與三老小孩佐賀自駕遊之旅2024-10-19第一天(天晴)

8月23日...中午食左文哥~再轉去唔記得叫咩名飲啡XXXD...噚晚終於鼓起勇氣買機票...落D講...夜晚叫外賣快快趣食完唔好阻我睇中年好聲音決賽XXXXXD....8月24日...好~多~野~做~呀~...頂...我今日諗住買葡京人chiikawa特典場3張飛...點知最後淨係篤到兩張........(一陣風吹過)....8月25日...過了...猛打喊露的一天...XXXD....8月26日...中午無啦啦又落左場大雨....8月27日...去左二擦CHIIKAWA..為了賽蓮車車!!!!好彩抽中其中一個兔~~~一個小八~~開心心~...8月28日...放工去左食八杯喜~食左今年第一場秋之味~.......8月29日..中午同芝姐去淳飲茶~朗公子請我地去BLOOM飲啡~多謝朗~探豬姐~夜晚痴痴貢食煥記~....8月30日...中午食左Toff..佢轉左係新口岸開第一次去~覺得佢樽仔麵大個左XXD..但我鍾意佢以前杯咖啡多啲~….夜晚叫健康外賣~夜晚翻睇2012….8月31日…臨暑假尾加星期一~多野做預左~.....9月1日...開學日~但我頭痛(好像沒關係)....9月2日...今日猛發呆....9月3日...我其實以為今日星期五XXXXXD....9月4日...放工去左同毛寶去風味居慶生宴~好耐無食風味居~...9月5日...中午洗車係附近又食Toff....連續兩個禮拜食暫時唔想再食XXXD...去睇命懸3000呎...係幾緊張既...但個故事就其實好無謂XXXD...探豬~去左官也街一間專賣罐頭魚既手信店買左兩個好貴既罐頭沙甸魚~~夜晚食鼎泰豐~



2024/10/19
Day1(澳門 Macau->香港 Hong Kong->日本,福岡 Japan,Fukuoka->佐賀 Saga)
yoyoyo~~出發~今次呢個旅行係我同毛寶帶埋3個老小孩一齊去日本佐賀玩~呢個旅行本身訂左2020年4月份去的...機票都訂左~點知2019年尾一個無情既疫情唯有取消(好彩機票有免費取消)...23年一開番關就同左佢地去近近地既台灣攞番個feel先...咁24年就同佢地行番呢個一早排好既行程啦~呢日我訂好車直接由澳門屋企直到香港機場~舒服喇卦~

朝早既香港機場真係好多人XXXXD去程行李9.6kg~




今次帶佢地去intervals bar試下啦~佢地未試過...反正信用卡仲有quota用...試下囉~






早餐原來餐牌唔同~




不過朝早時間真係好多人...得高櫈可以坐XXXD




覺得早餐無午晚餐咁吸引~普普通通~個麥皮感覺食完會好容易瀨屎XXXXXD






食飽飽去到gate等上機時...毛寶就攞左個生日禮物送俾我~係呀~出發當日係本大小姐生日~~~多謝寶寶~




華~~好靚呀~~隻貓貓頭係毛寶用豬子D毛吉出黎架~~好可愛~




仲有長輩們晚生日利是~多謝哂大家~~我地今次去佐賀~先飛福岡~再租車自駕去佐賀~我地坐香港航空HX640係10:30由香港直飛日本福岡~219個閘口勁遠~








勁耐無坐過香港航空~D座位都幾舊~個電視假架睇唔到架XXXD....不過佢唯一好處係有2人靠窗位坐~等我同老夫人可以唔使同其他人一齊坐~






位舊唔緊要既最緊要準時起飛~~








出發前睇D page某D航班香港航空會派熱既飛機餐...咁好明顯唔係我地呢班航班；[...叉燒包唔好食XXXXD我記得之前去沖繩都係派呢個包XXXXD無野飲揀~系統默認係派一支水~




