2015年6月2日 星期二

公子新加坡喪吃自由行之旅2015-04-07第五天(天晴)

今日認真黑氣熏天........放工諗住去提款...點知俾銀行食左我張卡......................................最正係....企我後面哥個阿叔大聲叫壤:華....如果我先你一步禁機既話食卡哥個咪我?!好彩咋...........................聽完之後我又要講番我句金句:如果不能改變環境...就請改變你的心情............(假架....我依家心情好差呀!!!!!!!聽完阿叔講仲想爆粗添呀......呀!!!!!!!!!^#*$^#*&$^*@).......咁先舒服d~



2015-04-07
Day 5(新加坡 Singapore->澳門 Macau)
好咯~來到最後一天~~~~~check out之後因為拎住行李呀~唔想再行上行落搭MRT....所以我地就直接係酒店門口搭的士~~~~~~~其實唔係好貴...舒舒服服咁樣去到機場先SGD$14=82.3hkd......大約半個鐘多dd就去到~~~~(因為去機場無附加費...由機場出黎先要附加費....除非你過左夜晚6點先搭如果唔係又有附加費~)




係喇~如果有野要退稅就係禁區外呢個GST Refund度做一個自助手續先....要攞張單去自助機度bit一bit...入番少少個人資料同埋要揀退現金定退去信用卡度.....做好手續係禁區入面個counter度再攞番錢~




公子今次買左50kg5個人分~~先岩岩好無超重~如果無黎哥位公子一齊黎埋......肯定超重~~~~~原來今年新加坡獨立了50年呢~~~可喜可賀~~~




入左禁區之後就搵野食啦~~都未食早餐~~~~不過美食廣場得好少選擇~(唔知係咪因為terminal 2舊d呢?)




排骨麵線...SGD$8.5=49.9hkd.....味道同價錢都正常~




叻沙...唔知幾錢~不過佢地話幾好味~




豬肉丸子湯...SGD$6=35.3hkd....一般味精湯味~但豬肉丸還可以~




海鮮河粉...SGD$6.9=40.5hkd....樣有d衰...但佢地話幾好味




我叫左炒粿條....SGD$5.9=34.7hkd....幾好味喎~又幾夠鑊氣架bor~




仲無啦啦買左個subway黎share食~我真係十世未食過subway~(正確黎講係我人生中第二次食).....不過個店員d態度好衰~




點解要食咁飽呀~因為唔包飛機餐嘛~~~~我地搭Tiger Air...12:55起飛既TR2904班機....由新加坡直飛回澳門~睇下熱到...涼住冷氣都覺熱~其實今次係我黎3次新加坡...最好天既一次~~~~




拜拜~~拜拜~~~拜拜新加坡你條尾~~~~~~~~~~








其實程機都算定~點知有位團友原來依家好驚搭飛機!早知讓個窗口位佢坐等佢望下外面分散下注意力啦~其實我搭飛機都好鐘意窗口位架~~~因為我好鐘意睇雲~~~~




哈哈~~Terminal 2禁區入面就有Bengawan Solo呀~~~記得臨走可以係度買個班蘭蛋糕走呀~~(其他terminal有可能係禁區外架...自己上網查清楚~~)....如果飛得晏d既話直情可以係市區d分店訂定然後係機場攞~~~(可惜我地飛太早佢送唔切~)...超級的香~超級的輕軟~我個人認為係最值得買番屋企既手信!!!!!!!正!!!!!!!!!!!!!!!!!




總結:

1.使費:2,684hkd(機票)+2,058hkd(酒店)+3,332hkd(食+買+交通)+100mop(保險...大約價)=8074hkd+100mop
2.查實都幾貴~因為都無咩買過野~~~不過復活節出遊就咩都貴~~無計~~重點係幾位公子都無需請假就可以出發~~玩得好開心!!!!!!
3.今次去又係食左好多野呀~~~有d之前食過好味再去食~有d就新試既~~~~係一個好好既體驗~~~~
4.其實新加坡真係好好好好好好好好好熱....雖然d野真係好好好好好好好味!!但唔適合渡假~~~
5.如果好似我咁大汗應該要帶手巾仔去先得~
6.去食娘惹菜時因為搵唔到路所以問左個哥哥~佢仲好好心咁幫我地上網搵路~謝謝~
7.我覺得最適合係3-4人去~因為咁樣呢~就可以好懶唔搭MRT直接搭的士去目的地係最舒服~~~(就係咁就算我出左好多汗但係由於無咩點行毛寶話我番到黎肥到卜一聲)
8.問我幾多次都好我都係會答:新加坡~I'll be back~...因為野好食多數新加坡人好友善治安好~已經好想番去食胡椒蟹~
~The End~
~多謝收看~





