2015年6月10日 星期三

快宅Quick House

噚晚約左Diana食飯嘛~又懶左一日~去試左間小炒~又幾好味喎~下次約七公子一齊去挑戰下先~仲要Diana個細佬整左熏蛋邀請我上佢地屋企食....實在係太客氣了~~~~~~~而且熏蛋的味道...好!好!食!!!!!!!!!!!!!謝謝你們的好客~仲有多謝你d手信呢~~~~~~~~~~~~~~~~今日遇到兩個好麻煩既客....真係前世好似欠左佢咁....好心收埋自己d脾氣係屋企啦........自己唔帶齊野又要發難...仲要以為自己高人一等.....真係頂佢唔順~



今日想介紹一間又好食又抵食既餐廳~叫快宅Quick House...地址:澳門龍嵩正街57-A(馬鴻記隔離幾個鋪位)...電話:6380 1028...每一次行可哥條龍嵩街既斜路都行到我扯哂蝦~~~~~~




我目測應該得20個座位以內....如果想食就真係要訂位了~可以睇到廚房入面~~~師傅想偷下懶都唔得添~




主要想推介下佢個$88精選套餐~~~~真係.....好抵~仲要個個禮拜轉餐牌.....我每次睇佢寫哥d菜名我都忍唔住好想再去食~~~(我覺得佢寫d菜名好吸引呀~~~~).....$88精選套餐有餐湯..主菜..甜品........份量不欺場~~所以我覺得好抵~





除左黑板哥個套餐之外....餐牌入面仲有一個貴貴少既$128精選套餐~野食同埋湯都同$88精選套餐唔同~甜品就一樣~




咁我去過3次~都食過佢好幾樣野~咁我寫番個小食評啦~




沙律:

煙三文魚沙律 $58(單點)....好抵~好好食~好大個~仲會問你想要咩汁~我地揀左橄欖油和黑醋~



湯類:

愛爾蘭蜆肉忌廉湯($128精選套餐內)......真係唔錯好飲...不過如果飲哂一個實在太漏~佢問我意見哥時我有講呢個湯太過creamy~~~~~仲有幾隻蜆肉係入面架~




藍青口忌廉湯($88精選套餐內)....係好味~但都係太漏~





黑松露野菌忌廉湯($88精選套餐內)....呢個好正!!!好香野菌味!!讚!




藍青口南瓜湯($88精選套餐內)..都唔錯~




花膠黑毛豬骨濃湯($128精選套餐內)..個名望落好正...亦真係有兩舊花膠~但係個味道唔知點解唔係幾討好~而且過咸~





細心位係每次飲餐湯都會跟包~而且仲要係蒜蓉包~好味~




主菜:

蒜片蜆肉欖油天使麵 $68(單點)......味道唔錯~有少少辣味~但咸度如果可以減一度就更好了~



龍蝦汁蝦肉天使麵($88精選套餐內)...好好味!!!!!超大個~~~而且蝦肉也特多~~~大隻又好味~唔怕霉~





紫蘇忌廉蝦肉配墨魚汁手制意粉($88精選套餐內)....不得不說.....極度出色~~~佢個墨魚汁手制意粉好好味~質地好好~~味道也佳~~佢d意粉真係唔錯~




莎樂美腸吉列豬卷($128精選套餐內)....麻麻~好像有點肥肥的~




特色非洲雞卷($88精選套餐內)....呢個就好過上面哥個豬卷~唔知係咪受埋個醬汁影響~辣辣地幾醒胃~




香煎豬肉眼配牛肝菌燒汁($88精選套餐內).....正!!我哥次食緊哥時仲同媽媽講:點解我覺得自己好似食緊牛扒咁正~




澳洲西冷牛扒配紅酒燒汁($128精選套餐內)....超!級!大!份!...我無預到$128可以咁大份!!!兩大塊!!(連我都話大喎)....而且味道也出乎意料之外~肉質不錯呢~而且都做到我地要既3成熟~靚~抵食~


又厚~又大塊~變態~



西班牙黑毛豬肋條配燒汁($128精選套餐內)....呢個又係推推推介!!!佢個燒汁堅正~~~~~而且豬肋條好juicy呀~~不怕鞋不怕乾~真心覺得好味~




如果你個餐唔係意粉哥d仲會跟飯或意粉~~好恐怖呀~~~




Pizza:

如果你係叫$128哥個精選套餐...仲可以加$40換個pizza~~~雖然pizza是小小的那種~但係仍然不錯吃~~餅底薄薄的~我喜歡的那種~~~黑松露菌醬巴馬臣芝士比薩~黑松露醬真係好香呀~~~~~~~




黑橄欖煙鴨胸比薩....唔知點解食唔出煙鴨胸味呢?大家以為在吃煙肉呢~~~wakakkkakaak~




甜品:

無論$88精選套餐還是$128精選套餐~選的甜品都是一樣的~...每日大約有3款選擇~~~~~~呢個北海道十勝紅豆綠茶慕絲....好好味~~~唔怕漏~~食到綠茶的點點澀味~不過略嫌哥次個慕士硬度不夠~但味道真的好味~



