2015年4月9日 星期四

東京媽媽慶生之旅2015-03-06第二天Part 4(天陰寒冷)

我肥來了...唔係....我回來了~~為何我從新加坡回來後個個都說我肥了???????????去左5日咋喎.......同埋我係新加坡病了呀......實在太無用~新加坡真係極熱~但d野真係好好味~~~寫完日本之旅就同大家分享下我地公子既新加坡之旅啦~~



2015-03-06

Day 2---Part 4(日本,東京 Japan,Tokyo)
係酒店坐左一陣~咁出去晚飯啦~~~不過呢晚領隊(即係我)無安排特色餐俾團友....於是係池袋左逛逛右逛逛咁睇下有咩好食~行左好耐最後揀左呢間地頭雞專門店~地址:er....我都唔知~亂咁去的~就池袋駅東口直過對面馬路...哥間m記隔離~(B1層)....就係呢度...我同我媽.....經歷人生一個大考驗.........




居酒屋風格~唔錯~不過最衰係隔離枱叔叔喪吸煙~






叫左酒類飲品...左邊哥杯我叫既560円(稅拔)=36.4hkd...充滿夏日的外表....我貪佢應該係似mojito而叫的~但係偏甜無咩酒味..有d失望..不過幾大杯下~...右邊哥杯係媽媽叫的550円(稅拔)=35.8hkd....類似係燒酎入面有金柑~金柑味唔重...重酒味~

重點係佢兩杯都有畫公仔貼係杯上面!!!超可愛的!!!



前菜...佢放低...然後身體語言話我地知...d青瓜點椰菜配呢個麵豉醬食!開頭覺得有d怪~但又幾好食喎~唔知d麵豉醬係咪佢地自己整既呢~




紫蘇淮山青瓜沙律 480円(稅拔)=31.2hkd....味道清新~而且生既淮山真係好正~~爽爽黏黏的~(d餸名全部我自己作的~因為唔識日文~~其實全部野都係我地亂叫~)..呢個太好味~叫多左一個~我同媽媽都好欣賞~




燒魚仔 460円(稅拔)=29.9hkd.....好正的下酒菜~~~好皇魚仔味~佢又唔怕燒得太乾~~剛好~~~呢個我地又係叫多一個~太好食~魚仔線條超靚~




咁見到串燒二字嘛~又有雞既公仔圖案~咪叫黎試下囉~左手邊的是柚子胡椒味...右邊的是梅大葉....各370円(稅拔)=24.1hkd......唔貴~但係望望下...咁怪咁既....




諗住每人試少少~整開佢一半........頂~~~~~~~~~~~~~~~生架喎~~~~~~~~~~~~生架喎~~~~~~~~~生架喎~~~~~~我和媽怪叫了3次...生架喎...雞喎........禽流感喎.....雞喎.....(雖然我知日本興食雞肉刺身..但你明唔明你完全無諗過叫之下黎件咁既野.....你哥種驚既程度係...不能形容).....最後研究左好耐.....無理由既..無理由日本人食左唔死我食左會死既情況下.......我們吃了~~~~~~~~~~~~~~~~~~~鼓起了很大的勇氣~~~簡直係一大挑戰~~~其實食落...佢外表的確真係有燒過....食得出燒烤味...但內裏真係未熟的.....但其實食落一d都唔核突喎~爽爽的...仲要有少少甜味~下次有機會~會再試~(真係試下刺身先~但我只會在日本吃~)




叫左個炊餃子(一人前) 820円(稅拔)=53.3hkd.....一黎哥時係咁既......咁似一餅豬油撻係度既?




滾起係咁既~原來係d湯雪凍左~依家攞番出黎加熱~~





講真...都幾好味喎~個湯似拉麵哥d湯~不過有d咸~不宜多飲~餃子個皮呢同我地d有d唔同~個皮有d黏黏的~幾好味~凍凍的時候食下呢個都唔錯~




手羽燒 480円(稅拔)=31.2hkd.....估唔到佢個燒雞翼超級的好吃!!!!!味道唔係我地港澳平時食開既蜜糖燒~有少少辣辣地的!!外皮香脆內裏肉嫩!!!!好好吃!!!推介!




後加的生薑燒豬肉卷 680円(稅拔)=44.2hkd....開頭以為佢會好漏....點知係超!好!吃!的!.......佢既豚肉其實好薄....裏面包既全部都係菜!!!佢既燒汁再點少少美拉兹...真的好吃!!唯一要彈係油多左少少~

呢間真係唔錯地好吃~誤打誤撞入去食竟有意想不到的美食~而且係樣樣都唔貴~(而且我地落黎之前有個女仔係門口派優惠劵有9折優惠)...價錢大眾化~試左第一次的生雞肉~推介!雞肉料理好好味~其他下酒菜亦出色!!!讚!!



