2016年9月26日 星期一

南美洲4國新奇探險之旅2016-03-01第十八天(陰天)

星期五放工快快樂樂的約左大學的唯四同學仔食飯~慶祝我同毛寶生日~(我的好像有點過早~wakakaka~)..好開心好多謝你地兩個~星期六一早上大陸有野搞~中午番黎就食左頹飯王馬慶康~~佢個叉燒煎蛋飯簡直係人間極品!!!蛋邊脆既加上甜豉油撈飯!!!好正!!因為太早起身所以下午要訓訓覺~晚上又去左7公子慶生派對~今次到毛寶生日~揀左永利皇宮入面既永利扒房.....都幾貴......但係服務同某d食品真係唔值哥個價....係個小劇場幾得意咁解.......星期日中午去左Terra飲左個啡~下午就做文青行左我以前出世舊屋哥頭..依家開左好多小店~好正~夜晚食左順軒..因為依家有promo...$900有一隻長腳蟹........連續食左3晚....黎緊哥個禮拜去日本之前我要戒一戒先喇......食多d菜~星期一正常工作量很感恩~



2016-03-01
Day 18(智利,復活島 Chile,Easter Island->聖地牙哥 Santiago)

早晨~~!!仍然俾雞啼嘈醒~然後又聽到阿啤娜早早起床食草~~我地最後一餐係民宿既早餐.....噢~!有我最愛的煎太陽蛋!!!!!仲有牛油果~~~




今日既是日果汁...係檸檬薄荷沙冰~~~~~呢度真係日日有新意~~~~




好喇~我唔客氣喇~




既然黎到最後一日~我偷偷話個秘密你地知.....其實我日日影完碟早餐之後...我就會將d料夾埋個包一齊食~~~幾厚~呢個唔係重點...重點係我食完呢個包...我會整多個一模一樣厚既包再食多個~(驚中午無飯開呀嘛咪早餐食飽d囉~~~)...佢地都無哂我乎~




食飽飽我地就去還車啦~然後行下main street~行左一陣就見的士就伸手折費事行番民宿喇~~wakakakak~好熱呀嘛~入房坐左陣~上下網(唔記得講復活島既網絡好不結力...成日上唔到網~).......執好野就要走喇~由Maria個女車我地出機場~~走既時候大家都好唔捨得阿啤娜!!!!拜拜!!!有緣再會!!!!!我到依家仲有諗起你哥晚係我隻窗隔離放左個超大既屁XD





到左機場~~~之後係機場見到Maria係機場...以為佢接另一批客...點知原來佢係Lan Air既員工~~~~~好喇~~走喇走喇~~




一入機場個門口就要過輸送帶check左行李先既...不過佢設計有少少阻塞通道....全部人都塞哂係門口等過完行李先check in.....




過左行李就check in喇~好快搞掂~~~~~~攞到登機牌喇~~~~~hehe~~點解我地咁興奮咁走??坐5H喎~~~~咁大隻機喎~~~即係~~~~~~~~~~~




華~~~~出境個門口都幾.....細架喎~




好咯~上機咯~人地有得預先登機架~~~~heehee~~~~~我地呢日搭Lan Air既LA836班機係15:00由復活島直飛番聖地牙哥~~~~~~~~~




野~~~~~~人地有得搭商務客位呀~~~~~~~~~人生第2次搭商務客位~~~~(第一次係小學6年級同爸媽跟團去旅行...由於航空公司安排唔到d相連既位俾旅行團...就俾左d商務位俾導遊自己分配.....我地1家3口就咁好彩俾導遊揀中~~~~免費坐左次商務~~~)...




呢隻機既商務客位算係唔錯!!!好過好多其他既航空公司~~~(咁我當然唔係講緊日航..卡塔爾...emirates..阿提哈德同埋新加坡航空哥d啦~)...有時經過某d機既時候會諗:華..咁就係Business Class架喇?????所以呢個算又大又闊~~~真係幾唔錯~~~睇下d人幾威威~~~~







今次總算係自己俾錢坐商務喇~至於點解坐商務呢?又有段故仔既~話說當時我買機票哥時......其實睇左好多次個價.....不停咁睇~一早諗住買既...點知原來佢呢段機票要護照no.先可以買(因為其實依家大部份航空公司都唔使~)...咁我地有其中一個團友護照更換當中所以要等佢出左先可以買~就係咁....如圖(不過呢張圖呢個價錢唔係我地當時個價...我番到黎先cap圖的~)......經濟客位有4種...Base...Base Plus...Flexible...Full Flexble.......但到我地可以買機票哥時(出發前3個多月).....去程我地仲買到Base....回程最頭既Base同埋Base Plus最平哥兩隻賣哂(紅圈)...而當時Flexible個價....竟然同Premium Business(橙圈)個價係一樣~~~~So....WHY NOT~~~~~~~~其實我地之前無咁興奮架..以為佢出細機...咁坐商務有咩咁開心je...最多咪坐前人地幾行行得快d........點知去程見係咁大隻機我地即刻個心囉囉攣足咁多日~~~~~~~~~~~~係咪抵我地興奮先~經濟位既價錢~商務位既享受~




