2016年11月3日 星期四

我的生日會2016@金坂極上壽司

星期二...我感覺到我好似番左5日工咁....因為聽日放假...所以勁有星期五feel~我夜晚仲開始執gip...都差唔多執左成3個鐘......好彩差唔多執哂~星期三放假訓晏d~好開心~(但我係9點半就醒了~)....中午去左食譽路八~~點知佢又轉左手...d裝修不倫不類......魚生d色又唔精神...我諗我唔會再去.....下午毛寶幫我剪頭毛去旅行~~星期四...又係好多野做...番工日我只可以講既就係好多野做~我地個淡季到底去左邊~~~~~~~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



哈哈~~我又偏心喇~~~今日~我要出我今年既正日生日blog~~(舊年的生日派對都未post....).....咁既~哥日毛寶約左我食飯~咁呢...問佢好耐都無話我知係邊間既...甚至哥日坐佢車一話到氹仔就話要我合埋眼唔俾我睇去邊.....但憑我熟識佢既程度加上佢事前既興奮狀態....我其實一早估到佢帶我去邊......wakakaaakkaak~就係佢!!我本年度最想食既餐廳!!!金坂極上壽司~~~地址:皇冠渡假酒店一樓....電話:8868 7300.....極度低調的門面!!低調到差點錯過~~~佢係酒店既reception隔離~




呢間日本開過黎架~日本哥間有米芝蓮二星..呢間都有一星~布廉上寫住shinji係真次..金坂真次個名呀~金坂真次係邊個??仲使講既~~




呢度都主要係食Omakase...咁梗係坐係吧枱對住師傅會開心d既~(實際上係無錢坐係房)....吧枱大約得哥13個位~相中所見係金坂既總廚大隅達先生~我地黎既時間得我地兩個客~




聽講~~~聽講~~~呢個吧枱係檜木吧枱~~係220年既檜木黎整架~~~~造價7位數~~~~~~摸多d先~~~好滑呀好滑呀~~好似我咁滑呀~~~




呢位係副總廚藤本健一先生~今晚係由佢為我地服務~睇餐牌期間師傅在起勁的磨山葵~~~~又聽講~~~聽講磨山葵哥塊野係鯊魚皮做架~(超八)..同埋會磨山葵會滑d個喎~(又長智識)





研究下餐牌先~其實呢間餐廳開左好耐架喇~我諗最少有年幾....講到本年度我最想試既餐廳到左10月都仲未去試過梗係有原因啦...最大既原因一定係價錢............食之前已經知好"拿利"....我最捨得食架喇...但連我都唔捨得就知有幾.......所以一直都無黎過..........由於我唔係老闆...我梗係問毛寶:呀~你諗住叫邊個呀~......毛寶:梗係叫兩個最貴哥個啦!!!!.......好~老闆總是豪氣的~....就係咁...我地叫左兩個真(Omakase Shin)...每個價值$2,988................................如果第一次去試....我建議你去試左午餐先..因為最貴哥set都係$1,688......因為我哥日無放生日假食唔到中午...所以只好吃晚上~~~~~~~~我咁大個人從來未食過咁貴既飯...............




講下個餐先...有前菜..雜錦刺身..雜錦熱盤..握壽司和卷壽司..餐湯..日本水果......個內容你唔會知係咩~呢個就係食Omakase既精髓~師傅發辦呀嘛~有咩時令野咪食咩囉~就係咁先夠神秘夠期待~~~~~~



毛寶病左加上要揸車唔飲酒~我就叫左杯星舍藏 無添加 黑糖梅酒(和歌山)...$58/杯.....我認為一間咁高級既餐廳佢用既餐具都係有一定名氣或質素既~~~~隻杯勁靚~~~梅酒好好飲呀~~~~清甜的~~我平時飲平平的那種都是死甜的~~~~但一杯得好少呢~~~~~~~唔知澳門其他地方有無得買呢隻梅酒呢?





