2016年9月22日 星期四

南美洲4國新奇探險之旅2016-02-29第十七天(晴天)

真係好鐘意9月....~~因為終於感受到有少少清閒~~少少咋~~星期一晚10點半農夫做哥個節目..笑到我呀~~~~~~~痴線架~~~尤其係佢畫結他哥度~應該得80後既人先明~~~笑到成屋都震~~~星期三又係無咩野發生~~最開心就係無野發生~~咁又過一日~~~~~今日星期四...難得的準時放工~感恩~



2016-02-29
Day 17(智利,復活島 Chile,Easter Island)

早早早~~~晨~呢日又係一早醒左~俾阿啤娜係我隔離放左個屁嘈醒~waakakka~呢日係最後一日全日可以係復活島玩喇~聽日要走....(其實要走我地有少少興奮...點解?下一篇你咪知囉~)........今日做咩好呢~~~~好喇~換好衫行去食早餐~華~今日d雲好得意呀!!!一粒粒咁~




我地住哥間屋仔~




華~~~今日幾豐富喎~又有薄餅皮~又有包又有雞蛋~~~佢地整d蛋料理真係唔錯~~~




今日果汁係第一日既菠蘿汁加薑~~~~~~~好味~




唔客氣喇~




坐係度食早餐我地就決定左呢日既行程喇~~~我地要再次挑戰噚日個洞穴!!!搵到為止!!!!!!!!!!!!!好~咁我地出發前~去郵局寄左d寫好左既postcard先~~~...有無人會估到....最後寄左成4個月先到澳門.....................當我地以為佢地全部寄失既時候...佢就出現係我地眼前~~~所以如果係復活島寄postcard真係要有心理準備....其實直到目前為止..我仲有3個朋友收唔到..............我諗已經...........




前幾日....呢度就係有個盒仔.......放左個紀錄印係度俾人吸係護照....依家...人去樓空~得番個印張貼紙貼係度咋~




毛寶小姐好唔開心~我見到有個外國遊客攞住本護照好似岩岩搵個職員吸完印咁....我膽粗粗問多次職員..佢都話無...然後我問佢咁頭先哥個人吸左個咩印落護照?個職員叮一聲:you mean this one?........原來係復活島個郵戳~~~~好啦~唔理喇~~~都照吸啦~~~收住貨先啦毛寶~~~~~~(我都吸左個~).......如果你係復活島寄postcard都會收到呢個印~~~~至於之後...會唔會再有一個新既紀念印章........我唔知~我諗要靠之後去既人話我知喇~




好喇~出發~~~去噚日哥個洞穴挑戰~~~




為左挑戰....袋都無帶...淨攞個小小證件袋~但要攞支水出發~實在太熱~幾靚仔呀~有Moai架~




好!!再度挑戰!!!我地特登一食完早餐就出發~~~我諗呢個時候係10點幾.....就係貪佢...應該唔係好熱je咁早~望落好似幾宜人~不過如果有車入到會更好~




睇下我地一出發時幾有光彩~~~~~~~毛寶同阿sam個眼鏡仲要學人有bling bling~~~勁得戚~~~~~~~~好!!一鼓作氣!!出發!!!




越行太陽越猛.....越行氣溫越熱......其實唔知係咪咁行........完全無路牌......面對住前面好似咩都無既路.....真係好迷惑.......其實唔知我地行唔行得岩呢~~~~~而且路不算好行....好多碎石.............






行左一個鐘...仲係咁......




終於見到有牌喇~~~~應該無行錯喇卦~~




終於見到海!!!!岩喇岩喇!!聽同事講見到海就差唔多喇~~~條路又多碎石咁又上又落又落又上~~~我好攰喇野~~~~行到黎呢度仍然一個人都無~(留意我的白滑美腿~)





行到海邊喇yeah~yeah~




應該差唔多到喇....所以要離開大路....行入小路搵下個洞穴係邊喇~~~~~~~其實行過有好多牛屎......仲有一隻超大隻死左既牛.....好恐怖....我地估佢係熱死左.............我諗起我地....兩個人分享一支水....................我地既下場會唔會.....




