2023/10/01-2023/10/02
Day 3-Day 4(日本,大阪 Japan,Osaka->澳門 Macau)
好咯~訓醒出發~~~又係梅田站搭地下鐵~遇到架可愛彩繪車廂~但我未見過呢個柑橘人XXXXXD
今日一早就去心齋橋Parco~
本身有間野上網睇左想食既~佢B1成層都係餐廳...未夠時間開大家都係扶手電梯上面掛隊佢夠鐘先放人落~
搵到哥間餐廳睇左兩睇又唔想食....打個轉睇下有乜好食~睇黎睇去......我地就揀左呢間XXXXXD...我地係俾佢門口塊牌個菜宝箱吸住左XXXXXD
除左個菜宝箱之外我地仲叫左少少野食~叫左呢個Pickled cheese in miso paste with Iburigokko....500円=26.7hkd...我地係叫黎諗住八卦下...因為我地鄉下仔...之前食芝士就係食芝士...最多配下提子..果乾..果醬咁食下.....之後有次去法國竟然芝士同蜜糖一齊焗??但係極度好食!!!......所以覺得芝士可能同好多野都好夾..........之下.....喂....芝士同麵豉醬????........真係好怪....但係真係真係真係真係好夾好好好好好好食!!!!!諗到咁樣一齊食既人係天材!!!!!!...好適合做下酒菜!!好味到想頒個諾貝爾獎俾佢!(那個類別?
叫左呢個魷魚海膽既刺身配海苔醬...900円=48.6hkd....無乜驚喜亦無乜鮮味...但就價錢黎講無乜可以投訴~
呢個價錢無紀錄低....係食生茄子...我第一次試...當佢刺身咁食點黃芥末同豉油...又幾好味~
我地每人叫左一個菜宝箱...2,500円(稅込)=133.5hkd....佢就係一個午餐set咁既....有杯玄米茶包...個燒賣就應該係居酒屋一開始招待既小菜(要收費)....不過日式燒賣真係唔好期望太多~(我不喜佢個質感....)
我地個菜宝箱來了~~超級多野食~~~
唔知係咪因為今次單純城市遊~無住溫泉旅館....所以覺得好豐富好正XXXD
全部野都超下飯超好食~~~個燒三文魚都超好食...肉唔怕鞋皮又超脆...一流!!
佢仲俾埋出汁你食食下又可以轉食茶漬飯~毛寶最愛~....呢間中午唔多人....應該都係夜晚做居酒屋時先至人多D...所以午餐時段做下菜宝箱......如果呢間野開係澳門我應該會成日食XXXD...下酒菜又正~午市套餐我都Buy~~呢間可以話係呢個旅程既小驚喜XXXXD有時無計劃發現到既野仲開心~
食飽要去啡一啡先....自從我同毛寶染上咖啡呢個惡習....每日都要黎番杯先可以開啟新既一日....簡單黎講無飲咖啡無心機開工XXXXD成個人都無焦點XXXD....Parco 13樓有神乃咖啡~試試佢~
見到佢個original blend叫神煎..陽煎..月煎好似好勁咁~
我就叫左神煎試試~680円=36.3hkd....毛寶叫左月煎...口味上對我黎講就一般般~唔係好岩我~覺得毛寶個月煎好d~
淨飲啡甜品都無叫~頭先個菜宝箱實在太飽~兩人坐低係餐廳飲1,360円(稅込)=72.6hkd...都ok~
俾錢時見佢original blend有掛耳賣~有興趣可以試下~
飲完咖啡又行下Parco...梗係又係行下tokyo hands~
呢個thermos輕呢個版真係幾輕XXXD好好用!之前去日本都好鐘意買暖杯....但有時800伴減價都差唔多XXD
其實D動畫模型真係好靚好得意...但係我唔鐘意砌又唔想抹塵XXXD...毛寶就鐘意砌但又唔想抹塵XXXXD...我地無位擺同唔想抹塵方向係一致~
我對呢個極有興趣!!!!!小小盆栽!!算唔算貴呀?平均都大慨600円=32hkd一個....但我覺得個盆仔好靚嘛~
我買呢兩個~但一直也還在我家無開過~好啦~~我2025年1月1日開始種下~
又到買生日卡時間~舊年公子生日卡都係用我同毛寶係日本買哥d...我地哥時度身訂做咁買XXXXD....不過2024年又用完一round~
大阪2025万博吉祥物~
想買新Lojel喼~~~牛油果綠好靚好靚~~~沙色都好靚~~~~呢個係細喼...但感覺無好平既感覺(好似円平左都好貴咁既?)
行過見到排扭蛋...見到呢個早餐粟米片老虎杯幾靚咁~扭一個見係藍色抽到隻靚野~~諗住抽多隻博下有無白色粟米片雞~~點知連出兩隻藍杯....