其實我真係多謝呢位團友當時未有護照~令我可以一嚐坐商務位既滋味~(重點係呢程追得番d里數~~~商務位會多少少~~)




話哂都第一次嘛~~~梗係狂影相啦~~~隻機仲咁新~~仲唔威威~~~~我地應該著晚禮服上黎呀嘛~~~~




真係勁有空間感~唉呀~~個電視遠到人地除低眼鏡都睇唔到喇~~~~~~(其實經濟位我除低眼鏡都係睇唔到的~~~~waakaka)




狂玩隻窗~~~有兩隻窗俾我地玩~~~~~~我真係第一次隻機隻窗係咁~~大鄉里出城~~梗係要用下啦~~~






我地上左機影左好耐相先到經濟位上機......(平時原來我地係閘口等咁耐~)........人地上機之前我地仲有welcome drink~野~人地揀左sparkling wine~~~~野~~~~~~~~~~~~





usb插頭同另一電制收係手枕位下方~




不過有少少失望就係佢d戲既種類同數量同經濟位一樣~




回程都幾多人坐~商務艙坐法係2-2-2....有6排~共36座....全艙爆滿!!




等起飛~睇下出面~發現咁多日未見過既陰天係我地走既時候先跑出黎~~我知喇~你唔捨得我地~但我依家坐係商務艙要快快樂樂的離開~(負心漢)




拜拜~~拜拜~~~~我要離開牛屎烏蠅喇~~~~~~~





起飛左之後腳印印咁浪哂腳咁睇埋套MIB 3~




呀~好似雪地咁~




我最期待既畫面要出現了!!!!派餐車要出動了!!!!!我要食商務艙的餐點~~~~~~~~~~~~~~(曬花~)....不過佢Serve一個客用多平時經濟位超多既時間...辛苦了~




襯未到我~我影下出面d雲先~好似呢隻窗望出去d雲特別靚咁~(誤)






問我食牛定雞...梗係牛啦~~~~~~~仲有麵包同埋餅乾揀~~~~我揀左餅乾~~牛油好食~~~~個芝士沙律d芝士超好味!!!!!!!成個餐擺得好靚呀!!!!!好靚呀!!!!!好靚呀!!!!!好似去左餐廳咁好衰架~~~~~~~個牛扒仲要整得唔錯!!!!!旁邊哥d黃色係粟米餅~~~好好味~~~雖然食牛扒~但我都係想飲白酒~~~~~~~~~成個餐睇落就係好精神~~~~




沙律係用橄欖油+黑醋~我好老土~覺得咁樣入埋一齊好新穎~~




飯後黎一杯熱茶~~完成~




睇下d人幾嘆~~~~紮哂辮仔~~~吸哂被~~~一路嘆茶一路睇佢兒時偶像Eminem既8 miles~~




我睇睇下戲中途口痕~走去問下空姐空少有無零食...點知佢話呢班機無零食...正當我失望之際....佢地唔知點樣搵到d果仁~~~~咁我就可以一路睇戲一路咬果仁~唔該哂~~睇完MIB3...我開左套Horrible Bosses 2...睇左少少有d悶~再開番套007既Skyfall黎睇~




日落了~好靚~~~~~~~估唔到接近5小時既機程可以咁快完!!!!!!晚上21:45就安抵聖地牙哥機場!!!!!點解過得咁快既?!?!?!?!!?!?!?!?!!?唯一不滿係.....原來坐商務d行李都無得優先出輸送帶~(我見其他航空公司有~頭等同商務都會優先出的~)....就係搭完呢程機~坐完商務完全不能自拔...所以我決心先番黎開始儲asia miles~~~~希望有朝一日~完成我既願望~~~~~~~~~~(依家係狂儲miles~覺得前幾年去咁多次旅行都無儲好浪費呢嗚嗚.....)







今晚番到聖地牙哥唔出市區喇~因為我地聽日又飛喇~揀左Holiday Inn Santiago-Airport Terminal...check in時鼠竊狗偷咁~因為我地訂左間兩人房咋~但諗住4個人一齊住~$141=1097hkd.........每人才274.2hkd~~~其實都幾大~一張床可以訓到兩個人~~而且呢間酒店連住機場~可以直接行到過去~方便~大比訂酒店真係叻叻豬~呢間個房型同之前住既Hilton Garden Inn都相似~但Hilton Garden Inn新d~









2016/09/26的開心事:
毛寶來探我~



報時:距離"七公子"帥帥出使東京之旅2016仲有---4日~
報時:距離冰島環島自駕遊之旅2016仲有---40日~~~~~~
報時:距離合家歡台北聖誕之旅2016仲有---94日~
乖啦~番埋今個禮拜工就可以去玩架喇~
因為我地住民宿....分開兩個單位..但相連不相通的
咁實係一邊3個一邊4個啦~
一間係叮噹房同埋一間吉蒂房~
兩邊各有3個候選人講左住咩房架喇~
淨番一個唔知揀邊間好~
於是兩間房既候選人呢幾日不停出招想招攬呢位房客入住~~
好似就黎選舉時d派餅搞蛇宴咁~
好熱鬧~~~wakakakaa~
我成個心已經去左旅行~

38 則留言:

  1. 好野,你又飛喇,旅途愉快,肯定你返到黎日本篇又會打占^^
    個鑊仔太陽蛋正呀!我想問阿卑娜嘅屁聲係点架,同人—樣?
    正呀,呢個商務好丫,如價錢OK一定坐,試吓,話晒機程唔短!叻叻豬,屈蛇成功,房又大,堅叻!

