2015年4月22日 星期三

凱公子生日會2014@陸舟餐廳

華~今日下午過得滿輕鬆的~~~~好開心~~~~~~~呢個禮拜番早.......所以我都無俾自己既心情靚醒.....起身既時候只會諗:頂....鬧鐘咁早響既(明明就自己較既).......我無得好嬲咁樣拍打去整停個鬧鐘因為個鬧鐘就係我個電話..........考慮買番個可以俾我拍爛既鬧鐘先(認真)



好野~拍手~終於講到11月凱公子生日喇~~~佢係每年公子最後一個生日的~~年紀也是最小的~我同佢足足差兩年~好心酸~今次選址係陸舟餐廳...地址:路環竹灣海灘竹灣馬路線...電話:2888 0156.....泊好車後會路經竹灣海灘一直行去餐廳的...這令我想起舊年去澳洲塔斯曼尼亞的滿天繁星~




我記得哥日係星期五~訂左位..但係...人影都無隻~有室外位.....好有情調...但係...公子都係又怕熱又怕凍又怕蚊.....都係留係室內啦~




洋蔥湯 $43......er...以呢個價錢既洋蔥湯...係咁上下~味道是對版的~




薯蓉青菜湯 $43.....其實...幾貴喎.......好多靚餐廳靚過佢好味過佢都係呢個價...唔建議叫~




雞湯 $43...我唔知有無記錯裏面係咪有d粉既物體~但無咩特別~




意大利雜菜湯 $43......你想像到的味道~不過俾我揀我會揀呢個湯飲~因為出錯機會比較少~是晚我係痴左每人一啖湯飲~




八爪魚沙律 $88....我唔鐘意佢既質地..好似好林咁~




薄切生牛肉沙律 $113.....好味~但係比薩的更好吃~




薄切三文魚伴沙律 $188...好味~但我覺得貴左d~




夏威夷風光(中) $118.....穩陣款~皮都做得唔錯~價錢都ok~




白酒汁蜆同檸檬牛油蜆我地兩款都有叫...各$98.....味道係好味既~~但唔知點解叫哂兩碟黎食時覺得...點解好似兩碟既味係一樣咁既?




白烚菜 $43




鮮茄醬意粉 $98.....依家d蕃茄真係貴~~~




燜牛面脥伴薯蓉 $133.....相比意粉呢個價錢簡直係超平....但係肉質鞋到飛天~又無牛味~我係唔會再食...如果呢個係平既原因....我寧願你收貴d.......




燒羊架 $133....呢個又好d喎~雖然過熟~但味道還好~




烤肉 $113.....即豬扒~但係真係好鞋.....我唔明佢點解樣樣都可以好似柴皮咁............




呢間真係....無咩都唔好去~




凱公子!生日快樂!身壯力健!.....我記得某人打去訂蛋糕時人地問佢想個牌寫咩.....即刻賴哂野....平時我地寫出黎都無咁衰(你知我地d生日牌幾爆架啦)..........你諗下電話入面哥個人聽到:"海狗廿八再見陀飛輪"既時候...個心情係點?






華~d蠟燭好有氣勢~




七!公!子!




曾經剪完頭髮有公子認錯我係凱公子.......(連凱公子本人都話認錯我係佢...頂~~~)...我想好似你咁瘦呀~~~~




心想事成~




依家公子都係興俾利是~真係...好實際~




好啦好啦~2014年既公子生日報導~完畢喇~2015年的快將上市~







2015/04/22的開心事:
悠閒開心咁過每一日~就係我所追求的~
可惜~唔係日日有~~~~
我阿媽今日仲要整韓式拌飯呢~~~緊張~~~



報時:距離關西哈利波特之旅2015仲有---59日~
報時:距離冰島格陵蘭自由行之旅2015仲有---158日~
新加坡d相我係電話度整好喇~~
過埋落電腦就可以寫啦~~~~~

24 則留言:

  1. "海狗廿八再見陀飛輪",唔明但覺得有料到,公子們真高!!

    回覆刪除
    回覆
    1. 係解:陳奕迅有首歌叫陀飛輪,其中一句係咁既(霎眼廿七歲,時日無多方不敢偷懶),咁佢廿八嘛,咪再見陀飛輪囉~

      刪除
  2. 差2年唔係好多姐^^
    點解會叫白烚菜架,咁多好野食就食少一次菜啦

    回覆刪除
    回覆
    1. 差兩年差好遠佢係廿幾咋~~~我今年30喇
      Hehe我地有時要扮健康嘛~~~~

      刪除
  3. 我今日整白酒煮蜆,巧食。價錢平好多,15蚊加細白酒14超抵~~~yummy

    回覆刪除
  4. 小t♦・゚⊹甜夢✬*✫晚安安☁☾.•*¨★

    回覆刪除
  5. 好彩佢係一個賓妹X D我唸返起哥通電話都窒息X D X D
    七公就是非同凡響!七公幾時五週年?我覺得要大搞

    回覆刪除
    回覆
    1. 諗起都覺得好笑~~~~好彩唔係我打~~~~

      刪除
  6. 好彩佢係一個賓妹X D我唸返起哥通電話都窒息X D X D
    七公就是非同凡響!七公幾時五週年?我覺得要大搞

    回覆刪除
  7. 呢間餐廳真係好伏呀, 個番茄意粉真係貴得滯啦!

    啲蠟燭好靚呀, 影出黎效果一流呀!!

    回覆刪除
    回覆
    1. 我成日以為好食~點知......
      係呀通常呢啲都係朗公子準備~

      刪除
  8. 回覆
    1. 係解:陳奕迅有首歌叫陀飛輪,其中一句係咁既(霎眼廿七歲,時日無多方不敢偷懶),咁佢廿八嘛,咪再見陀飛輪囉~

      刪除
  9. 間貢多拉門面幾靚,但嘢食好似麻麻....
    返早即係要幾點起身?
    最後個韓式拌飯好唔好食?

    回覆刪除
    回覆
    1. 直頭中左伏~
      七點幾八點左右~
      好味!

      刪除
  10. 薄切三文魚伴沙律和燒羊架好正!
    您話差兩年,唔覺得呢!
    您阿媽整韓式拌飯給您,所以您要同她去日本囉~~~

    回覆刪除
    回覆
    1. 呢兩個算係唔錯~~
      佢仲係廿幾~我就..........
      Hehe~佢唔整我都帶~~

      刪除
  11. 凱公子生日快樂!你個樣baby face呢!^_^

    回覆刪除
    回覆
    1. 代佢多謝你~~~~~
      多謝你讚我呢~~~~~

      刪除
  12. 小T, 小心你買可以拍得的鬧鐘, 可能會失靈, 累你睏過時.

    你就好, 有一大班飲食朋友, 我就....

    昨天我去參加這裡的行山組, 是煲冬瓜的, 之後他們說要一起用餐, 我沒有去, 後來登相一看, 滿缸紅, 嚇了我一跳.

    如果我去, 要他們遷就, 那也不好意思.

    回覆刪除