全新飛行體驗法國布列塔尼自駕遊之旅2019-11-28第五天Part 1(晴天及後一陣大雨)

3月5日....中午同臭蜆食外賣…夜晚又係食外賣~…..3月6日…今日番晏訓多一粒鐘真心舒服~…少啲Kai人我就會舒服好多~..今日腰好攰我都有拖地..我真乖~…..3月7日..今朝又一起身頭痛…痛緊哥時突然好想食綠茶雪糕(好像沒關係….3月8日..hehe~雖然有少少頭痛有少少肚痛~但放工又買左張機票~心情靚哂~yeah~~~.....3月9日....老母又去左一日遊去玩~我自己放工去左念湯舍食飯~我真叻~….3月10日…今日攞左之前ot哥一個鐘走~放工去食鼎泰豐…然後去味賞飲野…點知番到屋企胃痛..勁早星期五11點鬆就訓左…3月11日…早訓就早起身…今日中午試左璃…但杯啡一般~下午去探蜆豬子~夜晚痴痴貢~…3月12日….中午食左Terra~~下午行下800伴~…夜晚叫外賣~….3月13日…好!!!多!!!野!!!做!!!…希望快啲去旅行~….3月14日…今日都攰攰地~下午最後一小時都幾多野做~…3月15日....是日頭痛~休息去~....3月16日...今日起身好好多~襯可以係屋企休息就做下家務~又除塵又洗抽油煙機又吸床塵又抹露台鐵閘~重點係搵番哂去旅行D gear~....3月17日...今日幾好~唔算多野做~真正的happy friday~..放工去左食味藏~去Barbie買定暖包去旅行用~再去Good飲野~杯cocktail又幾清爽~.....3月18日...中午去左試一間葡式Cafe~幾得意因為澳門無乜葡式cafe~試下~然後同臭蜆玩~夜晚痴痴貢~



2019/11/28
Day 5---Part 1(法國,布列塔尼,布雷斯特 France,Bretagne,Brest->Quimper->卡那克 Carnac)
早安呢~我發現我地去法國D酒店都揀唔要早餐XXXXD天氣好像很不錯~

然後經過一個休息站~毛寶提議去食少少野先~本身諗住坐低食三文治~點知佢話咁早得野飲~我地就去左隔離麵包舖望下~買上車食算了~






入到去聞到香噴噴~鎖定目標!






查實唔揀酒店包早餐都係岩既~市區咁多麵包舖~求其入一間都得~反正唔會好貴亦未伏過~但係法國D咖啡普遍好淡....唯一的投訴....




好神奇....法國去旅行過4次(?)....但我真係從來無食過可麗露.......亦都無乜興致去特登搵網紅店食...可能基於係澳門伏過多次....覺得：可麗露咁架?......所以去旅行亦無特登搵黎食....今次見到諗住買黎送下咖啡啦~點知一食......痴線既!咁好食既咩?外脆內軟糯....哥種甜度令人接受呀~....真心好食...只係求其見到先食~就食到暫時食到既最好食~(可能以前既太差?)......最近係澳門都有食到一間幾似樣既~就係overflow~呢間啡我都成日飲~喜歡~




食飽又再出發啦~差唔多到~






大約51分鐘就到~拿拿拿我地好乖有俾錢泊車架~




來到了Quimper~






黎到就city tour一下~(即係周圍閒逛~)




閒逛時發現有隻柴犬....傻更更自己一個行~然後我同毛寶追住佢patpat行XXXXXXD...好可愛~~點知最後發現佢有主人~XXXXD....同埋發現...法國人都幾鐘意養柴犬同八哥XXXXD...呢個旅程見到好多隻~








然後就行一下連鎖紀念品店La Trinitaine Souverir shop...好多分店~自己上官網看看~






布列塔尼出名焦糖既產品~我都有興趣試試看~










同埋D酒都好出名...但我之前上網睇D人話好飲我係呢間又唔見到~呢支幾靚~最後毛寶有無買....我忘了~XXXXD




好似去到邊鹽都係常客XXXXD




呢個扮沙甸魚罐頭既朱古力好搞笑XXXXD(無買)




同埋佢D餅既罐好多款好靚XXXXD




我竟然忍唔住買左一罐XXXD我鐘意個罐~




下!我竟然買一大堆!...同埋原來法國買野都無袋提供?所以我買左個袋....個袋要成€1.5=13.2hkd...嚇親我貴到~





不過佢係可重用幾大個幾實淨既~依家仲係我屋企~淒涼呀~我為左影相又叫左小朋友幫我攞埋D野~攞番袋手信上車先~




放低野又再行下啦~見到既小巴士...可摸耳唔好咁的式咁可愛XXXD




呢度都有木骨建築物睇~原本要去參觀前面教堂...但突然下大雨~避避雨先~






避雨既最佳方法係食中午飯XXXXXD




毛寶叫左個茶~法國D茶都幾好飲~






我就想叫杯白酒~個侍應妹妹問我杯白酒想dry啲定sweet啲...我：sweet啲~.....最後佢放低杯白酒然後同我講：sweet like me~.........XXXXXXXD....真係幾sweet喎~又話法國人好西面既XXXXD




Carpaccio de Baeuf...€12.5＝110hkd....都ok~




Salade Cesar....€12.9＝113.5hkd....就係一般既沙律~正常野~




縣本身想叫mussels點知無~所以叫左特別野XXXXD....Filet mignon au caramel au Beurre sale....€14.5＝127.6hkd....豬柳加入特產焦糖入饌呀!...好難食呀喂!XXXXXXD...勁怪~薯條也不好吃XXXXD




雨越落越大~唯有慢慢吃~




見細雨左就行啦~參觀下個教堂~








參觀埋入面~(竟然有).....我同毛寶好鐘意行入法國d教堂坐下...唸下天主經(但不是教徒XXXXD)...聞下D教堂味(?)














毛寶D靚靚~








又行另一手信店~










本身係諗住行番去攞車架喇~因為泊車差唔多夠時間~但行過一間茶葉舖...俾佢吸左入去!好神奇!之前未試過!有個人過黎介紹下D茶又問我地想飲咩類型既茶(完全唔識XXXXD)...好似求其話鍾意飲Earl GreyXXXXXD.....佢推介左隻茶俾我地...勁香!真心好飲!






佢仲推介呢隻俾我地~又係好飲!...由於呢個旅行之後無耐就疫情...大把時間係屋企飲茶...我同毛寶都非常之鍾意呢個牌子既茶...鍾意到上官網運過黎澳門XXXD運費勁貴XXXD....同埋之後發現原來澳門羅浮咖啡之前都係提供呢個牌子既茶~我地真係有眼不識泰山~




除左茶葉仲有茶具賣~咁中式既~買完茶葉滿滿足足咁去攞車...點知行到番去就見到警察抄牌.....仲有3架抄到我地XXXXXD即衝過去攞車XXXXXXD好驚俾人抄牌XXXXD....法國真係有人抄牌架!記得入足咪錶呀XXXXXD...如果無睇茶葉係唔會有驚嚇畫面既XXXD









2023/03/18的開心事：
喂~又有新既計時器喇~
希望越加越多報時器~



報時：距離法羅群島自駕丹麥嘆啡之旅仲有---62日~
報時：距離毛寶生日大阪之旅仲有---195日
報時：距離東京富士山之旅仲有---266日~
本身諗住過香港飛~因為澳門機好少仲要超貴~
點知3月開始加多左機同平番D~
咁~去咯~^^