2016年11月17日 星期四

南美洲4國新奇探險之旅2016-03-05第二十二天(晴天)

野~~~~~~~~~~~~~~~~~人地番黎喇~~~有無掛住我??????有啦我知....如果唔係都唔會俾人狂吹我出blog啦~~~(其實哥個人呢10幾日都同我一齊去緊旅行..........................)......噚晚番到澳門.......呢12日好無玩呀?都好玩既..但有d驚險野~不過都係到時寫到先講~出住南美blog先~~(我好驚呢個南美之旅過左2016年仲未寫完...但都睇怕係~



2016-03-05
Day 22(智利,納塔列斯港 Chile,Puerto Natales->阿根廷,埃爾卡拉法特 Argentina,El Calafate)

好不容易訓到早上...間房有蚊我真係好驚.....早晨~~又晨早起身喇~~~~今日我地將會離開智利~~~~第一次搭巴士過境呀~~~~離開智利我感到好興奮~~~~食個早餐先~~

早餐叫做一般啦~叫做有生果食下~




噚晚黎到夜媽媽費事再周圍影~朝早補影番open area既環境~都幾舒適~不過間房有勁多蚊就..........





搵酒店幫我地call的士~又去到同一個巴士站搭車離開智利~~(鼓舞)..即係來回國家公園哥個巴士站一樣的~呢日好早車...好似係8點鐘車.....7點半就要到巴士站~巴士站難得咁早都有賣零食既鋪頭開門~梗係上車前買定d薯片之類既乾糧啦~~然後見到呢隻杯~我地每人就買左隻了~無親眼睇到呢座山~唯有買左呢隻杯番去就算啦~




由智利既納塔列斯港(Puerto Natales)到阿根廷既埃爾卡拉法特(El Calafate)...車程大約係5小時~點解呢次我地唔揀搭飛機?因為呢程車算短...如果要搭飛機...就要係納塔列斯港(Puerto Natales)搭3個鐘車返回蓬塔阿雷納斯(Punta Arenas)先再搭飛機去阿根廷.....咁...唔好玩啦~我直接搭巴士咪仲舒服~~~~~~~~~~



我諗訓左個幾鐘度就起身~因為要過關喇~~~~~離開智利日期係2016年3月5日......原來我地留左係智利成12日~





搭多幾分鐘車就會黎到阿根廷邊境既入境關卡~又係全車落車去吸印~






hello~Argentina~~~~~~~~~~~~~~~終於黎到我地呢次南美最後一個國家~阿根廷~~~~~~~~~~




過左關之後再坐多個幾鐘車終於到左埃爾卡拉法特(El Calafate)~~~~




一落車隨即又去格價買即日去埃爾夏登(El Chalten)...車費無記錯好似係每人200幾hkd.....




買完車飛....再換埋阿根廷錢.....由於當時才中午1點多....班車4點先上......(班次相當的少!!!!!!!!!!!!!)......於是就乖乖咁係車站唯一的餐廳食野...點知老闆完全唔識英文...好難先叫到呢份價值20hkd的三文治入口...........坐低靜靜咁諗....咦..弊啦......我地由埃爾卡拉法特(El Calafate)去埃爾夏登(El Chalten)都要3小時先到...即係呢日又無哂野做啦去到都8點咯....訓一晚然後聽日玩一陣...都無得訓應該要搭晚車由埃爾夏登(El Chalten)番黎埃爾卡拉法特(El Calafate)...因為後日一早機走......咁......其實我地為咩要咁趕去哥度呢?!反正我一心其實係想去哥個我勁想去既冰川之嘛~呢度都有得搭車去到啦~~~~當下........成團人決定..................留番係埃爾卡拉法特(El Calafate)呢度喇~~~~~~~~~




