紐西蘭南島自駕遊之旅2024-04-23第四天(晴天及後陣雨)

11月9日..中午食左千笹午餐set用左張100蚊消費劵..但勁麻麻~如果唔係驚旅行前熱氣...我會揀食爀樂午餐set~~~夜晚叫外賣~...應該執野執得7788~.....11月10-11日..應該忙緊執野...番黎先發現原來無寫到日記XXXXD...應該都係平常番工日XXXD....11月12日...哥日正常番工...一放工就衝番屋企沖涼食飯坐車過香港~哥晚飛凌晨~...11月13-15日..到達南非開普敦但唔夠膽出街XXXD係酒店抖下食下野過就算~....11月15-12月5日...由南非開普敦到南極(途經兩個島參觀)..到南極後再到阿根廷烏斯懷亞落船~...12月5-24日...會合天團再玩阿根廷~12月26日番到香港...成個聖誕完全摺埋左XXXXXD....12月27日...噚日下午4點番到屋企執哂野沖涼食飯...番入房睇電視時...睇左一陣完全唔知自己訓著左..但正式訓後又唔係訓得長...斷開再訓...中午去左食文哥...好耐無食過𠽌𠽌麵~去左葡京人bloom飲啡...探豬~好掛住佢..成個幾月無見!..好彩佢有睬我地~....夜晚求其食大家樂...一直由阿根廷頭痛到番黎...12月28日...又反常2點先訓...7點就醒左訓唔番...我呢啲係咪叫時差...既然訓唔著晨早衝10點睇優獸大都會2...估唔到番到黎仲有得睇~中午試左間新開既越南式cafe...少貴...包幾好食但撈檬麻麻~...再飲埋terra..夜晚番屋企叫外賣~...12月29-30日...摺埋自己兩日.....12月31日...今日番半日工~開心~中午放工同公子去日麗飲收爐茶~日麗D野真係好好食~(定成個半月無飲過茶太掛住?)...去探豬~夜晚同3個老小孩去食鼎泰豐~..我大個喇我係屋企睇電視倒數得喇~...2026年1月1日~happy new year~祝各位身體健康~呢日竟然由噚晚12點幾訓到11點半XXXXD...仲要中間完全無醒過~我係咪適應番時差喇~~~中午食左MGM甜點~蝦麵好味~又探豬~夜晚番屋企叫外賣~.....1月2日...番成日工...個人個爐未撻著還是懶懶的.....放工食海銀海記~~~



2024/04/23
Day 4(紐西蘭 New Zealand,Greymouth->Frank Josef)
早晨~我個喉嚨好痛呀~噚晚氣管好痕~仍然變聲中~~(有少少失聲既趨勢~)...咁我地加左每人122hkd既早餐~睇下有咩咁巴閉先~(基本上都揀加錢要埋早餐~因為費事要周圍搵早餐搵車位反而浪費時間...第一晚無加錢因為見地圖係酒店隔離有cafe先無加~不過食早餐都食左兩百蚊XXXXD)

我開頭以為係自助餐....原來係點餐即叫即整~都好~我其實都唔鐘意自助餐~




我叫左Kiwi kitchen full cooked breakfast~大包圍~我想食薯餅~~毛寶叫左corn and haloumi fritters~兩樣都ok~咁係酒店食埋仲方便....唔使搵黎搵去~






上去攞行李走時先望到原來房係對住呢個景~噚晚黎到都天黑~~




好咯出發~~自駕遊既好處~就係見到個景靚有位停就停低睇下~有位停低落個沙灘度睇下~勁大浪~






話實在D好大浪既地方成日有好多泡泡係岸係點解呢~




落沙灘行一陣又繼續~D山咁望落好有層次~




係酒店黎呢度大約38分鐘~就黎到我地今日既唯一景點~Pancake Rocks~




已開發景區~唔難行~






呢個位令我諗起毛里裘斯D甘蔗田~






其實呢個景個改得好好架!Pancake Rocks~~~~~~




睇落就係海浪加風吹蝕到層層薄餅(不負責任評論XXXD)










繼續向前行~




佢唔係得幾舊..係成個海岸邊都係Pancake Rockssssss~












行到呢個位望到海岸d石就覺得佢地係女巫呀巫師呀..襯夜晚唔知運d乜走...然後天光前又走唔切.....俾陽光一照又變哂化石.......(我是被北歐神話故事荼毒的小孩XXXD)




行呢個海岸邊景區一路都靚路好好行....最難行睇怕係呢Part~






成個景區又行又影咁....大約40分鐘就可以完成~幾好~幾舒服~不過已經開發又完善既景區既缺點係：人都幾多~......不過呢個咁完善既景點....竟然唔使入場費~




停車場附近有cafe有紀念品店~hea一陣先~反正今日得一個景點~磁石~麻麻地~




買左D Postcard寄啦~寫postcard真係好攰XXXD...老實講D postcard都幾佛心價~幾蚊hkd一張....








