七公子食揼買曼谷之旅2024-06-09第二天(天晴)

6月8日…落過好多陣大雨….香港仲黑雨添…..6月9日...下午又有少少頭痛~.....6月10日...今日運氣好似幾好~~開心心...依家越嚟越發現...去旅行執野好煩XXXD....6月11日...yeahyeahyeah~~番埋聽日就放假架喇~~加油~今次執行李執到個人好唔firmXXXD...6月12日...yeah~放大假喇~~不過係聽晚先過香港~所以今晚星期五放工無即衝番屋企~同毛寶去左味藏開心下先~再番屋企執行李~....6月13日...訓到成12點先醒XXXXD....飲下咖啡食隻蛋又行番上床攣下~沖完涼毛寶車我去佢屋企食飯~然後我地就卜左車直接去香港機場~~~...6月14-6月27日...和毛寶在意大利Dolomites爽爽中~~今次好開心呀~風景好靚~事事順利~感恩~希望可以快啲分享到呢個旅行~我直頭好想再去多次XXXXD...6月27日..朝早6點係香港落機...番到澳門執完野...仲行到出去食文哥~再去葡京人飲杯double espresso~但眼瞓到上去探豬時訓著左XXXXD夜晚食左麥當當做晚餐~...6月28日...噚晚12點訓左..一訓就天光先醒一醒..望下鐘8點..再訓...一醒已經12點XXXXD...然後去食茶杯~周圍行下~就番屋企夜晚叫外賣~唔知係咪訓得太多...我凌晨5點先訓得著....6月29日...好彩今日都係放假...9點度起身...然後衝去銀河睇平價戲~睇左揭示日..硬係覺得係預演...但套戲唔算太精彩~行下上葡京~然後就回家了~結束我既大假；[...夜晚成個人都好emoXXXXD...6月30日...要~番~工~喇~~好彩噚晚訓得好~一番工仲要考試...好彩合格XXXD....今日勁爆多野做XXXXD...好喇...warm好up喇~又迎接7月挑戰~….7月1日..頂..又頭痛…放工約左Diana食生日飯~試左ajar home…好好味~…7月2日..攞命...訓到兩點醒左到4點先訓得番....今日全日番工都戇居居咁....7月3日...放工同唯三既大學同學係MGM既盛事慶生~....7月4日...中午食左Shake Shack~去左葡京人飲啡~探豬姐~夜晚痴痴貢~



2024/06/09
Day 2(泰國,曼谷 Thailand, Bangkok)
間酒店好係幾好...但呢種房窗簾唔太遮光XXXXD晨早就醒~加上有隻雀企左係我地露台猛9叫XXXXXD好嘈呀~~

如果去泰國我應該係完全唔會食早餐直接brunch開始...點知班女人個個都唔可以空肚食brunch~XXXXD....隔離房女仔叫左grab food!!!...外賣左Auntie Anne’s番黎!!!我第一次食Auntie Anne’s...痴左線!!一杯杯哥個芝士條好好食!!外賣黎到都好食!




食左早餐行出街...行過之前住過哥間酒店外面間兌換店...癲左!!!個匯率4.66??好高呀!忍唔住我都要換D喇!!




搭BTS~買飛先~




來到Ari站~




2024年的曼谷...皮克敏還是非常的容易入菇!...仲要同一區兩個大菇!!天呀...之前D菇係任我揀架!




導遊~我地到未呀~




午餐揀係Kaffa Brunch and Brew....佢係Josh Hotel入面~








我地揀佢應該係ig見到D人係cafe外面泳池打卡D相幾靚XXXXD但黎到覺得好難影得好睇XXXD








叫左Iced Americano...110thb=24.4hkd.....其他完全無記憶XXXXD








Pear Salad...260thb=57.8hkd....Smoked Salmon Salad...280thb=62.2hkd....都幾平幾大個~就正常野啦~無乜特別~






Chicken Milanese...275thb=61.1hkd....Crab Pasta...450thb=100hkd....唔...唔難食....但唔係出色...蟹哥個好D囉~






完全唔記特得係咩包喇~不過麻麻地~薯條也不好吃~~




食完出黎...5個人都覺得空空如也...行出黎對面見到有通思密...食船麵既...上次黎見到超多grab food去攞外賣...反正個肚未飽...睇佢唔順眼行入去教訓佢!(食完番澳門先知佢係船麵界既愛馬仕!)




Ari區佢就有地舖....但其實佢係各大商場都有分店(Teminal 21同Emquatier等都有...依家香港都有啦XXXD)...咁佢既船麵又唔係真係一般船麵店咁細細碗既...但又比正常麵細....佢除左有牛之外仲有豬...麵都有好多隻揀~又湯又撈~都幾多選擇~(最近先知佢有飯XXXXD)...其實佢豬同普通牛都唔算太貴既...佢又抵屎...船麵都有和牛揀XXXXXXD




Thai Iced Tea..89thb=19.8hkd....Pandan Juice...69thb=19.8hkd.....個班蘭汁巨出色!!!!!好好飲!!有人覺得好飲到飲完一杯再一杯XXXD




唔食牛既人揀左個撈既Pork Ball and Sliced Pork Egg Noodles....139thb=30.8hkd....可以揀淨餸...不過會貴啲~據講係好味既~




有人叫左Beef Ball and Sliced Beef(唔知揀左咩麵XXXXD)...149thb=33.1hkd...