然後不停咁左搵右搵....係咪呢個呀!!!之後又會失望咁講:唔係呀..............





終於!!!!!!我地見到!!!!哥個洞穴個名刻左係木牌上面喇!!!!!!!!超感動!!!!!!!!!!!!!!!!!!!不過佢刻到咁.....真係要企係前面先睇到囉......其實佢個名叫Ana Kakenga~




不過行到入哥個範圍都仲要搵!!好痛苦!!!!!!!搵搵下望向海邊遠處無啦啦有群馬圍住一隻訓左係度既馬....唔知隻馬咩事呢???後尾佢見我地望住佢.....全部馬一齊望過黎...我地有少少驚...驚佢以為我地想對佢不懷好意~




是你嗎???????求下你係啦!!!!!!!!!




個洞口幾細...要屈低身入去!!!!你果然係勇者無敵!!






到底呢個洞係咪我地想搵既哥個洞?到底呢個洞有咩望??我剪輯左我地頭先哥段路既辛酸史同入洞經過~~~~~~~~睇下啦~睇下我啦~





成功喇!!!!!!!!!!!!!!!!當入到黑漆漆既洞入面.....行左一段路....見到前面有光...我知我們找對了!!!!!毛寶的背影配合光線好似哥倫布發現新大陸一樣~成張相好有希望~用左一小時四十五分...我地終於到達!!




你好~~我們找到了~~~~個洞穴係通向海看的!!!!!好靚呀!!!!!!




呢個Ana Kakenga洞穴有兩個洞口通向海的~右邊呢個就比較細的~~~不過真係要小心d行!!因為有碎石....如果唔係一個唔該就擦出洞口~~~





左邊個洞口就大d既~唔知以前係度住既人....會唔會日日望住呢個海發呆?根本望出去就係一幅畫.....幅畫仲要每日都唔同......個海仲要有兩種顏色~我同毛寶講:如果有朝一日我好失意...我唔排除會再去復活島...再去呢個洞穴......毛寶:然後呢?......我:坐係度發好耐呆......毛寶:好心你啦....咁失意就去d先進d既地方啦........(有wifi架喎~咁唔夠先進~)






望住出面d浪....我都望到入哂神...............





好喇~要說再見喇~有緣再會~





真係要小心d行.....個洞個頂時高時矮....我都撞左一下個頭....(經過呢件事之後史奴t就不定期出現了~)




華!!乜落黎洞穴條路咁難既咩?點解我會落到黎架?上番去之後先見到有人!!!!!然後我順手話左俾佢地知個洞口係度等佢地搵得無咁辛苦!!




係呢...點解近哥舊大石d海水色差差咁遠既?





由於毛寶之前隻手曬傷左(加上揸左d唔岩用既防曬....隻手起哂粒粒)....回程時佢為左隻手唔好再曬到繼而痕....佢選擇左咁樣保護佢地................................wakakakakaka~~~~咁都俾你諗到~~~~我企佢後面我笑足咁耐~~~~~有時要特登行佢前面見唔到佢先得~




長路漫漫是如何走過???回程路我地係原路折返...因為架車泊左係哥邊入口.......救命呀好熱呀....




行到一半左右.....有隻狗仔加入我地一齊行.....之後我地停低係樹蔭抖下涼飲下水...佢又停低......見佢條脷伸到超出係呀下下下咁抖氣.....知佢同我地一樣熱...毛寶乖乖餵狗狗飲水水~互相幫忙嘛~餵完佢飲水我地就再出發~佢一直都跟住我地~好似保護我地咁~佢行得快過我地又會停低望番轉頭等我地...暖心~<3




去程1小時45分...回程1小時30分.......總共3小時15分....超恐怖....我地天團又一齊過左一次考驗!!!!!!!!呢段路係呢個南美旅程黎講係最最最最辛苦架!!!!!!!!諗番起都覺得自己犀利!!!!唔好成日以為我地唔捱得呀行少少路都呻....睇下我地行完個失敗樣先!!!!你睇我熱到塊面紅到!!!!你睇下毛寶黑到~!!!!!!!!!全班人無哂力.....




