2015年4月27日 星期一

七公子聖誕百元限定哭福袋派對2014@花道葡萄牙餐廳Fado Legendary Portuguese Cuisine(食物篇)

初頭仲係度懷疑可能唔係個mon壞...係張display card壞之際....點知毛寶一句:我俾我個mon你試下先啦....再決定換咩...............依家一換之下....果真係個mon壞囉~~~~呢招借屍還魂...得左~多謝毛寶的慷慨~~~~~不過佢依家個mon比我之前用緊哥個細......其實就唔係細好多既..但就硬係覺得望野望少左.....................我好想.......買個比我之前用緊哥個大既mon(好貪心)....但毛寶說:有得用就用住先啦..........係囉...我又話要慳錢喎.....er.....內心糾結中~(等出雙糧時買?).....一個周末過去....點解咁快?



今次公子既聖誕百元限定哭福袋派對...揀左係我同麥公子都覺得好食既花道葡萄牙餐廳Fado Legendary Portuguese Cuisine...地址:東望洋得勝馬路2-4號澳門皇都酒店M樓.....電話:2855 2222...今次我地仲訂左間房坐~~(有最低消費..但我忘了幾錢~好似係$4,000)




同上次一樣啦~坐低就好麵包藍~d黑橄欖醬真係好好味~




公子咁有品味~梗係叫支汽酒飲下啦~




痴呀時~




煙薰豬里脊﹑豬頸肉及火腿盤 $80...正~~好味~~唔貴~有d無佢咁靚既餐廳賣得仲貴~




葡萄牙傳統芝士盤 $70.......有3種芝士~~~其中有一種軟軟臭臭的~~~~好重口味~~唔知係咪山羊芝士黎架呢~~好好味呀~




蝦餅 $60......食落凍凍地咁..好似唔係即整咁....而且$60得兩舊有d貴呢~




呢個都係佢送既小食~後面哥個我記得有少少酥皮~然後有d西洋腸係入面~幾好味的~綠色哥個我就真係唔記得係咩味喇~~~




八爪魚沙律 $70...雖然佢用一個好細好細既盤裝住....但係佢係裝到超多的~~我地7個人都每人食到d~不過建議問佢攞黑醋自己再加少少~~我嫌佢唔夠酸呢~




蟹肉燴麵包配薄切八爪魚 $180....唔錯~好味~佢個薄切八爪魚d調味唔錯喎~而且也很美觀~




燒牛脷配葡式香芹醋及青菜沙律 $90...呢個都好好味呀~




詩人煮蜆 $200.....呢個係有d貴的...但係...又真係....好好味喎~~~~~~~~~~~~~~~呢班人好恐怖呀~~仲係講緊前菜咋...




經典薯蓉青菜湯 $60.....好大個~建議些牙黎飲~好味~




終於進入主菜部份喇~~~~又有型男出黎煮野~~同上次哥個一樣~~鬼仔黎講又真係幾靚仔喎~~~~~




梗係又係呢個炒馬介休﹑雞蛋﹑馬鈴薯絲 $160...真心覺得呢個主菜抵食兼好食~我不嬲偏愛呢個餸~加上有型男即席煮食得份外開心~




烤馬介休﹑玉米餅﹑馬鈴薯 $160...烤的也不錯~~好香口又唔會死咸~




我地真係好變態....我依家寫blog先知我地原來叫哂佢餐牌哥3種馬介休.....呢個係焗馬介休﹑蛋黃醬﹑馬鈴薯蓉 $200....唔係話呢個唔好食....只係我覺得好漏....如果只可以揀一個馬介休既菜式...我還是推介炒的那個~(烤哥唔係唔好食~但比起炒的還是炒的比較優勝~)




烤乳豬 $180....都係西班牙烤乳豬好味d~~~~呢個d肉鞋鞋的~好似一d肥肉都無~(因為佢唔係原舊乳豬黎架...係一層層肉咁砌出黎)...但係跟埋既哥個薯片就好好味~~(我無影出黎)




