2015年6月8日 星期一

朗公子生日會2015@泰皇宮

今日...無咩特別~順利的渡過了一個工作天~~~由於上個禮拜已經plan好個行程~所以周末都在行Google Map....讓眼睛比雙腳更早出發~應該差不多準備好了~好期待呀~~~~我要食好多野呀~~~~~~~~~~~~~仲有呢個禮拜我去睇左"加州大地震"(San Andreas).....劇情雖然一早就估到...邊d人會死...邊d人會生存~但係就係差唔多兩個鐘都無停過幾緊張~~~$70都算睇得開開心心~(其實我咁就夠架喇~).....但重點係...我番屋企睇時....發現演員名單上有Kylie Minogue喎.................佢係幾時出現過?????????毛寶說:佢係咪The Rock個前妻個現任男友個家姐呀?(wow~毛寶你好勁呀~)



好喇好喇~講到公子今年第一個生日會喇~~就係我地既朗公子喇~~~~~生日飯地點係泰皇宮~~~~(就係哥間令公子叫左18樣野食既地方~~~~~~)...地址:澳門新馬路十月初五街(唔知幾多號鋪....佢fb都無寫...總之係舊金碧向16蒲方向行後一條街就係)..........電話:6688 7479...佢以前個鋪位好似係隔離的....裝修好舊....但依家搬前左幾個鋪位~大d又光猛d~~~~~~(事實上今日出呢篇blog...我地上個禮拜五都有再去食過~~~)







好喇~到食物介紹......(呢度係集合左大約4次既野食呀~第一次去6個公子叫左14個餸...第二次去6個公子叫左17個餸.....但係無野淨喎...................血吃既榜樣)




桂圓龍眼冰 $22.....我係不能自拔的喜歡飲呢種飲品~~(我係每一次去都有叫....視乎係叫一杯定兩杯咁解)




醃螄蚶 $50......好好好好好呀!!!!!螄蚶我真係食得多喇~但我真係第一次食醃螄蚶!!!超大隻的...好厚肉....其實我好驚食咁大隻架..但係佢哥d唔怕老...仲要鬼死咁好食!!!!正!!而且價錢唔貴~推介~




醃花甲 $68....個汁既味道其實同螄蚶一樣...但係當你食過醃螄蚶既話.....係已經對花甲無興趣的~




醃生蝦 $70.......望望下又幾貴喎.....$70連10隻都無




醃雞腳 $45......都幾多下~呢個價我又覺得好抵食~~~不過對呢味無咩特別印象...相信一般般~




醃粉絲 $53......咦~點解粉絲會貴過雞腳既..........一般~





醃鮑魚片 $58....都幾多塊~第一次食醃鮑魚假鮑片~原來都幾好味~~~



冬蔭功湯(小) $53........唔知點解叫個細既過下口癮都可以大到咁~~~~~~~唔錯喎~~~好耐未試過飲到個咁實惠又好味既冬蔭功湯~~(好彩無叫大的)




炸皮蛋 $58......幾好味~但係呢~6個人我覺得有d過多呢個份量~~~




芥蘭炒咸魚 $53......好味~~~~食泰菜時我好鐘意食呢道~但唔係度度都整得好食~一係無咩咸魚香味一係就個汁太水流流~呢度剛好~




燒豬頸肉 $55.......好味~燒得唔怕乾~個汁好食~




醃炸通菜 $75.........這是我在澳門吃過最好吃的醃通菜~~~夠哂大堆頭~而且第一次食到上面會放隻蛋~整穿隻蛋等蛋黃流入炸通菜~一絕~個汁又係好夾~二絕~推介~




綠咖哩雞肉 $53......好味~個汁好味到有公子要叫飯黎撈~正~價錢也很合理~




沙爹雞串(6串) $55......wow....係6大串呢~重點是唔怕乾唔怕鞋~而且點沙爹個汁呢唔係傳統既有點點既花生醬味加少少辣味....而係清新的甜酸味~黃黃地色架幾開胃~(忘了影個汁~)




青檸鐵板鱈魚 $148....呢個算係貴餸啦~~~~不過都算係幾大塊下~之前毛寶食過推介話好好食~但係呢次食佢就話呢次乾左d~~~但我都覺得唔錯~




炸蝦餅(五件) $60.....好味!!....但另外有一個炸芝心蝦餅 $70..就千祈唔好叫....中左伏....同淨炸蝦餅個反差太大~




炸蝦薄餅 $53...好味~




粉絲焗蝦煲 $75......我唯一不推介的....因為我覺得隻味有d腥.....而且有d怪....蝦肉梅梅的...不過有公子食得津津有味架....口味呢家野真係奇怪~