出發時的得戚vs回程時的落魄...............................毛寶你黑得黎好似好耐無沖涼咁..........成班人都超臭汗味~~~




番到民宿....我望住自己對腳....下!!!!!短短3個幾鐘我對腳就曬到變成咁黑呀?!?!?!?!?!?我個心好痛呀!!!




拉開對襪...有無黑到咁誇張呀?!??!我要為我對美腿查幾多美白先白得番呀?!?!?!?!以後著短褲咪好怪囉???後尾望望下...黑得咁假既?卒下...咦?會甩色既?????????頂~~~~~原來係頭先一路行不停咁補左3..4次防曬.......然後d太陽油又lup痴痴....lup痴痴就點呀??????狂痴d灰塵囉!!!!!!!!




除哂襪~~~~~~頂~~~~好似著左對leggings咁~~~~~~~~~~




我幾偉大~~讓毛寶沖涼先~~~(實情係我唔捨得沖涼住~~好想為我對美腿影番d寫真).....然後我自己一路影一路笑~~~笑到標眼水~~~~~真係好靚~~~~~真係真係好靚~~~~~~~~大比都有一對leggings~~~~~~waakakakaka~







睇下呢隻可憐豬幾可憐...手臂生哂粒粒...睇見都痕...人在外地都係唔好亂用野為妙!




其實我對鞋都遭殃~~~~




沖完涼順便洗埋鞋~爬山鞋的好處~




將兩鞋拼在一起會睇得清楚d到底有幾污糟~~~~~~




大家休息過後.....沖好涼(有無人留意到我地呢日無食中午飯?好彩早餐食得夠飽~)..我地又再出發~食係復活島最後一餐晚餐~由於想試哥間餐廳未開~所以我地就去海邊食下雪糕先~$2,800CLP=31.7hkd...兩球雪糕~意想不到薄荷朱古力味咁好味~我以前淨係覺得dreyer's既薄荷朱古力碎先係最好味的~






等到餐廳6點鐘開門~就衝入去食~





先上麵包~這家配麵包的醬有點像茄汁~幾開胃~




石榴果汁....$2,500CLP=28.3hkd....好難飲~勁淡~




Shrimp Salad...$8,000CLP=90.5hkd~不錯~蝦好新鮮~




Mix Ceviche....$13,000CLP=147hkd.....其實呢個本身已經係酸架喇...我無試味又再整d檸汁落去~勁酸~下次我應該先試味呢~




Lobster and Seafood Casserole....$8,500CLP=96.1hkd....見到龍蝦隻字又衝過去叫.....諗住終於試到復活島龍蝦...點知空歡喜~原來得兩粒龍蝦肉仔係入面~不過呢個幾好味~好岩撈飯食~




Local Fish with a Side Dish....$9,500CLP=107.4hkd.....又幾唔錯喎!!!!好似我阿媽以前成日煎哥d魚既味~~~~薯條也好吃~~~~~仲有3隻醬點~~~~~我地食呢餐飯d牛屎烏蠅真係多到你驚.......10幾隻.......我地同番angela講..佢話佢冬天黎哥時無架喎.........如果你地夏天黎復活島...自己明啦~


食飽先7點幾~番去執行李喇~~聽日走~不過無唔捨得仲有d興奮~點解~下一篇開估了~







我想講...
我無啦啦發現...
原來.....我今日仲未拆利是................................
原來.....新年已經過左7個月.....................................
好想請個人幫我拆利是....(懶得像蛋黃哥一樣)



