2016年9月1日 星期四

南美洲4國新奇探險之旅2016-02-26第十四天Part 1(晴天)

今日明明開學日...但點解仲係咁多野做?????證明我前幾日諗既野係錯的..................今日仲要頭痛.....輸....星期二仍然多野做~~~我諗要等小朋友開左學先會好d~夜晚放工衝左去睇屍殺列車...睇完好攰同埋心痛~~(因為好緊張)...真係人性大考驗.......呢套都幾好睇~~雖然我真係好驚喪屍...但之前Brad Pitt哥套World War Z仲刺激~~我哥時仲低能到入場前以為係戰爭片...點知...又叫到全戲院最大聲啦~~好似話拍緊續集..如果係真....我想睇(第一次會想睇喪屍片)....星期三本身都多多地野做~但係無啦啦落左一場雨~好似嚇親d人唔敢黎~~~~~



2016-02-26
Day 14---Part 1(智利,復活島 Chile,Easter Island)

早晨呀~~~晨早就見到阿啤娜真係好開心~~~(雖然你今朝係我隔離放左篤超長既尿尿~)..早上有少少涼~





早餐已經幫我地set好位~~~~~~




好豐富呢~~~~~~




果汁係新鮮既菠蘿薑汁!!!!好好味!!!!超清新!!!!!!原來菠蘿加薑係咁好飲~~~~~




好開心呀~我唔客氣喇~d牛油果好好味~有用野撈過~但我唔知係咩~~~有蛋皮~(呀~唔怪得有咁多雞啼啦今朝~唔係邊有早餐過你食呀~~)加藍莓果醬好好味~~




你睇下~好似係動物園食早餐咁~~~~"阿啤娜"就係不遠處~~




食食下又發現.....咦~~又有另外一隻貓貓喇~~~我地問Maria貓貓叫咩名...佢扁扁咀說...其實佢地無名~(但反而隻馬有名~~偏心~~)......hi~你好呀貓貓~






今日食完早餐第一件要做既事就係:去租車~我地一早上網約左Oceanic係民宿度接我地去公司度攞車~good~準時~




我地一共租5日車....總共$320,000CLP=3619.2hkd...即每人904.8hkd.....每人每日才181hkd...4個人租車真係好抵~話哂復活島話大唔大..話細又唔細....如果唔join tour既話就真係租架車啦~不過呢度d車勁殘!!!睇下..連車牌都無!!!內籠仲超污糟!!!第一次租車會租到咁污糟既車~~~~




另外有呢d可以租~不過唔平....如果我地4個人一人一架...一定貴過租架私家車.....但如果得1-2個人..呢個又似乎係不錯既選擇~另外仲有單車租~




好喇~今日都無咩過大搞作既~要行屬下民宿同附近既路先~~(因為架車係無gps的~~真係要睇地圖行~)....第一站就去左一個賣紀念品既集中地~~




好喇~~可以睇下有咩買喇~~~~都有好多檔既~~




檔檔都係賣Moai架喇~~但真係檔檔既Moai都有d唔同架喎~~~~~質料都有d唔同~有d有眼珠有d無~有d有帽又有d無~毛寶同大比都有買Moai呀~睇眼緣既je~~我就無買...其實我都想要..但我好驚之後哥程機會行李超重......所以忍痛無買~(毛寶有咪即係我有~可~)






係哥度血買得好開心~因為有d都幾平~隨後又去後面街轉戰一間間地舖紀念品店~~有一間特別出色既~~終於見到傅說中的Moai朱古力!!!!!!!




真係真係好靚仔!!!!!!!仲學人有禮盒裝~~不過我一早講左唔會買...因為我驚佢攞到番澳門會爛會溶!!話哂唔係旅程最後一站....差少少既!(事實上真係有團友買左諗住番去做手信....點知我地去哥時係復活島既夏天...真係實在太熱!!!真係溶....而且佢地食過......話好似難食好似細個大陸買哥d朱古力!!!)






Moai仔既肥皂~~$1,500CLP=17hkd...係無用架...但我真係忍唔住買左~




呢d羊毛工藝品好靚丫!!!!不過我記得唔平~





復活島出產既黑仔油~~~毛寶買左黎用~~~~但係用到皮膚敏感~~~好可憐...因為我見佢成隻手都出哂粒粒!!!真係唔好亂買野揸~~




呢間地舖紀念品真係幾出色~我都有出血~~袋同帽都好出色~~~




隻湯匙我係唔知點解我會買左~~~但我真係好鐘意~~~用黎係屋企食甜品囉~~最右邊個pin我又係買黎俾神秘團友~




再行過少少~~有超級市場呀~~~入去睇睇先~~~~





細細間既~但都算幾多野買~我見有凍肉買的~




呢度超市係賣玻璃樽扭蓋可口可樂架~




咁我地買左少少野食啦~怕出去玩哥時會無野食~d野貴唔貴呀......唔................呢度總共買左$18,970CLP=214.6hkd...包果汁下面仲有盒蛋...貴唔貴自己衡量~