最近同毛寶都好鐘意Snoopy~~我同毛寶講：如果我話好鐘意好鐘意哥樣野要買....就算哥樣野好廢...你都由我買啦!!!..........你估下我最後買左咩?XXXXXD
我講得廢...其中一廢一定係公仔XXXD....唔知呢...想買番隻甩皮公仔...但呢幾款我都覺得唔夠可愛~可能係粒眼既問題XXXXD
龍年又醜喎XXXXXD
萬聖節版都幾過癮...但又無意欲買XXXD
呢個黃色巴士既布籃我以前就一定會上當XXXXD....但我家陣大個喇....買完我真係唔知用係邊....................所以我乖我唔買~
你點估到...我開頭係威係勢....又話大開殺戒唔好阻我......我既戰利品係....一把間呎..............................XXXXXD
行過隔離又有SANRIO....不過水怪無特別野買~
華!!Porter好巴閉!!要好似名店咁排隊入~~~但我地又有排喎XXD
i人又係出面望XXXXD
好啦~行飽Parco...就係Parco隔離就有間好大既藥妝..真係好大...大過梅田我地行哥間好多~有兩層~
其實我無野要再買架喇~不過有人托我地買野~咁我自己順便望下~自己平時用開既野係日本有無平~同埋円平左咁多之後可以有幾抵...呢樣日日食....以前我就好鐘意係日本抬番澳門...因為真係平好多...以前澳門賣緊$160既時候佢就賣緊百鬆咁.....但依家澳門我見過最平哥間係$69....呢度賣緊1,760円(稅拔)=94hkd.....依家真係唔使係日本抬番澳門喇~少咁樣野買~行李多番D位~
呢個隻眼開始成日乾哥時就開始有買下黎用....798円(稅拔)=
42.6hkd.....有12塊.....都...真係抵抵既....因為澳門係$36/5塊.....或者$99/20塊....點計都日本抵...但咁大盒野真係唔想拎....
呢樣又係好抵但我又係唔想再帶既野....就係退熱貼.....真係真係好抵...398円(稅拔)=21.3hkd....有成16塊.....但真係重...如果買得多.....
唯一入左手就係呢個....膏布佬有滾珠裝....好無用?呢d通常用完r痕會好似自己有老泥咁XXXXD....1,980円(稅拔)=105.7hkd...個金額拳頭咁大~~~~下次都係買番貼算喇~
然後就行去呢隻人仔指定要去既Paraboot~買鞋鞋~..地址：大阪府大阪市中央区南船場4丁目6-15..........呢日去買仲有撐住對鞋舊木送~
你買到心水鞋我都好開心~不過呢個係法國牌子....係日本買唔算抵~去台灣望過...竟然台灣買仲平!!!!!!!(所以佢之後去台灣再買多對XXXD用黎溝淡D貨XXXXD)
又去堀江行街街~~雖然行黎行去都係哥幾間~但又幾好買~
買到成手野~走咯~
番酒店擺低野先~兩個人買左3日...又唔算好多丫可~
去睇二手相機~無收獲~毛寶無啦啦諗起呢間野...我其實唔記得點行....但撞下撞下又行到去~
行埋Grand Front Osaka
本身諗住今晚食我地平時食開哥間位於lucua既壽喜燒...點知無位...............平時都無訂位行完街直接衝上去等位食...點知依家唔訂真係無...............就咁衝去大丸百貨上面d餐廳求其揀....揀左呢間
揀呢間其實係出面見到有鯛魚飯食...好吸引....想叫既時候點知佢話要預約;[......唯有叫其他;[
最一晚晚餐~叫d酒賀賀佢~唔知係咪我老左....隔左幾年無去日本.........我覺得去大阪好攰XXXXXXD...攰到不似人型XXD
我地每人叫一個天婦羅Set...一個係有土瓶蒸既天婦羅set...2,690円=143.7hkd...另一個係松茸天婦羅set...2,960円=158.1hkd......唔貴...但唔好味..............
另外仲每人單點左海膽黑毛和牛天婦羅...1,700円=90.8hkd....同埋海苔天婦羅上鋪海膽...1,500円=80.1hkd.....一樣...唔貴但唔好食..................都夾唔埋一齊食既...分開食亦唔出色.....好失望...最後一晚晚餐唔好食~只怪我出發前又無做功課....