菠蘿焗飯(全個) $78.......呢個有公子大愛架~話好好味~而且也挺大個~




泰式炒貴刁 $43......又係一大碟~味道也隹~飽肚之選~




椰青焗飯 $72...又係一大個~~~變態~~~~個飯真係吸收椰青d味~~~~超清香~~~~正~~




海南雞飯(例) $50......呢個係最細既size!!!!!!超都勁大個~~我地7個人每人都分到好幾啖飯~~~飯好味!!!!雞雖然不是新加坡那種滑滑的~~但也很不錯~我地上個禮拜五去食哥時..食完一個飯後隨即有人話:不如叫多個囉~~~~~~(瘋女孩)




芒果糯米飯 $48......椰汁也太多了吧~~不過味道都ok既~




原個椰青大菜榚 $43......哈哈~其實我都好鐘意食呢個甜品~貪佢清清地嘛~




血吃公子帥帥的~






喂~唔好掛住食啦~要記得呢晚既主題呀~~~~~今年朗公子壽宴個蛋糕對聯比賽....個冠軍係......佢揀番佢自己哥個對聯......................喂...好喇喎...個比賽評判舞弊既...自己攞埋冠軍.........我無得4連冠喇...嗚嗚...






佢係米老屎控.....多數見佢都係米老屎衫~好啦~大家一齊大聲唸:祝朗仔廿九~要咩都有~~~(大聲d)




喂...下年奔三個主題你唔好再舞弊喇...要俾番d機俾公子先得架




公子仝人祝你:身體健康~




又點少得"就是你"




毛寶係大會既生日卡美術指導...佢畫朗公子張生日卡係連佢家姐都一睇就問:呢個朗黎架?.......好好笑好恐怖~~~~




唔知點解我真係好想擺呢張相出黎...因為哥晚有個話題講起某人.....然後大家就話要影一張講起某人就有既表情...結果大家就係呢個樣~~~~~唔知有無公子記得我地講緊邊個人呢~(其實我地影相既主題真係幾無聊~~~~~~~)




杯公子因事未能出席~朗~要幫佢補番張合照先~~~~(笑了)




俾大家見識下公子食飯........條單係要咁長先似樣既(無野食淨的)...咁多野先每人$200......呢間泰皇宮真係好抵又好食~公子都食左最少4次了~(上個禮拜五食哥次...我地7個人...叫左...11杯飲品...............................................)







呀~重有試左新開的The Ritz-Carlton Cafe

不過.....我覺得......
唔係唔好食....但係幾貴囉~~~~~
侍應好有禮貌....但係非常甩漏
如果佢係一間普通既cafe....咁就可以體諒下既..
但係.....係酒店入面既cafe喎............
跟住番屋企睇番自己食過咩....
先發現.......個set個餐牌明明係寫食某一樣野..
但佢俾左另一樣野我地....仲要無同我地講換左..
我.....真係好想提早出呢篇blog講下呢間野
嬲!!!!



2015/06/08的開心事:

好開心~~~本身係等3日就到既野...
我等左兩個幾禮拜終於等到喇~~~~~~~
最衰都係澳門郵局.....辦事不力....
等我同kapo baby驚左咁耐!!!
唔該哂kapo baby寄俾我呀~~~
我可以去旅行用喇~~~~~*3*
影靚相靠哂佢~



報時:距離關西哈利波特之旅2015仲有---12日~

報時:距離冰島格陵蘭自由行之旅2015仲有---111日~
wow~唔夠兩個禮拜了~~~~~~
準備好了沒~~~~~~~

38 則留言:

  1. 6個公子叫左17個餸?超誇張囉,哈哈哈~~~~~~
    醃螄蚶、醃鮑魚片、炸皮蛋、芥蘭炒咸魚、燒豬頸肉、綠咖哩雞肉、青檸鐵板鱈魚、菠蘿焗飯、泰式炒貴刁、椰青焗飯、海南雞飯,樣樣都想試!
    12日後玩得開心D啦!現在甚麼不開心事也不要理呢!

    回覆刪除
    回覆
    1. 哈哈~我地傻架~
      我依家又好想食喇~~~
      唉~唔開心事太多~還是隨心吧~

      刪除
  2. 嘩,唔計嘢飲,有成17隻嘢食.............之後仲食埋蛋糕.............佩服佩服^^
    又勁抵喎,每人二佰蚊!!!!!!!!!!!!
    張生日咭靚到我以為係買的......毛寶好勁呀
    雖然呢個blog你先係主人,但係我一定要讚下毛寶,每次有毛寶嘅相都係佢最搶鏡同最鬼馬
    好喇好喇,讚下你啦,你都好有少女味!!!!!!!!!!!!!1

    回覆刪除
    回覆
    1. 哈哈~~食蛋糕哥次應該係14樣je~~唔好驚~~乖~~~
      係呀~好勁食架佢哥度d野~~~
      毛寶是美術達人~
      咁咪好囉~我地要各有不同架嘛~~~~~