2016/09/22的開心事:
呢個blog過左一百萬瀏覽量喇!!!
呢個blog過左一百萬瀏覽量喇!!!
呢個blog過左一百萬瀏覽量喇!!!
好開心~~~~~~多謝大家成日黎睇我~~~~~



報時:距離"七公子"帥帥出使東京之旅2016仲有---8日~
報時:距離冰島環島自駕遊之旅2016仲有---44日~~~~~~
報時:距離合家歡台北聖誕之旅2016仲有---98日~
仲有8日咋!!!!!!!求求你!!!!唔好打風呀!!!!!

48 則留言:

  1. Hi 小T~ 睇到著legging個度我笑到我流眼淚。哈哈哈。

    回覆刪除
  2. 笑屎人啦, 你對legging超正!

    回覆刪除
  3. Legging好好笑呀真係~~~你仲要自己影自己笑~HAHA
    張POSTCARD真係好驚喜, 4個月之後終於收到 ^^

    回覆刪除
    回覆
    1. 真係好肉酸酸~~~~
      其實到依家仲有幾個朋友收唔到...真慘~

      刪除
  4. 天氣涼返少少真係正好多
    我都有睇農夫,教鬼仔打牌真係好好笑,瞓咗落床諗返仲笑緊XXXD
    你地真係好有毅力,來回成3個幾鐘,但個洞又真係幾值得去,因為個景好靚呀
    咁依家對腳白返晒未?黑到好得人驚wakakakaka......
    一百萬@@勁到爆呀!!!!

    回覆刪除
    回覆
    1. 復活島Postcard好靚呀

      刪除
    2. 希望涼多多~我好怕熱~
      我都有睇~~~佢地兩個真係好好笑~~~
      其實哥程真係好辛苦~估唔到自己捱到~
      好番d啦~但無去旅行前咁白...嗚嗚..
      多謝你地黎睇我啦~

      刪除
    3. 係呀~靚過玻利維亞哥d好多~

      刪除
  5. 恭喜小T有一百萬瀏覽量,再繼續加油,我比你哋笑C我啦,我笑到流晒眼淚,著左對leggings﹗

    回覆刪除
    回覆
    1. 多謝你地黎睇我~~~
      獻醜了~俾大家睇我對肥腿~

      刪除
  6. 嘩...曬乾D皮膚還黑到燒傷了

    回覆刪除
  7. 好友★。゚☾我回家你以乖乖瞓覺嚟
    ☁*¨*☆晚安♦・゚✬╠╣aΡpy星期五

    回覆刪除
    回覆
    1. 好友☁*`♦早晨&午安好☀・゚☼
      開心萬事得。゚藍天與白雲的一天

      刪除
    2. 哈哈~係喎~哥個時間真係訓左~

      刪除
    3. 希望呢個星期順利咁過~

      刪除
  8. 當我一看你對黑腿時, 我就已經知道果D係灰塵來. 不過, 即係你地個肺也吸了很多灰塵, 這個不太好, 這些是火山灰來咖, 帶強酸性, 好在你們住那裡幾天.

    個洞要人咁樣搵, 主要係因為令人有些樂趣, 只是太熱了....

    回覆刪除
    回覆
    1. 好搞笑~見到對腳咁~
      住幾日就應該無咩所謂既~
      係呀...如果唔熱我都ok~不過搵到哥時真係幾開心~

      刪除
  9. 好奇一問, 你腳上有條大青筋, 你是否時時腳冷, 腳痺? 又或有抽筋?

