2016年11月24日 星期四

南美洲4國新奇探險之旅2016-03-06第二十三天Part 1(晴天)

星期六中午食左金冨壽司宮~~好好味呀~~然後呢~~我好開心呀~~~我今次著哂成套哈利波特套裝完全full gear上陣去捧羅琳媽媽場呀~~去觀光塔睇怪獸與牠們的產地(Fantastic Beast and Where to Find Them)~~~然後食左南湖明月~然後再去mugs talk飲野~星期日中午食左文哥~好耐無食過~然後又毛寶幫我剪頭毛~好開心~夜晚懶到無出街叫左pizza外賣~好悠閒的星期日呢~星期一放工後約左我表姐食飯~佢係美國番左黎~~好忙呀我~所以無時間寫blog~星期二凱公子生日會~好開心~七公子聚會真係無次唔笑到我標眼水~好忙呀我~所以無時間寫blog~星期三同左美國點來的表姐仲有屋企人食自助餐~好忙呀我~所以無時間寫blog~星期四好多野做....嗚嗚...我膊頭同隻手都好痛呀......好野~明天星期五~



2016-03-06
Day 23---Part 1(阿根廷,埃爾卡拉法特 Argentina,El Calafate->佩里托莫雷諾冰川 Glaciar Perito Moreno->埃爾卡拉法特 Argentina,El Calafate)

噚晚食飽飽醒左覺超靚既~早晨~食早餐喇~~~呢度d早餐唔錯~~~蛋~牛角包~芝士~火腿都好好味~~~~好野~好滿足~~~(已忘掉噚晚每人損失1000hkd~~~我地四個真係好變態~)




好喇~出發~今次由我地酒店行去我地噚日到達阿根廷哥個巴士站~~~~~都算近~幾分鐘就行到去~~~~上車出發去我地第四個check point~~!!好緊張!!一望無際既公路~本身想hip埋眼訓覺...點知毛寶一句:唔準訓!陪我傾計~........點解我會咁聽話:D





大約1個鐘度就會去到國家公園個門口....會有人上車賣飛~無錯~我地今日就要去睇佩里托莫雷諾冰川(Glaciar Perito Moreno)喇~~~佢係位於Los Glaciares National Park呢個冰川國家公園入面既~原來呢個地區仍然在Patagonia的區域內~真的超大~入場費為$260ARS=132.6hkd...都唔算話好貴~




然後就駛入國家公園範圍喇~




原來沿路已經可以睇到個冰川架喇!!!!!好興奮呀!!!!!狂影相!!!記得坐左手邊既位~~~咁就沿路都可以影喇~~~真係揀岩位喇~~~~(心感安慰)








淨係呢段入國家公園既路都入左成半個鐘~~~~~落左車之後就自由活動架喇~因為唔係跟團~只係買巴士飛咋~4點半再係度集合~上車番卡拉法特~一早就諗住要住船仔去近睇下呢個咁勁既冰川~~~成人每位$250ARS=127.5hkd...本身以為趕唔到坐11:45哥班船(因為又唔知碼頭係邊又唔知行幾耐先到)...所以揀左1點鐘哥班~





入口有張地圖既~有埋唔同路線...會話俾你聽行幾耐..你可以就番自己時間進行遊覽咯~




終於來到入口了~~~~~一入去見到有對老夫妻恩愛地手拖手一齊行~~希望到左哥個年紀都會有人咁有愛咁樣拖住我隻手同我一齊遊覽莫雷諾冰川<3好浪漫~





一入去見到塊指示牌嘛~例牌有咩唔可以做啦~左下角最特別~寫住"Enjoy Nature's Sounds"......華~係咩聲呀~




跟住路牌行..但我唔知路牌寫咩~哈哈




華~~~見到你真身喇!!!!無隔住玻璃見到你!!!大美人一名無誤!!




望過隔離...呀頂....原來碼頭就係旁邊........................早知搭早一班啦.......依家要個幾鐘後先到我地....唯有向前行下先啦~




我地行到第一個觀景台~未介紹哥個Nature's Sounds係咩添~就係....佢呢個冰川係世上少數既唔係後退緊...而係向前伸延!!!!!!勁無??仲要係每日向前30cm!!!!!所以經常會聽到永川向前推進時發生既聲...就好似放爆竹或燒煙花咁!!!!!!而且仲時不時有冰塌添!!!!!!!!!就係呢個觀景台!!我地睇到第一次冰塌喇!!!!!不過好難影~除非用腳架不停望住用快鏡影先得~所以用眼睇好了~影下抖下~就開始回程了~






好彩路程上d景都唔錯~路也好行~(缺點只係上落樓梯太多)



乖乖等上船喇~諗住霸個好位嘛~一落船初頭係要全部人入哂船艙入面坐...到佢宣佈時先可以上甲板~一衝上去時望...華!!!好靚呀!!!!!而且冰川的極涼快感衝埋黎...快_凍呀.........






