2015年6月11日 星期四

Lemon Lemon Cafe

今日一起身....又以為今日係星期五~~頂~~~點解星期四會咁似星期五既?????之前我刷牙...牙膏係用高xx...點知前排賣報紙又話有致癌物質(呢個世界真係刷個牙都會死...).....所以轉左做咩咩b哥隻......我開左直接刷...無望係咩系列(因為我媽買).....點知一刷.....wow......隻味我從來未係任何牙膏試過既......望下支牙膏....係"清"檸薄荷味......但係其實我成個口都係香茅味.....野~~~好正呀~~~晨早好似飲緊香芽特飲咁~~~~~~你地都黎試下~~~~~(牙膏我都可以講一餐....)



前排去試左呢間有朋友說不錯的cafe.....叫Lemon Lemon Cafe...地址:家辣堂街5號德新大廈地下H座.....電話:2837 1317.....對呢條巷我以前係相當熟悉...因為....呢條巷係我中學附近...以前早餐有好好味的油麵買!!!!相信同我讀同一中學的人一定會知~~~~~~~~(而且我地形容呢條巷會叫:油麵條巷....或者秋霖條巷<--秋霖係我地哥個年代紅極一時的補習社).....招牌完全係英國的underground模樣呢~店主一係好鐘意英國...一係就係英國番黎(估咋)
外表就100分喇




行到入去..得20個座位左右....哥日去到一點左右...但唔算人多~





裝修也是誇啦啦~入到黎都覺得幾舒服既~不過同旁邊既位有d近啦...但都無計架喇....d鋪租貴~梗係擺多d位先啦~




有一排櫈向街~好似外國d cafe咁~~不過望出去....個景有d扣分~同埋如果有人等位...我坐呢度會覺得好尷尬~




當時我係一月去試....唔知係咪仲係試業中...所以餐牌係由幾張紙組成.....選擇唔算多....咁我地兩個去食~每人叫左一個餐食...望價錢都算抵既...因為有飲品...湯...同埋主食....我就叫左個飯既套餐$68....香濃特色咖哩雞飯......er.....雞..得三舊...不過食完之後就覺得3舊都嫌多........個汁岩岩第一啖食ok既~不過食落之後越食越辣....(但我算係食得辣喇喎).....蘿蔔好味~




我叫左檸檬黑糖薑茶...單點$35...跟餐叫加$7.....飲品好味~飲落喉嚨後覺得好舒服~唔係死甜~




餐湯係南瓜湯...一般cafe都係呢款湯...簡單易整...但我覺得呢度有點稀稀的...而且.......連飯都出埋後....我問佢先攞出黎.....




毛寶叫左個意粉餐...$68....係白汁檸檬蜆肉意粉.........見到個名覺得新鮮~又白汁又檸檬~點知一出到黎...我同毛寶都o左咀.....原來...你只係放舊檸檬係旁邊.......................我以為你係白汁入面融入左檸檬香味......如果你咁放係旁邊...同放係燒沙甸魚旁邊的檸檬有咩分別???...起碼人地唔會叫做檸檬燒沙甸魚吧?....定係呢個係英國既特色意粉???一入口.....那種忌廉既漏係令我倆打哂冷震.........................可以用可怕黎形容.................................................................超勁恐怖...我地從來都未食過咁漏既白汁意粉.......我平時就算唔好食既野我都會盡量食哂佢唔想浪費....但係...呢個意粉..我係一啖都唔想再放入口....覺得食多一口好似會塞心肝危害健康....以為我倆口味奇突....點知望隔離枱有個姨姨一個人黎都係點左呢個.....佢又係食左兩啖成個無食.....就知有幾恐怖....(純屬個人口味)




毛寶的紅棗黑糖薑茶...單點$35...跟餐叫加$7....飲品類絕對正常




Lemon Lemon雞翼 $28.....寫明係推介....用自製的黑檸檬醬整......價錢還好....但雞翼係鞋到..................我搵唔到一個終極形容詞....不過起碼佢今次個汁真係有少少酸酸的檸檬味在其中(旁邊再有一舊檸檬....如果對自己個黑檸檬醬有信心應該不需要吧?)....但毛寶都係一句:個汁我覺得唔好味喎.....所以我迫住不浪費的情況下...食左3隻

總結:飲品唔錯...而且幾大杯......但d野食我覺得伏得不能再伏.....................如果佢見到有兩枱d意粉食淨咁多既情況下問我意見...我當時係諗住毫無保留咁將我既食後感講出..可惜佢無咁做......呢間....我係....唔會........再去的......眼見身邊朋友同事都有去同埋話抵食好食....可能係我哥次廚房出亂子吧~~~~早知叫三文治食啦.......澳門d cafe真係.....(好喇..為防止中伏...唔好再去cafe喇好嗎?)