飲緊梅酒時師傅就放薑之類既野係板前既碟上喇~期待(<3)




師傅準備切拖羅呀~~~~




小時候都不喜歡吞拿魚....因為食得太多劣質貨~而且食都係劣質赤身~~~長大後去日本玩才知道拖羅是魅力先生~




呢盒野好靚好靚呀~~~赤身小姐好~中拖羅先生好~大拖羅先生好~~~~(心中狂喜中~)




先來前菜...金梳魚配飛魚子~~~下底有d酸酸地既汁~~有d菠菜~~舊金梳魚d皮輕輕燒過~~~~配上卜卜脆的飛魚子....很醒胃~~(事實上個胃一早開左~~)




前菜後上刺身~呢個係剝皮魚~




食得幾招積呀!!仲要配上呢個魚肝汁黎一齊食架~~~~兩者真夾~~個魚肝汁幾香~~但無搶到魚既爽甜~~~~~




再來~帝王蟹配啫喱...但重點我係忘了係咩味既啫喱~~個啫喱酸酸甜甜的~~~配上超鮮味既帝王蟹....哀c~~~~~~~~~~~




整緊咩呀你~~~~~~~




原來為我地準備緊安康魚肝~~~~~第一次食咋~~好好味呀.....心都溶喇~~~~




呢個係有醃和輕燒過的秋刀魚~~~其中一塊配上薑~另外一配上蔥~~~汁和魚味夾得無話說...食到呢度我同毛寶一食落口第一句講的就係"好好味呀...................................".......好明顯我腦內字庫入面唔夠形容詞啦..(不負責任的blogger)




呀~~~~~~~~~~大拖羅先生出場喇~~~~~~~~~~~~~~有時太期待我想是會失望收場.....我食到有筋喎...................




唔嬲你住~食埋落去先~總廚和副總廚都在落力的砌砌砌~




開始熱食部份~這個是喜知次~連埋柚子皮一齊食好提鮮呀~~魚肉爽爽的(因為不是煮到全熟吧?!)





呢個係煮左10小時既鮑魚~~綠色醬既物體我倆懷疑是鮑魚舊綠色潤整成~~~~甩埋d醬一齊食好濃香~~鮑魚淋淋的~~~





咦~~唔通準備緊壽司既料~~






聽講~~聽講~~~佢地把刀上面都有佢地個名架~~~~




再上熊本和牛~~配上甜甜的汁~~~~~~好濃濃的牛味~~~那個小蕃茄也勁好吃~~~~還有那個像松茸的小菇也好好吃~~




咦...係咪高級壽司店都興用手食壽司架?食壽司時會放濕巾俾你抹手的~而且都唔使點豉油喇~因為師傅會幫你放好味架喇~




好喇~~開始壽司部份喇~~~師傅你好帥氣呀~~~~我好鐘意睇d師傅整壽司既手勢~~






煙燻深海池魚壽司~~~幾煙燻味~~但幾好味~~(係好好味先岩)....一入口同毛寶對望...然後微笑(這是篇甚麼食評?)




再來再來!!黑喉魚壽司~從來都未食過~~~~又未聽過~~~~但係好好味~~~~(不負責任食評)





好鐘意睇佢搽醬哥刻~赤身醬油漬壽司~以前不喜歡吃赤身部位...因為之前只吃到劣質的...但去過沖繩求求其其食過赤身之後真係覺得好正~~~~~而呢舊醬油漬的.....好吃到心坎裏狂拉紙炮~




咦~大拖羅又再出場既~~今次無筋~~~好正~~~好肥美呢~~~




食壽司之前侍應姐姐會同我地講..由於師傅會keep住舊壽司係最佳溫度呈上(飯的溫度keep係30-40度)...所以希望我地唔好放咁耐先食~所以每次師傅一放低係毛寶隻碟度我就會快速記低係咩魚~放係我度就會快速影張相就放入口~~~正確黎食應該係魚生向下~~但係我一攞起壽司就好緊張....只顧快速放入口怕跌左舊壽司~~~~~(毛寶成日話我隻手d手指攞野食時好衰..成疏蕉咁~)





間場時師傅放左兩舊醃蘿蔔係我地隻碟...好味到呀~~~~




池魚壽司~上面有d紫蘇葉~~好好味~~配搭好好唷~




北海道北寄貝壽司~~~~好_好食呀!!!!!!!!!!新鮮~爽~甜~




食食下見到師傅又好用心咁砌緊野~~~見到一大兜好靚既三文魚籽~




原來佢整緊北海道海膽飯呀~~~~佢首先用海膽同d飯撈埋一齊~~~然後再係上面鋪海膽~三文魚籽~吞拿魚蓉~同埋玻璃蝦~~~~~~但係呢個海膽飯係非常迷你的~迷你到你唔信~~




有幾迷你~用我隻手揸住時就知有幾細~~~但黎得呢度~就係預左重質不重量~




蜆壽司~加左d柚子皮係上面~~~清新得黎仲提鮮~~~~貝類哥兩個壽司我都覺得好正~~~~~~~~~




見到佢整卷物...我就係知係時候就黎完喇.....嗚嗚...




