2015年6月4日 星期四

帶你參觀Simpsons大宅~

攰攰~攰攰~好攰攰~不過呢~~唔經唔覺~咁又聽日到星五喇~~~真係好想快d到聽日既6點呢~~~~聽晚約左公子飯聚~~好緊張~~~又要血吃了~~~~~~~~~~~~~(但荷包還是吉吉如也~)



wow~仲記唔記得毛寶舊年收到公子呢樣生日禮物呢~




本身有人話連盒都唔開喎~等佢升值喎......然後發現好似d人炒燶iPhone咁....玩具鋪將個價錢越賣越平....所以最後都係忍唔住開黎砌喇~~~;目....噢!我第一次砌咁大型的Lego呢!!!原來會分開一細包一細包咁樣逐部份有圖示教你砌的...我依家先知係咪好老土?




將同一part既小包分開之後.....我地好強迫症地將顏色分類好~~~~~仲要唔同形狀都分好~~其實咁樣易砌好多~~





原來一開始就砌佢地個廳呀~~華下......d地磚既用色好大膽咁喎(其實可以講係好醜既配色....但係又好simpsons~)




0我~~~原來哥度係廚房黎既~~~~~(但d色都唔好咁醜架~~)...仲有呀..呢個唔係男主人黎架...佢係鄰居黎架咋~~





個廳仲有個鋼琴....但係個鋼琴係不能貼實牆身的....會反起的...實在敗筆~(係呢.....Simpson全家邊個識彈鋼琴架?)




砌左一半屋既外殼~




仲要有車房~~~~架粉紅色車幾型仔我覺得!!!!同埋覺得佢d小配件好精細~~~有時完全諗唔到咁樣用Lego砌下砌下就會變成某樣野~唔怪得玩Lego可以令人激發創意~我細個玩得少...唔怪得我創造力咁低~





條樓梯d色真係一絕~~~~~最憎呢種紫色~~~~張梳化好熟悉呀~~




50%完成~~~~咁岩線哥兩part既公仔係鄰居加Marge....個感覺好亂輪feel




到樓上部份啦~~~~廁所~~~手龍頭哥d好搞野~~~




homer同marge間房...張床d色真係醜得過份~~~wakakaka~

仲有bb床~~~~



Lisa間房望落好正常




但由另一角度影過去....好醜呀塊鏡~~~~笑暈我喇~~~




Bart間房我認為係全屋最最最靚的!!!床頭燈好得意~




二樓橫切面圖~




羅馬非一天建造....花了幾個星期日~~砌好了~~~~~~





呢套真係幾出色~~~~同埋砌完之後發覺砌Lego真係幾好玩~~~~~~~(但重點是...砌完無咁多地方擺...................)







2015/06/04的開心事:
呀~今日無啦啦chlo子番晏喎~
哈哈~~我地又三神合體~



報時:距離關西哈利波特之旅2015仲有---16日~
報時:距離冰島格陵蘭自由行之旅2015仲有---115日~
兩個禮拜多少少咋~~~~~~~
好緊張呀~~~~~~~

35 則留言:

  1. 三神合體!愛愛!
    原來係一小包一小包架~我個鄉下茅泥d野,我唔識哥磨.
    我細個都得幾合。。我唸十隻手指數得晒~~但係都可以玩完又玩~有幾舊我好中意~其中一舊係一po無椰子嘅椰子樹~~哥樹幹係一節一節砌~可以屈左屈右~好好玩~~~~~^^

    回覆刪除
    回覆
    1. 哈哈~~~我以前細個淨係玩過一桶桶哥d無主題既lego~~~
      0我~~~咁你細個一定好珍惜棵樹喇~~~~

      刪除
  2. 三神合體!愛愛!
    原來係一小包一小包架~我個鄉下茅泥d野,我唔識哥磨.
    我細個都得幾合。。我唸十隻手指數得晒~~但係都可以玩完又玩~有幾舊我好中意~其中一舊係一po無椰子嘅椰子樹~~哥樹幹係一節一節砌~可以屈左屈右~好好玩~~~~~^^

    回覆刪除
  3. 話咁快又一天囉.*☾.•Tiffany Lei瞓覺豬了

    回覆刪除
  4. 回覆
    1. 我第一次砌咁大舊的lego~原來幾好玩~

      刪除
  5. 距離關西哈利波特之旅2015仲有---16日.........咋

    回覆刪除
  6. 咁快妳又去旅行啦~~~小心妳身體呀,唔係又去旅行前發病喎

    回覆刪除
  7. 我細時D LEGO好貴, 邊有得玩咁大的LEGO, 頂多百餘件的

    回覆刪除
    回覆
    1. 哈哈~~~我以前細個淨係玩過一桶桶哥d無主題既lego~~~

      刪除
  8. 強迫症................哈哈
    睇住成個過程,都感覺到好好玩
    折散佢,一年砌一次^^就唔怕會位放

    回覆刪除
    回覆
    1. 唔得啦~~~~我覺得拆散佢才是最辛苦的~~~~~~

      刪除
  9. 荷包還是吉吉如也?還沒有出糧?
    炒燶Lego,講得好搞笑~~~~~~
    唔老土,我未砌過Lego添!simpsons間屋幾得意。
    快D預備旅行D嘢囉,哈哈哈

    回覆刪除
    回覆
    1. 未出之餘..又未有提款卡~
      哈哈~~~
      係呀我都覺得幾得意~
      有呀準備緊啦~

      刪除
  10. 好正喎, 我都好鐘意LEGO架~~~不過屋企無位放喇~~
    你影得超好呀, 超級得意呀~~睇相都好過癮~

    回覆刪除
    回覆
    1. 係啦~~~砌完好大舊~~唔知放邊~好想買新的砌~但無位放真係令人卻步~
      哈哈~~~影左幾個星期日架喇~

      刪除
  11. 切出嚟都幾壯觀,要好好心機......細個鍾意去八佰伴有張枱放幾副俾小朋友任切

    回覆刪除
    回覆
    1. 點解唔見你提"製作人們"嘅?

      刪除
    2. 係喎~~~你唔講都唔記得800有d咁既野~~

      刪除
    3. 因為我根本未睇..想睇哥時個寬頻又唔生性

      刪除
    4. 做咁耐都未睇係咪又變咗心啦花心鬼?

      刪除
  12. 裝修關係,我剛送晒啲lego俾人。

    回覆刪除
    回覆
    1. 下~~~~~~唔緊要啦~咁遲d咪有位可以買過d新既黎砌囉~~~~

      刪除
  13. 唔老土呀, 因為我都唔知係咁樣分法架, 冇砌過咁大型o既lego呀, 簡直係偉大工程, 應該好有成功感!

    回覆刪除
    回覆
    1. 哈哈~~~我以前細個淨係玩過一桶桶哥d無主題既lego~~~
      好好玩呀真係~

      刪除
  14. 間屋好可愛呀, 我最鍾意啲 miniatures, 顏色仲要咁爆, 正!!!
    哈, 如果我玩 Lego, 我會跟足佢個樣 (都有啲似強迫症), 唔會識創造啲嘢出嚟囉 :-p

    回覆刪除
    回覆
    1. d色真係大膽到無人有~~~~
      係啦...我都係咁.....

      刪除