2015/06/11的開心事:
5點3之前一遍歌舞昇平........
5點3後d人又開始湧黎....
唔明點解永遠唔可以準時.......
感激下午陪在我身邊的是你*3*



報時:距離關西哈利波特之旅2015仲有---9日~
報時:距離冰島格陵蘭自由行之旅2015仲有---108日~
oh my骨!!!!!!單位數喇單位數喇!!!!
日盼夜盼!!!!!!!!!
我終於有得去旅行喇~~~~~~~~~
今年第二次攞假去旅行~~~
祈求一切順利!!

31 則留言:

  1. 算啦好多餐廳都係食裝修~~~嘢食麻麻地

    回覆刪除
  2. 回覆
    1. wow~你都係我同鄉喎~~~~~
      我以前都係叫兩蚊架~~~發左達先叫3蚊~~好懷念~

      刪除
  3. 能夠把雞翼熟到鞋,是高手呀~~
    門面唔錯,幾吸引,但.....食物需要努力

    回覆刪除
    回覆
    1. 真係好鞋~好勁~
      唉~我唔會再去食~佢點努力都好~

      刪除
  4. 其實把西人的RECIPE, 直搬番來, 真係會奶野的.

    回覆刪除
    回覆
    1. 但係佢真係好難食...咁佢搬過黎都要自己試下味先得架~~~

      刪除
  5. 唉~~回憶呀~~檔油麵無咗啦!!
    我小三歌陣去買,小四就唔見咗啦T口T
    我聽聞呢間CAFE好貴,但睇落又唔算貴喎@_@

    回覆刪除
    回覆
    1. 我都超懷念呢!!!!!
      下~~~~原來佢無左咁耐架喇~~~~不過我高中哥時已經無得再食~~~
      貴又唔算好貴..但係唔好食係致命傷~

      刪除
  6. 話咁快就有九日就出發,一定好心急啦﹗

    回覆刪除
  7. 澳門飲食業競爭大,如果難食應該好快會執吧?

    回覆刪除
    回覆
    1. 咁我又唔會望佢執咁衰既..但係我唔會再去幫襯~~~

      刪除
  8. 刷個牙都會死?好似話食飯都會死添!
    您讀那一間中學的呢?我在小說「半月灣亅中要有一間好舊的教會中學為背景。
    咖啡館很有特色!檸檬黑糖薑茶正!不過我唔會去試,哈哈哈 ......

    回覆刪除
    回覆
    1. 唉~依家就係咁~
      我哥間就係一間好舊的教會中學為背景....就係聖羅撒女子中學中文部喇~我地校園超靚的~
      得野飲ok~

      刪除
    2. 聖羅撒女子中學,背景好似,可以成為小說中那四位女主角早期的背景。有機會我會去參觀感受。
      謝謝您!

      刪除
  9. 牙膏好介紹,一定會試吓.
    我封左你做旅遊天使喇,話明係angel,梗會一切順利啦!

    回覆刪除
    回覆
    1. 哈哈~~唔知你會唔會覺得好味呢~
      真係架~~多謝~~~~

      刪除
  10. 好友☼`*☁早晨&午安喇喂☀º❉
    話咁快又一天¤`。♦快樂星期五

    回覆刪除
    回覆
    1. 哈哈~~快樂星期五後又到痛苦星期一~~~

      刪除
  11. 啲食物算係穩陣嘢唔易整得難食都中伏,永久黑名單唔值得俾多次機會啦......

    回覆刪除
  12. 市面上食店參差錯落
    如簡單車仔麵在北帝街某店就想不到的差
    他們單選牛腩是十二元但竟給客人一粒
    妳話離譜唔離譜

    回覆刪除
    回覆
    1. 呢間實在差得離譜~~~~
      一粒?!?!?!?!?!?!好過份!!!!!!!
      我一定唔會再去食!!!

      刪除