炭燒香草蒜蓉虎蝦 $280....估唔到有成3隻咁多~好大隻~面且好好味~~




木烤羊排配松子飯 $360.....羊係烤得幾好味既~juicy又唔怕太熟~但係原來咁貴架.....但我又覺得唔值咁貴喎......而且羊得好少呢~




漁夫海鮮飯 $200....外觀奇醜....不過其實味道唔錯~而且有好多海鮮下~




一個係香草焦糖蘋果雪糕 $40...另一個係砵酒雪糕 $50(但唔記得邊個打邊個).....唔知d雪糕係咪佢地自家制既呢?但就味道上黎講...我又唔覺得好突出~




南瓜蛋糕配乳清乾酪及杏仁 $70....上次Diana帶我黎食過超好食~~~就係南瓜既心太軟~~~其實真係好好味架~但係哥日我地又影相又玩...影響左最佳食用時機~我地錯~我下次去會再食~因為我真係好鐘意食~




哈哈~~我地問佢可唔可以幫我地整個聖誕蛋糕俾我地...因為我地之前黎食飯都有整過~點知佢話原來要有人生日先有....但係點知佢最後都係有整俾我地~~~~七公子的聖誕蛋糕~朱古力味的~超濃的朱古力味~好味~



今次送左呢舊糕攞番屋企....係有玉桂味的~我超憎~上次個葡撻好味好多~




痴線架~~~7個人7個頭盤3個湯7個主菜4個甜品......你地真係好恐怖呀~~~~~~~~~下一篇將會報導公仔哭福袋~咪錯過;自...(準備好笑到氣咳了沒?)







野~~~~

星期五人地去左睇BSB呀~~~~~~
其實原來我少女時代唔係聽太多佢地既歌~~~
雖然我識得唔多既歌...
但哥晚現場既氣氛真係好熱烈!!!
原來BSB出道已經有22年!!!!!
可想而知...哥晚.....成場....
基本上.......全部....都係....中女(係喇包括我喇)..................
男生不多....應該都係陪女朋友去睇既多~~~~
看見一批批中年女性個個都又跳又un...
BSB的威力真大~~~~~~



星期日去左睇復仇者聯盟2..

唔.....er.....呀........
我覺得第一集好睇d囉..
第2集要打仗好似係自己搞出黎.....
無野搵野黎搞哥隻.......
但係...如果佢有第3集...
還是要去看.....真矛盾



噚晚難得人地睇足成場波...
但竟然又係和波喎......
然後今朝Chlo同我講:奧斯爾廢柴黎呀...最尾哥球咁都唔入..
我:唔準你咁話ozil bb呀!!!!我見佢成場好忙咁跑黎跑去架~~
其實我都有個疑問...
點解我次次棒親場.....都係和波收場既........................



2015/04/27的開心事:

放工時....一打開門口見到餐枱上有一包Garrett爆谷~~
仲要係焦糖味~~~~~~
然後我二話不說攞住跑去梳化度打開佢黎吃~~
我仲要斜斜身好優雅咁靠住梳化坐....
一邊白紗窗簾外透入超好的陽光~
另一邊有點清風送爽~
再另一邊我就放粒焦糖爆谷入口.....(係呢點解Garrett咁好食?)
那種感受....就像回到中學放暑假時那種無憂無慮~
雖然只得5分鐘~~~~
因為下一秒....
我媽大叫:乜你咁曳架!!我仲未影相多謝人架!!
然後我就一溜煙地拔足逃跑了~(你能想像呢個畫面既人物已有30歲嗎?)
hehe~仲有呀~~你今日讚我皮膚好呀~
仲話我好白~~~~



報時:距離關西哈利波特之旅2015仲有---54日~

報時:距離冰島格陵蘭自由行之旅2015仲有---153日~
依家仲未有心情去整理日本個旅程呀~
淨係想搞番好個blog...

22 則留言:

  1. 煙薰豬里脊、豬頸肉和火腿盤;蟹肉燴麵包配薄切八爪魚;燒牛脷配葡式香芹醋及青菜沙律;薯蓉青菜湯;炒馬介休﹑雞蛋﹑馬鈴薯絲;炭燒香草蒜蓉虎蝦;南瓜蛋糕配乳清乾酪及杏仁 ...... 好正!
    躺在梳化上叫Garrett爆谷,嘩!