買完野擺番上車....好肚餓~要去搵野咬咬喇~~~飲食上又思鄉~發現有壽司食!!!!!yeah~~~~~(有飯咬下都好開心~)




成個餐牌都係西班牙文既~唔知寫咩唯有亂叫~叫左杯士多啤梨汁飲飲~無記低幾錢~一般般啦~飲得出係少少士多啤梨+水+糖啦~邊度搵咁多士多啤梨榨俾你丫~~~




我地叫左個2人餐睇下咩料先...$12,000CLP=135.7hkd.....有炸餃子同埋炸蝦既~都唔錯~餃子個汁幾好味~




套餐仲有呢堆壽司~講真...以呢個價黎講...其實算係咁喇~其實唔夠飽架~不過唔再叫喇~佢搞好耐~




於是再揸架車去睇下周圍有咩食添~~~~~黎到呢間見到佢有Empanada食~~~咪去試下囉~~(因為angela話復活島d Empanada好好味~)




我地叫左個野食之後.....等.....一等就係大半個鐘................真係等到我地4個訓著左...(毛寶係真係訓左)........我地係第二枱叫野食既..第一枱都等左超耐先有....先知佢係即叫即整!!!!!我同毛寶兩份食叫既Seafood and Cheese Empanada.....$3,000=33.9hkd....有誠意得離哂譜!!!麵盤咁大個~~~~




一咬....好彩有等咋!!!即整既外皮咬落就知係正野!!!鬆鬆脆脆~~~好香口~~~~~內裏既海鮮餡亦超多!!!!!!!好好味!!!!!!!我同毛寶係搶食中食哂成個!!!!!!(其實可以一人食一個..但唔會再叫...我驚要等多一個鐘~~)..真係真係好好味~~阿Sam同大比另外叫既牛肉芝士餡佢地都話好好味~








2016/09/01的開心事:
唔記得講添~星期六七公子會再黎香港~
因為其中五位去睇城城演唱會~
兩位去陪行街~
期待~



報時:距離"七公子"帥帥出使東京之旅2016仲有---29日~
報時:距離冰島環島自駕遊之旅2016仲有---65日~~~~~~
報時:距離合家歡台北聖誕之旅2016仲有---119日~
下~~~~我下一個旅行終於不到一個月喇~~~~~~~
我好開心呀~~~~~~~仲要係同公子一齊出發~~~~~~~

44 則留言:

  1. 早餐餐具用紅色好醒神,配襯上食物及個景,正呀,菠蘿加薑想起我都想飲,七公子去東京幾多日?

    回覆刪除
    回覆
    1. 係呀~~d野都幾好食~~~
      真係好好飲~可以一試~~~
      去4日咋~

      刪除
  2. 回覆
    1. 唔知會唔會有粉絲想見tea blogger同七公子呢?>v<

      刪除
    2. 七公子每次出巡都食得好開心~

      刪除
    3. 華..你咁問...無咪好瘀囉

      刪除
    4. 你唔係想見七公子..你想見六公子je

      刪除
  3. 曱甴我唔怕,但怕毛虫,尤其係個身長長的腳多多的!諗起都震!
    少咗d活潑嘅小朋友應該勞氣少d喎!
    早餐簡單,但餐具好sharp 夠醒神加埋個景,無得輸!!隻猫樣咁高傲,都係like 好似孖八儍儍樣的貓!

    回覆刪除
    回覆
    1. 無GPS,夠晒挑戰呀!吓,果边d人咁懶唔執干淨架車先租俾人架。
      另—款車,係咪叫ATV呢,我諗揸一日會累死!!

      刪除
    2. 我係咩昆蟲都驚~我諗除左甲蟲好少少我無咁驚~
      無錯~~~~~慳番好多氣~
      我覺得咁樣食早餐好舒服~
      唉呀~孖八真係氹得人開心喇~

      刪除
    3. 唔會架~佢入面超多樹枝呀塵呀..之類之類
      哈哈~~仲有會曬燶囉~我之前係埃及同澳洲都有試過玩~

      刪除
  4. 又到╠╣aΡpy星期五嚟☁。゚♦
    超快到星期六,你地又過黎香港行下吃下
    好友★*¨*☾晚晚甜夢安唾☆・゚✬

    回覆刪除
    回覆
    1. 好友♦・゚☼早晨&午安☁*`☀
      💞大家💖*¨💜星期一╠╣aΡpy💘。゚💕
      ❥*¨*❣天天❤°¨ღ開心萬事得♥。゚♡🐈

      刪除
    2. 星期五真係最開心的~~~~

      刪除
    3. 一過左星期一又覺得離周末不遠矣~

      刪除
  5. 果幅早餐外有馬仔的相, 超靚呀. 民宿主講唔出貓貓的名, 即是係D貓不請自來, 是外邊走來的.