呢個佢會直接交到你手上~




都唔知佢哥塊咩紫菜黎既!!!!!特別好味囉~~~~~~未食過咁好食既鐵火卷~~~真係好好味~~唔捨得~





一見到玉子上....就即係代表壽司part正式完~~~~呢舊玉子入面有玻璃蝦的~~~~不過.....我覺得質感好實....我鐘意築地平時食哥間鮨文舊玉子多d~真係好好味~




好喇~到上麵豉湯~好味~我鐘意佢夠極級熱~




到上甜品喇~~~~




上面除左有日本生果之外仲有一球雪糕~有無人可以估到佢係咩雪糕~~~~~~~~~~~~~我諗好難估...因為我聽完之後都:下?!....左一聲....係薯仔雪糕~~~~~~係幾古怪的但都幾好食~




一路食野哥時師傅都有用佢既唔鹹唔淡既廣東話介紹既~但另外侍應姐姐會補充講下係咩野食~有咩食材之類~師傅介紹呢個係gin咋布甸~我同毛寶以為係ginger既時候....侍應姐姐話係煎茶布甸......~~~~~~好搞笑~~~~~~.......好滑呀~~~煎茶好香~加埋上面的黑糖~~好好味~





與老闆在金坂留影~




正當我睇緊頭先d相回味緊之際....冷不防師傅.........................好搞笑呀!!!!!!!!!!




多謝你呀~~~~*3*~~~~唔好問我點解我叫蝦米~~





蝦米~許的願要成真唷~





仲要有禮物收~~~~~~




張卡d字係毛寶自己寫架~~~~佢依家自學緊寫美術字...佢仲自稱佢係成家寫字最醜的人.....為人謙厚寫字又靚~佩服~仲有多謝花花~~~~




個蛋糕另外收費的~好像$228/磅...講真...幾好食!!口味又岩我~(綠茶蛋糕)....好過之前永利皇宮間扒房個蛋糕勁難食.......




哈哈...我都唔知講咩好喇~~多謝老闆~~~係真係好貴既...係我食過最貴既一餐飯~~係話食完飽唔飽呀...唔...唔食最後個蛋糕又真係唔係好飽既....不過既然食得呢度..都係預左食質素唔係食量架啦~食完個心係滿足既~重點係我估唔到呢日係閒日....除左我地之外.....仲有另外3pair人食緊...好驚...咁貴既餐廳.....仲要係夜晚.....吧枱接近滿座...........................................建議先試入門的午餐試起......完~








2016/11/03的開心事:
今日上網check in揀到心水位坐~~
今日番工時個人都倍感興奮~~~~~~
聽日番多半日~~~~~~就要放假了~~~



報時:距離冰島環島自駕遊之旅2016仲有---1日~~~~~~
報時:距離合家歡台北聖誕之旅2016仲有---56日~
天呀!!!!!!我期待了超久!!!!!!
我有成差唔多8個月無放過自己假喇!!!
我真係好需要呢個假期!!!!!我好攰~~~~~
仲要去我最鐘意既冰島~~~~而且呢個旅程既組合以去冰島黎講好新~
好期待~~~
希望順順利利~~~~個個都身體健康~~~
外加極光照上空就好了~
係有d貪心~不過人就係咁架啦~~~hehe~
都係哥句~要想我唷~
唔去下旅行邊有blog寫呀係咪先~~~~~
回來見~~~~~~~~~~~~~~~~~~~~~~~~~~~~~~

32 則留言:

  1. 好鍾意睇毛寶點鍚你 你點鍚毛寶
    真係好溫馨好有愛呀 hehehe
    旅行一切順利呀 會想你的

    回覆刪除
    回覆
    1. 我回來了~~~
      咁你叫佢錫我多d添啦~~~wakaakkaak~
      多謝多謝~~~~

      刪除
  2. 呢餐幾精緻好食但左貴D、但有人請中間一次無所謂.....
    我都想去睇下北極光.....希望我隻眼未出現問題去睇一次........