    回覆刪除
    回覆
    1. 全部都好好味~~~
      哥隻爆谷澳門都無既~香港就有~你快d買黎食啦~

      刪除
  2. 你們好像未夠4000元的最底消費呀/

    回覆刪除
    回覆
    1. 我地其實係過左...........好恐怖~

      刪除
    2. 每人6舊水, 都不是太恐怖, 唔洗怕啦

      刪除
  3. 一餐可以食/試咁多味餸真係幸福.
    早講吖,睇親都和.....尋晚oce踢得係差,上多咗腳,被人一迫就甩好多鑊.......

    回覆刪除
    回覆
    1. 都係~要多人同埋要好似我地咁有食力先得~
      哈哈~~咁岩線je~
      可能我睇住佢佢分心呀~~~下次佢會踢好d架喇~我會話下佢~

      刪除
  4. 多謝毛寶, 等我地有得繼續追blog ^0^
    嘩, 超正o既一餐, 搞到我又想搶野食!
    我like玉桂味架, 下次妳keep起晒d玉桂味o既野食俾我 ^.*

    回覆刪除
    回覆
    1. 哈哈~咁佢又係幾好既~二話不說就借我用住先~(可能佢都想睇我個blog呢~wakakakaka)
      哥餐真係食得好癲~~~變態~
      真係架~下次有應該留哂俾你~

      刪除
  5. 好耐無留言啦,呢排忙到甩咗個轆呀><
    呢間嘢裝修得幾好喎,好鍾意d colorful 高櫈。
    嘩,$4000- 咪每人六佰蚊,不過有房就玩都幾癲都得。至於食物,價錢都ok,但主菜份量就細咗d, 我想知你地點分份烤乳豬,得果兩舊仔!!!
    7個人7個頭盤3個湯7個主菜4個甜品,唔誇張,以你地嘅食量,得嘅,仲可能未飽^^
    爆谷故事畫面我覺得好有搞笑漫畫feel

    回覆刪除
    回覆
    1. 耐無見你到就黎想尋人喇~~~~
      都ok架~坐得都舒服~
      我都唔記得係3000定4000..你知我d記性架啦~~
      一dd望菜~~我覺得除左乳豬其他都正常份量~我地咪切開佢囉~~~~~heheh~~~
      唔係呀..哥次真係堅飽.....飽到脫軌~
      哈哈~~~~~又係我忽發奇想~我真係好無聊~

      刪除
  6. 呀~~~~~
    我都好想試下garret,
    我係一個對焦糖爆谷零抵抗既人黎T_T
    Btw,我都睇左avengers...........
    頭半part差啲瞓著,同埋今集真係搵戲黎做....
    但我最估唔到既.......
    係quicksilver係x-man同avengers都係得一集貨仔!!!!!!!!!!呢個quicksilver型到仆街~
    不過好似話第二集既avengers成員會係最後一次最完整.....所以下一集未必會再係呢個陣容~_~

    回覆刪除
    回覆
    1. 志同道合(give me five)....我都好鐘意食焦糖味既爆谷~
      如果有好多款口味揀...我都係會揀焦糖~
      食落感覺好甜蜜好幸福~~~~~~~~~你去香港買啦~我上網見國金度有鋪喎~~~
      咪係囉.....無野搵野俾自己搞...
      下!!!!唔係呀!!!唔齊腳架????????????????我會好失望!!!!!!!!!!!!!!!!!!!!!!!!!!!!!!!!!!!!!!
      好鐘意佢地幾個d默契喎!!!!

      刪除
  7. 真係好大食呀你地~~
    仲要食極都唔覺肥先堅呀

    回覆刪除
    回覆
    1. 唔係呀...
      我就已經肥到成個波咁啦....

      刪除
  8. 人多真係有著數,可以試勻晒咁多味菜式...

    回覆刪除
  9. 買MON啦買MON啦,而家啲MON好平架渣,1000蚊已經好多得揀~~買啦~~
    我覺得有個咁靚仔既廚師出黎煮個味餸真係超正喎~~

    回覆刪除