全新飛行體驗法國布列塔尼自駕遊之旅2019-11-27第四天Part 3(陰天微雨及後晴天)

1月22日…大年初一!!祝大家新年快樂~朝早起身係屋企食少少野..去同老豆講聲新年快樂~再去同舅父表妹們下午茶~去俾利是臭蜆~夜晚去愛素食食齋~….1月23日…年初二…一早同毛寶去飲杯啡~跟住去痴痴貢食開年飯~….下午番舅父屋企舉行一年一度既賭王群英薈XXXD…又魚蝦蟹又大細又廿一點又魔力橋又麻雀~輸15蚊~….1月24日…年初三….中午同3隻小妖食醉江南~下午同臭蜆玩~夜晚同舅父食咖哩屋XXD…好耐無食我覺得好好食XXXXD…然後同毛寶去燒煙花~希望將啲衰運燒走!!!(其實我地只係燒滴滴金…因為其他野太貴XXXD…我想玩沙砲..但無~)….1月25日…年初四…中午去雅辰飲茶…都幾抵食~…探臭蜆~佢今日好親近我同毛寶~好開心~乖豬子~夜晚食金沙閣~….1月26日…初五上班了…我未試過見到咁多人攞籌…9點半我聽到我老闆係出面大叫:今日無籌喇!…然後成堆人柴台:churrrrrrrr!!!!…..XXXXD…..1月27日….6點3醒一醒..好開心仲有50分鐘可以訓…訓到自然醒諗緊50分鐘點解可以訓咁耐…睇手提:x街喇8點36喇XXXD…..鬧鐘無響過XXXXD…..起身頭痛痛地….勁多人今日都係…放工食左鼎泰豐~行下銀河又行星皓~….1月28日..中午食茶杯~探臭蜆~夜晚痴痴貢….1月29日..中午同大學同學仔去南湖明月飲茶~然後就回家休息了~揾下今年旅行資料~夜晚叫外賣~…1月30日..又係一個極忙既工作日…1月31日..起身又頭痛..然後又好多野做….所以心好痕想買機票(好像沒關係)….2月1日….咦!!今日少番啲野做~~有少少開心~…..2月2日...今日暖番好多~真好~好想今周買機票(完全無關XXXD).....2月3日...番工攰攰~放工去食六本上牛…再去同臭蜆玩~….2月4日….一早去左覆診...睇下個鼻...肺炎後失去嗅覺...雖然家陣聞到野既...但係要好埋先聞到~同埋靈敏度唔夠~(咁樣會影響到我食野既口味...以後點吐糟餐廳XXXXD)....臭味聞唔到~(好奇呀可)......跟住食白日...但我覺得好難食...D配搭都九唔搭八...然後去左搵臭蜆玩~再去睇毒舌大狀~真心好睇~夜晚痴痴貢...食完飯諗住訂機票...同其他旅行野...點知淨係成功訂左車XXXD唔講住驚小器~XXXD...因為我見機票貴左5舊~我嬲又唔訂住~….2月5日…中午同左姑媽飲茶..然後買咖啡去探臭蜆豬子~(成個周末日日見)…夜晚叫外賣….2月6日....今日解決左幾日訂唔到酒店既問題~(CS話我ACC太耐無郁過喎＠..＠)...一口氣訂左7晚房~興奮~多野做又點丫~我唔理~....2月7日...我覺得今日好熱XXXD….2月8日…睇左好多日機票~今日最平~但我好眼訓XXXD聽日先買~.....2月9日...今日番工勁多kai人..天氣潮濕嗎?...我頂呀!機票又開始貴番上去!唔理喇!買喇!...一路買一路手勁出汗~好耐無買過機票XXXXD....好開心呀~買左喇~仲要係大旅行呀XXXXXD...好開心呀!3年無倒數過依家又有喇!!!好興奮~….2月10日….今朝番工埋數埋到我呀!!!頭毛計仔都濕哂~放工去左巴黎人食法餐…..2月11日…起身去買一大堆..然後去Lofi等毛寶放工~…食飽去睇想見你電影版~李子維呀~…夜晚食鼎泰豐~….2月12日…中午去又食沙北順便陪毛寶洗車....去左探一陣臭蜆~夜晚叫外賣~今晚仲講下5月行程~....2月13日...噚晚訓得勁差...唔知係咪濕重呢?今日過得好好呢~.....2月14日....喂~情人節呀~放工去左食聯記XXXXXD正呀好鐘意<3....同你一齊食乜都係香既<3.....2月15日....無啦啦下午頭開始痛....放左工食飽飯洗埋廁所又坐係床發呆....2月16日...老夫人去左玩~人地去左香港一天遊呀~~~~~咁我無飯食~諗住去探店食臭豆腐...點知.......去到收左..........最後去左食COMMA~.....2月17日....好野~~~星期五~放工去左攞電腦~係~為左有得再去旅行~買左個新電腦搵資料~消費卡送既~好開心~然後去左食家美~再去LOFI飲番杯~.....2月18日...中午起身之後老夫人請我同毛寶去食鮨玥~好開心~今次有河豚白子~~~第一次食~今次其實係食番舊年12月餐冬至飯~因為當時我地都中左肺炎食唔到~然後買咖啡去探臭蜆~夜晚痴痴貢食煥記~