大約14:41到福岡~(表定係15:00）












咁去攞車之前我地就俾司機大哥有無咩野食呀~糖仔呀想買定上車食~(我自己都衝入去睇下有無咩新野~)




我地今次租左budget rent a car~約左16：30取車~咁行去攞車counter攞起佢個電話...佢就會自動接駁到佢門店...同佢講攞車佢就會派車去接你去佢地門市做攞車手續(機場無得攞)






我記得要上番樓上某個門口等佢黎接我地~




今次攞車都算順利既~我地租5日車...一共85,693円(內含12,650円TAS及保險)...係喎~未講匯率~我地當時去匯率係5.2..即100円=5.2hkd~...所以租車85,693円=4,456hkd...每人每日178.2hkd




今次架車都幾大幾靚~我真係覺得毛寶好叻~可以揸到咁大架車~仰慕~






上高速喇~上左高速反而無咁緊張XXXXD










揸揸下落雨....




揸揸下又好天日落中~




大約1小時15分..我地就由福岡黎到佐賀喇~~咁今日無行程既~一黎就番左酒店~黎到時大約6點~我地呢兩晚住Garden Terrace Saga Hotel Maritopia~當初疫情前佢岩岩開~咁依家黎都仲新新地既XXXD....由於自駕...加埋Mapcode：87 318 365*60（星星後面數字通常不用入)




check in仲有welcome drink~




仲有煙花賣~




襯佢地搞緊check in...行去另一個出口望下~係泳池同埋sauna房係度~








好喇~上得房喇~~




日本D房都傾向偏細~呢間兩晚房價係3,932hkd...每晚係1,966hkd...仲要無包早餐...都貴...但係新...靚...我收貨喇~










由於知道第一日大家都攰喇~又超早起身去香港搭機...落機又坐一個鐘車黎酒店~所以毛寶子超貼心揀係酒店餐廳食~佢好似有兩間餐廳既...咁毛寶就揀左呢間有鐵板燒同懷石料理既~今晚係毛寶請哂我地咁多人食飯~話慶祝我生日~~~~~多謝毛寶豬豬<3








我地揀左食懷石料理~咁當時有3個set揀既~我地5個人分別揀左中間同最貴既~(比例唔記得點揀XXXD不過我同毛寶就一個最貴一個中間share黎食~)...貴哥個桜..19,800円=1,029.6hkd...中間哥個椿...15,400円=800.8hkd....分別望落就係貴哥個有佐賀牛食~






叫左Sake飲~1,320円=68.6hkd/杯




毛寶爸叫左無酒精啤酒...990円=51.5hkd...啤酒口感我就麻麻喇~因為我好怕飲到好飽XXXXD...毛寶爸話幾好飲~




D野好無食我大慨記低食後感係：晚餐前菜一般...刺身全部好好味~蝦正...魚勁彈皮也彈...汁煮魚旁邊配菜好食.....佐賀牛同天婦羅無特別記低XXXXXD...估計係一般...但又唔難食之類~






















毛寶仲特登訂左生日蛋糕俾我~~~多謝你~多謝大家同我慶祝~我既40歲生日~好有氣派~










送番佢地上房休息...我同毛寶兩個人去酒店附近7仔~幫大家買下水~聽朝早餐~




哥期我有個朋朋鐘意小八~我去便利店見到就買俾佢XXXD




無啦啦一入夜勁爆凍!!!本身黎到仲係夏天咁既氣溫...點知一入夜好似無啦啦番風!!超大風超凍~~即刻買支熱茶飲下(我仲係便利店買左防寒底衫同褲XXXXXD)...凍到痴筋XXXXD









2026/09/05的開心事：
捨得買左兩個好貴既葡國沙甸魚罐頭番屋企試XXXD



報時：距離2人福岡亂行之旅仲有---20日~
報時：距離馬爾他慢遊猛食紅蝦之旅仲有---60日~~
報時：距離曼谷飲啡按摩猛食野之旅仲有---98日~
個名一睇就個做咩XXXXD
係!又去曼谷XXD