鳥取自駕遊&大阪之旅2018-12-03第三天Part 2(陰天少雨及後轉晴)

星期一......無咩特別…留係公司食中午飯…開ot…發現我快行回暫居地原來大約20分鐘內…幾好…當做運動……星期二…咁上下…最特別呢日阿媽唔煮飯我叫左韓式炸雞…好好味呀喂……星期三…今日係七夕情人節…今日俾人甜親成日XXD…所以一放工我決定衝去入手兩隻濕爬新既國語碟黎慶祝一下XXD好開心呀…家陣濕爬係台北宣傳新國語專輯…夜晚有個電台訪問開fb live冷不防俾呢4個男人甜多一獲…痴線架你地…搞到我依家勁珍藏條片…我覺得可以媲美仕燊台上說多謝XDD……星期四…中午約左好耐無見既i子飲茶…好忙呀夜晚食飽飯又要捕係電話前睇濕爬電台fb liveXXD…睇佢地live好開心…笑到我標眼水XXD.……星期五…上班還好啦…仲攞番之前個ot鐘早走一小時…勁開心…放左工去食左間勁難食既越南河…浪費了我的周五夜…食飽去左睇下家電…幾開心呀睇到~~~~我仲擊退左個對我好進擊既阿姨XXD…其實我對sell我野既人既抵抗力勁高…如果我未準備買佢係點都撬唔開我荷包架XXD……星期六…今朝由一個驚嚇既電話驚醒…婆婆入院個多禮拜…在今天走了……



2018/12/03
Day 3-Part 2(日本,鳥取,羽合溫泉 Japan,Tottori Ken,Hawai Onsen->倉吉市 Kurayoshi shi->三朝溫泉 Misasa Onsen)
就黎到停車場對面既打吹公園...地址：鳥取縣倉吉市仲之町




經過左打吹小學一直行上去就會見到~




呢度有櫻花名勝百選之一既美譽...係鳥取賞櫻既好地點~但家陣唔係櫻花季嘛~樹葉又落哂~又未到放學時間~冷冷清清咁~





有d落哂係地既紅葉囉~






唔緊要囉~當行下散下步囉~反正我地都閒著沒事做~




點知行上少少....發現有個小型動物園喎




有一班番緊工既馬騮~






你番緊工架~~~仲玩屎~~~~




有羊啦~有倉鼠啦~有隻訓晏覺既黑毛豬~仲有兔~








咦!伯伯!乜咁岩既!你又黎參觀呀?




仲有一隻紅葉襯托下非常鄙視我的鹿





仲發現有個龜池!見唔見到其中一隻擺既鋪屎好突出呀?




你呀!就係你呀!!!!!!因乜事無人睇你之下擺哂鋪???定係伸緊懶腰????




呢隻就開頭以為佢瓜左...點知係反左身反唔番轉頭....但係..可惜我都唔夠手長幫佢.....




另一邊有個紀念碑...紅葉很美





發現仲有兩個神社....行上其中一個八下...但發現好似荒廢左咁....er...走咯~




都差唔多喇~驅車登古原...呀唔係~~~驅車去我地呢晚既住宿~~~




到了!!!!三朝溫泉區(みささおんせん)~~由倉吉市黎到呢到大約15分鐘~





我地就揀左住三朝館....地址：鳥取県東伯郡三朝町山田174....Mapcode：345 272 093*84........因為我地早左到佢未有房....所以要我地等一陣....於是我地放低架車~行下外圍先囉~




溫泉旅館對開有個水壩.....係咪叫水壩呢??行落去影番張相留個念先~






行番轉頭行上我地間溫泉旅館對住哥條橋睇睇~




中間個好似亭仔既物體係免費既足湯黎架!!!!有專人幫你地試左水溫夠熱岩浸架喇~~~~~XXD







橋上風景都不錯~




橋上影番過去我地間溫泉旅館~




我地行完就番去啦~佢請我地坐係大堂等一陣佢幫我地做Check in~




大堂對正既庭園好靚!!!





搞掂之後佢叫我地揀浴衣啦~~





揀好就帶我地入房啦~~~我地住136號房~





一入去....er....點解好似咁吉眼咁既?.........張梳化係咩一回事呀?我地幫呢張梳化改左個名...叫三舅媽梳化........我地訂左はなれ琳 1階 露天風呂付客室.....一泊二食.....每人31,320円=2,035.8hkd....我地早訂...除左可以每人減左2,160円=140.4hkd.....仲有一個貸切風呂可以免費用!!(貸切風呂係要另外俾錢既溫泉)....只要訂房時講埋想幾點用就ok~可用45分鐘~........大係幾大....一邊係床同梳化....另一邊就日式榻榻米....但張梳化真係好吉眼呀喂!





淨係睇張床無野架!好舒服架....望番轉頭見到張梳化就唔開胃~





榻榻米再行出d就有個小沖涼設施





沖完涼既話可以直接行出去我地既私人露天風呂~我地係為左個私人露天風呂先訂呢種房型既.....但係點解間房會咁吉眼既呢!?




毛寶咁影就最唔吉眼!