有人揸左呢隻KIWI上手就唔放手喇~話要買俾佢姨甥女(即係豬子XXXXXXD)




同埋猛話呢粒磁石好過癮~屎都唔放手(得番一粒~)




郵費都唔算好貴....10幾蚊hkd一張~算係咁~




買完少少紀念品就去隔離Cafe休息一陣~不過都係得d類似all day breakfast既野食~今朝先食完唔係好想食~求其叫個scone兩份同兩杯啡濕濕個口就算喇~(其實我好憎食scone~但呢個係咸味scone我先接受XXXD)




臨走係停車場見到隻巨雀~開頭以為佢係KIWI~~但望望下隻衰野個咀好似唔係咁XXXD




大約點半左右我地就離開景點~開始出發去我地今晚既酒店~咁早出發去酒店既原因係.....車程長~成3個鐘先到~同埋間酒店少少貴~想早D到嘆下~呢段3小時長既車程....有大約兩個鐘左右既時間個電訊商都係收唔到訊號...差...(衰過法羅好多好多~)






去酒店既途中會經過噚晚參觀既Glow worm dell....d人話要日光日白去睇下噚晚黑漆漆既螢火蟲屋企到底係點樣~原來真係好細幅架咋~~










再出發~




中間有油站就停一陣去下廁所買下野食(但無乜好買)




行多一陣就黑哂天XXXXXD...落左一陣雨仲出埋彩虹~






大約3個鐘度就到我地今晚既酒店~又有KIWI?XXXXD






今晚既酒店係Te Waonui Forest Tetreat....有人話如果自駕呢...最好就係入Frank Josef前為部車加滿油先~因為Frank Josef哥區入油最貴~(驗證唔到~因為我地無係呢區入~)






我地呢個旅程最貴哥間酒店就係呢間~原價3,783.07hkd...我地用左hotels.com個十晚送一晚優惠(我地有間1,495hkd既免費房)...減左優惠一晚係2,288.1hkd..包早晚餐~一打開係靚既~






個廁所勁唔得XXXD...好老土~不過2200hkd包早晚餐又好ok既~原價住就唔ok~






帶我地入房之後再送杯welcome drink...勁怪色...味道也怪XXXD




仲送左粒怪色朱古力~驚驚~




好餓呀喂~今日中午淨係係pancake rocks哥度食左個咸味scone兩份~佢餐廳6點鐘開門我地就衝去食~你睇下..天都未黑我地就去食飯....








好期待呀~好肚餓~




今晚晚餐有5道菜~有D fix左~有D可以揀~




難得今晚係酒店食~司機大哥梗係要嘆番杯啦~毛寶紅我白~我地都係叫左紐西蘭出產既~白酒NZD$13/杯=61.7hkd...紅酒NZD$14/杯=66.1hkd...好抵飲~




第一道係無得揀既是日例湯~係薯仔蘿蔔湯...係無味既~




第二道我地揀左duck Brest同Beetroot cured salmon...鴨胸煎得好香..三文魚就正常味~






第三道主菜叫左Rack of Lamb同Char grilled Beef Tenderloin 180gm....兩樣都叫3成熟...兩樣都差唔多well done~無乜牛羊味...不過就牛好過羊~






第四道就大家都有既New Zealand cheese...華~又幾靚喎~我好似好少食到紐西蘭既芝士~D芝士比較偏淡口...blue cheese我覺得適中唔怕太咸...毛寶話我：唔夠咸香學咩人食blue cheeseXXXXD




第五道叫左strawberry panacotta同埋mango sorbet~甜品又幾ok喎~






晚餐包左係房價入面~所以淨係俾兩杯酒錢~呢餐唔算話好正~不過絕對入得口~




毛寶既靚靚~



















係喎~2026年喇喎~
點都要同大家講聲Happy New Year~
祝大家新一年身體健康順順利利~
又整個過2025年個人小回顧~
回顧2025年...試左D人生第一次~
去左第七大洲~
睇到想睇既~
可以話係完美~相信一切是最好的安排~
感恩~期望2026年會繼續健康開心周圍去~
(我回顧入面好少講工作XXXD都係關去玩事XXXD)



我發現去完南極個人內心空空的
要盡快著手下一個旅行黎填補內心空虛~(誤)



02/01/2026的開心事：
雖然番成日工~但係今日係星期五~~
我知自己聽日忙~今日出定blog先~
我幾乖~~~~~