咁趕真係諗起都好辛苦~~~你真係不得不佩服我地4個既豁達.....因為我地買左車飛.....酒店之前亦已訂....作出呢個建議時我都戰戰兢兢........點知佢地3個一齊話:好呀!(仲要好興奮).....連埋房錢同埋車飛每人其實唔見左1000hkd架!!!其實係當初行程真係有d排得唔好既~~我地又第一次黎咩都唔知~~~拿~旅行就係咁喇~好多未知~又從錯誤中學習都未嘗唔係一件好事丫~~~~~~~然後我地4個好開心咁樣食埋份三文治~~~上網搵埋埃爾卡拉法特(El Calafate)既市區酒店~再買埋聽日出發去冰川既車飛~~~~




我地係一個旅行社換左錢(匯率麻麻...陣間講).....我地格埋價呢間巴士公司d時間最好最抵~來回車費由埃爾卡拉法特(El Calafate)到佩里托.莫雷諾冰川(Glaciar Perito Moreno)...每人$400ARS=204.4hkd.....呢個就係時間表....每日兩班...我地揀左最早哥班....早上9點出發~搭個半小時車~...回程係16:30...番到埃爾卡拉法特(El Calafate)就18:00(因第二日早機)





好~~~搞掂哂~~~~叫架的士由巴士站去我地酒店~~~我地臨時臨急訂左呢間Quijote Hotel...地址:Gdor. Gregores 1191, El Calafate, Santa Cruz, Argentina





每房每晚$1,941.1ARS=991.9hkd...每人每晚496hkd...不便宜唷~~但諗番起智利百內國家公園入面哥間...呢間好平呢!!!又夠大!!!!!!!我地住左兩晚!!兩晚都超!好!訓!!又大又乾淨~





提提你阿根廷又要換上不同的插頭了~




好~依家得閒講匯率喇~係頭先巴士站某旅行社換左少少錢~因為一蚊都無真係唔得~而呢日係星期六銀行唔開~所以就局住係佢哥度換啦~當時用美金兌阿根廷披索係匯率係13(其實知好低~)......用智利披索換阿根廷披索匯率更差(但無計~我地袋住淨番既智利披索都無用~)....阿根廷披索兌港幣匯率係0.510727....即大約$1ARS=0.5hkd.....方便d你又唔介意既話可以將價錢除2咁睇就係hkd~(當然我地個blog咁貼心梗係會計埋俾你睇啦~)..以下是阿根廷披索~




休息左一陣~又出去行下喇~~~~~天氣勁好~~~~~~唔知點解望到d樹我諗起美國加州~






第一站~~~坐一陣食少少野先~揀左呢間Casblanca~地址:Av. Del Libertador Gral. San Martín 1202, El Calafate, Santa Cruz, Argentina




麵包~一般般~




我同大比每人叫左一杯Viennese...$80ARS=40.9hkd.....勁!好!飲!!!!!!!!!!!!!!!!!!!!!!!!有咖啡..雪糕..Whisky同cream!!!!!!!!驚為天人的好飲!!!!!!!!!!勁似之前同毛寶去法國飲哥杯!




仲叫左個cecar salad~~個樣勁醜...但食落勁好食~~~~佢有雞肉的....而且雞肉剛煎好熱熱的仲要煎得好好食~~~~佢個沙律汁都好好味!!!估你唔到~




食飽飽又再周圍走走~





左逛右逛行下手信店~賣d野都幾靚幾唔錯~我都有少少收獲~




這裏的人都好鐘意用呢種叫Calafate既莓做果醬吃的~唔知係咪因為呢度盛產又鐘意食連呢個地方都叫埋做Calafate呢~~~~~呢隻係用佢黎整既酒~~~其實我好想試!!!但係最苛刻哥程飛機未搭(寄艙行李只有15kg)...我唔敢買..




行行下又夠鐘食晚餐~我地揀左呢間Mako Fuegos Y Vinos~....地址:98, P. de Agostini 1, El Calafate, Santa Cruz, Argentina





吸引我既係櫥窗外見到佢烤緊既全羊好正~~~勁香~




裝修好靚~有英文餐牌~服務員會流利英文~




點餐後先上麵包~還好~





送的前菜~好味~~我覺得好靚~




Onion Soup....$170ARS=86.9hkd....貴!!!!但靚!!同埋好飲!!






