2023/12/25
Day 1(澳門 Macau->台灣,台北 Taiwan,Taipei)
係疫情之後第一次帶老小孩s出發~揀左機程時間比較舒服既台北~~~~好啦~~~出發~~~~~~~呢個旅行係我同毛寶去完富士山之旅一個禮拜後出發~~~~(哥陣時放緊大假~所以中間哥一個禮拜都係休息中~第一次放一個大假去兩次旅行~)
當時佢票價都勁佛心!!!!聖誕先2,562mop一個人~~比著澳航一定3000幾!!!!!...都係check in時可以免費揀位~好好~...可惜佢MFM-TPE係A321...商務係2-2....如果唔係都可以衝一波試下~
過左海關就去食早餐先啦~
睇下個魚蛋粉湯肉酸到...個魚蛋粉同香港哥碗比真係差好遠；[...今次算好...叫做有件三文治食下~最後最好食都係蝦片XXXXD....好彩呢日係正日聖誕節...D人前幾日飛哂~呢度唔算好多人~
我第一次坐星宇航空呀~~~呢日我地搭JX202係12:05由澳門飛去台北~
以前去台北都係坐好舊既澳航或者台灣虎航...依家搭星宇感覺好衝擊!!!大佬!貢大個電視喎!!而且幾多戲睇下~椅距算闊~幾好坐~
出發~(我頭型勁怪XXXD)
星宇段航空安全片好可愛~有D似怪獸公司卡通~
我第一次係飛機上食豉汁排骨飯XXXXD唔難食~仲要有生果有小食有果汁...已經好出色....餐具又有質感...我又揀左睇回到最愛的一天..打肺...又睇到流眼鼻水....
13：45到着~記得記得出發前要上網做定入台證同埋要print out呀~關於有個print out有個話題...留番下一次去台灣先講XXXXD(唔知幾時)
過關都人多~大約要一小時~記得記得唔好帶任何肉類製品入境台灣~行到出行李輸送帶...華XXXXD我第一次見輸送帶咁忙碌XXXXD如果係日本應該俾工作人員抽哂落黎俾你諗領~
本身出到黎我地諗住登記左去抽獎既...但一行到出黎...wow........打左好多個蛇餅....真係好長龍...不如...算咯XXXD又唔一定中既~
華~好似幾好天咁喎~講講匯率先...今次係3.89....即NT$3.89=1hkd....今次我地同3個老小孩黎...所以我地選擇包車XXXXXD....個司機係老夫人之前同朋友去台灣有用過既...我地上次同毛寶家人去宜蘭有用過都好好~所以今次再用~因為費事佢地攰...加上唔想淨係行街想安排下行程俾佢地...所以就包車囉~我地會包機場來回接送(NT$1,600=411.3hkd每程)...加兩天全日包車遊覽(一日遊9小時NT$6,000=1,542.4hkd...超時1小時NT$700=179.9hkd)....我地出左黎企定定就話俾司機大哥知我地係度~佢就揸架車過黎接我地~
其實我覺得...台灣D司機真係好多野講XXXXD另一方面諗都好既...證明佢清醒狀態下揸車~安全~
大約45分鐘我地就到左我地呢4晚既酒店啦~我地今次住和苑三井花園飯店台北忠孝....酒店隔離已經係忠孝新生站3出口...交通係方便既...但係附近生活機能不佳呀XXXXD一間便利店都無~好唔方便~又無乜野食~
好啦~check左in就上房~先去佢地二人房望下先~佢地二人房7053.36hkd...每晚房價1,763.34hkd...聖誕節...係咁上下~房D裝修係唔錯既~
我地3人房其實房型一樣XXXXD仲放3張床添XXXD...4晚房價13,547.36hkd...一晚3,386.84hkd...每人每晚1,128.9hkd...都係經hotels.com訂~乾濕分離及被我迫埋牆角的2人XXXXD
安頓好就出發去食聖誕大餐啦~我地呢日淨係要左機場接機服務~所以去食飯我地就帶佢地去搭捷運啦~
黎到忠孝敦化站~呢日我約左17:30食飯...揀咁早食係因為聖誕節佢分兩場...得17:30或20:00....帶住老小孩..梗唔會揀夜食飯~唯有食17:30啦~反正飛機餐咁細~呢晚早D食完早D抖都ok既~睇下~仲有日光~
有隻人話好想去買paraboot喎~叫我帶班孩子去攞位先~好啦~(佢最後發現係台灣買無退到稅既paraboot比有退到稅既日本買平好多!點解既?因為日本進口野收好重稅?)....我地今晚食我係疫情既時候收藏左好耐既口袋餐廳MUME...地址：台北市大安區四維路28號....我無記錯佢有米芝蓮一星~
裝修算比較輕鬆唔太拘謹~
見佢碟就放好哂但未有餐具...