駛到最近佢會停低~然後搵個靚位幫人影相(當然要錢啦)...我地無影~自己搵位影算啦~華.....曬到黑到...不過仲係好靚~(冰川又靚我又靚啦~hehe)






由左至右咁行俾大家睇哂成個冰川~~靚!!






連個湖d水都特別藍咁~~




個冰川最右邊有個窿窿~好藍~




總算近距離見識過了~~~~而且在去程時的船艙內又睇見一次冰塌~~~神奇~第一次黎都值得坐一次船河既~









唔知你地有無睇幕後玩家??
我由第一集追到依家...(連去完冰島番黎都喪追番)
我覺得好好睇...好鐘意張繼聰~~
由於我前晚同噚晚哥集無睇....
所以我噚晚夜晚一口氣追番兩集..
龔嘉欣今次真係做得唔錯!!!喊到我心都up埋...
黃宗澤最後仲要咁樣對佢!!!!!!!
我睇完兩集直情嬲到.....我噚晚訓唔著...
成3點幾先可以入睡....................................
到最後我想通了......黃宗澤一定係想報復劉佩玥先會咁既..
一定係!....除非唔係



怪獸與牠們的產地雖然個故事唔再有我最愛的阿波~
但成個故事既主人翁........
就係阿波上堂哥本教科書既作者喎~~~~
要睇啦~~~~
只係陪我睇既毛寶同埋貞公子話覺得好醜好老尷....
我就不嬲都無懼他人的異樣眼光架啦~~~
我玩得好開心~~我知你地好想睇我d相架喇~
遲下post相上黎呀~(自我感覺良好mode)



2016/11/的開心事:
成晚訓唔好早左起身...提早時間出門口
買左個牛筋撈米食...唔算好好味..
但總算食飽個肚先開工~平時食麥皮架咋~



報時:距離合家歡台北聖誕之旅2016仲有---35日~

46 則留言:

  1. 膊頭痛去按摩下.妳保重呀~~~

    回覆刪除
  2. 近睇冰川好厚呀,仲好藍添~~
    天氣好反常,冰川加油呀,不要溶得太快

    回覆刪除
    回覆
    1. 係呀~~~好厚好藍~~
      佢係少數既向前推進架~好生性~

      刪除
  3. 好友🌙。゚✨晚安💤・゚🌟是時候瞓覺☁*¨*🌛
    💞氣溫開始凍冰冰💖大家記得著夠保暖衫唷
    💗齊齊💛¨*💜享受💚週五╠╣aΡpy💙。゚💕

    回覆刪除
  4. 個天咁藍連個冰川都特別靚,現在全球暖化,吾知幾時條冰川會消失>_<

    回覆刪除
    回覆
    1. 呢個冰川無後退到架~仲係向前推進緊~~

      刪除
  5. 冰川係好好睇, 不過, 都有危險咖, 有次我行得太埋, 就差D奶野了.

    你FULL GEAR D 相, 當然想睇, 咁有氣氛喎.

    回覆刪除
    回覆
    1. 點解?!?!?!跣親?定冰塌??
      野~~好衰架~~好啦~~~我會放上黎~

      刪除
  6. 算了吧, 我去旅行, 時時都改行程, 有時蝕一晚房租都唔會肉痛, 因為預左洗錢來換開心嘛.

    回覆刪除
  7. 重新睇返啲咁靚嘅旅行相,應該好治癒^^
    算啦反正酒店損失追唔返,疊埋心水繼續開心旅程好過...
    絕對正確,傾計好過瞓覺XXXD況且巴士沿途風景都好靚!藍湖面也好靚好平靜的感覺!
    幕後同埋復活我都係睇下唔睇下,但都覺得ok,好似好過瞄

    回覆刪除
    回覆
    1. 係呀~~所以我有時寫blog都好開心~~~
      無錯啦~~我地其實已經忘記左架喇~因為哥間酒店唔錯~
      唉呀~人地哥朝好眼訓嘛~~~
      好過好多~

      刪除
  8. ⛅好友♦・゚☼我的早晨☕你的午安好☁*`☀
    🌺╔══╗╔══╗░╔╗╔╗💖。・゚゚・ʚïɞ
    🌺╠══║╠══║░║║║║╔╗週五ღ💕
    🌺║══╝╚══║░║║║║╚╝ 🌹🌹¨ʚïɞ
    🌺║░═╦╦═░║░║║║╚═══╔╗ ╔╗♥💞
    🌺║░═╬╬═░║░╚╝╚═════╝ ╚╝❥萬事得
    🎄💛♧🍀♧💗♣❀♣💚♧🍀♧💙♣✿♣💜🎄

    回覆刪除
  9. 好靚好藍呀 ! ! !
    我都覺得龔嘉欣做得好好 佢做到入哂戲呀 !
    我都好忙好忙呀~~~~

    回覆刪除
    回覆
    1. 係呀好美好美~~~
      係呀你又有睇呀~~~~
      咁慘豬呀~~~

      刪除
  10. 冰川拍得真係巧靚,可惜全球暖化遲早會溶哂.