Brochette....$280ARS=143.1hkd....燒得好好味~~有蝦同埋八爪魚~~~~




Grill Lamb...$280ARS=143.1hkd.....同埋Argentinian Steak(400 gr)...$300ARS=153.3hkd.......仲有Grill Vegetable...$185ARS==94.5hkd....佢張三樣野放埋一齊~~~~超勁大堆頭~~~~~~每份都係百幾蚊...呢個價既性價比同個湯比高好多~~~~個羊唔錯~~但冰島的更好吃~燒蔬菜好好吃~




hello~阿根廷牛~~~~~~~黎到阿根廷必!!!!!!!!!!食!!!!!!就係佢既牛扒~~~初嚐阿根廷牛~好吃~~~~




呢餐食$1,550ARS=792.1hkd...每人才198hkd.....食得好坐得好都唔超過200hkd.........................開心~




食飽出黎剛好日落~好靚~




呢日既戰利品~




d郵票勁靚~~~~~d鋸齒位仲有粒四角星~~~~好靚~~~而且阿根廷postcard超快寄到番屋企~好開心~




超靚!!!!!我忍唔住買左兩隻!!!!!!餐具控~d花紋畫得好靚~




磁石好可愛~右邊個pin買來送給神秘團友~









2016/11/17的開心事:
終於食到阿媽煮既飯~~因為食左10幾日西式好悶呀~



報時:距離合家歡台北聖誕之旅2016仲有---42日~
去完冰島好彩下個月仲有個台北之旅頂住...
如果唔係我一定好失落~
但依家見到得番一個報時器...
我個心又有d戚戚然...............
女仔真係好麻煩~

46 則留言:

  1. 回覆
    1. 我都覺得去少一個地方唔好咁趕,旅行麻輕鬆啲好,有時好難計到咁靚,咁叻計行程嗰個叫"旅行社"呀,
      阿根廷....真喺好期待妳嘅行程,好好多熟悉的景點,記得細個睇日本動畫星仔走天崖,喺其中有描述布宜諾斯。

      刪除
    2. 我寫長咗...若留言又失踪,請到垃圾留言箱呀。

      刪除
    3. 係呀我好驚咁趕又咩都做唔到~最後去到哥邊又係咩都睇唔到仲衰...得個趕字~
      哈哈~其實我地去刑首都都無咩做過架~~~

      刪除
    4. 好彩係有提我~如果唔係我可能真係無為意~

      刪除
  2. 好友♦。゚☾眨吓眼時間過得好快,小t回來了嚟*¨*☁

    ❤╔══╗╔══╗░╔╗╔╗💖。・゚゚・ʚïɞ
    ❤╠══║╠══║░║║║║╔╗ღ💕
    ❤║══╝╚══║░║║║║╚╝♡•*¨*ʚïɞ
    ❤║░═╦╦═░║░║║║╚═══╔╗ ╔╗♥💞
    ❤║░═╬╬═░║░╚╝╚═════╝ ╚╝❥萬事得
    🎄💛♧✿♧💗♣❀♣💚♧✿♧💙♣❀♣💜🎄

    回覆刪除
  3. ♦・゚✬好友★。゚☾晚安☁¨☆・。。゚🌛
       ╭───────╮
       │瞓覺豬呢💤│
       ╰───────╯
    ╭───────╮
    │甜夢安睡💤│
    ╰───────╯
      O
       o
     .∧_∧・。。゚💤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    💞大家💛⊹¨*💜週五💚╠╣aΡpy💙。゚💕

    回覆刪除
    回覆
    1. 大家happy~~~~好開心今個咁忙既禮拜己過~

      刪除
  4. 咁快你又玩完回來啦,你要勤力出BLOG呀^_^

    回覆刪除
    回覆
    1. 話口未完今個禮拜又懶左一日~~~wakakaka~

      刪除
  5. 同係美洲, 亞根庭和美國加州都有很多相似的地方.

    回覆刪除
  6. 小t你千期唔好唔見左本護照,佢引證你去過咁多地方,成個地球差不多行過,好多腳毛蹤跡!