我地食飽飽行番上地面...上樓梯時不停聽到有人係我地後面大叫....我地開頭無為意...佢應該知我地唔識聽所以轉英文channel:present!present!.......我同媽媽望番轉頭....見到有個日文男仔追上黎..佢係頭先哥間食店既員工...佢追出黎係要送兩盒我地頭先食既麵豉醬!!!!!!仲要個盒畫左超可愛的公仔!!!!!!!!!超感人!!!!我地又唔係食得多錢!!!但係呢份心意..真係幾感人的~~~~~~而且我地真係有帶番澳門..而且...食哂~呢d心意真係比起酒店食飯送既...更有心思~(佢畫d公仔真係超得意超抵死)...下次回來我會再黎幫襯~




之後食飽飽行左陣~去第間夾公仔~咦~~~~~藍色小小阿美呀~~~好靚呀~~~~~但係....我今次夾左700円=45.5hkd...都夾唔到一隻...我最後..放棄....我第一次....700円都夾唔到一隻我想要既野....初嚐失敗滋味...細細粒真係好靚架....




是晚宵夜~媽媽話佢個蕃薯形雪糕好好味~我呢..就好失落..一心想黎試哈緊大個新既期間限定...麻糬系列...........我係完全無係我經過既任何一間便利店見過....相信真係售罄和無哂貨....失望!!




食飽飯之後再掃既零食~買左好多梅味俾大比~







有無人掛我呀有無人掛我呀????

我突然呢幾日好掛住Ozil bb~~~~~



野~~~
噚日放工去巢佬度覆診呀...
佢叫我暫時唔使再去搵佢喇~~~
話有野先再番去搵佢喎~
臨佢仲送多我一句:我望完你個樣再望下個年紀..又真係唔係太似你依家個樣喎...
我:唔係呀...我似三十幾四十歲呀???
巢佬:0我~唔係...我望你似廿幾...睇唔出你有3字
wow~
我睇咁多次...第一次無窒我之餘
仲要讚我~~~~heheheheheheheh~



2015/04/09的開心事:

今日同左chlo仔同i子去中午食飯~好開心~
仲有呀今日有人請我食金秀賢代言的布甸呀~
好開心~~
但我好蠢我唔記得攞~
仲有呀你今日同大家講你的xx完成了~過關了~~
我都覺得好開心~~



報時:距離關西哈利波特之旅2015仲有---72日~

報時:距離冰島格陵蘭自由行之旅2015仲有---171日~

39 則留言:

  1. 妳每次去旅行都係病,何解??
    有時唔睇食評,可能有意想不到收鑊呢!
    好掛好掛呀~~~~哈哈哈

    回覆刪除
    回覆
    1. 唔.....我都唔知點解~去旅行前好易病囉...真係解釋唔到~
      無錯~今次又食到好野~
      多謝~

      刪除
  2. 好嘢你返嚟啦,我有掛你架!!!!!!!!!!!!!!!!
    咁陰公豬,去到先病,不過你都應該5會停口,如果唔係無理由會肥咗返嚟
    生雞肉...............我諗我都會呆一陣先敢放入口.........無錯真係晌日本先敢食^^
    老巢咁遲先讚你,睇你d相我不嬲唔覺你係3字頭,老實講我仲覺得你d皮膚好好呀

    回覆刪除
    回覆
    1. 野~~~~~~~~真既~~~~~野~~~~~~~(花痴mode)
      咁梗係啦~~~最多咪食藥~~~~~~~點可以唔食野架~~~~
      我都呆左好耐~我媽話唔怕我先食~~hehe~~
      野~~~~~~~好衰架~~~~~不過我係真係皮膚有事先去睇的.....其實皮膚有事都係因為年紀大了有關~~~~~

      刪除
  3. 小t 吃喝玩樂完回來呢...真係快樂時間過得好哪快嚟
    燒魚仔 ...好正...因為魚仔線條超...新鮮

    回覆刪除
    回覆
    1. 係囉~去玩既時間總係過得咁快~~~哭哭~
      真係好好味~難忘

      刪除
  4. 今天...明天...後天...都係我去照顧神媽
    好姊妹✬*☾º°¨✫我都要早瞓覺呢☁° 晚安甜夢★º°¨♦

    回覆刪除
  5. 話咁快得返兩個報時了~~~
    日本人真係好有心
    希望到時見到有唐老鴨公仔機^^
    I miss u gah
    同埋你去旅行期間我睇足球見到你男神都想起你呢 haha