    回覆刪除
  10. 秋天都啦,不過這裡一樣係熱,只希望唔係咁熱,哈哈哈哈

    回覆刪除
    回覆
    1. 新加坡真係好熱~我舊年4月黎勁熱~

      刪除
  11. 阿啤娜的鬧鐘又環保又有功效,哈哈哈
    好野,找到個山洞,還咗個心願囉!
    四位好似要送去急診室喎~~~~

    回覆刪除
    回覆
    1. 唔好唔記得仲有d雞呀~~~~
      好彩搵到咋~~wakakka~
      熱到傻左~

      刪除
  12. 支水有無帶返香港呀?我都有其他地方嘅水。
    探險呀!好正~ 行左個幾鐘都不見天日?
    仲有馬放屁都比你聽到,哈哈~

    回覆刪除
    回覆
    1. 我無呀~~~飲哂~~~~~
      唔係~個洞行入去就行到好快見到出口~係外面行得多~
      勁大聲~好難聽唔到~~~

      刪除
  13. 1000000!!!!!!!可以一齊慶祝嗎????????>v<

    回覆刪除
  14. 嘩!!!一佰萬呀.....如果係現金一佰萬現金就發達啦......恭喜、恭喜
    有雪糕食....簡直係消暑極品呀
    妳部相機影得幾清楚....連腳x都見到........哈哈哈
    祝妳旅遊愉快、一路順風、食得暢快、買得爽快......平安回來

    回覆刪除
    回覆
    1. 我都係咁話~~~你同我講d野咁似既~
      哈哈~~當時真係要食雪糕先解到熱~
      有腳x是正常的~剃得多毛孔會好粗對腳好鞋架~~~
      邊有咁快出發呀~~仲有成個禮拜工要番呀~~~~

      刪除
  15. 好友☁*`♦早晨&午安好☀・゚☼╠╣aΡpy藍天與白雲的週末⛅

    回覆刪除
    回覆
    1. 好友★。゚☾我回家你以乖乖瞓覺嚟
      ☁*¨*☆晚安♦・゚✬╠╣aΡpy週曰喇喂

      刪除
  16. Wahahaha 估唔到你會擔庶,明嘅,雖然好婆仔,但好过晒噥,出發前,完成後果兩張相笑死禾^^
    只係幾個鈡就搞咗对legging 出黎
    果個藍色真係令人着迷!

    回覆刪除
    回覆
    1. 下!!我成日都擔架!!!番工出太陽實擔!!!哈哈~~特登整架~~
      對legging真係一絕...我本人極為欣賞~
      仲有個藍藍的海~

      刪除
  17. 其實行入窿時驚唔驚,我見驚有蛇虫鼠蟻,但不入虎穴又睇唔到靚景!
    究竟佢地点樣處理信件架!!
    今日我都行山呀,來回都行咗四五個鐘,同你一樣,行得值!

    回覆刪除
    回覆
    1. 咁又無蛇虫鼠蟻既..不過落去時我有少少驚..因為洞口好細~~~
      真係唔知.......係一個迷.....可以幾個月d信先出去智利掛~~~
      我有睇啦~你去左日本嘛~~正正~~

      刪除
  18. 瀏覽量過百萬,好嘢自然多人欣賞。

    回覆刪除
  19. 美腿,好似啲馬騮腳......

    回覆刪除
    回覆
    1. 經你一講...我覺得勁似.................

      刪除
  20. 農夫係幾搞笑, 不過未好睇到集集追, 可能因為我唔係80後啦 ;)
    個早餐真係日日精彩噃
    對腳好笑得嚟好驚嚇!
    嘩, 過百萬好利害呀, 恭喜恭喜!!!!!!

    回覆刪除
    回覆
    1. 中間哥d一般般啦~星期一同星期五最好笑~~唔關事既~~*3*
      無錯~好好味~
      不知幾靚~~~
      多謝大家成日黎睇我~

      刪除
  21. 對legging腳真係好好笑, 不過曬到咁又真係好誇. 個海無啦啦一邊淺藍色真係好靚.

    回覆刪除
    回覆
    1. 係咪覺得我有一條美腿呢~~~~~
      藍色真的很吸睛~

      刪除