    回覆刪除
    回覆
    1. 最弊分開兩本護照~d印分散哂~慘~

      刪除
  7. 如果我係團員一份子我諗都會舉腳讚成^^因為我都好怕花太多時間搭車,趕到去又無乜時間遊逛之後又要趕住搭車走,變咗純粹去瞓一晚好似有點無謂,又舟車勞頓.....
    套郵票簡潔得來又幾有style有特色!!

    回覆刪除
    回覆
    1. 哈哈~~睇黎你都係豁達之人~~~係囉..得個趕字..好驚最後咩都睇唔到~
      都幾現代化既公仔郵票~我覺得幾靚~

      刪除
  8. 哈哈, Welcome Back ! 呢日既小收獲好靚呀 !
    cecar salad我最近都好鍾意食呀~~~ 我鍾意食沙律入面既多士仔 haha
    希望快d再有新既報時器啦~ 開始plan未呀 :) hehe

    回覆刪除
    回覆
    1. 係呀我好鐘意~
      我鐘意芝士囉~~哈哈~
      未呀..我連下年幾時放假都未plan

      刪除
  9. wa~~ 返到喇! 又即刻期待你嘅另一個旅遊blog。
    阿根廷呢個市好靚,建築物靚,連D紀念品都好靚呀。
    我望咗張相好耐好耐都睇唔明個靚靚餐具係咩嚟? 匙羹?

    回覆刪除
    回覆
    1. 依家積積埋好多野未寫...好救命~
      我都幾鐘意呢度呀~~~~好舒服~
      係呀!!你叻..因為我唔記得匙羹點打...(誤)

      刪除
  10. 話咁快妳又平安返黎~~~好唔好玩呀?

    回覆刪除
  11. 其實我覺得個沙律個樣望多幾眼又唔算太難睇!😂

    回覆刪除
  12. 我旅行完返來懶左一輪到依家才寫卜,也見你剛回歸,呵呵~
    我當年係el Calafate都買左印有Patagonia嘅帽,我諗如係香港帶著頂帽入Patagonia間舖頭,會唔會比職員話我買了A貨呢? Wakakaka~~~

    回覆刪除
    回覆
    1. 就係囉!!我就係諗點解咁耐都唔見你~~原來你同我一樣咁懶~~~
      好爛呀呢個笑話~~~~~~~~~~~~~~
      你當年有無行到去哥個山呀?

      刪除
    2. 唔爛,有時剛去完旅行返嚟,又要即刻返工,懶是正常的~呵呵~
      有呀! 當年自己set左個終點,諗住行一陣見到個山頭就算,可惜越行越大雨,前方山頭一片白朦朦,不是熱愛行山嘅我,都係放棄吧。。。

      刪除
    3. 除非你好熱愛行山,如果唔係你選擇是明智的~

      刪除
  13. ⛅好友♦・゚☼我的早晨☕你的午安好☁*`☀
    💞大家💛⊹¨*💜新一週💚╠╣aΡpy💙。゚💕

    回覆刪除
  14. 今次去12日夠唔夠喉呀?以為你會耐d 先返。
    你買o個隻杯好靚。

    回覆刪除
    回覆
    1. 戰利品都好靚,like!like!like!

      刪除
    2. 其實唔夠...依家佢地係冬天...日照時間超短...唔夠時間用
      真既~~~~~~~~~~~~

      刪除
    3. 我都好鐘意呢日既戰利品~

      刪除
  15.  ∧_∧
    (。・ω・。)つ━★・*。
    ⊂   ノ   ☆・゜+.`。✾
     しーJ   °❉。+ *´¨
          ೋ*´¨ ∵¸.·*¨
        ¸.·¤´ ¸.·✬ * ∴。。゚⊹
    好友♦。゚☾甜夢安睡🌛💤話咁快╠╣aΡpy週二・゚☁

    回覆刪除
  16. 旅行時間過得真係快啲㗎,玩得開心最重要。

    回覆刪除
    回覆
    1. 無錯~加上同媽媽一齊去都幾開心既~

      刪除
  17. 小 t sweet sweet,所以勁多蚊友。
    間酒店勁正!

    回覆刪除
    回覆
    1. 下~~~~唔係臭先多蚊既咩~
      係幾唔錯的~

      刪除