2015年6月16日 星期二

一鍋風

wow~wow~~雖然今日下午好多樣麻煩野一齊黎~但我還是下班了~~繁忙的工作日~無咩好提及~淨係有兩個老人家一入黎就大叫:你好呀靚仔~~~~~~然後我也回應:你好呀~不過我係靚女呀~.....算有些特別事嗎~~~~~~~



今日到講前排引起某兩個澳門FB美食團爆發網友罵戰的一鍋風~(有很多人表示睇d罵戰留言剝到成地花生殼)...地址:澳門哪咤巷14及16號昌華苑地下B座...電話:2835 5478.....我地第一次去哥時還在試業中~連招牌塊紅紙都未搣~d座位你係圖中一眼見哂....就得你所望到既地方咁多~大約得14個位~想食既話就最好要訂位了~




係咪聽個名就知打邊爐呢~呢間鋪頭採取一人一鍋既打邊爐形式~~而且呢佢d打邊爐既料都係以一人份為基本..咁樣大家就可以試到多d野食啦~




調味醬料就有好幾種既~可以調岩自己既口味~~




一人一爐頭~自己鐘意咩湯咩料都得~醬料就算有10種定100種我都係落一樣架喇~就係豉油辣椒粒同大量芫茜~~~~正~




佢有d湯底有d都幾特別的~呢個係台式蕃茄湯 $68(內有蔬菜盤+豚肉三片)...全部餐如果要轉肥牛要另加$15(我勸大家唔好轉牛喇...因為佢d肥牛好一般豚肉反而不錯吃~).....一望就知唔會夠飽啦~不話一飲啖湯....wow~飲得出唔係平時d邊爐口渴湯底~~~有自家煲的味道~




呢個係我既all time favourite~有營素菇湯 $68(內有蔬菜盤+豚肉三片).....超級好味的湯底~~~




佢呢個菇湯真係不得了~~~~佢一滾起我就要先飲好幾啖湯~~~超香的菇味~有時個湯入面仲會有幾條菇~~(其實我真係好鐘意食菇~)




有一次叫左日式木魚花昆布湯...朗公子好鐘意~我就覺得淡左d~




另叫的邊爐配料~火山芝士丸(3件) $15.....難食~芝士丸一咬...唔係流心既....實的的既....而且隻味唔討好...叫過一次無再叫~




墨魚滑 $20.....這個還好~不過是不能和乳豬海鮮煲哥度比的~價錢算唔貴啦~




山水豆腐(4件) $12




呢個餐牌內無的...鮮甜象拔蚌仔(二人前) $68...咁平價就預左佢唔會好大條~不過勝在兩個人打邊爐都食到象拔蚌而且食得出係新鮮的我覺得唔錯~而且都有好多片~




這個也是out of menu~九孔鮮鮑魚(1隻) $28




算係咁~都幾大隻~而且鮮美~




廣島珍珠蠔(3隻) $28.....我覺得好好味~~~~唔知點解佢d蠔真係唔錯~~雖然明知就係急凍貨.....但食落真係好好味~~~而且隻隻個肚都脹卜卜~次次去都係叫兩份~~~~~第一次黎的很脹卜卜....第二次來的...更脹卜卜~~~~






蟹味菇 $12......好味~~同我個菇湯好襯呀嘛~




前排仲要有打卡送烏冬/汽水優惠~可惜依家淨係得中午先有~食到最後加烏冬落去順便飲哂成個湯...真係好正~




呢張單係兩個人第一次去食.....其實幾貴架....每人$221.....我去食過好幾次......因為最近無左鮑魚同象拔蚌叫...所以近幾次去食回落到每人大約$150......我講真....平就真係唔輪到佢.......但唔可以將佢同任食哥d比......真心講.....佢d料其實係完全唔特別...吸引我既原因只得一個...就係佢個湯底!!想唔想去試....或者覺得抵唔抵就係個人觀感.....我就覺得貴架喇...但係又鐘意飲佢個湯~因為食完之後都唔怕口渴哥下難能可貴~都明白小店經營辛苦~租金貴~