    回覆刪除
    回覆
    1. 唉....無計...
      不過呢個還好...因為呢個仲係向前推進緊~

      刪除
  11. 好靚靚嘅冰川呀~ 但就咁睇個規模無想像中咁大,幻想阿根廷冰川好壯觀(可能真係自己幻想出嚟)。

    回覆刪除
    回覆
    1. 唔係架都好大架!!!!不過我地未行到咁前咋~~~~
      你睇下今日哥篇~

      刪除
  12. 好想看您的哈利波特裝囉!
    小 t 不會長大的呢~~~~~~
    潮流教主、幕後玩家和致命復活的背景和我的過去與現在都有關,哈哈哈

    回覆刪除
    回覆
    1. 野~~~好衰架~~~好啦~我會放上黎的~
      哈哈~~心態細個d會開心d~
      咁利害~~~

      刪除
    2. 超級期待~~~~~~
      您年外貌都冷凍咗添,哈哈哈
      我衹是超級無敵大打雜,名利都與我無關,呵呵呵

      刪除
  13. ★・゚✬好友🌙。゚✨晚安💤・゚🌟瞓覺囉☁*¨*🌛☆
    ¤*¨*💘・゚。💚。・゚゚💗・。・。。゚。⊹
    ╔╗╔╦══╦═╦═╦╗╔╗*¨💙
    ║╚╝║══║═║═║╚╝║💓*。
    ║╔╗║╔╗║╔╣╔╩╗╔╝∵`💜
    ╚╝╚╩╝╚╩╝╚╝═╚╝週末💕
    💟*¨◇💖∴💛ღ❤º°¨💞

    回覆刪除
  14. 我當年只坐船,遺憾嘅係無行去睇。。。
    幕後玩家,正正是港女以前份職業,他們行內人睇返真係得啖笑。

    回覆刪除
    回覆
    1. 行去睇真係唔同感覺...勁震撼!!!!唔緊要啦~~有機會再去睇啦~
      哈哈~~咁梗係啦~~有好多都係作架啦我估~

      刪除
  15. ⛅好友♦・゚☼我的早晨&你的午安好☁*`☀
    っˆヮˆ)っ・゚。💟¸¸。゚💖
    ╔═════╗  .•*¨`*•💛
    ║░═══░║¸.•*¨`*•💗
    ╚═════╝╔═╩═╗•*¨`*•💙
    ░══╬══░⊹╬╬⊹💝
    ░░░║░░░⊹╚╬═⊹。゚💕
    💞齊齊💜享受💚╠╣aΡpy週日💘

    回覆刪除
    回覆
    1. 星期六同星期日都食左好野~我好開心~

      刪除
  16. 唉吔吔,原來你返咗黎咁耐,時間過得真係快,我都唔知自己忙咩,無入嚟探你,嗱,我無忘記你架!
    有時去旅行突然想改変行程,我自己梗係無問题喇,難得同伴都支持先最緊要,雖然大拿拿成千銀,但慳咗時間又玩多啲睇多啲遊閒啲,去玩最梗要開心!

    回覆刪除
    回覆
    1. 正呀,呢個冰川好靚呀,睇到呢d景真係咩煩悶都無晒^^

      刪除
    2. 係唷~番左黎好一陣子喇~~~真係慘豬喇....咁忙!!乖~我地都唔會忘記大家的~~
      係呀~~~~最開心係有d咁豁達既團友~真係人生一大福氣~~~
      所以同佢地玩最開心~

      刪除
    3. 真係係我人生中見過最靚的冰川!!

      刪除
  17. 貞公子又會唔陪你癲一齊全套武裝上陣嘅?

    回覆刪除
    回覆
    1. 佢本來以為我會迫佢一齊著...點知之後佢知道我只係想自己著佢就鬆左一口氣~原來同我一齊睇戲咁大壓力~~~~~~~~~~~~~~~~~~~~~~~~~~

      刪除
  18. 🌙★好友✨✬晚安🌟瞓覺囉☁*¨*🌛☆
    💘話咁快又╠╣aΡpy星期一💞齊齊💜享受
    ╔╗╔╗╔╗╔╣✬
    ╚╣╚╝╚╝╚╝¨*☆。。゚★
    ╚╝.___☆╔╗─╦─╔╗─╦╦─╔╦╗
    ____★__║║─║─║╗─╠╣──║
    __☆____╩╚─╩─╚╝─╩╩──╩✬
    💛∵・•*¤💙。゚。💕 ೋ💚•.¸¸。゚ഐ

    回覆刪除
    回覆
    1. 星期一太多野做喇享受唔到~~~~~~

      刪除
  19. 嘩~靚到呢!唔知點解一見到呢啲景我就會諗起王家衛……

    回覆刪除
  20. 個冰川係向前伸延!即係水繼續結冰啦, 咁係咪好凍囉?
    冰川好藍好靚~

    回覆刪除
    回覆
    1. 坐船去到附近好凍呀~~~~不過其實哥日氣溫係ok既~
      係呀真係好靚呀~~~

      刪除
  21. 忙碌自己野係最開心㗎,哈哈哈哈。

    回覆刪除