2023/10/20
Day 2(泰國,曼谷 Thailand,Bangkok)
早~晨!呢日痴左線XXXD...9點就係條街度行黎行去XXXXD
入到去...以~~~~~~仲有細仔Win~~~~(呢個現在還是有好感)
睇下...出閘又見到當時心愛既偶像係幾咁開心~...當時覺得....佢地兩個真係...好襯XXXXXD...點解我咁天真XXXXD
搭到去Phloen Chit站E2出口...搵左好一陣子先搵到目的地~~大約行左5分鐘左右~
今日既第一站!!..唔係食野!唔係飲啡!!係去網紅綠茶店XXXXXD...呢間叫Ksana....地址：2nd Floor, One City Centre, Unit R2-02, 548 Phloen Chit Rd, Lumphini, Pathum Wan, Bangkok 10330....呢間野好勤力開勁早XXXD...8點就開~毛寶話呢間好多人去...想影得靚D...就早D去~(所以我地咪呢日咁早出左黎囉XXXD)
一入去就叫左野飲先~餐牌都好簡潔...主要都係綠茶類飲品...同埋日式配茶既和菓子~
襯店員整緊我地杯野飲...我地就周圍影~~個環境係幾好影既~好似係個風蝕山洞咁~好彩毛寶話早D黎~一個人都無~咁就好影D喇~(睇人地D相勁爆多人)
等埋野飲同和菓子再來一張XXXD靚唔靚~
老實講我都唔係好記得自己叫左咩XXXXD...我估我叫Coastal Breeze(170฿=39.5hkd)或者Bitter Rainforest(140฿=32.6hkd)...因為得呢兩隻可以做凍既淨茶~因為有款佢淨係可以整淨熱~另外佢可以做成latte~...個和菓子叫左Kingyokukan...140฿=32.6hkd....其實就係羊羹咁~但靚~好無飲好無味呀...er...其實對靚既綠茶同和菓子我都唔識欣賞~因為唔係我杯茶~~我純來打卡XXXXD
飲完綠茶出黎~決定剷過隔離Arabica%飲杯啡醒下神先~外觀好靚~綠悠悠~
我覺得...酸左少少~我不喜~
好~去認真咁搵野食~我地搭車去Nana站~其實我地想去既地方係介乎於Nana同Asok站中間...但Phloen Chit下一站就Nana~搭一站就好~反正相距差不多~
好似Nana站行過黎8分鐘左右?...就黎到我地今日午餐地方~毛寶帶我黎試Mindmade...地址：5 Sukhumvit 10 Alley, Khlong Toei, Bangkok 10110 Thailand....
野飲咁乖竟然無叫啡XXXD...叫左一杯Sunset(桃味茶飲)同一杯Blink Blink(荔枝梳打)...各90฿=20.9hkd...以cafe飲品黎講唔貴...但好甜XXXD....野食款式唔多...叫左個I'M Veggie既open sandwich~150฿=34.9hkd....呢個好味!!個包佢地自己整既...蘑菇下面係佢地自製既香蒜醬~好好食好香~....同埋Go Green既意粉~220฿=51.2hkd...野食都好味~
再叫多個甜品Brown Sugar Toast...199฿=46.3hkd...呢個係Crispy toast with ice-cream~~~都好好味~我覺得野食比野飲強~好邪惡好好味呀~~
食飽飽就去我地下一站~行過去得喇~咁熱天氣做咩好呀~梗係行入有冷氣地方做spa啦~我揀左Diora(Luxe Sukhumvit)...咁佢總共有4間分店既...咁我睇環境既XXXXD...就揀左Luxe Sukhumvit分店~Asok站行過黎近D~
你話個環境係咪好咯~
坐低休息下先~上網已經揀左做邊個course做幾耐~家陣confirm下~其實kkday哥D有d優惠course可以買~如果有岩可以買~(因為係平台買左course本身已經平D...仲要已經含稅...不過我想要哥個course平台無~唯有現場俾錢~不過記得先搵spa約好左時間先去平台買course~如果唔係有coupon但間spa無位你做就慘喇~同埋有D spa如果你係平台買course記得要一早講明用平台course~)...我地係揀左做Diora REMEDY Package II...180min...3,900฿=907hkd.....做成3個鐘~~~首先有60分鐘身邊磨砂~120分鐘精油+熱石按摩....睇字都舒服~
好~welcome drink~好似係香茅茶~同埋一支水~
飲welcome drink之餘~仲要填下表揀下力度~邊個部位要加強之類~(我永遠都會叫唔使熱濕毛巾熱敷眼...因為怕毛巾污糟...D水又入眼...同埋唔要按摩頸!!頂籠按下膊好喇!!...同埋要揀揀因間精油按摩要咩味~仲有磨砂~
洗腳仔既地方都幾靚~
入房~
房既裝修就一般般~出面靚啲~....好~重點!...係個按摩做成點~..我開頭都諗過身體磨砂1小時邊有咁多野磨!...點知真係磨到1個鐘XXXD之後磨完出黎我覺得自己白左XXXD為左磨一個鐘既呢日...我特登係屋企無磨砂XXXXD....根據兩次全身磨砂既經驗...其實揀咩味都唔係重點~最緊要唔好揀粗粒磨砂XXXD如果唔係會磨到好痛XXXXD...精油按摩都ok既...熱石都唔錯~其實呢間我覺得都算係咁~
做完就帶我地去番大廳另一邊食茶點~(同頭先登記哥邊唔同~)...泰婆幫我地玩左3個鐘都攰喇XXXD我記得每人俾左200฿貼士XXXD...舊甜品唔好食~呢個spa又係毛寶子送給我的~謝謝~
嘆完仲有時間就去Central Embassy行下~因為噚日淨係夠時間去建興時間唔夠時間行街~依家去行番先~
最主要都係行最頂既Open House~但今次又無野買喎~
行過下兩層CK...又見到當時我的愛...華...仲要半裸...都真係流口水XXXXD..雖然膊頭個鷹紋身好老土好趕客XXXD
底下超級市場之前都幾多岩既野買...今次又乜都無野岩....