    回覆刪除
    回覆
    1. 係囉~好快呀可~
      係呀~~~真係心都甜埋~~~
      實見到的~~~放心~~~~~~希望你會買到好多唐老鴨靚同獨有的精品~~~~~
      我都好miss kapobb~~
      我番到黎真係好鬼掛住男神~~~~

      刪除
  6. 好正呀~~~點解會有味噌送架>~~<
    感覺好好食!!!
    我都好耐未去過日本啦!!單單係一個東京已經夠晒大/V\
    我諗玩成個禮拜都未玩完...

    回覆刪除
    回覆
    1. d味噌真係好好味~~
      好味呀我番到黎食都好好味~
      如果再去日本..我想去下其他地方~其實我覺得沖繩都好好玩~好靚~

      刪除
  7. 哈哈..... 巢佬一定係有上來睇你個BLOG了...... 其實, 你又真係生得好後生.

    回覆刪除
    回覆
    1. wakaakaka~唔通佢知我之前數臭過佢~~~~~
      真既~多謝~

      刪除
    2. 真咖, 你真係生得十分細

      刪除
  8. 掛定啦!嘻嘻,你個樣真係同你歲數唔相符!

    回覆刪除
    回覆
    1. 野~~野~~我都掛你~~
      野~~~~~~~好衰架~~

      刪除
  9. 食生雞心理上始終有少少障礙:P
    啲公仔又真係畫得幾cute喎,有冇同男店員合照一張XXD

    回覆刪除
    回覆
    1. 的確係...我都諗左好耐先放入口~~~
      係呀~我覺得佢地好有心思~
      無呀~~人地好忙架~~~費事阻住人~~~

      刪除
  10. 旅行就喺咁架,特發性嘅嘢,
    咁先有驚喜……幾好*^O^*
    我諗啲雞喺咪未燒熟咋……嘻嘻\(^o^)/
    我會浸熟佢先食,生雞肉風險太大,驚……

    回覆刪除
    回覆
    1. 無錯~~~今次呢個嚐試真係唔錯~~
      佢係特登唔燒熟的~~~~~~但個面又真係食得出燒炸味~~可下先抵死~~~~
      我見個個都係咁食...就...盡地一煲~

      刪除
  11. 巢佬呢句真係萬試萬靈,係人都會受.
    食生雞肉真係要好有勇氣,喺日本再加埋幅射添......
    oce喺大戰度入咗球靚波

    回覆刪除
    回覆
    1. 但係由一個皮膚科醫生講出黎係特別有權威~
      er....幅射真係無係我腦中出現過喎....................
      佢真係好叻仔~抵我咁鐘意佢....反轉黎諗...可能係我咁鐘意佢...佢先會咁叻仔

      刪除
    2. 我諗係因為有你嘅支持,佢先會繼續踢波.....唔係,係先會生存落去......

      刪除
  12. 居酒屋風格真的唔錯!
    生雞肉真係食唔落 ......
    手羽燒 好吸引!
    有個日文型男追上黎,再送兩盒麵豉醬!超可愛,超感人喎,呵呵呵......
    巢佬都那麼說,證明我無講錯啦!

    回覆刪除
    回覆
    1. 係呀~~幾有氣氛~
      真係試左一次都覺得自己勇~
      個燒雞翼堅正~
      wakakakaka~~~最衰我無化妝啦~~~~
      多謝~

      刪除
  13. 睇唔到你更新就梗係忙住玩啦。

    回覆刪除
  14. 你地好勇呀, 我都唔敢食生雞肉, 好似好恐怖咁...

    我好似未試過入啲無旅行書介紹舖頭, 成日驚好貴, 唔夠錢找數呢~~~不過你地今次真係Good try wor~~好正喎~

    回覆刪除
    回覆
    1. 我開頭都係咁諗呀...但食落又真係幾ok好食喎!!!
      0我~因為呢佢地門口有放餐牌呀~~~我都係睇過價錢ok我先入去的~~~~hehehehehehe~~~

      刪除
  15. 😊😊😊😊😊😊😊😊係丫~我個頭生花~的開心

    回覆刪除
  16. 😊😊😊😊😊😊😊😊係丫~我個頭生花~的開心

    回覆刪除
  17. 其實佢地咩都幾乎可以生食....HMM...我去日本咩生都唔食除了菜。

    回覆刪除