廁所....我地係呢個廁所發生一件很難忘的事~





茶具~都係用真茶葉~





茶點好大器丫!!!!有我好鐘意食哥隻蟹餅....仲有噚日食過好好食既芝士魚丸~~~~




咁呀~嘆個茶先喇~




好可愛既小白兔菓子~偏甜~但係送茶剛好~




我地頭先揀既浴衣~




浸溫泉既各種備品~櫃入面有另一套淨色浴衣~我地決定著淨色浴衣去浸溫泉~




(圖片from三朝館官網)番左黎寫blog終於知點解間房咁吉眼喇....因為我地訂既はなれ琳 1階 露天風呂付客室間房係咁架!!!係咁架!!!係咁架!!!!!佢俾左間和洋室我呀!!!!勁醜呀!!!!!!!!!!!!!!!!!!!!!!!!!!!!!!!!!!!!雖然佢俾我地間房大好多...但醜丫嘛!!!!!!!!雖然我好不滿呢間房...但我係呢間房創作出我既全新曲目"Party Time"~毛寶都幾鐘意我呢首歌~佢話幾好聽~可惜你地無份聽XXXXXXD




(圖片from三朝館官網)算喇算喇~check in時confirm左個貸切風呂夠鐘要浸架喇~佢有兩個貸切風呂俾我揀既.....其中一個係呢個玉湯楽....45分鐘2,000円=130hkd....咁老實講...收錢個價都唔算過份!不過我唔係訂呢個~




我揀既係心禅の湯~45分鐘....3,000円=195hkd




我終於記得點解我要由兩個貸切風呂之間揀左心禅の湯喇!!!!除左因為佢貴d之外............................華~~~~~~~~~~~~~~痴線架!!!!!!!!!!!!!!!!!!!!!!!!!勁大呀!!!!!!!!!!!!!!!!!!!!!!!!!由於得我同毛寶兩人用....所以我喪影相啦~~~~~~~~~~~上官網睇呢個溫泉可以浸20人!!!!!!!!!!!!!!!!!!!!!!!!依家由我地兩人獨霸呀喂!!!!





重點係唔使錢呀!!!!大佬!大到呀!仲有個工人服侍我添呀...睇下佢鞠哂躬咁幾乖~好啦...俾你服侍我沖涼啦XXXXXD(blogger患有嚴重的人格分裂XXXXD)...唔講喇~得45分鐘咋~~~我要去浸溫泉喇~~~~~個溫泉d水勁夠熱~~~不過45分鐘有d趕~





還左貸切風呂條鎖匙之後毛寶話仲浸唔浸公眾哥個...我：浸!梗係浸啦!見識下都好呀~行經佢有個足湯~





仲有個飲泉~~但係隻色我又唔係好敢試XXXXD





佢有個庭の湯一個滝の湯....一日唔同時間男女互換既~我地依家浸既呢個時間係庭の湯~




公眾風呂都有人服侍我地咁好呀?XXXD




(圖片from三朝館官網)公眾風呂唔可以隨便影~呢個係庭の湯入面既心酔の湯~但我覺得個熱度無頭先我地浸哥個咁高!




(圖片from三朝館官網)呢個木桶入面有一格格...落左唔同左植物落去~可以聞到唔同既植物香味~




(圖片from三朝館官網)內湯~我好少浸內湯~




(圖片from三朝館官網)另一邊有個檜木溫泉~




(圖片from三朝館官網)但係女性時間使用時仲會有灑滿花架~~~~~我同毛寶都有試~幅圖好細...放大後有d矇~




浸完出黎有地方休息~有野食賣~仲有免費既凍冰冰既黑豆茶飲~





行番出黎隔住玻璃望另一邊既庭園~好靚~




呢度有得做spa喎~




另一邊仲有免費按摩椅區~




仲去行左陣土產店~咦!!伯伯!!你去睇完動物又黎左呢間溫泉旅館呀?我地真係有緣喇~XXXD




我地番入房休息一陣~就換上我地揀既花喱碌浴衣去食飯喇~(我都著到唔知似乜XXXXD)




行去餐廳哥邊~




佢有個地圖仔俾我地既....我仲懶叻帶住毛寶行....但我有少少蕩失路XXXXD最後梗係毛寶出手啦~~~~




我地被安排係鈴蘭呢個個室~




一打開門~WOW~




我地行入黎係完全無見到有侍應既....係自己開門入去然後坐低.....但隔左一陣..真係一陣咋...佢就有人黎serve我地喇~好勁~呢個係我地今日既餐單~~~~我突登揀左食"紅楚蟹"餐~~~~仲要成個餐用左每人三隻紅楚蟹~~~




張地圖仔呀XXXD係咪唔係好難呢~但我就係迷路了XXD




我今日同毛寶一樣叫左熱既SAKE~600円=39hkd...以呢個價黎講算係幾正~




影張開動前圖先~~~~~~~好喇~~~正式開動~~~~~~





先付 季節の一品.....類似豆腐上面有條蟹肉...唔...一般正常野~




造リ かに刺し.....蟹刺~鮮甜~但唔算蟹味濃哥種~





焼き物 かにの陶板焼き......呢個....我覺得食用價值係充飢級別....係完全肉鞋又無味........唔buy呢種整法~(可能因為唔係用新鮮蟹)