    回覆刪除
    回覆
    1. 呵呵~~好緊張呀~~拿拿拿~~我無咁講呀~~~~
      唉呀~好味~~~~~~我好喜歡蛋料理~
      其實都算ok啦~我接受到~而且同經濟位一樣錢真係唔使諗~

      刪除
  2. 淨返邊個未揀????😂

    回覆刪除
  3. 嘩﹗好開心呀,重有4日就飛啦,咁實係一邊3個一邊4個啦~
    一間係叮噹房同埋一間吉蒂房~比我一定簡吉蒂房﹗

    回覆刪除
    回覆
    1. 好緊張呀~~同公子一齊飛~~~~可能係一邊一個一邊六個呢~~
      wakaka~其實係床單咋~~~~~~

      刪除
  4. 💗開心話咁快又一天💙╠╣aΡpy星期二啦💞
    好友★。゚☾乖乖瞓覺嚟☁*¨*☆甜夢安睡喇喂♦・゚✬

    回覆刪除
  5. 吃早餐我都同你差不多,將所以都夾在個麵包內,既好食又唔會咁齋!

    回覆刪除
  6. 毛寶生日快樂!
    我上次回澳門都特別去搵我童年嘅住處,可惜影都冇,好像係起左大樓,好失望。

    回覆刪除
    回覆
    1. 代佢多謝你先~
      下~~~~~原來你係澳門人黎架~~~好有親切感呢~~~~

      刪除
    2. 我從出生到幼稚園都係係澳門㗎,開心嘅童年<3

      刪除
  7. 哇, 好似好得意咁呀間房,
    我覺得你同毛寶,凱公子都係叮噹房,
    貞同杯同麥公子係HELLO KITTY房
    揀唔到果個係朗公子
    唔知我估得岩唔岩呢~? HAHA

    回覆刪除
    回覆
    1. 床單咋傻妹~
      其實都估得中中地架喇~~~

      刪除
  8. Happy birthday~~~!!
    係咪上咗癮,以後要多啲坐businese^0^

    回覆刪除
    回覆
    1. 多謝~
      我都想呀但係我無錢..........................................

      刪除
  9. 同您慶祝生日?一個月一次,一年安排十一次預演,最後才真來的,哈哈哈
    最唔捨得個早餐~~~~

    回覆刪除
    回覆
    1. wakakaka~慶祝住先啦~
      個早餐真係好正~€~

      刪除
  10. 過早都預祝定你生日快樂先啦小T,也跟毛寶講聲,哈哈~
    你早餐食到飽一飽嘅重點同我一模一樣,呵呵~
    商務位咁平,抵啦!

    回覆刪除
    回覆
    1. 野~~~好衰架~~~多謝~~~~~~~
      係囉可~好彩有你明白我咋~
      係呀!!!!總算試過了~

      刪除
    2. 大家差不多嘅旅遊方式,絕對明白,尤其是D物價昂貴地方,我一定咁做,仲有時打包添!

      刪除
  11. 我覺得樽橄欖油加黑醋令到個餐grand 咗呀(錯重點)。

    回覆刪除
  12. 商務真係好正呀~~仲見到飛機餐既鹽和胡椒好得意....細細粒
    又有芝士食添~~~正啦

    回覆刪除
  13. 坐商務乜梳乎咁多?價錢仲要1樣,你哋真係叻叻
    兩個單位相連又相通嘅話好玩咯....

    回覆刪除
    回覆
    1. 真係好開心~呢個旅程叫做嘆左一次咁大把~
      係囉...最衰唔通~

      刪除
  14. 早餐日日咁豐富、原來妳咁樣食法、仲要食兩個包添......唔話妳大食都唔得啦.....哈哈哈
    嘩~~~~坐商務客位D野食真係唔錯喎.......妳食極都唔飽架
    又再:祝妳旅遊愉快.食得暢快.買得爽快......平安回來

    回覆刪除
    回覆
    1. 無!!唔大食!!!無大食呢d事出現~~~
      係呀....真係.....窮人見識過不想再坐經濟倉了
      多謝多謝~~~~~

      刪除
  15. 回覆
    1. 嘿, 其實我係比份Santiago Colorful早餐吸咗入黎~

      刪除
  16. D雲實在太靚喇!波士第2集的確係差過第一集好多!

    回覆刪除