原來係呢度~
今晚係聖誕節...所以今晚餐單同平時唔同(我講價錢XXXD)...係佢官網留信用卡資料訂位...無收錢住既..如果食前兩日都可以免費取消....呢個係今晚餐單..每位NT$6,380=1,640hkd....包一set有酒精或無酒精飲品...係一set...唔係一杯...雖然價格貴過平時...但包一set野飲又覺得ok~
我地5個人我記得我地叫左3 set無酒精飲品同2 set無酒精飲品...呢個係第一款~
amuse bouche係用烏魚子~
好~開始餐牌內容...玉米/淡菜/銀杏...粟米用黃白粟米..用埋個芯...青口煙薰方式...好嫩~
鰹魚/紫蘇梅/刺蔥...呢度用生鰹魚用清酒同味醂醃..仲有洛神花..紫洋蔥..食用三色堇..辣油..羅勒油..刺蔥.....個樣就好靚喇~令我諗起川江月其中一個餸.....呢個我覺得味道太多...但舊鰹魚本體其實已經好好味~配料有點太多~
自製酸種包/老菜脯奶油.....然後上麵包...麵包同牛油都自家製..介紹時講牛油係用28年老菜脯整...你見牛油個色啡啡黑黑咁..一定有D料到~極度期待...入口後...我問毛寶：有無feel到老菜脯?....毛寶：無XXXXD.......但酸種麵包係好味!...牛油你當佢普通牛油都係ok既~
鮑魚/冬瓜/蔭鳳梨....隻鮑魚幾好吃...個汁清清地幾好~
第二杯野飲...有酒精同無酒精外型一樣~...係菠蘿汁..rum..爆米花糖漿...薄荷...我覺得甜左少少~
季節時魚/山茼蒿/萵筍...魚係海帶魚..海瓜子...山茼蒿檸檬汁幾好味~但舊魚有D太大~食到呢度都飽飽地~
第三杯wine pairing~係純米酒~個酒樽幾得意~
龍蝦/自家製軟絲蠟腸/甜椒....龍蝦係波士頓龍蝦...配自家製意式汁...辣辣地其實幾開胃....個汁係惹味既...但我覺得有少少搶左龍蝦個味~
最後一杯pairing係來自加州既紅酒~...無酒精哥杯似啫喱水.......好甜...
和牛臀肉/梅干菜/無花果...牛係澳洲和牛...汁係梅菜牛骨汁...平時唔係幾鐘意食澳洲和牛...但係呢舊牛味幾好味...而且肉質好軟嫩~唔錯~
芭樂/咖啡/麝香葡萄酒....唔...個pre dessert無乜特別XXXD
脆皮泡芙/巧克力/柑橘....對甜品最好既讚美：幾好~唔怕太甜XXXXXD
如果以米芝蓮+聖誕節+包4杯飲品黎講...又唔算話太貴既...不過呢間收埋係我心入面好耐...想食左好耐....一可以去旅行第一次去台灣時我就安排要試試佢...點知食完....唔知係咪我太期待...所以就......D材料食得出係好既~但配搭上就.....望餐廳睇字就無限想像....但合埋一齊食入口又另一回事~唔太啱我~....同埋...成千六hkd一位仲要俾NT$100=25.7hkd水資...........所以我猛refill熱水....我認我姑寒.....好多謝4位咁貴都陪我去食~
食飽飽經過Paul買左麵包做聽日早餐~酒店無揀包早餐~我唔食就無乜所謂~老人家要食少少野出發~聽佢地講D麵包幾好吃~
好啦~搭番捷運番酒店喇~
毛寶D相~我記得呢餐佢同我意見一致~
2025/08/23的開心事：
今日走訪各醫療機構搵表填時..
經過各玩具店..竟俾我發現之前好想抽既...
CHIIKAWA閃卡~~本身諗住意思意思抽5包..
點知毛寶霸總上身：小朋友先要做選擇..我買成盒俾你~
華~好霸總呀~~~~~~~~~~~~我鐘意~<3多謝*3*
報時:距離毛寶生日曼谷之旅仲有---34日~
報時:距離南極阿根廷之旅2025仲有---81日~
無啦啦生多個旅行出黎XXXXD
原因係....本身諗住去既...
諗諗下諗住慳錢....但係我覺得我同佢7..8月都太辛苦~
不如請佢去平平地行開下放鬆下啦~
曼谷夠哂放鬆XXXXXXD~~~~~~趕緊諗下去邊好先~
沒有留言:
張貼留言