楊枝金露....唔錯~裏面有我喜歡的椰果呢~




雲呢拿布甸.....好味~~而且真的有雲呢拿籽~不是用香精油~





頂~~~仲有creme brulee~~~~唔錯~~~幾好味~~~

我真心覺得幾抵食~如果一個人食哂成個餐.....連我都飽到暈咁滯~~~~而且食物水準唔錯(但最好唔好叫咩卷哥d)....個墨魚汁手制意粉真係好好味~~~而且佢d豬肉眼呀豬肋條哥d真係好出色~~~~咁當然唔好同大餐廳比啦....$88同$128一個餐真係算做得好有誠意~我都幾鐘意食呢間~期待下次再去食~我下次想去試下佢d羊~因為我媽話都唔錯的~~~~~



前幾日番工時間無啦啦落好大雨...
有同事同我講:頭先落好大雨哥時...
我停埋左一邊等佢細雨d呀...
點知等左好耐無細雨到....
跟住我諗住等你行過遮埋我番工.....
********************************************
好彩你無等我咋~
我調左時間番工呀~~~
waakakkaakakka



2015/06/10的開心事:
我本身想講:好野~聽日星期五~
但諗諗下.....................原來明天星期四...
咁...要收番.......聽日先再講...
嗚嗚~~



報時:距離關西哈利波特之旅2015仲有---10日~
報時:距離冰島格陵蘭自由行之旅2015仲有---109日~
hehe~~~~
快d番埋下個禮拜工啦~~我好緊張喇~

22 則留言:

  1. 我這裡的醫院醫務所, 全都貼告示, 叫D人文明點, 任何粗言或暴力都不能接受, 隨時被檢控.

    你公司可以試下, 相當有效.

    回覆刪除
  2. 「今日遇到兩個好麻煩既客....真係前世好似欠左佢咁....好心收埋自己d脾氣係屋企啦........自己唔帶齊野又要發難...仲要以為自己高人一等」,這類人十分之多~~~~~~~~~
    看價錢並不吸引,但看完您的照片後,確是低!
    哈哈哈,好快就到星期五啦!

    回覆刪除
    回覆
    1. 真係唔知佢地想點...淨係唔想佢煩到我~
      哈哈~我自己鐘意食咋~
      快d~快d~

      刪除
  3. 嘩,點解你成日發掘到好野既~~睇落真係唔錯喎~~~佢啲擺碟好鬼靚~~~

    好多人講野都無乜禮貎。。。。而家又越黎越多人連周街大小二便都覺得無問題,好驚香港同澳門第時我地會住唔慣。。。。

    你仲有十日就去旅行喇~~~真係眨下眼你又要飛喇~~

    回覆刪除
    回覆
    1. 其實....呢間係我阿媽推介我黎食架~~~~~~~~wakakakaka~
      係呀....真係唔知依家咩世界....無哂野講...
      好緊張~~~但仲有一個禮拜工要番~

      刪除
  4. 好姊妹♦・゚✫晚安喇喂⊹☾.•*☁甜夢✬*¨★
    ♥・゚ღ・*♡你瞓醒就是快樂星期四❤。❉º❥・゚❣

    回覆刪除
  5. 好似唔錯喎,唔知等到我過澳門會唔會執咗呢?

    回覆刪除
    回覆
    1. 我見佢近排都幾好生意~希望唔會啦~

      刪除
  6. 係, 聽日係星期四咋, 灰
    以為自己高人一等o既人真係大把, 呢d先係井底蛙, 原諒佢地o既無知, 唔好激親自己
    好想試o個個紅豆綠茶慕絲, 夜晚睇食評真係特別餓呀 >.<

    回覆刪除
    回覆
    1. 點解大家都覺得星期四係星期丕既...灰...
      真係好多...今日又遇到一大堆~~
      我都成日睇人地d食評都好肚餓......但我係依完飯睇都好肚餓~

      刪除
  7. 真係幾抵食喎唔怪得去咁多次....
    希望D煩客早早遠離你^^

    回覆刪除
    回覆
    1. 都ok呀~幾抵~又好食~我覺得ok~
      多謝~

      刪除
  8. 呢間地點幾方便,啲湯睇樣幾唔錯
    哈利波波之旅有咩團友可唔可以介紹吓?

    回覆刪除
    回覆
    1. 你都識去?
      到時你咪知囉~睇fb啦~

      刪除
    2. 一睇地圖就識行去啦.
      很心急睇呢

      刪除
  9. 薰蛋大愛呀 我好愛薰的食物, :-p
    快宅唔錯喎, 好想食豬扒同牛扒!!
    你就好啦, 又去旅行嘞, 我都好想去......

    回覆刪除
    回覆
    1. 真係真係整得好好食!!!!好香茶味~~~好好味~~~又流心喎~不得了~~
      我都好想再去食~~
      喂..朋友..你岩岩先去完喎~

      刪除
  10. 3成熟......依......好生呀)))))

    用雲呢拿籽是有誠意的做法

    回覆刪除
  11. 呢間食肆啲水準好似幾得喎!

    回覆刪除
  12. D食物賣相都幾唔錯喎,平平地,可以食多幾次。

    回覆刪除