~~~我都好想再去~

      刪除
    2. 係呀 我懶懶冇寫blog好耐 hehe

      刪除
    3. 懶連fb都無咩po相喎~~~~

      刪除
  7. 正,終於出大板blog啦,好鬼開心^^
    第一篇已経咁詳細,真係要like你!!!!!!!!!!!!!!!!
    睇完真係要consider下坐唔坐廉航同埋航班時間,話晒我同我d旅行腳都已幾十歲,唔係好捱得.............

    回覆刪除
    回覆
    1. 多謝你呀~如果大家覺得呢篇blog可以為大家解悶一陣我會好開心~
      多謝~好衰架~讚人兩次既~~
      其實都係架....同埋坐廉航其實真係好危險!!!試過某廉航直頭本身d人係禁區度等上機....點知話delay 15分鐘....點知15分鐘後直頭cancelled.........d人無機搭..超恐怖

      刪除
  8. 搭夜機係咁啦~~~可以慳番一晚酒店錢用嚟食其它美食都好啦

    回覆刪除
    回覆
    1. 但真係好攰呀~~~~~~成晚無訓過~~~

      刪除
  9. 想問一下,你們那天大約早了幾多個小時到機場T2?

    回覆刪除
    回覆
    1. 我地飛09:25...我估我地大約6點到左機場喇~因為係澳門過黎我地預鬆d時間~

      刪除
  10. 千呼萬喚始出來,大阪blog來了!!!!寫得仔細生動又有趣,又有靚人坐陣......冇飛機餐,又有三個幾鐘空檔露宿,雖則預咗,但個頭開得幾艱辛咁...很期待下一回......呢個新鮮組合唔係狂歡三寶叫咩名?
    你手字好似日本人,連用字都好日本,"到著","著大阪"......又寫得密密麻麻好似啲痴線佬嘅筆記.......

    回覆刪除
    回覆
    1. 機票價錢真係.......又係神之手發功?

      刪除
    2. 係囉...如果無靚人坐陣我個blog就好失色囉~.....係呀..我發現無飛機餐食其實真係好難打發時間~好悶~....其實真係未改到名...改到出blog都未改到~狂歡三寶係我毛寶同杯嘛~
      唔係下嘛~哥時去學日文佢仲笑我d日文字超醜~...你就痴線佬~

      刪除
    3. 係呀~又係毛寶既神之手手~~~~佢真係好叻!!

      刪除
  11. 越棧喺大家樂連鎖店,
    我成日幫襯,
    大眾化價錢,食物唔錯,
    日本對妳無難,
    乜妳有咁特別嗜好...填入境紙
    手機鏡頭好得意。

    回覆刪除
    回覆
    1. 0我~~~唔怪得咁平啦~連鎖店~
      都ok呀我都覺得~平又好味~
      都唔係架~今次我用多左好多時間黎準備~不過如果下次再去可能就會輕鬆d~
      哈哈係呀我好鐘意填架~
      影相唔錯喎~

      刪除
  12. 快D訓啦......好快天光就衝去玩啦
    都係HK好,幾點都有BUS出市區

    回覆刪除
    回覆
    1. 我真係唔想訓著左一陣又要起身哥種難受感~好難頂~寧願唔訓~(但最後坐車都係訓著~)
      其實澳門都有不過班次少d咁解.....大阪係真係完全無....

      刪除
  13. 好好好,好精彩,終於睇到喇!
    辛苦哂,錫哂你.

    回覆刪除
  14. 你三個嘅眼鏡好攪笑!哈!
    大阪機場零晨冇巴士地鐵呀!冇得瞓好辛苦喎!

    回覆刪除
    回覆
    1. 野~~~~我都好鐘意個眼鏡呀~~~~
      真係勁眼訓~個個隻眼都好攰~

      刪除
  15. 話咁快又快樂星期六☁。゚★神公可休息喇喂
    ☾•*◇我又可以係咁瞓覺豬呢♦・゚☆大家甜夢*❉´晚安呢

    回覆刪除
  16. 15號&16號•*我兩公婆約定好契仔一家
    &老朋友去離島玩兩日一夜・゚BBQ+陽光與海灘
    回到家...瞓左15小時...現在我都很疲倦...所以冇上網咋

    回覆刪除
    回覆
    1. 原來去左玩咁開心~~~~~嚇得我呀~~~

      刪除
  17. 嘩嘩啦...你好得呢...去玩要寫行程紙...好彩我不用寫既

    回覆刪除
  18. 半夜要係機場遛都幾慘,好彩你有伙伴,Bibi 果次自己一個半夜去到South Carolina ,我就鬼咁擔心啦。好彩機組人員知佢一個人飛地做intern,都好關照佢,仲俾佢入駕駛艙。到埗又有同事接佢,叫做安全上壘啦。

    回覆刪除
    回覆
    1. 真係好慘..因為真係好眼訓~
      華!!!咁d機組人員都幾好人喎~~~~

      刪除
  19. 嘩, 咁辛苦, 我真係搞唔掂, 年紀大, 真係唔得咁係機場過夜, 你地確係勁!!!

    回覆刪除
    回覆
    1. 其實我都有d頂唔順...真係好眼訓~~~~~~~~~~~~~

      刪除