    那陪車叫 ALL TERRAIN VEHICLE, 我好怕坐佢入森林, 很多人一反車, 就會被壓斷頸骨而死, 不過, 行在一般的馬路和平坦小徑, 不會容易反車, 是好好的交通工具.

    回覆刪除
    回覆
    1. 可能啦~~~好可愛呀佢地~
      其實我都好驚~我之前係澳洲泥路同埋埃及沙漠都有玩過~

      刪除
  6. 還有, 部 ATV 是可以坐兩個人, 你們只要租部. 通常我去玩時, 係好小入去這些 FULL SERVICE RESTO 咖, 因為等得耐, 阻哂去玩去睇的時間, 我找間有餐飲坐位的超市, 入去買左自己叮熱佢....

    回覆刪除
    回覆
    1. 但如果坐atv去玩既話都攰~~因為都唔算好近d景點~
      但哥間個empanada真係好好食~

      刪除
  7. 又去香港咁好,影多啲相呀。

    回覆刪除
  8. 我都麻麻地喪屍片,但Brad Pitt果套好似電視有睇過下.....
    個早餐真係好有田園feel^^
    咁租果種一人越野車係咪唔駛車牌?
    石雕果種可能真係會重啲,買木刻果種會輕D丫嘛
    真係要適應一下佢地的生活節奏,好彩都好食等得有價值~~~~~

    回覆刪除
    回覆
    1. 我覺得哥套唔錯呀~我平時都唔睇喪屍既~
      係呀!!我覺得咁樣食早餐好舒服呀~~
      係復活島我真係唔知~之前澳洲同埃及揸過就唔使
      不過石雕似真哥d moai嘛~~
      係呀!!!好彩哥舊野好食~~

      刪除
  9. 我聽日都會去睇屍殺列車, 我都好緊張呀 !
    我鍾意冇眼珠既MOAI多D, 個湯匙同環保袋都好靚
    會好莫名奇妙咁好想買好多當地既紀念品 HAHA

    回覆刪除
    回覆
    1. 我見到你instagram講話好睇啦~~~
      我都係鐘意無眼既佢地多d!!!!!
      係呀~又浪費錢喇~

      刪除
  10. 哈哈哈,現在通街喪屍,還用入戲院嗎?
    個早餐很正,包括擺設效果。
    毛寶好大膽喎!
    七公子到,要 check check 有沒有颱風到先~~~~~~
    (BTW, 您如何可以 set 到文字不能被 copy 的?)

    回覆刪除
    回覆
    1. 哈哈~~幾鐘意你呢個比喻~~~
      係呀~好鐘意佢個早餐~
      係呀~多謝佢咋~
      無呀今次~~~wakakkaa~
      唔公開係度講~~~如果你想知你留你email俾我~費事俾衰人破解!!

      刪除
    2. 謝謝小 t,我的 email address 係 tellstory2011@gmail.com

      刪除
    3. 我send左方法俾你喇~~~~~
      係venus教我架~真係多謝佢呢~~~佢好叻叻~~

      刪除
    4. 謝謝小 t,我試試可否做到。
      Venus好叻,宇文公子又帥又叻。

      刪除
    5. 係呀~venus真係好叻的~

      刪除
  11. 好豐富既早餐~~~~
    過黎香港有冇去食肥姐呀?行街有冇收獲?

    回覆刪除
    回覆
    1. 好好味~日日都好期待個早餐~~~
      有呀今次有食肥姐呀!!!!!!好好好好好好食呀~~~~~~
      我買左支Q7~~~

      刪除
  12. 星期六七公子會再黎香港>> 哎喲!遲左知道添。

    回覆刪除
  13. 好在記得嚟望多眼咋,我又睇完唔記得留言 ;) 早餐好好feel
    其實睇復活島呢,有啲失望呀,市容唔係咁好,好似要捱世界咁,睇嚟要發展吓先去喇

    回覆刪除
    回覆
    1. wakakaka~你真係可愛~~~
      我覺得都還好...好過玻利維亞好多好多!!!!!!!!!!!!!!

      刪除
  14. 阿啤娜有人養果然肥肥白白,係復活島D野生馬皮黃骨瘦架⋯

    回覆刪除
    回覆
    1. 塊草地太多草食~~~超多屎痾呀佢~

      刪除
  15. 我都有睇屍殺列車呀, 好正呀
    呢餐唔錯喎, 同埋你地食早餐個VIEW真一流

    回覆刪除
    回覆
    1. 係呀係呀~~~超緊張~~~
      佢哥度d早餐係好食既~

      刪除