2015/06/02的開心事:
直至放工提款前我今日都係好開心的
同埋....人生就係咁
點解?點解我唔揀左手邊部機禁?
點解?點解我要慣性咁行去右邊禁機?
無咁多點解
一切都係自己選擇
有因先有果
我今日學到好多野
講完



報時:距離關西哈利波特之旅2015仲有---18日~
報時:距離冰島格陵蘭自由行之旅2015仲有---117日~

31 則留言:

  1. subway................555555............真係麻麻.....明明見佢將面包放入焗爐,但個包永遠都唔熱,連暖的感覺也沒有..............
    嘩,8千幾都幾貴,仲要無乜買嘢,新加坡我都想去食下嘢,但總是提不起勁,我實在唔鍾意熱,除非去陽光與海灘..........

    回覆刪除
    回覆
    1. 我一生人...只吃過兩次~但兩次都覺得不好吃~
      都貴架...但係算囉~難得大家都唔使請假~~~其實我都唔鐘意熱

      刪除
  2. MRT真係要行上行落,重要行好多好多路,新加坡又熱噃,但我發覺新加坡的冷氣好勁,去邊到的商場的冷氣都勁,連酒店的泳池水都凍過人,明明熱到出晒汗,但啲水都鬼c咁凍﹗胡椒蟹好好味﹗

    回覆刪除
    回覆
    1. 都係架~~~~所以人多搭的士係最好的~~~~
      咁先正~~~熱完又衝入去商場涼冷氣~~

      刪除
  3. Haha 睇完個blog都feel到好熱呀~~~
    唔洗請假去旅行真係好開心呀
    下年easter都有4日 可以plan下XD

    回覆刪除
    回覆
    1. 係呀真係好熱~記得帶手巾仔去呀~~~
      係呀~~~真係好難得大家都唔使請假~
      wow~~諗定先~

      刪除
  4. 可以重溫返讀書時代成班人柴娃娃咁去旅行,已經係無價!!^^
    咁張卡要等幾耐先出得返?!!!

    回覆刪除
    回覆
    1. 係呀~~~~哥次真係幾開心~~~~因為可以唔使請假~
      要成個幾禮拜~

      刪除
  5. 炒粿條...似我細路女時食的潮洲炒粉
    幾十年香港冇人識炒和有得吃呢

    回覆刪除
  6. 好友♦・゚✫甜夢☾.•*☁晚安✬*¨★
    \(。◕ヮ^)/⊹。゚❉瞓醒就是快樂星期三喇喂

    回覆刪除
  7. 其實妳咪好啦,食咗張咭攞唔到錢,咪可以慳番d錢啦~~~~
    我就慘啦~~~㯲咗錢只攞咭冇攞錢,追到追唔返呀~~~嗚嗚嗚
    世事無點解,點解要問點解,就係無得解。
    隨意已安....

    回覆刪除
    回覆
    1. 唉~~其實我平時都好慳架~~~~
      你做咩咁無記性架~~~~

      刪除
  8. 太熱既地方會曬溶我架喎,見光死架。

    回覆刪除
  9. 除左好熱,其他都唔錯,最重要同咩人去,開心為上

    回覆刪除
    回覆
    1. 我都覺得如果無咁熱就一切完美~

      刪除
  10. 我老公俾銀行食咭N次,每次話俾我知我都勁嬲,但係有一日我真的麻木了...........

    回覆刪除
    回覆
    1. 咁.....應該係......經歷左好多次.......好慘...

      刪除
  11. 睇相都覺熱。
    一班好朋友去玩又真係好開心既。
    新加坡, emm~~~ 真係唔係我杯茶。不過可能係我根本唔太認同佢既政治氣候, 所以唔多 like 佢啩。

    回覆刪除
    回覆
    1. 真係好熱....流哂汗
      係呀~~~~~~~真係笑得好開心~~~~
      但係佢d野真係幾好味既~

      刪除
  12. 去機場祇需要82.3hkd,好平囉!
    毛寶在「結業」相中臉色怪怪的,為甚麼呢?
    我都想試下那些叻沙、炒粿條!
    放下D唔開心,準備旅行啦!

    回覆刪除
    回覆
    1. 都幾平~
      哈哈~~~可能係我相機既問題~
      好好味~下次有機會試下啦~唔錯~~
      好啦~放下一d啦~

      刪除
  13. 如果不能改變環境...就請改變你的心情 <--我都係咁架, 但真係唔會次次做到。咁唔開心一陣好喇, 明天拎番張卡後就忘記件事, 開心過每一天, 加油!
    我都好想食班蘭蛋糕呀, 種香味好獨特 ^^

    回覆刪除
    回覆
    1. 係呀講就係咁講...但有時真係幾難做到...
      無呀要下個禮拜先有....sad
      係呀好好味~

      刪除