呢個就係我叫既~~我就班蘭汁~再叫左個Sliced Australian Wagyu Ribeye Vermicelli....499thb=110.9hkd....咁呢個價係貴既XXXXXXD...因為唔大碗....但真係好食~~~~佢湯好濃~揀超幼米粉~掛湯~....澳洲和牛肉眼牛味濃~呀~好味呀~加上炸豬皮...20thb=4.4hkd...完美~如果唔食得辣...真係要揀唔辣XXXXD......不過其實揀最低哥隻辣係好食D既....但一路食我要一路猛飲凍野XXXXD....依家基本上次次去都食一次~同埋都係呢個配搭~






有人係度放低左好多兩XXXXXD....喂!呢班人岩岩先食完意粉沙律三文治咋喎XXXD一街之隔又每人一個麵XXXD




都唔夠呀仲要食埋甜品XXXXD...Coconut Ice Cream Served in Young Coconut....159thb=35.3hkd...D甜品都幾靚幾好食~




食飽飽就行去按摩~由於上次個spa太舒服~所以今次都揀番佢~Calm Spa~一早IG預約左~今次都係揀Ari店~佢係間酒店入面~










我地預約兩小時oil massage~但去到見到有promotion...可以除左oil massage仲可以A La Carte一D你想做既項目...所以我地就由本身既個半鐘...加時至兩個鐘~~(咁岩佢又有時間俾我地加時)....佢D A La Carte你可以自己揀想做既項目加埋時間係兩個半鐘內就ok~但都收同一價錢...120mins係3,414thb=759.7hkg






呢度個環境好舒服~~~








坐低飲杯茶先~然後填下表~






咁我哥兩個鐘我就揀左半個鐘做磨砂~個半鐘推油~(有人就揀左半個鐘磨砂一個鐘推油半個鐘facial~)...咁揀下磨砂想用邊種~我實在太失敗~揀左中粒磨砂...我覺得...唔太舒服XXXD...下次記得要揀最幻既磨砂~




我同毛寶間房~同上次差唔多~




大家都出左黎之後...我先知桃公子同朗公子佢地分配到我之前上網睇覺得好靚哥間房~見佢地已經整理好間房就問左工作人員可以去影張相~








按後一致裁定：一般XXXXXD...上次按到我同毛寶異口同聲要再黎....今次真心按得麻麻...個水準爭好遠呀喂~(其實今次本身睇左另一間好靚好靚既想去...但佢無位俾5個人~所以揀番呢間上次舒服到訓著既店~失望)....但個按後下午茶係好食既~樣樣都好食~但D點心個樣係唔靚既~XXXD..唔係少女系~






我地今晚book左餐廳食飯...由於spa同餐廳地點唔算近...同埋比我地預計完成spa既時間又加左半個鐘~所以做完極快速call grab~~一黎到....華~乜grab得咁有氣勢架?XXXXD




今晚訂左呢間有米芝蓮既家常泰餐Khao...我地去哥間係Ekkamai分店~一早係官網預約左6點半~










餐牌老實講...又花又多野食睇...睇睇下有D無心機XXXXD...見佢seasonal menu有jumbo river prawn...叫下先(因為上次建興叫過好食)






野飲又係好多野揀...但完全無記憶點...我仲要睇相先知自己係飲邊杯...cocktail都係250thb=55.6hkd一杯...mocktail就150thb=33.3hkd一杯...唔係貴既...但唔會叫多杯飲XXXD










佢攞隻Jumbo river prawn俾我地睇...餐牌價錢係400thb=88.9hkd/100g....呢隻係535g...望落係幾大隻...呢隻係2,140thb=475.6hkd....




Prawn Spring Rolls...350thb=77.8hkd...正常但不特別出色




Jasmine Rice Crackers Served with Dipping Sauce and Sides..320thb=71.1hkd....同餐牌張相差好遠...D Rice Crackers又油淋淋....老實講....個side食落唔知係咩XXXXD....成知擺盆好肉酸XXXXD




好喇...隻燒珍寶河蝦...上喇........喂...陣陣臭味既XXXXXD...老實講...一陣渠味.....令我懷疑隻蝦.........唔係幾新鮮...如果整既廚師聞唔到...咁佢係失去嗅覺XXXXD...連我中完之後嗅覺唔敏銳都聞到...........搞唔掂.............有無同餐廳講番?....人在外地...菜都未上齊.....500hkd當我地5個買個教訓XXXXXD...隔住相都聞到陣臭味XXXXXD




睇下之前係建興食哥隻幾咁正!呢隻真係好好味...連D蝦膏都正!




過左河蝦之後D野食都係平平...一係好咸...一係唔岩口味(但大家知我平時乜都食XXXXD)...呢間D家常菜...唔係好岩我地胃口...
















甜品叫左Mango Sticky Rice...300thb=66.7hkd...同Pandan Dumplings in Coconut Milk served with Pandan Tapioca Pearls....220thb=48.9hkd....正常野...但班蘭甜品唔算重班蘭味少少失望....

總共食左9,775thb=2,172.2hkd...每人434.4hkd....唔算好貴...但唔會再去XXXXD...舉手想試呢間搞到大家食左難食野內疚到依家XXXXD(網上評價一致好評...好驚XXXXD)




係餐廳行去Ekkamai間Big好似行8-10分鐘~食飽去行下~




呢間Big C幾大又無人~




Squid蛋味?!即係咩味呀?？?感覺奇怪!




有衝動想買...但想起自己帶了細gip....拜拜Win子~




佢地話呢隻洋蔥膏好好用..對鼻塞好?係咁上下XXXXD買左但仲未試~




一見榴槤檔朗公子即衝~




朗公子買左黎請我地一齊食~~多謝~真係好好味~457.25thb=101.6hkd...平唔平呀?






去完Big C搭BTS番去~




睇黎你都幾鐘意三色貓~




又去買宵夜食~~






聽日要走喇~執野~唔算買得多野~(要就番個細gipXXXD~仲要幫人帶個花樽XXXXD)











2026/07/04的開心事：
今日豬姐對我好滿意(自我認為)



報時：距離2人福岡亂行之旅仲有---84日~