油物 かにの天麩羅......都ok~




蒸し物 かに身入リ茶碗蒸し......正常野...未算好好味~





酢の物 ずわいがに姿盛リ....華~~~~~我最期待~~~~~~




你睇下同好靚既女仔個咀對比......好大隻~




擒賊先擒王...食左個蓋先~~~~~~~~~~華~~~~~d膏好好味~~~~





打開個身.....天呀~~~~~~~~~~~~~~~~爆勁多膏~~~~~~




一洗之前幾味麻麻地~~~~呢個紅楚蟹既膏真係好濃郁~~~~~~好好味呀~~~~~




蟹肉好過頭先陶板燒好多~~~~~




台の物 かにすき鍋.....蟹火鍋





個人認為一般般...食到呢度....其實已經唔再享受d蟹..覺得好多好漏~~~~~呢個煮法一向麻麻...因為好容易過左火.......搞到d蟹肉鞋哂........望住個碗既蟹...我呆左一陣




然後我拆哂佢d肉出黎~~~~~再落d湯食~咁又好少少~





菜係幾好食~但係食到呢度已經有d飽飽~




其實食3隻蟹份量既紅楚蟹...好攰...這是一人份的殼~




お食事 かに雜炊.....蟹粥....但一定係台北間合鍋物好食多多~~~因為台北哥間落蟹膏整~





香の物 三種盛リ.....粥同醃漬物一起享用~




甘味 季節の果物.......呢個正常野囉~無咩射別...唔記得係咩味既啫喱




雖然好飽...但我地好任性行去溫泉休息區個小食部....買左個cremia食~~~~~~500円=32.5hkd.....好好味呀頂~~~

番到入房諗住刷牙....發現左隻一隻手指節咁既既昆蟲....嚇x到我呀!!!!!!!然後毛寶一野殺死佢.........安心哂...點知隔多陣......又出現兩隻...我忍唔住出reception搵工作人員幫手....只見佢好熟練咁用膠紙痴住佢殺死.....清楚檢查後無喇...我地就唔該工作人員.......佢走左之後...我去刷牙......又有一隻!!!!!我鼓起我畢生既勇氣將佢殺死!!!!!!!經歷呢件事後.....我同毛寶好似劫後餘生咁係廁所相擁....毛寶仲讚我好叻....繼而我又唱出我最新力作"Party Time"..仲跳埋舞......點知我跳跳下又有另一隻蟲飛向我地!!!!!我驚到華麗轉身轉出左廁所然後關門將毛寶關左係廁所入面XXXXD(毛寶形容我係X街仔行為XXXD).....毛寶又殺屎一隻.......明明檢查得好清楚.....廁所又無窗...我地完全唔知佢係邊度攝出黎......超驚囉....最後我地關燈關門扮無事訓覺.................................................(我以為都唔會住呢間溫泉旅館)







星期五去某家電部睇電器…
諗住逛逛…睇定啲家電
應該話格下價…同埋睇下啲款
行過睇到部風扇…
之前係香港見到十分喜歡十分討喜…
見到澳門有真係覺得好驚喜…
於是我地向阿姨查詢…
阿姨示意話好好好…猛咁叫我地試…
又話唔買無所謂架～試下囉…試左唔買無所謂架
(但係不停一輪咀講XXD)
然後佢就老點左個妹妹幫我地試風扇…
試左一陣問左啲資訊…
妹妹仲好到上網揾埋其他色俾我參考…
我仲問佢係咪現貨齊色…
佢話如果我想要但無哥隻可以幫我訂兩星期就有了~~
銷售手法令人舒服~~我地話之後如果有需要我地會黎架喇~~ 臨走俾進擊阿姨見我兩手吉吉…
進擊阿姨:我仲有另一隻好抵499既風扇你睇唔睇埋呀？
我:唔使住喇唔該~我係鍾意哥隻款咋~
進擊阿姨:咁你唔簽單買？
我:我屋企裝緊修呀~~我黎睇定先我遲啲先黎買~~
進擊阿姨:咁你簽單買定先放係我地度丫嘛
我:下…點都唔會買完放到幾個月嘛(查實我對腳已經腳尖向住𨋢口…如果讀心神探林保怡係度一定知我好想逃走)
進擊阿姨:你依家唔簽單無架喇喎…啲貨一擺出黎一個月就無架喇！
我:頭先問左訂都係兩個星期就有啦
進擊阿姨:我去幫你問簽左單可唔可以存幾個月！
我:下~~唔使喇我連我間屋裝完襯咩色都未知呀~~
進擊阿姨:哦…
咁先擊退到……bye~~~



2019/08/10：
人無法走過每天
唯求沒有帶著遺憾活到終點
希望你已沒有任何遺憾
見哂你想見既人
畢竟在人間90多年
算是功德圓滿了
我只係希望你唔好再辛苦
開開心心在另一方生活
累了，便去休息一下吧



報時：距離九州自駕遊之旅仲有---56日~
報時：距離宜蘭聖誕親子遊之旅仲有---131日~