    回覆刪除
    回覆
    1. 我回來了~~~
      哈哈~重點係有人請~~~~
      那心動不如行動了!!!!出年d機票好似幾平~

      刪除
  3. 生日快樂﹗繼續去旅行、旅行再去旅行,身體健康﹗毛寶寫的美術字好靚喎,li餐真係好貴呀﹗

    回覆刪除
    回覆
    1. 我回來了~~~
      多謝多謝~~~
      係...真係好貴~~~我都唔捨得食~

      刪除
  4. 蝦米...最重要身體健康
    ❥*¨❣時刻開心萬事得♥。゚♡
    ❉•ೋ*¨*✾.¸¸。゚ღഐ❤
    ╔═╗ʚïɞ・゚萬事如意⊹。ƸӜƷ
    ║╩╠═╦═╦═╦╦╗- ҈ -
    ║╦║╬║╬║╬║║║
    ╚╩╩╩╣╔╣╔╬╗║Ѽ*¨*Ѽ
    ────╚╝╚╝╚═╝Birthday
    ✿∴♣∴♧∴❀∴✿∴♣∴♧∴❀

    回覆刪除
  5. 今餐...真係色香味都好正呀
    Ѽ天天都過得歡樂精彩Ѽ
    ╔═══╗❤⊹。♥
    ║███║ ┈ ೋ*¨◇
    ║ (●) *¨・。。゚°♫ ♩ ♬ ♪
    ╚═══╝
    ۩۞۩╠╣aΡpy Birthday Ϡ₡

    回覆刪除
  6. 小t...週末出發去玩喇
    好友★。゚☾瞓覺時候嚟☁*¨*☆晚安♦・゚✬美夢
     .∧_∧・。。゚💟
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄•*¤.Zzz
    ╔══╗────╔╗╔═╦╦╗─╔╗╔╗¤
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝•*◇💕
    💙*¨*💓星期五╠╣aΡpy喇喂💚°¨°💛

    回覆刪除
  7. 祝妳!生日快樂...蝦米.嘻
    妳好友真豪.....三千幾蚊一位,真喺好好朋友先至咁做
    壽司好靚,見識下食精緻美食,
    旅途愉快

    回覆刪除
    回覆
    1. 我回來了~~~
      野~~叫人蝦米既~~
      真係好貴..我自己都唔捨得食~
      多謝~

      刪除
  8. Happy Birthday Tiffany ! Have a good trip !

    回覆刪除
    回覆
    1. 睇到我好肚餓添,但係真係好貴(雖然係值得)

      刪除
    2. 真係好貴..我自己都唔捨得食~

      刪除
  9. 如果當係搭埋飛機去日本食,又唔算好貴啫....Anyway,最緊要食得開心,友情無價^^
    最緊要影多啲靚相返來share,玩開心D,一切順利!!

    回覆刪除
    回覆
    1. 我回來了~~~
      你都講得岩既~
      我今次唔係影左好多相咋~~~日日都好大風~

      刪除
  10. 小t生日快樂,永遠咁靚女,身體健康.

    回覆刪除
  11. 毛寶好夠老友,又有心思!
    小 t,生日快樂!宇文公子越來越帥!

    回覆刪除
    回覆
    1. 我回來了~~~
      多謝哂佢真係~我第一次食咁貴~
      多謝你~

      刪除
  12. 生日快樂呀~~
    又去冰島玩啊,影多D天然美景,索人相返嚟呀!!

    回覆刪除
  13. 嘩好正呀, 不過我一定唔捨得食, 同埋食唔飽我會唔開心呀!
    估唔到你咁耐無去旅行, 今次又影多啲靚相比我地睇呀!
    毛寶啲字好好睇呀!

    祝你身體健康呀!!

    回覆刪除
    回覆
    1. 我回來了~~~
      又唔係唔飽..但又唔係好飽囉~~~
      係呀...呢幾個月番工番到梅哂~~
      係呀好靚~~~
      多謝~~~~

      刪除
  14. 你寫嘅: "北海道北寄貝壽司~~~~好_好食呀!!!!!!!!!!" 我好想幫你填咗_個隻字。wahahaha
    食得開心又滿足最緊要~~
    祝你嘅冰島旅行順利圓滿開心呀~~

    回覆刪除
    回覆
    1. 我回來了~~~
      請自行填上_字~
      多謝~~~

      刪除
  15. 雖然遲咗差唔多半個月,但都補祝妳生日快樂!😆✌

    回覆刪除
  16. 生日快樂呀小T~~~ 趕得徹同你講~
    "先旨聲明" 係咪已經copy & paste呀?wakakaka~~~
    我早前去日本轉機,都有日本朋友帶我食廚師發辦呀,係日本食好平呀~~~

    回覆刪除