頭哥幾次去加湯加得超密又多...但近一兩次去要叫佢先加...同埋加得好少.......因為佢係我心中就係湯底大於一切....如果佢有限制加湯~我諗我唔會再去~





2015/06/16的開心事:
窮的人最開心的事...
莫過於出糧了~~~~~~~~~~~~~~~~~~~



報時:距離關西哈利波特之旅2015仲有---4日~
報時:距離冰島格陵蘭自由行之旅2015仲有---103日~
噚晚已經開始洗下d樽仔入野去用~
今晚開始打開個gip假執d野入去先~~~

25 則留言:

  1. 好友☼¤´*⊹ ♦黃昏好☀・゚º。☁
    未出發先興奮呀...哈哈哈

    回覆刪除
  2. 就快出發囉喎,真興奮^^
    打邊爐湯底最重要

    回覆刪除
    回覆
    1. 係呀~~~我一放工就自high中~~~希望快d過埋呢兩個工作日啦~~~
      真係好好飲~

      刪除
  3. 「淨係有兩個老人家一入黎就大叫:你好呀靚仔~~~~~~然後我也回應:你好呀~不過我係靚女呀~.....」,您剪了那一個髮型,加上老人家眼睛退化了,算了吧!一個「靚」字,就應該開心啦,哈哈哈~~~~~~~
    一鍋風不是太吸引我。
    出糧了,可以安心去玩啦!

    回覆刪除
    回覆
    1. 其實無咩所謂既~我又係頭髮剪太短既~~
      都唔奇架~未必個個人岩食~
      哈哈~糧頭同糧尾可以係同一日架~

      刪除
  4. 睇相都幾吸引。咦,你就快去關西Harry potter之旅,玩得開心d喇。

    回覆刪除
    回覆
    1. 料就一般啦~但湯底真係唔錯既~
      好緊張呀~~~~就出發~~

      刪除
  5. 都幾貴喎,但妳鐘意湯底冇計~~~~
    妳都叫窮,咁我咪....

    回覆刪除
    回覆
    1. 係呀~d湯好好飲~~
      我依家係大窮...你叫細窮~

      刪除
  6. 睇過,邊忽靚吖陸永?
    雖然好似衛生又企理又咩又盛,但好唔鍾意一人一爐!

    回覆刪除
    回覆
    1. 我絕對覺得我眼耳口鼻加埋係算正常樣唔係樣衰哥隻..呢個我幾有自信......至於靚唔靚就見人見智....你唔覺靚唔代表唔會有人覺得靚
      我鐘意咪得囉

      刪除
    2. 我覺得靚喎,我嗰句係神仙b對白嚟

      刪除
  7. 只要你諗下食四正d既西餐要五百幾,勁d既中餐同自助餐都要幾舊水, 咁你就唔覺呢度貴架啦。

    回覆刪除
  8. 回覆
    1. 篇野係話關於家長帶小朋友黎食野...因為一人一鍋...佢地3大3細...淨係叫左3個鍋....然後店員同佢講下次唔好咁喇(因為佢地好小位..佢坐左6個位但要左3個鍋)...佢覺得呢間野唔歡迎小朋友同埋好無禮貌...大約係咁~跟住佢將件事放上網....分別兩個唔同既美食谷..有人幫佢亦有人鬧到佢飛起.....大約都係咁~不過兩邊都del左post~

      刪除
    2. 其實, 有風不好駛盡利, 有權利也要體會人家做生意的難處, 3大3小, 就叫4個餐囉.

      刪除
  9. 睇到我好想去打邊爐添, 引死人嘞!
    菇, 我也是大愛, yeah!!!
    好快出發啦, 唔捨得你喎, wakaka

    回覆刪除
    回覆
    1. 其實我都好鐘意打邊爐~好味~
      yeah~~~俾個5我~~~~
      姐只是去一會會兒~很快回~

      刪除
  10. 以為得一份咁少,原來加左咁多野食......好擦得呀~

    回覆刪除
  11. 未試過一人一鍋打邊爐...

    回覆刪除
  12. 睇到你個POST。。。。我今晚都想打邊爐添~

    回覆刪除