因為呢....上次搵左好多地方都無呢包九層塔蕉乾既零食...得呢度見到!...超級好食...諗住再黎買番....點知..呢度都無喇....(呢個係上次既圖片)
.JPG)
行過food court...又見P'Bai...但呢個炸雞廣告...影得佢咁醜既XXXXD...個身型又肥又矮咁XXXXD...聽D追星朋友講都幾好食~
好耐無見過Sawadee麥叔叔~
好啦~夠時間我地就去我地今晚晚餐地點Nawa...地址：Park Lane Ekkamai, Khwaeng Khlong Tan Nuea, Watthana, Bangkok 10110 Thailand...有米芝蓮一星~....搭BTS去到最近既Ekkamai站...行大約10分鐘去~
有個開放式廚房俾大家望下佢地整野食~得10幾個位...想試真係要訂...係網上訂位時要先付款...佢好似每季唔同...係一個個course咁既...有幾樣optional你可以加..可以自己上佢官方ig參考下~
我地去食哥時係Nawa Rainy Season Menu...3,800฿=883.7hkd/ppl(依家已加價至4,200฿)....我地額外仲有加兩樣想試既野試~其實淨係個Rainy Menu已經有15-course XXXXD...我地那來的信心再叫optional既野XXXXD
華...仲學人有信心叫埋Wine Pairing...XXXD..我地叫左4 Glasses...1,600฿=372.1hkd....因為我地本身想單點一杯酒...但佢無單點又無cocktail...一係Wine Pairing...因為我地依家好少Wine Pairing...呢幾年中過之後我發覺自己無咁飲得XXXD...明明中之前食天頤我仲可以Wine Pairing~~先來第一款
先來Appetizer~有好多XXXD...都幾繽紛~海膽又北海道海膽又和牛又生蠔....好似太陽花哥個牛幾好味~...生蠔好靚好北歐feel...但配咁多野好無食襯唔襯又另一回事~我自己就鐘意...就咁一隻生蠔咁食XXXD
然後呢個係optional叫既Fried Pork Toast...之前定左係一份3粒...依家反而可以逐件叫~180฿=41.9hkd/pc....主廚話係佢兒時的味道~我覺得真係幾好味~話係細個放學後屋企人會整佢食既~造型都攞滿分~(偷偷講...呢度我有少少飽喇XXXD)
第二款酒~
到starter~用Blue crab整~呢舊野...我又無乜深刻印象...我估係中規中矩~XXXD
另外一個optional係signature tom yum kung...600฿=139.5hkd....我地叫左一個share~係唔錯既~但其實佢個set都有個湯狀既物體XXXD...既然佢咁signature點解唔放入個menu度?XXXD...因為要係個set度放個seasonal既湯?...咁再加個add on個客咪要飲兩款湯XXXXD一個晚餐飲兩款湯都幾多XXD
第三款酒~
到Main course...嚇親我!!有5款.....我開頭以為5款係少少少少咁.......唔係喎....款款都好正式咁喎XXXXXD...5款喎!!!主菜喎!!!...有鴨(好味)...有蜆同帆立貝(ok)...墨魚(好味)...豬(好味)...同菇(忘了).....其實真係好味既...但係實在太多XXXXD...佢上左鴨同帆立貝先既...
再上呢個湯...其實我覺得呢個湯正過冬蔭功...呢個好海草味好夠熱XXXXD(可能我廣東胃XXXD)
最後一款酒~
然後再上埋其他...係咪好大堆頭呢XXXXD...老實講...有少少漏喇XXXD
Seasonal Fruits都有3種XXXD....佢唔係真係生果既原型....有芒果..火龍果同山竹
再黎正式甜品XXXXXD...仲有個petit four XXXD...我唔得喇XXXD
毛寶仲訂左個生日蛋糕俾我~~~多謝寶寶~~又係寶寶請我食生日飯~~~*3*....D女仔超級靚~
仲有朱古力做禮物帶番去XXXXD...真心呢間野食係ok既...但係個份量係連我地兩個咁大食都搞唔掂....但佢得一個set...如果佢有個細D既set俾人揀好D.....同埋呢間i人去會好驚慌XXXD...我覺得主廚介紹同輕聊我都ok....後面仲有人過黎猛問猛聊我i人我handle唔到了...竟然仲以為我地兩個係緬甸人(?)...我第一次聽人問我地兩個係緬甸人XXXXD
係泰國超獲泰文車飛~~yoho~
2025/02/22的開心事：
乖乖豬今日有迎接我地黎<3
又有歡送我地走<3
感到心甜<3
報時：距離公子復活節曼谷之旅仲有---54日~
報時：與老小孩s北海道賞花自駕遊之旅仲有---98日~
曼谷仲未訂酒店XXXD
北海道訂哂~
沒有留言:
張貼留言