      刪除
  3. 次次見到你D螄蚶,我就好羨慕呀))))))
    哩間掂呀~~~樣樣都睇得又食得
    你地好似叫晒成間鋪既餸

    回覆刪除
    回覆
    1. 係呀~真係幾好食~真心唔錯~
      堅係平~好抵食~
      其實仲有好多餸我地仲未叫過黎食~

      刪除
  4. 我地唸起邊個咁嘅樣?我唔記得左丫。。。/~"~)<)((''<&#( ´,♡?'#鳴鳴~~

    回覆刪除
  5. 今天Google又傻傻更更...我想出新文章都唔得呢
    好友★・゚´*♦晚安囉・゚☾✬´*今晚餐餸菜剛買左呢.• ☁

    回覆刪除
  6. 你要講埋今日重新寄左一個 hahaa
    夾都冇咁橋 hahaha

    回覆刪除
    回覆
    1. wakakkakakak~呢件事真係好搞笑~~
      呢樣又成為我地之後的回憶~

      刪除
  7. 好似欠一個公子喎~~~
    螄蚶我鐘意食呀~~~
    我好大食呀叫咁多餸~~~唔怪之得妳咁..............

    回覆刪除
    回覆
    1. 應該係妳好大食呀叫咁多餸~~~唔怪之得妳咁..............

      刪除
    2. 係呀佢唔得閒黎嘛~
      我都鐘意食呀好味~

      刪除
    3. 咁唔係淨係我食架嘛~

      刪除
  8. 你介紹的這間泰國餐廳真係好吸引 好味又抵食 連我唔係成日食泰餐嘅都想試吓 ^^
    仲有12日就去關西玩啦 真開心!!!!! 今次會玩幾耐呀?

    回覆刪除
    回覆
    1. 真係好正~我好鐘意食~
      好緊張呀~我地今次去8天~

      刪除
  9. 任何餐館貨不對板, 一定要係BLOG上講下, 等其他人知道.

    其實, 朗公子揀番佢自己個生日對聯, 都有道理咖, 29歲, 唔好講女仔, 我係男人果個歲數, 我都會想"要乜有乜", 要女朋友有女朋友, 要加薪升職有加薪升職, 要老婆有老婆, 要生仔有生仔. 這個人之常情.

    我現在唔望咁多, 只希望快D上岸唔洗再做, 咁就好了.

    回覆刪除
    回覆
    1. 我要整理下先~d相未整過~
      哈哈~~我地其實祝佢都差唔多je~~~~~~~~~
      你就快得啦~

      刪除
  10. 點解你班公子食極都唔肥嘅?

    回覆刪除
  11. 祝"朗仔廿九,要乜都有"))))))))))))))))))))))))))))同以往比係平淡咗,但慌唔係今年你哋嘅參賽作品都玩粗口諧音咩?不如宇文公子講講你句落選對聯讓大家評評.
    成日行嗰頭都唔見有間咁嘅嘢......泰國嘢我麻麻,係對嗰三樣飯有興趣,咖喱汁撈飯諗起都想食,椰青飯有新意,海南雞飯真係咁q大碟?
    你哋啲主題相好搞鬼,嗰個人六位公子都識而又評價一致係咩樣,應該係極品.呢次幅"就是你"唔chok反而鬼鬼馬馬咁幾有趣.
    生日卡雖然睇唔清,但望落畫得好有型好普普.乜朗公子喜歡忌廉哥?

    回覆刪除
    回覆
    1. 我哥句呀...係:朗仔廿九,越洗越有...我好有修養架~
      海南雞飯真係好大碟~正~你到底鐘意食咩架...泰餐都唔鐘意?
      哈哈~我地6人一致認為佢係極品~
      佢鐘意貓嘛

      刪除
  12. 人多真係有著數,可以試多啲菜式,而且價錢真係幾抵食喎,要bookmark定^^

    回覆刪除
  13. 醃螄蚶 $50 咁大隻...好抵食喎...仲咁大碟呢
    醃炸通菜 我真係未吃過喎...不過$75又咁大碟...有機會食下先呢
    椰青焗飯 我都係未吃過喎...$72...又幾抵食喎

    回覆刪除
  14. 距離關西哈利波特之旅2015仲有---12日...咋\(。◕ヮ^)/

    回覆刪除
    回覆
    1. 我依家好想快D番埋下個禮拜工~~

      刪除
  15. .⊹・゚✾快樂星期二☼´*♦早晨&午安☀・゚☁
    ♥・゚ღ・*♡。¤`❤。❉º大家天天享受╠ ╣ a Ρpy❥・゚❣

    回覆刪除
  16. 你地真係食好多野呀~~望落啲相我都好想好想食呀~~

    間CAFE真係好唔啱, 快啲寫篇BLOG黎唱衰佢!!!

    回覆刪除
    回覆
    1. 梗係啦~我地係公子黎架嘛~~~咁係咪我影得靚呀~~~
      哈哈~你知我架啦~~~又要整相又要寫~~又要過一排了~~

      刪除
  17. 食泰國野真係平靚正架,碟海南雞飯我都想試下。

    回覆刪除