2019/11/27
Day 4---Part 3(法國,布列塔尼 France,Bretagne,Lannion->布雷斯特 Brest)
健行完又再上車出發(健行只有45分鐘XXXXXD)...又越行越好天呢~

架車已經勁污糟XXXXD




我地今日打算去左酒店先~想探下酒店附近有無停車場~(因為酒店無包~)...去酒店放低行李先再出發去下一景點~....搵到附近有停車場...點知未有得check in~諗住去食左中午飯先~咁酒店係大街大巷~附近又多餐廳~揀左呢間~






華!好大件事!有咩要慶祝!我地平時唔會俾錢叫水架喎!




華...中午就叫酒飲...一定當時發生左好事(但依家唔記得咩事XXXXD)...我叫哥杯白酒€3.3＝29hkd




揀左窗邊位坐...覺得開揚...坐落出陽光又覺得曬XXXXD(我好麻煩)




唔怪得我叫酒~原來叫左海鮮盤~Assiette Du Pecheur...€26＝228.8hkd....都幾平~




你話好好又唔係架喇~只係200幾蚊算係有D野咬下啦~係D灰蝦仔幾好咪~濃蝦味~蠔就不能同前幾日比~










Foie Gras de Canard....€16.5＝145.2hkd....成日都敗係呢個前菜....見到就想叫XXXXD






Onglet de Boeuf Grille...€17.5＝154hkd...牛扒薯條...唔貴...但不論牛扒定薯條都好難食XXXXXD




食飽飽去check in先喇~今晚住Hotel Mercury Brest Centre les Voyageurs...




一晚1153.5hkd...每人576.8hkd...都幾大幾唔錯~乾淨~















2023/02/18的開心事：
今日起!!有得倒數喇!!
我等左好耐喇!!



好興奮呀~~
由於已經訂左機票同某D酒店~
所以可以宣布喇~
經歷3年半無得去旅行...
我同毛寶終須可以再出發喇!!!
係呢3年既對話過程...
我同毛寶都不斷討論過...
到底可以再出發時...
第一站...到底會去邊?
每次答案都一樣：必定係日本!!
但.....自從開番關...
睇住日本變黎變去...又限航班
最後經過商討....揀左.......



報時：距離法羅群島自駕丹麥嘆啡之遊仲有---90日~
一倒數已是雙位數~
揀法羅群島.....因為之前大比同sam去過~
話好舒服好靚~
同埋重點...我想揀個人煙稀少既地方作為復出之旅~XXD
人多我驚我會驚XXXXXD
去完法羅回程係丹麥留幾日嘆個啡先~
第一炮就係大旅行真心緊張...
咁耐無去旅行點搭飛機都驚忘記XXXXD
希望一切順利~
機票~買左~
車~租左~
酒店~訂左~
出發喇~~~~