行過starbucks望下...呢隻萬聖節細杯幾得意~(但無入手)
japan馬克杯幾靚...係秋天富士山....又可惜佢無細杯...我依家要買都只會買細杯~
又巡下便利店~當時出左星之卡比既包XXXD皺皺地成粒酸梅咁XXXXD
有舌頭專用既刷舌膏!!第一次見..好專業~
買左漬物番去同媽媽分享~
呢幾日收獲既新皮皮~最開心係印左長居植物園個名係張飛既紅皮皮~XXD
我地哥晚食飽飽仲覺得好早~再係酒店附近行下種下花XXXD....睇下日本幾多人玩~~~~周地花瓣密麻麻~
好啦執野聽日走喇~望落都唔係買左好多野~
最鐘意呢件Made in Japan既Danton外套~~~~~靚~~~優秀~~
仲有呢件columbia d色都襯得好靚~~~~後幾次旅行就用上了~
最尾哥日一早起身check out~又一個大晴天~
又衝去Herbis搭車~搭上09:28哥班車~Herbis大阪站前係第一個站~通常呢個站都少人上.....下一站係新阪急酒店會勁多人上....真係有機會多人到上唔到車~如果係新阪急上車就預鬆少少時間啦~大約20分鐘一班車~
搭車最佳活動~收精華~
一個鐘多少少就到左機場~磅下有幾重先~~華~醜呀!!咁輕既XXXD...勁似我去完D無野買既長旅行咁...
因為我地張信用卡係大阪機場無任何Lounge入到...咁寄左行李我地就去左間食蕎麥麵既餐廳食早午餐~唔知佢係咪因為裝修中....搞到我都唔係好認得呢個機場XXXD少咁好多餐廳同買野既鋪頭....毛寶叫左山藥蕎麥麵...1,180円=63hkd....我就梗係牛肉蕎麥麵加個飯...1,880円=100.4hkd~咁先夠飽架嘛~
仲未飲啡!!行出黎見到lawson二話不說即衝買啡同食下辣辣雞扒先~~~~lawson真係好飲又好味~係便利店既名牌XXD
食飽入禁區~好彩安檢唔怕好耐~出境都係就咁自助掃護照~唔敢想像佢退稅要出境先搞要搞幾耐....
行過見到Laduree~見仲有時間叫毛寶陪我食下~~~見佢有雪糕~仲有得坐~試下咯~叫左個焦糖味雪糕上面有粒馬卡龍....756円(稅込)=40.4hkd....另外叫左支咖啡....432円(稅込)=20.1hkd....雪糕唔貴...但唔好食~
又俾哈波吸左去扭蛋~但抽中尾二哥支抽唔中波特迷你魔杖..
回程都係澳航~NX855...係13:45由大阪直飛番澳門...大約16:55到澳門.....仲會搭澳航既原因係............真係一落機就係澳門...一落機係澳門...係開心既.....但澳航真係又貴又廢.......
就黎上機...有班皮皮都係趕唔切跟我走....仲係梅田附近行緊黎機場....仲有8個鐘先行到黎...我等唔切你地喇~我走先喇~
哈哈...個遊戲仲係種花時可以開一起種模式~咁你可以一路種...遇見同你相近又有打開一起種既玩家~醒起我地可以打開一起種令虛擬世界既我地黎一個係大阪地圖既合照XXXD我同毛寶何Mii似唔似XXXXD
3-3坐法通常都係揀中間同通道位....除非坐好短時間~所以影窗都係拉近鏡頭影XXXD
喂!還我日本風既飛機餐呀!!...點解會變左咖哩雞飯!(但係唔難食既...但係同日本風既飛機餐好有落差!!!!)...個前菜仲要係有少少川味既撈海蜇......唔知佢有無變番日式風飛機餐?因為我之後去哥兩次都無搭過澳航.....
平時一定係播國產片.....今日....竟然係台片????仲要係許光漢既想見你電影版???我發緊夢呀????
到地澳門再望下D皮皮....要成30日先番到黎澳門XXXXD
又完成一個旅行~多謝合作~拜拜~~去大阪真係好攰~
總結：
1.使費：4,233mop(機票)+1,712.4hkd(酒店)+2,403hkd(食買玩現金使費)+5,602.9hkd(食買玩信用卡使費)+192hkd(team lab)+159mop(保險)=14,168.2hkd....單人價~今次毛寶生日我幫佢出埋機票酒店~所以今次係使左19,984.3hkd....4天價~開心就好~
2.喂...我係咪3年無去日本老左真係好多?....點解行左半日...就攰到成個人散哂咁....可能我依家真係適合日本既自駕遊XXXD買完就上車~~~
3.我發現好奇怪...以前去日本買野都會問佢有無新既....疫情之後再去....好似除左鞋之外....問佢件貨有無新既...例牌話：last dor one~....新貨都last dor one?唔止大阪..之後d日本旅行都係咁
4.唔知呢...覺得服務業西面都好多~(郊區既好好多)
5.不過依家日本d円咁平...真係會想一去再去~~~~(十算我都去過一次XXXD)
~The End~
~多謝收看~
2024/01/26的開心事：
係被竇渡過下午悠閑時光XXXXD
就黎農曆新年喇~~
我祝自己同睇呢篇blog既大家~
新年快樂~身體健康~
閤家平安~開開心心~
財源滾滾~工作順利~
萬事如意~精神爽利~
世界和平~恭喜恭喜~
報時：距離公子復活節曼谷之旅仲有---81日~
報時：與老小孩s北海道賞花自駕遊之旅仲有---125日~
沒有留言:
張貼留言